1, 2. (a) Inuit kif­faan­ngis­suseqalerumal­lutik susar­pat? (b) Taman­na qanoq kinguneqar­tar­pa?

NALIGIIS­SITAANEQ, pisin­naatitaaf­fiit kif­faan­ngis­suserlu nalitsin­ni silarsuaq tamak­kerlugu eq­qar­tor­neqar­tar­put. Inup­pas­suit naaper­tuil­luan­ngis­sutsimit, isum­mius­sereer­tar­nermit piitsuunermil­lu naner­tugaajun­naarusup­put. Al­lat qanorluun­niit oqarsin­naatitaanis­sar­tik, nam­mineq aalajangiisin­naatitaanis­sar­tik qanorluun­niil­lu inooriaaseqarusul­lutik kif­faan­ngis­suseqar­nis­sar­tik piumasaraat. Inuit tamarmik kif­faan­ngis­suseqarusup­put.

² Kif­faan­ngis­suseqarumal­lutik inuit akerlius­sutsimik takutitsisarlutil­lu al­laat mumisitsiniar­tar­put. Piumasatil­li pisar­paat? Naamik, amerlaner­tiguun­ngitsoq. Kingunerisar­paali naal­liun­neq al­laal­lu toqu. Oqaluus­sisar­tup oqaasiini 8:9-mi kun­ngip Salomop ima al­lan­nera ilumoorluin­nar­poq: “Inuit ilaat ataaseq inoqatiminut ajoqutaasumik pis­saaneqar­pal­laar­tar­poq.”

3. Piviusumik pil­lualerumal­luta nalerisimaalerumal­lutalu qanoq iliorsin­naavugut?

 ³ Piviusumik pil­lualerumal­luta nalerisimaalerumal­lutalu qanoq ilior­tariaqar­nitsin­nik Biibilimi paasitin­neqar­pugut. Ajoqersugaq Jaaku al­lap­poq ‘kif­faan­ngis­sutsip inatsisaanik naam­mal­luin­nar­tunik isumaliutigin­neq­qis­saar­toq aalajangius­sisorlu pil­luarumaar­toq’. (Jaak 1:25) Jehovap, naam­mal­luin­nar­tunik inatsisilior­tup, inuit pil­lualivin­nis­samut nalerisimaalivin­nis­samul­lu sunik pisariaqar­titsisut nalun­ngin­neruaa. Jehovap Adami Evalu pil­luarsin­naaq­qul­lugit pisariaqar­titaan­nik tamanik, ilaatigut piviusumik kif­faan­ngis­suseqar­nermik, tunivai.

4. Adami Evalu qanoq it­tumik kif­faan­ngis­suseqar­pat? (Al­laaserisap aal­laq­qaataani as­siliaq takuuk).

⁴ Mosesimik al­lak­kani siul­ler­ni kapitalit siul­liit marluk atuaratsigit paasivar­put Adami Evalu nalitsin­ni inuit takorluuin­narsin­naasaan­nik kif­faan­ngis­suseqar­tut. Pisariaqar­titatik tamaasa pigalugil­lu qunugisas­saqaratil­lu naqisimaneqan­ngil­lat. Nerisas­sat, sulif­fik, nap­paatit toquluun­niit pil­lugit isumakuluuteqan­ngil­lat. (1 Mos 1:27-29; 2:8, 9, 15) Kil­leqan­ngitsumil­li kif­faan­ngis­suseqar­pat? Taman­na misis­soriar­tigu.

5. Inup­pas­suit al­latut isumaqaraluar­tut inuit kif­faan­ngis­suseqarsin­naajumal­lutik suna pisariaqar­tip­paat?

⁵ Inup­pas­suit isumaqar­put iliuutsit kingunerisas­saat eq­qarsaatiginagit qanorluun­niit iliorsin­naagaan­ni aatsaat piviusumik kif­faan­ngis­suseqar­toqarsin­naasoq. Ujarlerfis­siami The World Book Encyclopedia-mi al­las­simavoq kif­faan­ngis­suseq tas­saasoq “aalajangiisin­naaneq aalajangik­kanil­lu piviusun­ngor­titsisin­naaneq”. Imali nangip­poq: “Inatsisit naaper­torlugit inuit in­nut­taaqatigiin­nit naaper­tuil­luan­ngitsumik, pisariaqan­ngitsumik ingasaas­sin­ngitsumil­lu kil­lilersugaan­ngitsut kif­faan­ngis­suseqas­sap­put.” Tas­sa inuiaqatigiin­ni kik­kut tamarmik kif­faan­ngis­suseqarsin­naas­sap­pata maleruagas­sanik kil­lilersuuteqar­tariaqar­poq. Imali apeq­quser­nar­poq: Kina naaper­tuil­luar­tumik, pisariaqar­tumik ingasaas­sin­ngitsumil­lu kil­liliisin­naatitaava?

6. (a) Sooq Jehova kisimi kil­leqan­ngitsumik kif­faan­ngis­suseqar­pa? (b) Inuit qanoq it­tumik kif­faan­ngis­suseqar­pat, aam­ma sooq?

⁶ Jehovap Guutip kisimi naam­mal­luin­nar­tumik kil­leqan­ngitsumil­lu kif­faan­ngis­suseqar­nera eq­qaamas­sal­lugu pingaaruteqar­poq. Sooq? Sunik tamanik Pin­ngor­titsisuul­lunilu qilam­mi nunamilu Kisimi Oqar­tus­saasuugami. (1 Tim 1:17; Saqq 4:11) Jehovap as­seqan­ngitsumik qutsis­sumil­lu inis­sisimaf­feqar­nera kun­ngip Daavip taal­lior­palaar­tumik nas­suiar­paa. (1 Nalunaarsuutit 29:11, 12 atuakkit). Qilam­mili nunamilu pin­ngor­titat tamarmik kif­faan­ngis­susiat kil­leqar­poq. Jehovap Guutip kis­saatigaa kisimi naaper­tuil­luar­tumik, pisariaqar­tumik ingasaas­sin­ngitsumil­lu kil­liliisin­naatitaanini akueris­sagip­put. Pileq­qaar­neran­niil­li Jehovap pin­ngor­titani kil­liler­pai.

7. Iliuuserisariaqak­kavut suut nuan­naalis­sutigisar­pavut?

⁷ Adami Evalu an­ner­tuumik kif­faan­ngis­suseqaraluarlutik  kif­faan­ngis­susiat kil­leqar­poq. Kil­liliis­sutit ilaat taak­kua pis­susis­samisoor­tutut isigaat. As­sersuutigalugu inuuin­narumal­lutik anersaar­tor­tariaqarlutil­lu nerisariaqarlutil­lu sinit­tariaqar­put. Kif­faan­ngis­suseqan­ngitsutul­li misigip­pat? Naamik, taamaalior­nermik­kut pil­lualer­nis­saat nalerisimaaler­nis­saal­lu Jehovap isumagaa. (Tuss 104:14, 15; Oqal 3:12, 13) Tamat­ta silaan­naris­sumi anersaar­tor­neq, mamariner­paasatsin­nik nerineq sinil­luar­nerlu nuan­narisar­pavut. Tamak­ku kil­lilersugaasutut misigilis­sutigineq ajor­pavut. Adami Evalu aam­ma taamatut misigisimas­sap­put.

8. Guutip Adami Evalu qanoq peq­quai, aam­ma sooq?

⁸ Jehovap Adami Evalu paatsuugas­saan­ngitsumik peq­quai nunarsuaq qitor­namin­nik ulik­kaaq­qul­lugu isumageq­qul­lugulu. (1 Mos 1:28) Peq­qus­sut taman­na kif­faan­ngis­suseerus­sutigaat? Naamerluin­naq! Taman­na pis­sutigalugu nunarsuup paratiisin­ngor­tin­nis­saanut, inuian­nut naam­mal­luin­nar­tunut qaqugorsuarmut angerlarsimaf­fin­ngor­tin­nis­saanut, periarfis­saqaler­put. Taman­na Guutip siuner­tarivaa. (Es 45:18) Ul­lumik­kut inuit katin­niar­natik meerar­taar­niar­natil­luun­niit aalajangeraangamik Guutip piumasaanut akerliusumik ilior­neq ajor­put. Taamaak­kaluar­torli inup­pas­suit katit­tarlutil­lu meerar­taar­tar­put, taman­na unam­miniar­nar­tunik kinguneqar­taraluar­toq. (1 Kor 7:36-38, NW) Sooq? Pil­lualer­nis­sar­tik nalerisimaaler­nis­sar­til­lu ilimagigamik­ku. (Tuss 127:3) Adamip Eval­lu Jehova naalas­simasuugunik­ku aap­pariin­ner­tik ilaqutariin­ner­til­lu naas­saan­ngitsumik nuan­naarutigisimas­sagaluar­paat.

9. Mosesimik al­lak­kani siul­ler­ni 2:17-imi Guutip peq­qus­sutaa sooq naaper­tuil­luarlunilu pisariaqarlunilu ingasan­ngila?

⁹ Adami Evalu peq­qus­sum­mik al­lamik unioq­qutitsip­pata qanoq pil­laasoqas­sasoq Jehovap ima erseq­qis­sumik oqaatigaa: “Or­pik ajun­ngitsumil­lu ajor­tumil­lu ilisimalersitsisoq nerif­figis­san­ngilat, nerif­figigaluaruk­kumi toqus­saatit!” (1 Mos 2:17) Peq­qus­sut taman­na naaper­tuil­luaranilu pisariaqaranilu ingasap­pa? Adamip Eval­lu kif­faan­ngis­suseerus­sutigaat? Naamerluin­naq. Biibilimik ilisimatoor­pas­suit isumaqar­put Guutip peq­qus­sutaa paasiuminarlunilu naleq­qut­toq. As­sersuutigalugu taak­kua ilaat ima al­lap­poq: “[Mosesimik al­lak­kat siul­liit 2:16, 17-imilu] Guutip peq­qus­sutaanit erser­poq Guutip kisimi nalun­ngik­kaa inun­nut suut ajun­ngitsuusut ... Guutil­lu kisimi nalun­ngik­kaa taak­kunun­nga suut ajor­tuusut ... Inuit ‘ajun­ngitsut’ nuan­naarutigiumal­lugit Guuti tatigisariaqarlugulu naalat­tariaqar­paat. Naalan­ngik­kunik nam­min­neq suna ajun­ngitsuunersoq ... sunalu ajor­tuunersoq ... aalajanger­tariaqalis­savaat.” Taman­nalu inun­nut ajor­nar­pal­laar­poq.

10. Sooq nam­mineq aalajangiisin­naatitaaneq suup eq­qor­tuuneranik suul­lu eq­qun­ngitsuuneranik aalajangiisin­naatitaanerun­ngila?

¹⁰ Inuit ilaat isumaqar­put Jehovap Adami piumasamisut ilior­nis­saanut kif­faan­ngis­susilin­ngik­kaa. Paasin­ngilaal­li nam­mineq qanoq ilior­niar­nerluni  aalajangiisin­naatitaanerup suup eq­qor­tuuneranik suul­lu eq­qun­ngitsuuneranik aalajangiisinnaatitaaneq as­sigin­ngik­kaa. Adamip Eval­lu nam­min­neq aalajangersin­naavaat Guutimut naalan­niarlutik naalan­ngin­niarlutil­luun­niit. Jehovali kisimi suup eq­qor­tuuneranik suul­lu eq­qun­ngitsuuneranik aalajangiisin­naatitaavoq. Tamatumun­ngalu ‘or­pik ajun­ngitsumik ajor­tumil­lu ilisimalersitsisoq’ as­sersuutaavoq. (1 Mos 2:9) Aalajangik­kavut qanoq kinguneqas­sanersut ilaan­nik­kut ilisimaneq ajor­par­put ajun­ngitsumil­lu kinguneqar­tas­sanersut nalusarlutigu. Taamaat­tumik inuit ajun­ngitsumik isumaqarlutik aalajangiisar­put, aalajangigaal­li naal­liun­ner­nik, ajunaar­nermik alianar­tumil­luun­niit kinguneqar­tar­put. (Uss 14:12) Aap, inuit pisin­naasaat kil­leqar­put. Jehovap or­pim­mit nereq­qusin­ngin­nermigut Adami Evalu qanoq piviusumik kif­faan­ngis­suseqarsin­naasut asan­nit­tumik ilin­niar­tip­pai. Adami Evalu suniarlutik aalajanger­pat?

11, 12. Sooq Adamip Eval­lu aalajanger­nerat ajorluin­nar­tumik kinguneqar­pa? As­sersuuteqarit.

¹¹ Ajoraluar­tumik Adami Evalu Jehovamut naalan­ngin­niarlutik aalajanger­put. Saatani ima neriorsuisoq tusar­naar­niarlugu Eva aalajanger­poq: ‘Isisi uisitaajumaar­put Guutisul­lu ilerumaar­pusi ajun­ngitsoq ajor­torlu nalujun­naas­sal­lugit.’ (1 Mos 3:5) Saatanip oqar­neratut Adamip Eval­lu aalajangiinerat kif­faan­ngis­suseqar­nerulersitsiva? Naamik. Paasivaat Jehovap siulersuineranik ajat­tuiner­tik ajorluin­nar­tumik kinguneqar­toq. (1 Mos 3:16-19) Sooq taamaap­pa? Jehovap inuit suup ajun­ngitsuuneranik  suul­lu ajor­tuuneranik nam­min­neq aalajangiisin­naatin­ngim­magit. – Ussatit 20:24; Jeremia 10:23 atuakkit.

¹² Taman­na tim­misar­tor­nermut as­sersuun­neqarsin­naavoq. Tim­misar­tor­tar­tup apuuf­fis­saminut ajorani apuun­niaruni aq­qut akuerisaq atuar­tariaqar­paa, tim­misar­tup ator­toris­saarutai ator­tariaqar­pai tim­misar­tul­lu ingerlaar­neran­nik nak­kutil­liisut at­taveqaqatigisariaqarlugit. Tim­misar­tor­tar­tul­li ilitsersuutinik maleruaan­ngin­nera piumasaan­narmisul­lu ingerlanera ajorluin­nar­tumik kinguneqarsin­naavoq. Taamatut­taaq Adami Evalu nam­min­neq piumasamit­tut iliuuseqarusup­put. Guutip siulersuinera ajat­tor­paat. Tamatumalu kingunera ajorluin­nar­toq eq­qarsaatigiuk. Aalajangiinerat taak­kunun­nga kinguaavinul­lu tamanut toqumik kinguneqar­poq. (Rom 5:12) Adamip Eval­lu suup ajun­ngitsuunera suul­lu ajor­tuunera nam­min­neerlutik aalajangeriaraluaramik­ku kif­faan­ngis­suseqar­neruler­natik kif­faan­ngis­suseq piviusoq Jehovamit pisar­tik an­naavaat.

13, 14. Qanoq piviusumik kif­faan­ngis­suseqalersin­naavugut?

¹³ Inuit ilaat isumaqar­put kil­leqan­ngitsumik kif­faan­ngis­suseqar­neq pitsaaner­paas­sasoq. Taman­nali ilumoor­pa? Kif­faan­ngis­suseqar­neq amerlasuunik iluaqutis­sar­taqaraluar­toq suut tamarmik kil­leqan­ngitsuup­pata silarsuaq qanoq is­sagaluar­toq takorloorsin­naaviuk? The World Book Encyclopedia-mi al­laq­qavoq inuiaqatigiin­ni aaq­qis­suus­saasuni  inatsisit inuit kif­faan­ngis­susian­nik il­lersuil­lutil­lu kil­liliisus­saagamik pisariusut. Taman­nalu ajor­naatsuujuaan­nan­ngilaq. Taamaat­tuminguna taama amerlatigisunik inatsiseqarlunilu taama amerlatigisunik inatsisinik taak­kunin­nga nas­suiaaniar­tar­tunik maleruaaniar­tar­tunil­lu inatsisileritooqarlunilu eq­qar­tuus­sisoqar­toq.

¹⁴ Qanoq piviusumik kif­faan­ngis­suseqalersin­naasugut Jiisusip Kristusip nas­suiar­paa. Ima oqar­poq: “Oqaasera aalajangius­simajuarus­siuk ilumut ajoqersugaris­savas­si, sal­lusuis­sul­lu ilisimalis­savarsi, sal­lusuis­sutsil­lu inus­siaajun­naarsis­savaasi.” (Joh 8:31, 32) Tas­sa piviusumik kif­faan­ngis­suseqarusuk­kut­ta marluk iliuuserisariaqar­pavut. Siul­ler­tut, sal­lusuis­sut Jiisusip ilin­niar­titsis­sutaa akuerisariaqar­par­put. Aap­paat­tut, taas­sumun­nga ajoqersugan­ngor­tariaqar­pugut. Taamaaliorut­ta piviusumik kif­faan­ngis­suseqalis­saagut. Sumil­li aniguisin­neqas­sagat­ta? Jiisusi ima oqar­poq: “Ajor­tulior­toq kinaluun­niit ajor­tip inus­siaatigaa.” Imalu nangip­poq: “Er­nerup inus­siaajun­naarsip­pasi inus­siaajun­naavis­saasi.” – Joh 8:34, 36.

15. ‘Inus­siaajun­naavin­neq’ Jiisusip neriorsuutigisaa qanoq paasisariaqar­pa?

¹⁵ Kif­faan­ngis­suseq Jiisusip ajoqersuk­kaminut neriorsuutigisaa inuit nalitsin­ni kif­faan­ngis­suseriumasaan­nit pitsaanerungaar­poq. Jiisusip suna pivaa ima oqarami: “Er­nerup inus­siaajun­naarsip­pasi inus­siaajun­naavis­saasi”? Ajor­timut inus­siaanermit, naqisimaneqar­nermit inuit misigisimasaan­nit ajor­ner­paamit, aniguisin­neqar­neq pivaa. Ajor­tip ajor­tulior­tit­tar­paatigut sunalu eq­qor­tuusoq nalun­ngik­kaluarlugu eq­qun­ngitsulior­tit­tarluta sapin­ngisatsin­nil­luun­niit iliun­ngitsoor­tit­tarluta. Taamaat­tumik ajor­timut inus­siaavugut, tamatumalu kingunerisar­paa pakatsineq, naal­liun­neq toqulu. (Rom 6:23) Apustilip Paulusip ajor­timut inus­siaaneq qanoq ajor­tiginersoq misigaa. (Romamiut 7:21-25 atuakkit). Aatsaat ajor­ti peerul­luin­nar­pat Adamip Eval­lu aal­laq­qaam­mut misigisaat­tut piviusumik kif­faan­ngis­suseqalis­saagut.

16. Qanoq inus­siaajun­naavis­sin­naavugut?

¹⁶ Oqaatsinit “oqaasera aalajangius­simajuarus­siuk”-mit erser­poq Jiisusimit inus­siaajun­naarsin­neqarusuk­kut­ta iliuuseqar­tariaqar­tugut. Kristumiuugat­ta tun­niul­luin­narsimasut im­minut tunul­liup­pugut Jiisusil­lu ajoqersuk­kaminut kil­liliis­sutai akueralugit. (Matt 16:24) Jiisusip neriorsuineratul­li siunis­sami uter­titsis­sutitut pil­liutaata iluaqutis­sar­tai tamaasa iluaqutigilerutsigit inus­siaajun­naavis­saagut.

17. (a) Qanoq piviusumik pil­luarlutalu nalerisimaarsin­naavugut? (b) Al­laaserisami tul­liut­tumi suna sam­mis­savar­put?

¹⁷ Piviusumik pil­luarlutalu nalerisimaarusuk­kut­ta Jiisusip ajoqersugaatut ilin­niar­titsis­sutai maleruar­tariaqar­pavut. Taamaaliorut­ta ajor­timut toqumul­lu inus­siaajun­naavin­nis­sar­put neriuutigisin­naavar­put. (Romamiut 8:1, 2, 20, 21 atuakkit). Jehova, Guuti piviusumik kif­faan­ngis­suseqalersitsisar­toq, naas­saan­ngitsumik ataq­qiumal­lugu maan­na kif­faan­ngis­suser­put qanoq silatusaarluta atorsin­naanerip­put al­laaserisami tul­liut­tumi sam­mis­savar­put.