1, 2. (a) Guutip kif­far­tor­nitsin­nut isigin­nit­taasia pil­lugu Elifazi Bildadilu qanoq oqar­pat? (b) Jehova taman­na pil­lugu qanoq oqar­pa?

UKIOR­PAS­SUIT matuma sior­na angutit pingasut Guutip kif­faa aalajaatsoq Jobi oqaloqatigiar­tor­paat. Taak­kua ilaata Elifazip Temanimiup Jobi soqutiginar­tumik ima aperaa: “Inuk Guutimut iluaqutaasin­naava? ... Ajugaqan­ngitsup sus­saris­sagamiuk iluar­tuugaluaruit, sumut iluaqutigis­saner­paa as­suar­naatsumik inuuseqaruit?” (Job 22:1-3) Erseq­qip­poq Elifazi isum­mersimasoq Guutip inuit soqutigin­ngik­kai. Taas­suma ilagisaata aap­paa, Bildadi Shuamioq, oqar­por­taaq inuit naaper­tuil­luar­tutut Guutimit isigineqarsin­naan­ngitsut. – Jobi 25:4 atuaruk.

² Elifazip Bildadil­lu Jobi misigitin­niarsaraat Jehovamut kif­far­tor­niarluni iliuusii naleqan­ngitsut. Angutit taak­kua Jobi isumaqar­tik­kusup­paat uagut Guutip isaani qil­laalatul­li, quperlutul­li imaluun­niit qul­lugiatul­li suun­ngitsigisugut. (Job 4:19; 25:6) Maniguuk­kamik taamatut oqalup­pat? (Job 22:29) Ilumoor­poq Jehovamut naleq­qiul­luta mikisuararsuusugut. Qaq­qap qaaniil­luni tim­misar­tumiil­luun­niit silam­mut itsuarluni mikisuaq­qatut pingaaruteqan­ngitsutul­lu misiginar­tar­poq.  Kif­far­tor­niarlutali Guutil­lu naalagaaf­fia pil­lugu suliniarluta iliuuseqar­tar­ner­put pil­lugu Jehova taama misigisar­pa? Naagga. Jehovap Elifazi, Bildadi angutil­lu pingajuat Sofari naveer­pai sal­luliormata, Jobili nuan­naraa ‘kif­faminil­lu’ taal­lugu. (Job 42:7, 8) Taamaat­tumik qular­nan­ngilaq inuit naam­mal­luin­nan­ngitsut ‘Guutimut iluaqutaasin­naasut’.

3. Elihu Jehovamut kif­far­tor­niarluta iliuuserisar­tak­kavut pil­lugit qanoq oqar­pa, sunalu pivaa?

³ Angut inuusut­toq Elihumik atilik Jobip angutil­lu pingasut taak­kua oqaloqatigiin­neran­nik tusar­naar­poq. Oqaluk­kun­naarmata Elihup Jobi Jehova pil­lugu ima aperaa: ‘Iluas­suseqar­nik­kut sumik tunis­sagaluar­piuk? Suna ilin­nit pis­sarsiarisin­naagamiuk?’ (Job 35:7) Elihu Guutimut kif­far­tor­niarluta iliuutsitsin­nik naleqan­ngin­neraava? Naagga. Jehovap angutinik al­lanik naq­qiisimanermisut Elihu naq­qin­ngilaa taas­suma oqaatiginiagaa al­laam­mat. Oqaatiginiagaa tas­saavoq Jehovap uagutsin­nit pal­lorfigineqar­nis­sani pisariaqar­tin­ngik­kaa. Jehova sunil­luun­niit pisariaqar­titaqan­ngilaq. Taas­suma pisuujunerulis­sutigisaanik nukit­tunerulis­sutigisaanil­luun­niit iliuuseqarsin­naan­ngilagut. Pisin­naasavum­mi pigin­naasavul­lu ajun­ngitsut tamarmik Guutimeersuup­put, taas­sumalu maluginiar­tar­paa taak­ku qanoq ator­nerivut.

4. Jehovap inoqatitsin­nut inus­siar­nisaar­tar­ner­put qanoq isigaa?

⁴ Jehovap uagut kif­faanut al­lanut ilumoorfigin­nil­luta asan­nit­tulior­tar­ner­put im­minul­lusooq iliuuserineqar­tutut isigisar­paa. Ussatit 19:17-imi ima al­las­simavoq: “Piitsumik ikiuisoq Naalak­kamut taarsigas­sarsisitsisuuvoq, Naalak­kal­lu taarsiif­figis­savaa ajun­ngitsulior­nerata taamaaqataanik.” Jehovap al­lanik nal­lit­tuinivut tamaasa maluginiar­tar­pai. Jehova nunarsuarmik avataarsuanil­lu pin­ngor­titsisuugaluarluni iliuutsit tamak­ku im­minut atuk­kius­siner­tul­lusooq isigisar­pai, taak­kulu pil­lugit nuan­nersunik akis­sarsisitsinis­saminut piumas­suseqangaar­poq. Guutip er­nerata, Jiisusip, taman­na up­per­narsar­paa. – Lukasi 14:13, 14 atuakkit.

5. Apeq­qutit suut maan­na sam­mis­savavut?

⁵ Itsarsuaq Jehovap pruf­fiiti Esaja qin­nuigaa sin­nerluni sas­saq­qul­lugu im­mik­kul­lu it­tumik kif­far­toq­qul­lugu. (Es 6:8-10) Esaja kajumil­luni akuersivoq ima oqarluni: “Piareersimavunga, aal­lar­tin­nga!” Ul­lumik­kut­taaq Jehovap ilumoorfigin­nit­tor­pas­suit im­minut kif­far­tor­nis­samut periarfis­saqar­tip­pai. Jehovamut kif­far­tor­tut tuusintil­lit Esajatut isigin­nit­taaseqar­nermin­nik ersersitsip­put. Sumiif­fin­ni as­sigiin­ngitsor­pas­suar­ni pis­sutsinilu unam­miniar­naraluar­tuni Jehovamut as­sigiin­ngitsor­pas­suar­tigut kif­far­tor­nis­samut piumas­suseqar­put. Im­maqali im­minut ima apererusut­toqas­saaq: ‘Jehovamut kif­far­tor­nermi nam­mineq piumas­sutsin­nik iliuuseqar­nerunis­samut periarfis­saqar­nera qujamasuutigigaluar­para, uangar­piarli iliuuseqar­nis­sara pingaaruteqarami? Uanga iliuuseqaruma  iliuuseqan­ngik­kaluarumaluun­niit Jehovap sulias­sani naam­mas­sis­saq­qaas­san­ngin­neramigit?’ Il­lit taamatut misiginikuuit? Apeq­qutit taak­kua akinis­saan­nut iluaqutis­satut Jehovap itsaq kif­faasa, Deborap Barakillu, misigisimasaat sam­meriar­tigit.

6. Sooq Jabinip sak­kutuui Israelik­kun­nut ajugaariaan­naar­pasip­pat?

⁶ Baraki sorsut­tar­tuuvoq Israelik­kuusoq, Deboralu pruf­fiitiuvoq. Israelik­kut ukiuni 20-ni Kana’anik­kut kun­ngian­nit Jabinimit ‘sak­kor­tuumik qunutitarineqarsimap­put’. Jabinip sak­kutuui peq­qar­niingaarmata Israelik­kut angerlarsimaf­fim­min­nit aninis­sar­tik qunugaat. Jabinip sak­kutuui 900-nik sorsuutinik qamuteqar­put saviminer­nik kil­luutitalin­nik, Israelik­kul­li im­min­nut il­lersuutigisin­naasamin­nik iluamik sak­koqan­ngil­lat. – Eqq 4:1-3, 13; 5:6-8. *

7, 8. (a) Jehovap Baraki siul­lermik qanoq ilioq­quaa? (b) Israelik­kut Jabinip sak­kutuui qanoq ajugaaf­figaat? (Al­laaserisap aal­laq­qaataani as­siliaq takuuk).

⁷ Israelik­kut Jabinip sak­kutuuinut naleq­qiul­lugit san­ngiip­pasil­lutil­lu ajugaaf­figiuminar­pasip­put. Jehoval­li pruf­fiiti ar­naq Debora aq­qutigalugu Baraki ima peq­quaa: “Aal­larit qaq­qamul­lu Taborimut majuarlutit! Angutinik 10.000-inik Naftalik­kuusunik Zebulonik­kuusunil­lu ilaqas­saatit! Taava Sisera Jabinip sak­kutuuisa naalagaaner­taat qamutinik sorsuusisar­til­lugu sak­kutuulisar­til­lugulu ilin­nukar­tis­savara, kuun­nguamut Kishonimut, il­lil­lu as­san­nut tun­niul­lugu.” – Eqq 4:4-7.

⁸ Nam­min­neq piumas­sutsimin­nik sorsoqatajumasut 10.000-t qaq­qamut Taborimut katersuup­put. Taava Baraki angutitanilu Ta’anakimut akeq­qat sak­kutuuinut akiuuk­kiar­tor­put. (Eqqartuussisut 4:14-16 atuakkit). Jehova Israelik­kun­nik ikiuiva? Aap. Tas­san­ngaan­naq sialus­sualer­poq, nunalu paner­toq sorsuuf­fiusoq marul­luin­nan­ngor­poq Israelik­kut iluaqutigisaan­nik. Baraki Siserap sak­kutuuinik malersuivoq 24 kilometerinik isorar­tutigisuk­kut Haroshet-ha-Goji tikil­lugu. Aq­qutaani Siserap qamutai sorsuutit marul­lum­mi ingerlaq­qin­naveer­put. Sisera nioriarluni Elon-Besa’anan­niliar­poq. Tas­sani ar­nap Jaelimik atil­lip toq­qanut toq­qoriar­tor­poq. Sisera qasunermik sinilipal­lap­poq. Sinin­nerani Jaelip sapiil­lisaarluni taan­na toqup­paa. (Eq­q 4:17-21) Jehovap Israelik­kut akeq­qamin­nut ajugaatip­pai! *

9. Siseramut akiuun­neq pil­lugu Eq­qar­tuus­sisut 5:20, 21-mi sumik paasisaqar­pugut?

⁹ Pisimasut Eq­qar­tuus­sisunik al­lak­kani kapitali 4-mi al­laatigineqar­tut pil­lugit paasisaqar­nerus­saagut kapitalip tul­lia atuarutsigu. Eq­qar­tuus­sisut 5:20, 21-mi ima al­las­simasoqar­poq: “Sorsup­put ul­loris­sat qilam­miit, ingerlavim­min­niit Sisera sorsuf­figaat. Kuugup­paa kuun­nguup Kishonip.” Imaap­pa in­ngilit Israelik­kut akiuun­neran­ni ikiuutaasimasut, imaluun­niinuna ul­loris­sat anar­nerat al­laatigineqar­toq? Biibilimi taman­na nas­suiar­neqan­ngilaq.  Pis­sutis­saqarluarlunili isumaqar­toqarsin­naavoq Jehovap in­nut­tani an­naak­kai sumiif­fim­mi pif­fis­samilu tamatumaner­piaq sialus­suar­titsil­luni qamutit sorsuutit 900-t angal­larlus­sinias­sam­mata. Eq­qar­tuus­sisut 4:14, 15-imi Jehova Israelik­kun­nik ajugaatitsisutut pingasoriarluni eq­qaaneqar­poq. Israelik­kut nam­min­neq piumas­sutsimin­nik sorsugiar­tut 10.000-t arlaan­naal­luun­niit ajugaaner­tik pil­lugu im­minut ataq­qinar­tis­sin­naan­ngilaq.

10, 11. Merozi suua, aam­ma sooq perloq­qusaava?

¹⁰ Maan­na soqutiginar­torujus­suarmik misis­sueriar­ta. Israelik­kut ajugaareersut Debora Barakilu Jehovamik un­nersiutigin­nip­put ima erinarsorlutik: “Merozi perloq­qusiuk, oqar­poq Naalak­kap in­ngilia, perloq­quniarsigit tas­sani najugaqar­tut! Taak­kuami Naalagaq ikioriar­tun­ngilaat, Naalagaq ikioriar­tun­ngilaat pis­sarsuul­lutik.” – Eqq 5:23.

¹¹ Merozi sor­piaava? Taman­na qulak­keerlugu ilisiman­ngilar­put. Merozip perloq­quneqar­nera ima sun­niuteqarluar­tigisimasin­naavoq tamatuma suuneranik takus­sutis­saarul­luin­narsimal­luni. Imaas­sin­naavoq Merozi il­loqarfiusimasoq, tamatumanilu in­nut­taasut Baraki sorsoqatigiumasiman­ngik­kaat. Nam­min­neq piumas­sutsimin­nik Kana’anik­kun­nut sorsugiarumasut 10.000-um­mata Merozimiut sorsugiar­nis­samut kajumis­saarut tusarsimas­savaat. Imaluun­niit Merozi il­loqarfiusimasin­naavoq Siserap Barakimit qimaal­luni aq­qusaarsimasaa. Im­maqa Merozimiut Sisera tigusarisimasin­naagaluarlugu tigusarisiman­ngilaat. Takorlooriaruk taak­kua sorsut­tar­toq qiningasoq inuuin­narumal­luni qimaasoq isigin­naaraat! Jehovap siuner­taanik tapersersuiumal­lutik pingaarutilim­mik iliuuseqarsimasin­naagaluar­put. Iliuuseqarsimasuugunik akis­sarsisimas­sagaluar­put. Jehovali pil­lugu iliuuseqar­nis­samut periarfis­saqaraluarlutik iliuuseqan­ngil­lat. Merozimiut Jaelimit sapiil­lisaar­tumit al­laanerul­luin­nar­put. – Eqq 5:24-27.

12. Eq­qar­tuus­sisut 5:9, 10-mi al­las­simasut naaper­torlugit inuit isigin­nit­taasii qanoq as­sigiin­ngitsigip­pat, taman­nalu uagutsin­nut qanoq sun­niuteqar­tariaqar­pa?

¹² Eq­qar­tuus­sisut 5:9, 10-mi erseq­qip­poq kajumil­lutik sorsugiar­tut 10.000-t isigin­nit­taasiat sorsugiaruman­ngitsut isigin­nit­taasian­nit al­laanerungaatsiar­toq. Debora Barakilu ‘Israelik­kut siulersor­taan­nik inun­nil­lu kajumil­lutik peqataasunik’ nersuip­put. Inuit kajumil­lutik peqataasut ‘siutituuni qaqor­tuni qimus­sersunit’, nam­mineq piumas­sutsimik kif­far­tor­nis­samut pingaaruteqar­pal­laar­tutut misigisunit, al­laanerul­luin­nar­put. Taamatum­mi misigisut ‘ulin­nik is­siaataqarlutil­lu aq­qusinermi angalaar­put’ inuul­luataarlutik. Nam­minerli piumas­sutsimik kif­far­tor­tut Baraki ilagalugu kajumil­lutik Taborip qaq­qar­taanut Kishonil­lu qooruanut masarsuusumut akiuuk­kiar­tor­put. Inuul­luataarumasut ima peq­quneqar­put: “Eq­qarsarluarias­sasusi!” (Testamentitoqaq 1990-imi naqitigaq) Taak­ku eq­qumasariaqar­put Jehovamul­lu nam­mineq piumas­sutsimik kif­far­tor­nis­samut periarfis­samik maangaan­nar­titsiner­tik eq­qarsaatigisariaqarlugu. Ul­lumik­kut­taaq uagut Guutimut kif­far­tor­nermut  isigin­nit­taaser­put misis­sor­tariaqar­par­put.

13. Rubenik­kut, Danik­kut Asherik­kul­lu isigin­nit­taasiat Zebulonik­kut Naftalik­kul­lu isigin­nit­taasian­nit qanoq al­laanerua?

¹³ Nam­min­neq piumas­sutsimin­nik sorsugiar­tut 10.000-t nam­min­neq isimin­nik takuaat Jehova Kisimi Oqar­tus­saal­luni Naalagaasutut iliuuseqar­toq. “Naalak­kap naaper­tuil­luar­nera” eq­qar­toraangamik­ku al­lat takusamin­nik oqalut­tuus­sin­naavaat. (Eqq 5:11) Naggueqatigiil­li Rubenik­kut, Danik­kut Asherik­kul­lu pisuus­sutimin­nik, nersutaatimin­nik, umiarsuaatimin­nik umiarsualiviutimin­nil­lu Jehovamut kif­far­tor­nermin­ngar­nit isumakuluutigin­nin­nerup­put. (Eqq 5:15-17) Naggueqatigiil­li tamarmiun­ngitsoq taamaap­put. Zebulonik­kut Naftalik­kul­lu Deboramik Barakimil­lu tapersersuiniar­nermin­ni ‘inuunermin­nik navialisitsip­put’. (Eqq 5:18) Nam­mineq piumas­sutsimik kif­far­tor­nermut isigin­nit­taatsit as­sigiin­ngitsut taak­ku pingaarutilim­mik ilin­niarfigisin­naavavut.

14. Jehovap kisimi oqar­tus­saas­susianik il­lersuiner­put qanoq ersersis­sin­naavar­put?

¹⁴ Ul­lumik­kut uagut Jehovap naalagaas­susianik il­lersuiniarluta sak­kulersorluta sorsun­ngilagut. Il­lersuivugul­li sapiil­luta aal­lus­sil­luarlutalu oqaluus­sinitsigut. Jehovamut kif­far­tor­nermi nam­min­neq piumas­sutsimin­nik suliaqarusut­tunik aatsaat taama pisariaqar­titsisoqar­tigaaq. Qatan­ngutit angutit ar­nal­lu inuusut­tul­lu mil­lionil­lit as­sigiin­ngitsor­pas­suar­tigut pif­fis­saq tamaat nam­min­neq piumas­sutsimin­nik kif­far­tor­put. As­sersuutigalugu amerlaqisut pioneriup­put, Betelini sulip­put naalagaaf­filersaarfin­nil­lu sanaar­toqataal­lutik. Aam­ma al­lar­pas­suit ataatsimeersuar­ner­ni piumas­sutsimin­nik kif­far­tor­tar­put. Utoq­qaaner­tat ilaat Nap­parsim­mavin­nut At­taveqar­titatut ilungersorlutik sulisar­put ataatsimeersuar­ner­nil­lu aaq­qis­suisarlutik. Qularutigin­ngil­luin­narsin­naavar­put Jehovap pisariaqar­nera naaper­torlugu kif­far­tor­nis­samut kajumis­suser­put  qujamasuutigigaa ilungersor­nivul­lu puior­navian­ngik­kai. – Hebr 6:10.

15. Jehovamut kif­far­tor­nermi kajumiil­lin­ngin­nis­sar­put qanoq qulak­keersin­naavar­put?

¹⁵ Nam­mineq piumas­sutsimik kif­far­tor­nermut isigin­nit­taatsitsin­nik misis­suisariaqar­pugut. Im­minut ima aperisin­naavugut: ‘Al­lat sulias­sanik suliaqar­tiin­nar­tar­pak­ka? Nunap piinik katersinis­sara Jehovamut kif­far­tor­nis­samin­ngar­nit pingaar­tin­neruara? Imaluun­niit pisin­naasak­ka naaper­torlugit Jehovamut kif­far­tor­nik­kut Barakip, Deborap Jaelil­lu kajumit­tul­lu 10.000-t up­per­neran­nik sapiis­susian­nil­lu ilaarsivunga? Il­loqarfim­mut nunamul­luun­niit al­lamut nuun­nis­sara eq­qarsaatigaara aningaasarsior­nerujumal­lunga inuul­luataar­nerujumal­lungaluun­niit? Taamaap­pat, tamatuma ilaqut­tan­nut ilagiin­nul­lu qanoq sun­niuteqar­nis­saa Jehovamut qinunik­kut eq­qarsaatigaara?’ *

16. Jehova pisariaqar­titaminik tamanik peqareeraluar­toq uagut sumik tunisin­naavar­put?

¹⁶ Jehovap ataq­qingaar­paatigut uagut naalagaas­sutsiminik il­lersuisin­naatil­luta. Adamip Evallu nalaan­nili Diaavulup inuit Jehovamut akeq­qius­seqatigerusuler­pai. Jehoval­li naalagaas­susianik tapersersuinitsigut Saatanimut erseq­qis­sumik takutitsisar­pugut kimik il­lersuinerluta. Up­per­ner­put ilumoorfigin­nin­ner­pul­lu kajumis­sis­sutigalugit Jehovamut kif­far­tor­nermi nam­mineq piumas­sutsitsin­nik iliuuseqarusuler­tar­pugut, taamaalil­lutalu Jehova nuan­naar­tingaar­tar­par­put. (Uss 23:15, 16) Guutit­ta ilumoorfigin­nil­luta tapersersuiner­put naalan­ner­pul­lu Saatanip mital­liinerinut akis­sutitut atorsin­naavai. (Uss 27:11) Naalan­ner­put Jehovamut tunis­sutigisin­naavar­pul­lusooq, taas­sumalu pingaar­tingaas­savaa nuan­naarutigingaarlugulu.

17. Eq­qar­tuus­sisut 5:31 siunis­sami pisus­sanik sunik paasisaqarfigaar­put?

¹⁷ Qanit­tuk­kut kik­kut tamarmik Jehovap naalagaas­susia piumanerulis­savaat. Qilanaar­nas­susia! Deboratut Barakitullu misigivugut, taak­ku ima erinarsoramik: “Nungutitaas­sap­put akeq­qatit tamarmik, Naalagaq. Ilin­nil­li asan­nit­tut ik­kumaar­put seqiner­tut pis­saaneqangaarluni nuilersutut.” (Eq­q 5:31) Taamatut pisoqarumaar­poq Jehova Saatanip silarsuaanik ajor­tumik suujun­naarsitsip­pat. Sorsun­neq Harmagedoni aal­lar­tip­pat Jehova akeq­qanik nungutitsiumal­luni inun­nik nam­min­neq piumas­sutsimin­nik kif­far­torumasunik pisariaqar­titsinavian­ngilaq. ‘Inis­sis­simal­luta unin­ngaan­narumaar­pugut takul­lugulu Naalak­kap an­naak­kaatigut.’ (2 Nal 20:17) Tamatuma pinis­saa utaq­qitil­lugu sapiil­luta aal­lus­sil­luarlutalu Jehovap naalagaas­susianik tapersersuinis­samut periarfis­saqangaar­pugut.

18. Nam­mineq piumas­sutsin­nik kif­far­tor­nerit al­lanut qanoq iluaqutaasin­naava?

¹⁸ Deborap Barakillu erinarsuut ajugaanersiut aal­lar­nerlugu Jehova, inuit pin­nagit, un­nersiutigaat. Ima erinarsor­put: ‘Inuit kajumil­lutik aggermata Naalagaq un­nersiutigisiuk!’ (Eqq 5:1, 2) Taamatut­taaq uagut pisariaqar­tin­neqar­tutut Jehovamut kif­far­torut­ta, taman­na al­lat Jehovamik un­nersiutigin­nin­nis­samut kajumis­sis­sutigisin­naavaat!