‘Nunarsuarmik tamarmik eqqartuussisoq’ eqqortuliortuaannarpoq
“Qaarsuuvoq Naalagaq, naammalluinnartuupput suliai, innarluitsuupput aqqutigisai tamarmik.” – 5 MOS 32:4.
1. Aaperaap qanoq ersersippaa Jehova naapertuilluartuusoq upperalugu? (Allaaserisap aallaqqaataani assiliaq takuuk).
“NUNARSUARMIK tamarmik eqqartuussisuusoq eqqortuliussannginnerpa?” (1 Mos 18:25) Aaperaap aalajaatsup taama aperinermigut ersersippaa upperilluinnarlugu Jehovap illoqarfinnik Sodomamik Gomorramillu eqqartuussinera naapertuilluaqqissaartuusoq. Upperilluinnaramiuk Guutip ‘iluartut iluaatsunut ilanngullugit toqorarnavianngikkai’ Aaperaat ima oqarpoq: “Taamaaliorneq ajornaqaaq!” Kingusinnerusukkut Jehova imminut pilluni ima oqarpoq: “Qaarsuuvoq Naalagaq, naammalluinnartuupput suliai, innarluitsuupput aqqutigisai tamarmik. Guutiuvoq aalajaatsoq, salloqittaanngisaannartoq; naapertuilluartuuvoq peqqusersuitsuullunilu.” – 5 Mos 31:19; 32:4.
2. Sooq Jehova naapertuilluanngitsuliorsinnaanngila?
2 Sooq Aaperaap upperilluinnarpaa Jehova eqqortuliortuaannartoq? Jehova naapertuilluarnermut eqqortuliornermullu tunngatillugu maligassaanerpaajummat. Tuss 33:5.
Soqutiginarpoq Hebræerit oqaasii marluk ‘eqqortuunermik’ aamma ‘naapertuilluarnermik’ isumaqartinneqarsinnaasut allassimaffinni ataatsikkut atorneqakulasartut. Oqaatsit taakku marluk Biibilip kalaallisuunngortinneqarnerani amerlanertigut ima nutserneqartarput: ‘Naapertuilluarneq’, ‘iluarneq’, ‘innarluinneq’, ‘eqqortuuneq’ imaluunniit ‘eqqartuussineq’. Tassa eqqortuusut aamma naapertuilluartuupput. Taamaattumik Jehova suut naapertuilluartuunerannik kisimi najoqqutassiortuummat eqqartuussineri eqqortuujuaannarput. Biibilimi allassimavoq Jehovap ‘iluarneq naapertuilluarnerlu nuannarigai’. –3. Ullumikkut qanoq naapertuilluanngitsuliortoqartarpa?
3 Jehova naapertuilluartumik iliortuaannartoq nalunagu tuppallernarpoq. Ullumikkulli naapertuilluanngitsuliornerit nalinginnaangaarput. Assersuutigalugu inuit pinerlunnermut pisuussutiginngisaminnut eqqartuunneqartarput parnaarussaasarlutillu. Taakkua ilaat ukiorpassuarni parnaarussaaqqareersut DNA-mik misissuineq tunngavigalugu pisuussuteqanngitsuusut paasineqartarpoq. Taamaattoqaraangat nukillalaarnarlunilu kamannartarpoq. Naapertuilluanngitsuliarli alla erloqinarnerutissinnaavarput. Suna?
ILAGIINNI NAAPERTUILLUANNGITSUMIK PINEQARNEQ
4. Kristumiup uppernera qanoq misilinneqarsinnaava?
4 Kristumiut uppeqatiginngisaminnit naapertuilluanngitsumik pineqarnissartik naatsorsuutigaat. Ilagiinnili naapertuilluanngitsumik pineqarsorigutta allalluunniit taama pineqarsorigutsigit uppernikkut misilinneqaatigisinnaavarput. Naapertuilluanngitsunik iliortoqarsorigukku qanoq qisuariassavit? Uppernikkut sanngiillissutigissaviuk?
5. Ilagiinni naapertuilluanngitsumik iliortoqaraangat sooq tupaallattassanngilagut?
5 Tamatta naammalluinnanngitsuullutalu kukkusaratta ilagiinni immitsinnut naapertuilluanngitsumik iliorfigisoorsinnaavugut. (1 Joh 1:8) Taamaattoqartarnera qaqutigooraluartoq kristumiut aalajaatsut tamanna tupaallaatigisarnagulu uppernikkut sanngiillissutigisanngilaat. Uppeqatitsinnit naapertuilluanngitsumik pineqarutta aalajaattuaqqulluta Jehovap Biibilimi siunnersorpaatigut. – Tuss 55:13-15.
6, 7. Qatanngut ilagiinniit naapertuilluanngitsumik qanoq pineqarpa, pissuserineqartussallu suut iluaqutigai?
6 Willi Diehl qanoq misigisaqartoq eqqarsaatigiuk. Qatanngut Diehl 1931-miilli betelimi Bernimi Schweizimiittumi aalajaalluni kiffartorpoq. 1946-mi New Yorkimi Ilinniarfimmi Gileadimi klassit arfineq-pingajussaanni ilinniarpoq. Tassani naammassigami Schweizimi angalasartutut nakkutilliisunngortitaavoq. Qatanngut Diehl misigisalikkersaarummini ima allappoq: “Katinniarnera 1949-mi maajimi Schweizimi immikkoortortaqarfimmut ilisimatitsissutigaara.” Qanorli akineqarpa? Immikkoortortaqarfimmi akisussaasut oqarfigaat immikkut pisinnaatitaaffiinik tamanik arsaarniarlugu, taamaallaallu
pioneriusinnaasoq. “Oqalugiaqqusaanngilanga,” Diehl allappoq. “Ilarpassuisa ilassisarunnaarpaatigut ilagiinnut ilaajunnaarsitatut isigaluta.”7 Qatanngut Diehl qanoq qisuariarpa? Ima allappoq: “Uagut nalunngilarput katinneq Biibilimi inerteqqutaanngitsoq, taamaattumik qinunikkut Jehova qimarnguffigalugulu tatigaarput.” Aappariinnermut Jehovap isiginnittaasia qatanngutit ilaasa taamani paasisimanngilaat. Piffissalli ingerlanerani eqqortumik paasinnittaaseqalerput, qatanngutillu Diehlip immikkut pisinnaatitaaffigisimasani pisinnaatitaaffigeqqilerpai. Ilumoorfiginninnera Jehovamit pilluaqquneqarpoq. * Imminut ima aperisa: ‘Naapertuilluanngitsumik pineqaruma aamma uanga naammagittarlungalu Jehovap aaqqiiumaarnera utaqqissavara? Namminerluunniit pitsaanerusorisattut naapertuilluanngitsuliorneq akiussavara?’ – Uss 11:2; Mika 7:7 atuaruk.
Pingaaruteqarpoq eqqaamassallugu naammalluinnanngitsuugatta paatsuuisinnaasugut
8. Sooq kukkulluta isumaqalersinnaavugut ilagiinni naapertuilluanngitsuliortoqartoq?
8 Eqqaamajuk kukkullutit isumaqarsinnaagavit ilagiinni naapertuilluanngitsuliortoqartoq. Sooq? Naammalluinnanngitsuugatta paatsuuisinnaallutalu. Immaqalu ilisimasariaqakkat tamaasa ilisimanngilavut. Eqqortumik paasinnissimagutta paasinerluisimaguttaluunniit pisut pillugit Jehova qinnuigisariaqarparput, tatigiuartariaqarparput ilumoorfigiuarlugulu. Taamaaliorutta Jehovamut kamalinnginnissamut iluaqutigissavarput. – Ussatit 19:3 atuaruk.
9. Allaaserisami matumani tullianilu suut sammissavavut?
9 Biibilip nalaani Jehovamut kiffaasut naapertuilluanngitsumik pineqartut pingasut ilinniarfigitigit. Allaaserisami matumani Aaperaap ernutaqqiutaa Josefi taassumalu qatanngutiminit pineqarnera sammissavavut. Allaaserisap tulliani Jehovap kunngi Akabi qanoq pineraa apustilillu Petrusip Antiokiami Syriamiittumi misigisaa sammissavavut. Oqaluttuat taakku sammineranni anersaakkut ittunik pingaartitsiuarnissannut Jehovamullu attaveqarluartuarnissannut iluaqutigisinnaasatit maluginiakkit, ingammik isumaqaruit naapertuilluanngitsumik pineqarsimallutit.
JOSEFI NAAPERTUILLUANNGITSUMIK PINEQARPOQ
10, 11. (a) Josefi naapertuilluanngitsumik qanoq pineqarpa? (b) Josefi parnaarussivimmiitilluni qanoq periarfissaqalerpa?
10 Josefi Jehovamut aalajaatsoq ilaqutarinngisaminit naapertuilluanngitsumik pineqarpoq. Annerinerpaavaali qatanngutiminit naapertuilluanngitsumik pineqarnini. Josefi 17-inik ukioqartoq 1 Mos 37:23-28; 42:21) Kingusinnerusukkut nunami takornakkamini Josefi arnamik pinngitsaaliiniartutut unnerluutigineqarpoq. Unnerluussulli eqqunngilaq, eqqartuussisumullu sassartinneqarani parnaarussaavoq. (1 Mos 39:17-20) Josefi ukiut 13-it missaanni inussiaallunilu parnaarussaaqqavoq. Qatanngutitsinnit naapertuilluanngitsumik pineqarutta Josefip misigisaa qanoq ilinniarfigisinnaavarput?
qatanngutaasa inussiatut tunivaat. Taava Egyptenimut aallarunneqarpoq. (11 Josefi parnaarussaaqqatillugu kunngip imigassanut pilittaasoq aamma parnaarussaatippaa. Unnuit ilaanni imigassanut pilittaq sinnattorpoq Josefip Jehovamit ikiorneqarluni nassuiagaanik. Josefip nassuiarpaa imigassanut pilittaq iperagaassasoq Faraomullu kiffartuleqqissasoq. Taava Josefip periarfissani atorluarlugu pissutsit nammineq atukkani pilittamut oqaluttuarai. Josefip oqaasii aammali oqaaserinngisai ilinniarfigilluarsinnaavavut. – 1 Mos 40:5-13.
12, 13. (a) Qanoq nalunngilarput Josefip pissutsit atugarilikkani naammagiinnarlugit iliuuseqarfiginngikkai? (b) Josefip imigassanut pilittamut suna oqaluttuarinngilaa?
12 1 Mosesi 40:14, 15 atuakkit. Malugiuk Josefi ‘aallarunneqarsimalluni’ oqartoq. Oqaaseq Biibilimi uani atorneqartoq aamma ‘tillinneqarsimasumik’ isumaqarsinnaavoq. Erseqqippoq naapertuilluanngitsumik pineqarsimasoq. Josefi aamma oqarpoq pisuussutiginngisaminik pinerluttuliorsimanerarneqarsimalluni. Taamaattumik imigassanut pilittaq qinnuigaa Faraomut eqqaaqqulluni. Suna anguniarpaa? Ima oqarpoq: “Illumit matumannga anisitaasinnaaqqullunga.”
13 Josefip pissutsit atugarilikkani naammagiinnarlugit iliuuseqarfiginngilai? Naamik! Josefip nalunngilaa arlaleriarluni eqqunngitsuliorfigineqarluni. Taamaattumik imigassanut pilittamut pissutsit atukkani pillugit oqaluttuarpoq neriulluni ikiorsinnaassagaani. Sunali oqaluttuarinngilaa? Malugiuk Josefip aallarussaanerminut qatanngutimi pisuunerat pillugu kimulluunniit, Faraomulluunniit, oqaluttuarsimasinnaaneranut Biibilimi takussutissaqanngitsoq. Qatanngutaami Egyptenimut tikimmata Josefilu eqqisseqatigimmassuk Faraop tikilluaqqullugit oqarfigai Egyptenimi nunasisinnaasut tassanilu “tamarmi ajunngitsorpassuit” iluaqutigisinnaagaat. – 1 Mos 45:16-20.
14. Ilagiinni naapertuilluanngitsumik pineqarutta ajuallannartumik oqaaseqannginnissamut suna iluaqutigissavarput?
14 Ilagiinniittunit naapertuilluanngitsumik pineqarsimasorigutta tamanna pillugu ajortumik oqallisiginnginnissaa eqqumaffigisariaqarparput. Soorunami qatanngut ingasattumik ajortuliorsimappat tamanna utoqqaanertanut oqaatigisariaqarparput. (3 Mos 5:1) Ingasattumilli ajortuliorsimasoqanngikkaangat amerlanertigut qatannguterput eqqisseqatigisarsinnaavarput iliuusia kimulluunniit, utoqqaanertanulluunniit, oqaluttuarinngikkaluarlugu. (Matthæusi 5:23, 24; 18:15 atuakkit). Taamaattoqartillugu ilumoorfiginnittuusa Biibilimilu najoqqutassianik maleruaalluta. Ilaannikkut immaqa paasisarparput sunaaffa paatsuuisimalluta naapertuilluanngitsumillu pineqarsimanata. Taava pissutsit ajornerulissutigisaannik qatannguterput ajortumik oqaatigisimannginnatsigu nuannaarutigissavarput. Eqqaamajuk eqqortumik paasinnissimagaluarutta paatsuuisimagaluaruttaluunniit ajuallannartunik oqaaseqarneq pissutsinik pitsaanerulersitsinngisaannartoq. Jehovamut qatanngutsitsinnullu ilumoorfiginninnerput ajornerulersitsinnginnissamut illersuutigissavarput. Tussiaasiortup “assuarnaalluni inuusoq” ima allaatigaa: “Oqaasipalaanik angallassinngitsoq, tullimi ajoqutissaanik iliunngitsoq.” – Tuss 15:2, 3; Jaak 3:5.
JEHOVAMUT ATTAVEQARNERIT PINGAARNERPAAJUSOQ EQQAAMAJUK
15. Josefip Jehovamut attaveqarnini qanoq pilluaqquneqaatigaa?
15 Josefi aamma allatigut ilinniarfigisinnaavarput. Ukiuni 13-ini naapertuilluanngitsumik pineqarnermini Jehovap isiginnittaasiatut isiginnittaaseqarpoq. (1 Mos 45:5-8) Atukkaminut Jehova pisuutinngisaannarpaa. Josefi naapertuilluanngitsumik pineqarnini puiunngisaannaraluarlugu narrutsassimalinngisaannarpoq. Pingaarnerpaamillu, allat naammalluinnanngitsuunerat eqqunngitsuliornerallu Jehovamut attaveqarnerminut ajoqutaatinngisaannarpai. Ilumoorfiginnittuugami takusinnaavaa naapertuilluanngitsumik iliorfigineqarnini Jehovamit aaqqinneqartoq nammineq ilaquttamilu pilluaqquneqaatigisaannik.
Josefip allat naammalluinnanngitsuunerat eqqunngitsuliornerallu Jehovamut attaveqarnerminut ajoqutaatinngisaannarpai
16. Ilagiinni naapertuilluanngitsumik pineqarutta sooq Jehovamut qanillinerusariaqarpugut?
16 Tamatumunnga assingusumik Jehovamut attaveqarnerput pingaartillugulu illersortariaqarparput. Qatanngutitta naammalluinnanngissutaat Guutimit asasatsinnit pallorfigisatsinnillu avissaarutigissanngilavut. (Rom 8:38, 39) Ilagiinni naapertuilluanngitsumik pineqarutta Jehova qaninnerulerlugulu Josefi ilaartigu. Guutip tamatumunnga isiginnittaasiatut isiginnittaaseqarniarsarisa. Biibilimi najoqqutassiat maleruarnerisigut ajornartorsiut sapinngisarput tamaat aaqqinniareerlugu Jehovamut isumagitittariaqarparput. Upperilluinnarsinnaavarput taassuma piffissarititamini namminerlu periaatsini atorlugu pissutsit aaqqikkumaarai.
‘NUNARSUARMIK TAMARMIK EQQARTUUSSISOQ’ TATIGIUK
17. Qanoq ersersissinnaavarput ‘nunarsuarmik tamarmik eqqartuussisoq’ upperilluinnarlutigu?
17 Silarsuarmi ajortumi matumani inuutilluta naapertuilluanngitsumik pineqariaannaavugut. Immaqa qaqutigut illit nalunngisalluunniit ilagiinni naapertuilluanngitsoorpasissumik malugisaqarsinnaavusi misigisaqarlusiluunniit. Tamanna anersaakkut sanngiillissutigeqinagu. (Tuss 119:165) Guuti ilumoorfigiuaruk, ikioqqullutit qinnuigiuk tatigiullu. Eqqaamajuk naammalluinnanngitsuugatta pissutsit paatsoorsinnaagitit immaqalu ilisimasariaqakkat tamaasa ilisimanagit. Josefi ilaaruk pissutsinillu ajornerulersitseqinagavit oqaatissuaanaveersaarlutit. Kiisalu, imminut tatiginak ilumoorfiginnittuarniarlutit aalajangiusimajuk pissutsinillu Jehovap aaqqiinissaa naammagittarlutit utaqqillugu. Taava Josefitulli Jehovamit iluarisaallutillu pilluaqquneqassaatit. Jehovap ‘aqqutigisai tamarmik’ naapertuilluartuummata qularutigissanngilat ‘nunarsuarmik tamarmik eqqartuussisoq’ eqqortuliortuaannassasoq. – 1 Mos 18:25; 5 Mos 32:4.
18. Allaaserisami tulliuttumi suut sammissavavut?
18 Allaaserisami tulliuttumi Biibilip nalaani Jehovap innuttaani naapertuilluanngitsuliornerit allat marluk sammissavavut. Taakkunani paasissavarput Jehovap naapertuilluarnermut isiginnittaasiatut isiginnittaaseqaleqqulluta maniguunneq isumakkeerfiginninnerlu qanoq iluaqutigisinnaagivut.
^ par. 7 Willi Diehlip misigisalikkersaarutaa una takuuk: “Jehova er min Gud, som jeg stoler på”, Vagttårnet novembarip aallaqqaataat 1991-imoortumiittoq.