1-3. (a) Inuusut­tut tamarmik qanoq atugaqar­pat, taman­nalu sumut as­sersuun­neqarsin­naava? (Al­laaserisap aal­laq­qaataani as­seq takuuk). (b) Inuusut­tut ingerlal­luar­nis­samin­nut suut iluaqutigisin­naavaat?

TAKORLOORUK pisus­samut pingaarutilim­mut peqataaniarlutit ungasis­sumut angalanis­sat pilersaarusiorlugu. Apuun­niaruit sivisuumik bus­ser­tariaqar­putit. Bus­sit unit­tarfiat inun­nik bus­sinil­lu ulik­kaarmat aal­laq­qaam­mut paatsiveerup­putit. Qujanar­tumil­li sumukaler­nerlutit bus­sil­lu sorliit ilaaf­figis­sanerlugit nalun­ngilat. Bus­sinut al­lanut ikinavian­ngilatit nalun­ngin­nak­ku taak­ku or­nitan­nut apuun­navian­ngitsut.

² Inuuneq angalaner­tut ip­poq, inuusut­tuusutil­lu bus­sit unit­tarfian­niit­tumut as­sersuun­neqarsin­naavutit. Aalajangigas­sat periarfis­sal­lu amerlangaarmata nalor­nisarsin­naavutit. Nalun­ngik­kuk­kuli sumukas­sanerlutit eq­qor­tunik aalajangiinis­sat ajor­nan­ngin­nerulis­saaq. Sumukar­tariaqar­pit?

³ Al­laaserisami matumani Jehovamit iluarisaanis­sat inuunin­ni pingaar­ner­paateq­qul­lugu kajumis­saarusup­patsigit.  Jehovamit iluarisaajumal­lutit inuunermi aalajangigas­sanut tamanut tun­ngatil­lugu – soorlu qanoq ilin­niagaqas­sanerlutit, sumi sulif­feqas­sanerlutit imaluun­niit katis­sanerlutit meerar­taas­sanerlutil­luun­niit aalajanger­nialeruk­kit – Jehovamit siulersor­neqar­tariaqar­putit. Aam­ma anersaak­kut it­tunik anguniagaqar­tariaqar­putit. Inuusut­tut Jehovamut kif­far­tor­nermin­nik pingaar­ner­paatitsiuar­tut inuunermin­ni ingerlal­luar­nis­samut taas­suman­nga pil­luaq­quneqar­nis­sar­tik qularin­ngis­sin­naavaat. – Ussatit 16:3 atuaruk.

4. Al­laaserisami matumani suut sam­mis­savavut?

⁴ Anersaak­kut it­tunik anguniagaqar­nis­saq pitsaasuuvoq. Sooq? Pis­sutaasut pingasut misis­soriar­tigit. Pis­sutaasut siul­liit marluk ersersip­paat anersaak­kut it­tunik anguniagaqar­nerit Jehovap ikin­ngutigil­luar­neruler­nis­saanut iluaqutigis­sagit. Pis­sutaasut pingajuata ersersip­paa inuusutsil­lutit anersaak­kut anguniagaqar­nerit qanoq iluaqutigisin­naagit.

5. Anersaak­kut it­tunik anguniagaqar­nis­samut pis­sutaasoq pingaar­ner­paaq suua?

⁵ Anersaak­kut it­tunik anguniagaqar­nis­samut pis­sutaasut pingaar­nersaat tas­saavoq Jehovap asan­nin­neranik uagul­lu pil­luta iliuusiinik qujamasuutigin­nin­neq. Tus­siaasior­tut ilaat ima al­lap­poq: “Ilual­laaraaq qutsavigalugu Naalagaq ... Naam­mas­sisan­nik nuan­naarutis­sip­parma, Naalagaq, qiim­mat­taatigaak­ka as­sap­pit piliai.” (Tuss 92:2, 5) Jehovap ilin­nut tun­nis­suter­pas­sui eq­qarsaatigik­kit: Inuunerit, up­per­nerit, Biibili, ilagiit paratiisimilu inuunis­samik neriuut. Anersaak­kut anguniagaqaraangavit tamak­ku tamaasa qujamasuutigalugit Jehovamut ersersit­tar­pat, taman­nalu taas­sumun­nga qanin­nerulis­sutigisar­pat.

6. (a) Anersaak­kut it­tunik anguniagaqar­neq Jehovamut at­taveqar­nin­nut qanoq sun­niuteqar­tar­pa? (b) Suli meeraatil­lutit suut anguniagarisin­naavigit?

⁶ Pis­sutaasut aap­paat tas­saavoq anersaak­kut it­tunik anguniagaqaleraangavit Jehovap maluginiar­tagaanik eq­qaamasas­saanil­lu iliuuseqaler­taravit. Taman­nalu taas­sumun­nga suli qanin­nerulis­sutigisar­pat. Apustili Paulusi neriorsuivoq: ‘Guutip iluaatsuun­ngin­nami puiorsiman­ngilai suliasi asan­nin­nersilu aq­qanut takutis­simasarsi.’ (Hebr 6:10) Meeraagaluaruil­luun­niit anguniagaqarsin­naavutit. As­sersuutigalugu Christine Nalunaajaasut aalajaatsut misigisalik­kersaarutaat atuar­tar­niarlugit aalajangerami qulinik ukioqar­poq. Tobyp aq­qaneq-marlun­nik ukioqarluni kuisin­ngin­nermini Biibili tamaat atuar­niarlugu anguniagariler­paa. Maxim aq­qanilin­nik ukioqarluni qatan­ngutaalu Noemi qulinik ukioqarluni kuisip­put. Betelimi kif­far­tor­nis­sar­tik marluul­lutik anguniagariler­paat. Anguniagar­tik eq­qarsaatigiuarumal­lugu Betelimi kif­far­tor­nis­samut qin­nuteqaat iik­kamut nivin­ngar­paat. Illimmi sunik anguniagaqarsin­naavit? – Filippimiut 1:10, 11 atuakkit.

7, 8. (a) Anguniagaqar­neq aalajangiisar­ner­nik qanoq ajor­nan­ngin­nerulersitsisin­naava? (b) Sooq inuusut­tuaraq universitetimi ilin­niar­niarani aalajanger­pa?

⁷ Anersaak­kut it­tunik anguniagaqar­nis­samut pis­sutaasut pingajuat meeraanermi anguniagaqar­nermut tun­ngavoq.  Inuusut­tuugavit aalajangigas­sar­pas­suaqar­putit. Qanoq ilin­niagaqar­niar­nerlutit sumilu sulif­feqar­niar­nerlutit aalajangigas­savit ilagaat. Inuunermi aalajangigas­sat taak­ku aq­quser­ngit naapif­fian­ni suk­koor­niar­nerluni aalajangigas­satut ip­put. Sumukar­niar­nerlutit nalun­ngik­kuk­ku ingerlaarfis­sap eq­qor­tup toq­qar­nis­saa ajor­nan­ngin­nerus­saaq. Taamatut­taaq sunik anguniagaqar­nerlutit nalun­ngik­kuk­ku silatusaar­tumik aalajangiisin­naanerus­saatit. Us­satit 21:5-imi al­las­simavoq: “Eqiasuitsup pilersaarusiai iluanaarutis­sarsisitsisar­put.” Siusis­suk­kut pitsaasunik anguniagaqaruit iluatsiaar­nerus­saatit. Damarisip inuusut­tuaraal­luni pingaarutilim­mik aalajangigas­saqalerami taman­na misigivaa.

⁸ Damaris ilin­niar­ner­tuun­ngor­niarfim­mi naam­mas­sigami angusaris­saarami universitetimi inatsisilerituutut ilin­niagaqar­nis­samut tapiif­figineqar­nis­samik neqeroorfigineqar­poq. Aningaaserivim­mili suliler­niarluni aalajanger­poq. Sooq? Ima nas­suiaavoq: “Pionerin­ngor­nis­sara meeraal­lungali aalajangiup­para. Taamaat­tumik ul­lup af­faan­naa sulisin­naavunga. Universitetimi inatsisilerituutut naam­mas­sisimasuuguma aningaasarsiagis­saarsin­naagaluar­punga, ul­lul­li af­faan­naani sulisar­nis­san­nut periarfis­sat ikin­neerarsuus­sagaluar­put.” Damaris maan­na ukiut 20-s­saan­ni pioneriuvoq. Inuusut­tuaraal­luni eq­qor­tumik aalajangiisutut anguniagaqarluar­tutul­lu misigiva? “Aningaaserivim­mi sulif­fin­ni maan­na eq­qar­tuus­sis­suserisut naapit­tar­pak­ka. Inatsisilerituutut ilin­niarsimasuuguma suliaat suliaris­sagaluar­pak­ka. Amerlasuul­li suliatik qatsup­paat. Pioneriuniarlunga aalajanger­nera pis­sutigalugu qaf­fasis­sumik atorfeqar­niar­nermi pakatsinerit misigin­ngilak­ka Jehovamul­lu ukior­pas­suit nuan­naarlunga kif­far­torsin­naalerlunga.”

9. Sooq inuusut­tor­tavut tul­luusimaarutigaavut?

⁹ Nunarsuaq tamak­kerlugu inuusut­tor­tavut tuusintilip­pas­suit nersualaar­neqar­tariaqar­put. Taak­kua Jehovamik ikin­nguteqar­ner­tik anguniak­katil­lu anersaak­kut it­tut aal­lup­paat. Inuusut­tut taak­kua inuuner­tik nuan­naarutigigiitigalugu Jehovap ilin­niagaqar­nermut, sulif­feqar­nermut ilaqutaqar­nermul­lu tun­ngatil­lugu ilitsersuus­sutaasa maleruaanis­saat ilin­niar­paat. Jehovamik tatigin­nin­nis­saq pil­lugu Salomo ima al­lap­poq: “Naalagaq tatigiuk uum­matik­kut iluun­ngarlutit.” Imalu nangip­poq: “Eq­qarsaatigiuar­taruk sumiik­kaluaraangavil­luun­niit, taava ingerlavis­satit nalim­matsis­savai.” (Uss 3:5, 6) Inuusut­tuususi, Jehovap asangaar­paasi! Erligingaaramisi il­lersorlusilu siulersorlusilu pil­luaq­qus­savaasi.

10. (a) Sooq oqaluus­sineq pingaar­ner­paatitat­ta ilagisariaqar­paat? (b) Up­perisan­nik qanoq nas­suiaal­laq­qin­nerulersin­naavit?

¹⁰ Inuusut­toq Jehovamit iluarisaanis­saminik aal­lus­sisoq oqaluus­sinermik  pingaar­titsisar­poq. Jiisusi Kristusi oqar­poq nutaarsias­saq nuan­nersoq ‘oqaluus­sis­sutigineqas­sasoq’. (Mark 13:10) Oqaluus­sineq nukingin­narmat inuunitsin­ni pingaar­ner­paatitat­ta ilagisariaqar­paat. Oqaluus­seqataanerunis­sat anguniagarisin­naaviuk? Pionerin­ngorsin­naavit? Taavami oqaluus­sineq nuan­narer­pian­ngik­kuk­ku? Aam­ma up­perisan­nik qanoq nas­suiaal­laq­qin­nerulersin­naavit? Tun­ngaviusut marluk iluaqutigis­savatit: Piareersarluar­neq ilisimasavil­lu ingerlateq­qin­nis­saan­nut tun­ngatil­lugu tun­niutiin­nan­ngin­neq. Oqaluus­sineq qanoq nuan­naritigiler­nerlugu im­maqa tupaal­laatigis­savat.

11, 12. (a) Nalunaajaanis­san­nut qanoq piareersarsin­naavit? (b) Qatan­ngutip nukap­piaq­qap atuarfim­mi nalunaajaanis­samut periarfis­saq qanoq atorluar­paa?

¹¹ Atuaqativit apeq­qutigisin­naasaasa akinis­saan­nut piareersar­neq aal­lar­tis­sutigisin­naavat, im­maqa ima aperisin­naap­put: “Sooq Guuti up­peraajuk?” Nit­tar­tak­katsin­ni jw.org-imi apeq­qutip tamatuma akinis­saanut iluaqutis­san­nik al­laaserisaqar­poq. Uku tooruk­kit BIIBILIP ATORIAAN­NAANERA > INUUSUT­TUAQ­QANUT im­mersugas­saq ima qulequtalik nas­saarisin­naavat: “Sooq Guuti up­peraara?” Im­mersugas­saq taan­na qanoq akinis­san­nik piareersar­nin­ni iluaqutigisin­naavat. Tas­sani al­las­simaf­fiit pingasut atorsin­naasatit siun­nersuutigineqar­put: Hebræerit 3:4, Romamiut 1:20 aam­ma Tus­siaat 139:14. Apeq­qutinik amerlanerusunik akisinis­samut piareersar­nermi atorsin­naasan­nik aam­ma al­lanik im­mersugas­saqar­poq. – 1 Petrusi 3:15, 16 atuakkit.

¹² Atuaqatin­nut eq­qaasaruk nam­min­neq jw.org alak­karsin­naagaat. Nukap­piaraq  Luca taamaalior­poq. Atuarfim­mi up­perisarsior­nerit as­sigiin­ngitsut pil­lugit eq­qar­tuinermin­ni Jehovap Nalunaajaasui pil­lugit eq­qun­ngitsumik ilin­nium­mi al­las­simasoqar­toq Lucap maluginiar­paa. Pis­sangagaluarluni atuak­kap imaasa eq­qun­ngitsuunerat pil­lugu nas­suiaasin­naanerluni ilin­niar­titsisuni aperaa. Up­perisaminik nas­suiaanis­samik ilin­niar­titsisuminit akuerineqarami atuaqatiminut nit­tar­tagar­put takutip­paa. Ilin­niar­titsisup atuar­tut tamaasa oqarfigai angerlarunik filmi Qinngasaarisartoq ajugaaffigiuk nukitit atornagit isigin­naas­sagaat. Luca atuarfim­mi oqaluus­sisin­naagami nuan­naangaar­poq.

13. Unam­miniar­nar­toqar­til­lugu sooq tun­niutiin­nar­tas­san­ngilagut?

¹³ Unam­miniar­nar­tunik nalaataqaraangavit nikal­lor­nak anguniak­katit sulis­sutigiuak­kit. (2 Tim 4:2) Katharinap 17-inik ukioqarluni suleqatimi oqaluus­sif­figinis­saat anguniagariler­paa. Taak­kua ilaat arlaleriarluni soq­qusaap­poq. Katharinal­li anguniak­kani eq­qaamajuar­paa. Suleqataata al­lap, Hansimik atil­lip, Katharinap pis­suseris­saar­nera tupigusuutigaa. Taan­na Biibililersaarutitsin­nik atuar­taler­poq, Biibilimik atuaq­qis­saar­taler­poq kuisil­lunilu. Katharinap al­lamut nuuk­kami taman­na naluaa. Ukiut 13-it qaangiut­tut ilaqut­tanilu ataatsimiin­nermi Hans tamanut oqalugialersoq paasigamiuk as­sut tupaal­lap­poq! Suleqatiminut oqaluus­sinis­samik anguniak­kaminik aalajangiusiman­nin­nini nuan­naarutigingaar­paa!

14, 15. (a) Tatineqar­nermi suut eq­qaamasariaqar­pigit? (b) Tatineqar­nermi nak­kaan­nan­ngin­nis­samut suut iluaqutigisin­naavigit?

¹⁴ Jehovamit iluarisaanis­samik anersaak­kul­lu it­tunik anguniagaqar­nis­samik aal­lus­sinis­san­nik kajumis­saarutit al­laaserisami maan­namut sam­mereer­pavut. Peqater­pas­suavil­li nuan­nisar­nis­sar­tik taamaal­laat eq­qarsaatigaat. Aam­ma im­maqa ilaseris­savaatsit. Siusin­nerusuk­kut kingusin­nerusuk­kul­luun­niit anguniak­katit qanoq pimoorutsiginerlugit ersersit­tariaqas­savat. Anguniagaqar­nin­ni peqatin­nit al­lamut saasar­teqinak. Al­laaserisap aal­laq­qaataani as­sersuusiarineqar­tutut bus­siniit­tut nuan­nisar­pasin­nerat pis­sutigiin­narlugu sumukar­nerat apeq­qutaatin­nagu bus­sinut ikis­sagaluar­pit? Soorunami naamik!

¹⁵ Al­lanit tatineqaraangavit nak­kaan­nan­ngin­nis­samut suut iluaqutigisin­naavigit? Us­ser­nar­torsiorfigisin­naasatit ingalas­simasak­kit. (Uss 22:3) Ajor­tulior­nerup kingunipilorisin­naasai eq­qarsaatigik­kit. (Gal 6:7) Aam­ma qanilaarlutit, tas­sa maniguul­lutit, siun­nersor­neqar­tariaqar­nerit nas­suerutigiuk. Angajoq­qaavit ilagiin­nilu qatan­ngutivit misilit­tagal­lit siun­nersuutaat tusaaniak­kit. – 1 Petrusi 5:5, 6 atuakkit.

16. Christophip misigisaanit maniguun­nis­sap pingaaruteqas­susia qanoq erser­pa?

¹⁶ Christophip siun­nersuutit pitsaasut akuerinis­saan­nut maniguun­neq iluaqutigaa. Kuisin­nermi kingor­na akulikitsumik timigis­sar­tarfim­mi sungiusar­taler­poq. Tas­sani inuusut­tunit al­lanit timersoqatigiif­fim­mut ilaaler­nis­samik kajumis­saar­neqar­poq. Taman­na pil­lugu utoq­qaaner­taq oqaloqatigigamiuk navianaataasin­naasut, soorlu ingasat­tumik unam­mil­lerusus­suseqar­nerup, eq­qarsaatiginis­saan­nik kajumis­saar­neqar­poq. Taamaat­torli Christoph timersoqatigiif­fim­mut  ilan­ngun­niarluni aalajanger­poq. Kingusin­nerusuk­kul­li timersor­nerup persut­taaner­taqar­nera al­laal­lu navianar­nera paasivaa. Utoq­qaaner­tanik oqaloqateqaq­qik­kami Biibilimit siun­nersor­neqar­poq. Christoph oqar­poq: “Jehova uan­nut siun­nersuil­luar­tunik aal­lar­titsim­mat tusar­naar­para, naak ingerlaan­naq taamaaliun­ngik­kaluarlunga.” Ima maniguutsigivit siun­nersuutit pitsaasut akuerisin­naal­lugit?

17, 18. (a) Inuusut­tunut tun­ngatil­lugu Jehovap suna kis­saatigaa? (b) Aalajangius­satit inersimasun­ngoruit peq­qis­simis­sutigiumanagit susin­naavit? As­sersuuteqarit.

¹⁷ Biibilimi ima al­las­simavoq: “Qiimasaar­niarit, inuusut­tuusutit, inuusutsil­lutit, uum­matit nuan­naar­niarli inuusun­ner­pit ul­luini.” (Oqal 11:9) Inuusut­tuunin­ni pil­luar­nis­sat Jehovap kis­saatigaa. Al­laaserisami matumani paasivat anersaak­kut it­tunik anguniagaqar­nermik aal­lus­sinik­kut aam­ma pilersaarutin­ni aalajangik­kan­nilu tamani Jehovap siun­nersuutaanik maleruaanik­kut pil­luarsin­naal­lutit. Sapin­ngisamik siusis­suk­kut taamaalioruit Jehovap siulersuinera, il­lersuinera pil­luaq­qusineralu misigiaar­nerus­savatit. Oqaatsimini siun­nersuutitsialai eq­qarsaatigik­kit unalu uum­mam­miuliul­lugu: “Pin­ngor­titsisit eq­qaamaniaruk inuusut­tuuner­pit ul­luini.” – Oqal 12:1.

¹⁸ Inuusut­tuuneq qaangiutipal­lat­tar­poq. Ajoraluar­tumik inersimasor­pas­suit inuusut­tuul­lutik kuk­kusumik anguniagaqarsimaner­tik, al­laal­luun­niit anguniagaqarsiman­ngin­ner­tik, peq­qis­simis­sutigisar­paat. Il­lil­li anguniak­katit anersaak­kut it­tut aal­lut­tuaruk­kit inersimasun­ngoruit aalajangik­katit nuan­naarutigis­savatit. Mirjana taama misigivoq. Inuusut­tuaraal­luni timersor­neq pik­korif­figaa. Al­laat ukiuunerani OL-imut peqataarusun­nersoq aperineqar­poq. Pif­fis­sarli tamaat Jehovamut kif­far­tor­niarluni aalajanger­poq. Ukiut 30-t qaangiut­tut uinilu suli pif­fis­saq tamaat kif­far­tor­poq. Oqar­poq inuit tusaamasaarusut­tut, ataq­qisaarusut­tut, pis­saaneqarusut­tut pisuun­ngorusut­tul­lu pil­lualivin­ngisaan­nar­tut. Aam­ma oqar­poq Guutimut kif­far­tor­neq al­lal­lu taas­sumin­nga ilisarisiman­nileq­qul­lugit ikior­nerat anguniak­kani pitsaaner­paasut.

19. Sooq inuusut­tuunermi anguniak­kanik anersaak­kut it­tunik aal­lus­sineq pitsaasuua?

¹⁹ Ilis­si inuusut­tuususi unam­miniagaqaraluarlusi inuunis­sin­ni Jehovamut kif­far­tor­neq aal­luk­kas­siuk nersualaar­neqar­tariaqar­pusi. Anersaak­kut it­tunik anguniagaqarlusilu oqaluus­sineq inuunis­sin­ni pingaar­tingaar­parsi. Aam­ma anguniagaqar­nis­sin­ni silarsuaq al­lamut saas­sutigin­ngilarsi. Ilungersor­nis­si asuliin­naan­ngin­nera qularin­ngis­sin­naavarsi. Ilis­sin­nik asan­nit­tunik tapersersuerusut­tunil­lu qatan­nguteqar­pusi. Taamaat­tumik ‘suliarisas­sasi Jehovap as­saanut tun­nius­sigit, taava pilersaarutisi piviusun­ngorumaar­put’.