Jehova, Guuti kiffaanngissuseqartitsisoq, kiffartorfigiuk
‘Jehovap anersaavata najuuffigisaaniippoq kiffaanngissuseq.’ – 2 KOR 3:17.
1, 2. (a) Sooq inussiaaneq kiffaanngissuseqarnerlu apustilip Paulusip nalaani soqutigineqangaarpat? (b) Paulusip kiffaanngissutsimut piviusumut kina pilerfiunerarpaa?
ROMAMIUT naalagaaffissuanni kristumiut siulliit inuuffigisaanni inatsisit, eqqartuussiveqarnikkut aaqqissuussaaneq kiffaanngissuseqarnerlu inunnit tulluusimaarutigineqartarput. Naalagaaffissuarli pissaaneqangaartoq taanna inussiatut sulisitanik toqqammaveqarpoq. Piffissap ilaani Romamiut naalagaaffissuanni inuit pingasuugaangata ataaseq inussiaasarpoq. Qularutissaanngilaq inussiaaneq aamma kiffaanngissuseqarneq inunnit, ilaatigut kristumiunit, soqutigineqangaartartut.
2 Apustili Paulusi kiffaanngissuseq pillugu allattarpoq. Taassumali nalimini inuusut silarsuarmi ajornartorsiutinik aaqqiiniarsarisut assiginngilai. Paarlattuanik Paulusip kristumioqataasalu tamaviaarlutik Guutip naalagaaffia pillugu nutaarsiassaq nuannersoq ilinniartitsissutigisarlugulu Jiisusip Kristusip utertitsissutitut pilliutaata 2 Kor 3:17.
naleqangaarneranik inuit paasinneqqullugit ikiortarpaat. Kiffaanngissutsip pilerfia pillugu Paulusip kristumioqatini ima allaffigai: ‘Jehova tassa Anersaaq, Jehovallu anersaavata najuuffigisaaniippoq kiffaanngissuseq.’ –3, 4. (a) Korinthimiunut allakkat aappaat 3:17 sioqqullugu Paulusip suna allaatigaa? (b) Kiffaanngissuseq Jehovamit pisoq nuannaarutigiumallugu qanoq iliortariaqarpugut?
3 Paulusip Korinthimiunut allakkami aappaanni Mosesi qaqqamit Sinajimit atermat qanoq pisoqartoq allaatigaa. Jehovap inngiliata najuunnerata kingunerisaanik kiinaata amia qinngorneqalerpoq! Israelikkut ersigilermanni Mosesip kiinnani ulippaa. (2 Mos 34:29, 30, 33; 2 Kor 3:7, 13) Paulusi ima nassuiaavoq: “Naalakkamulli saattoqaraangat ulik peerneqartarpoq.” (2 Kor 3:16) Paulusimuna suna pigaa?
4 Allaaserisap siuliani ilikkarparput Jehova, sunik tamanik Pinngortitsisoq, kisimi naammalluinnartumik killeqanngitsumillu kiffaanngissuseqartoq. Taamaattumik Jehovap ‘anersaavata najuuffigisaani kiffaanngissuseqarnera’ pissusissamisoorpoq. Kiffaanngissutsilli tamatuma iluaqutissartai nuannaarutigissagutsigit ‘Jehovamut saattariaqarpugut’, tassa taassumunnga qanimut attaveqartariaqarpugut. Israelikkut inoqajuitsumiitsillutik Jehovatut isiginnittaaseqanngillat. Eqqarsartaasiat uummataallu ulissimasutut ipput. Inussiaajunnaarsitaaqqammerlutik kiffaanngissusertik namminneq pilerissutsiminnik matussusiiniarnermut atorusuppaat. – Hebr 3:8-10.
5. (a) Jehovap anersaava qanoq ittumik kiffaanngissuseqartitsisarpa? (b) Qanoq nalunngilarput inuk parnaarussaaqqagaluarluni Jehovamit pisumik kiffaanngissuseqarsinnaasoq? (c) Apeqqutit suut akissutissarsissavavut?
5 Jehovap anersaavata kiffaanngissuseqalersitsinera tassaaginnanngilaq inussiaajunnaarsitaaneq. Inuit sapigaannik Jehovap anersaavata ajortimut toqumullu inussiaataanermit aamma upperisarsiornermit eqqunngitsumit ileqqulersuutinillu aniguisissinnaavaatigut. (Rom 6:23; 8:2) Kiffaanngissutsip tamatuma ila asseqanngissusia! Allaat inussiat parnaarussaaqqasullu taamatut kiffaanngissuseqarsinnaapput. (1 Mos 39:20-23) Qatanngutit Nancy Yuen aamma Harold King uppernertik pissutigalugu ukiorpassuarni parnaarussaaqqagaluarlutik taama ittumik kiffaanngissuseqarput. Misigisatik pillugit oqaluttuartut JW Broadcastingimi isiginnaarsinnaavatit. (Tuukkit INTERVIEWS OG ERFARINGER > DE HOLDT UD UNDER PRØVELSER). Maanna apeqqutit marluk akissutissarsitigit. Kiffaanngissuserput pingaartillutigu qanoq ersersissinnaavarput? Aamma kiffaanngissuserput qanoq silatusaartumik atorsinnaavarput?
KIFFAANNGISSUSEQ GUUTIMIT PISARPUT ERLINNANGAARPOQ
6. Israelikkut qanoq ersersippaat kiffaanngissuseq Jehovamit pisartik qujamasuutiginagu?
6 Erlinnangaartumik tunineqarsimagaangatta tunniussisumut qujamasuttarpugut. Israelikkulli kiffaanngissuseq Jehovamit pisartik qujamasuutiginngilaat. Egyptenimit aniguisitaareerlutik qaammatialuit qaangiuttut Egyptenimi nerisarisartakkatik amigaatiginerarpaat. 4 Mos 11:5, 6, 10; 14:3, 4) Tamanna pingaarutilimmik ilinniutigaarput.
Jehovap mannanik pilersuinera naammagittaalliuutigaat allaallu Egyptenimut uterusulerlutik! ‘Aalisakkat, agurkit, melonit, porrit uanitsullu’ Jehovap pallorfiginiassammanni kiffaanngissuseqartitsineranit pingaarnerutippaat. Tupinnanngilaq Jehovap kamaatingaalermagit. (7. Paulusip Korinthimiunut allakkat aappaat 6:1-imi ilitsersuutini nammineq qanoq malippaa, uagullu qanoq taamaaliorsinnaavugut?
7 Paulusip kristumiut tamaasa oqaaqqissaarpai Jehovap ernini Jiisusi Kristusi aqqutigalugu kiffaanngissuseqalersitsinera taamaattussaannartut isigeqqunagu. (2 Korinthimiut 6:1 atuaruk). Paulusi naammalluinnanngitsuunini, ajortimut toqumullu inussiaanini, ajussutigeqaa. Imali allappoq: “[Guuti] qujanarsili Jiisusi-Kristusikkut Naalakkatsigut!” Sooq taama allappa? Paulusip kristumioqatini ima nassuiaappai: ‘Anersaammi uummartitsisup inatsisaasa Kristusi-Jiisusimi ajortip toqullu inatsisaannut kiffaajunnaarsippaannga.’ (Rom 7:24, 25; Rom 8:2, tastamantitâĸ) Jehovap ajortimut toqumullu inussiaanermit uagutsinnik aniguisitsinera Paulusitulli puiunngisaannartariaqarparput. Utertitsissut pissutigalugu Guuterput ilerasuuteqarata kiffartorfigisinnaavarput, tamannalu nuannaarutaangaarpoq. – Tuss 40:9.
Nammineq aalajangiisinnaatitaanerit Jehovap piumasaatut iliornissamut namminerluunniit piumasattut iliornissamut atortarpiuk? (Immikkoortut 8-10 takukkit)
8, 9. (a) Kiffaanngissutsimik atuineq pillugu apustili Petrusi qanoq oqaaqqissaariva? (b) Kiffaanngissuseq qanoq eqqunngitsumik atorneqarsinnaava?
8 Qujamasunneraannarata nammineq aalajangiisinnaatitaanerput erlinnartoq atornerlunngisaannassavarput. Assersuutigalugu apustilip Petrusip oqaaqqissaarpaatigut kiffaanngissuserput eqqunngitsuliornissamut utoqqatsissutissatut atoqqunagu. (1 Petrusi 2:16 atuakkit). Oqaaqqissaarut tamanna Israelikkut inoqajuitsumi qanoq nalaataqarnerannik eqqaasitsissutigaarput. Aamma nalitsinni immaqa suli annerusumik oqaaqqissaarneqarnissarput pisariaqartipparput. Saatanimit silarsuaanillu atisanik, nerisassanik, imigassanik aliikkutassanillu pilerinartorpassuarnik neqeroorfigineqartarpugut. Pilerisaarusiullaqqissut inuit pinnersut atorlugit isumaqartinniartarpaatigut pisariaqartinngisatsinnik pisisariaqartugut. Kiffaanngissutsimik eqqunngitsumik atuinissamut uukapaatinneqariaannaavugut.
9 Petrusip oqaaqqissaarutaa aamma inuunermi aalajangigassanut pingaarnerusunut, soorlu qanoq ilinniagaqarniarluta suliffeqarniarlutalu aalajangigassatsinnut tunngatillugu, atuuppoq. Assersuutigalugu inuusuttut qaffasinnerusumik ilinniagaqarnissap tamaviaarutiginissaanut tatineqartarput. Inuppassuarnit oqarfigineqartarput qaffasissumik ilinniagaqarunik suliffigissaalissasut, aningaasarsiorlualissasut ataqqineqalissasullu. Kisitsisinik paasissutissat atorlugit takutinniarneqartarpoq qaffasissumik appasinnerusumillu ilinniagallit aningaasarsiornerisa nikingassutaat. Inuusuttut inuunerup sinneranut sunniuteqartussamik aalajangertariaqaleraangamik tamakku tamaasa ussernartorsiorfigisinnaavaat. Inuusuttulli angajoqqaavisalu suna eqqaamasariaqarpaat?
10. Nammineq aalajangigassanut tunngatillugu suna eqqaamasariaqarparput?
10 Ilaat immaqa misigipput tamakku pillugit nammineq aalajangiisinnaatitaagamik ilerasuutiginngikkunikku qanorluunniit aalajangiinissamut kiffaanngissuseqarlutik. Immaqa Paulusip allatai uku eqqarsaatigaat: “Soormi uanga kiffaanngissusera allap tarnaata nalunngissusianit eqqartuunneqassava?” (1 Kor 10:29) Ilinniagaqarnermut suliffeqarnermullu tunngatillugu nammineq aalajangiisinnaatitaagaluarluta eqqaamasariaqarparput kiffaanngissuserput killeqarmat aalajangikkavullu tamarmik kinguneqartarmata. Taamaammat Paulusi ima allappoq: “Sunik tamanik iliorsinnaatitaavunga, imaanngilarli suut tamarmik iluaqutaasut. Sunik tamanik iliorsinnaatitaavunga, imaanngilarli suut tamarmik ineriartortitsisuusut.” (1 Kor 10:23) Tassa nammineq aalajangiisinnaatitaagaluarluta kissaativut pingaarnerpaajunngillat.
JEHOVAMUT KIFFARTORNERMI KIFFAANNGISSUSERPUT SILATUSAARTUMIK ATORTARPARPUT
11. Sooq Jehovap inussiaajunnaarsippaatigut?
11 Petrusi oqaaqqissaarivoq kiffaanngissuseq eqqunngitsumik atornagu ‘Guutip kiffaasut’ atussagipput. Inuunerput tamaat Guutimut kiffartornermut atorniassagatsigu Jehovap Jiisusi aqqutigalugu ajortimut toqumullu inussiaajunnaarsippaatigut.
12. Noa ilaqutaalu qanoq maligassiuippat?
12 Jehovamut kiffartornermi piffissarput nukivullu tamakkiisumik atorutsigit kiffaanngissuserput pitsaanerpaamik atussavarput. Tamanna silarsuarmi anguniagaqarnerup namminerlu pilerisatta inuunitsinni pingaarnerpaatinnginnissaannut iluaqutigissavarput. (Gal 5:16) Noa ilaqutaalu qanoq iliornersut eqqarsaatigiuk. Silarsuarmi inuunerluffiusumi nakuuserfiusumilu inuupput. Nunaqqatimilli anguniagaannut iliuuserisartagaannullu maleruutinngillat. Jehovap suliassiissutai – umiarsualiornissaq, nerisassanik uumasullu nerukkaatissaannik katersuinissaq inuillu allat ulersuarnissaanik mianersoqqunissaat – ulapputiginiarlugit aalajangerput. “Noa Guutip peqqusineratorluinnaq iliorpoq.” (1 Mos 6:22) Tamatuma kingunerisaanik Noa ilaqutaalu taamani silarsuup piuneerussaanerani aniguipput. – Hebr 11:7.
13. Jehovap sumik peqquaatigut?
13 Nalitsinni Jehovap sumik peqquaatigut? Jiisusimut ajoqersugaagatta Guutip oqaluussinissamik peqqussutaa nalunngilarput. (Lukasi 4:18, 19 atuakkit). Nalitsinni inuppassuit Saatanimit tappiillisinneqaramik naluaat upperisarsiornermut eqqunngitsumut, nunap piinut politikkikkullu aaqqissuussanut inussiaallutik. (2 Kor 4:4) Uagut inuit allat Jehovamik, Guutimik kiffaanngissuseqartitsisumik, ilisarisimannilernissamik pallorfiginnilernissamillu ikiornissaat Jiisusitut immikkut pisinnaatitaaffigaarput. (Matt 28:19, 20) Allanut oqaluussineq imaannaanngilaq. Sumiiffiit ilaanni inuit soqutiginninngillat, allaat ilaat oqaluussiffigineqaraangamik kamattarput. Jehovalli oqaluussinissatsinnik peqqummatigut imminut ima aperisariaqarpugut: ‘Kiffaanngissusera Jehovamut kiffartornermi iliuuseqarnerunissamut atorsinnaavara?’
14, 15. Jehovap innuttaasa ilarpassui suniarlutik aalajangersimappat? (Allaaserisap aallaqqaataani assit takukkit).
14 Jehovap innuttaasa ilarpassuisa naggatissap qanillinera paasisimagaat inuunerminnillu pisariillisaaniarlutik pionerinngorniarlutillu aalajangersimanerat qiimmaallannarpoq. (1 Kor 9:19, 23) Ilaat illoqarfimminni pioneriupput allallu ilagiinnut pisariaqartitsiffiusunut nuussimallutik. Ukiuni tallimani kingullerni 250.000-t sinnerlugit pioneritut aallartissimapput maannalu 1.100.000-t sinnerlugit pioneriullutik. Taama amerlatigisut Jehovamut kiffartornermut kiffaanngissutsiminnik taamatut atuinerat nuanningaarami! – Tuss 110:3.
15 Taakkua silatusaarlutik kiffaanngissutsimik atuinissaminnut suna iluaqutigaat? Johnip Judithillu, ukiuni 30-ni kingullerni nunani arlalinni kiffartorsimasut, maligassiaat eqqarsaatigiuk. Nassuiarpaat 1977-imi Pionerinut Ilinniarfik pilersinneqarmat ilinniartut pisariaqartitsiffiunerusuni kiffartorniassammata nooqqullugit kajumissaarneqartut. Tamanna angujumallugu John Judithilu pilimanianngitsumik inuusariaqarput. Taamaattumik John akulikitsumik allamik suliffittaartarpoq. Piffissap ingerlanerani nunamut allamut oqaluussiartorput. Unamminiarnartut, soorlu allamiut oqaasiinik ilinniarneq kulturimillu nutaamik silallu pissusaanik allamik sungiussiniarneq, qanoq qaangerpaat? Jehovamut qinusarput taassumanngalu ikiorneqarnissartik tatigalugu. Ukiorpassuarni Jehovamut taamatut kiffartornertik qanoq misigisaqarfigaat? John ima oqarpoq: “Misigivunga Jehovamut kiffartorneq misigisimasannit tamanit pitsaanerpaasoq. Jehova ataatatut asannittutut piviusutut isiginerulerpara. Maanna Jaaku 4:8 qanoq isumaqartoq paasilluarnerulerpara: ‘Guuti qaninniarsiuk, taava taanna ilissinnut qanillissaaq.’ Nalunngilara ujagara, tassa inuunermi siunertaq nalerisimaarnartoq, nassaarisimallugu.”
16. Qatanngutit tuusintillit kiffaanngissutsiminnik qanoq atuisimappat?
16 Ilaat, soorlu Johnip Judithillu pisimanerattut, ukiorpassuarni pioneriusinnaapput. Allalli pissutsit atukkatik pissutigalugit sivikitsumik pioneriusinnaapput. Silarsuaq tamakkerlugu sanaartornerni nammineq piumassutsimik suleqataasartut amerlaqaat. Assersuutigalugu Warwickimi, New Yorkimiittumi, qullersaqarfimmik sanaartornermi qatanngutit angutit arnallu ikiuuttut 27.000-t missaanniipput. Ilaat sapaatip-akunneri marluk, allat qaammatialuit allallu ukioq ataaseq sinnerluguluunniit ikiuukkiartorsimapput. Qatannguterpassuit taakku Warwickimi kiffartorniarlutik pilliuteqarput. Kiffaanngissusertik atorluarlugu Jehovamik, Guutimik kiffaanngissuseqartitsisumik, unnersiutiginnittut ataqqinnittullu maligassaalluarput!
17. Kiffaanngissuserput maanna silatusaartumik atorutsigu suna qilanaarutigisinnaavarput?
17 Jehovap ilisarisimanera pallorfigineratigullu kiffaanngissuseqalersimanerput qujamasuutigaavut. Kiffaanngissuseq taanna erligingaarlugu aalajangiisarnitsigut ersersitsigu. Eqqunngitsumik atornagu sapinngisamik tamakkiisumik Jehovamut kiffartornermut atortigu. Taamaaliorutta Jehovap pilluaqqussutitut ukua neriorsuutigisaasa eqquunnissaat nuannaarutigisinnaassavavut: ‘Pinngortitat namminneq aniguisitaajumaarput nungujassusermi inussiaataanermit kiffaanngissuseq Guutip qitornaasa naalannarsiffissami pisassaat pigilerlugu.’ – Rom 8:21.