1-2. (a) Saatani inun­nik qanoq uukapaatitsisimava? (b) Al­laaserisami suut sam­mis­savavut?

SAATANI, ‘sal­lumut ataataasoq’, Adamip Eval­lu nalaaniil­li inun­nik uukapaatitsisar­poq. (Joh 8:44) Sal­luliuutaasa ilagaat toqu tamatumalu kingor­na susoqar­tar­nera pil­lugit ajoqersuutit eq­qun­ngitsut. Taak­ku tun­ngavigalugit ileq­qulersuutit as­sigiin­ngitsut pilersimap­put. Tamatuma kingunerisaanik qatan­ngutit­ta ilar­pas­suisa ilaqut­tamin­nik nunaq­qatimin­nil­luun­niit toqusooraangamik ‘up­perisar­tik sorsuutigisariaqar­tar­paat’. – Jud 3.

² Taamatut misilin­neqaruit toqu pil­lugu Biibilimi ajoqersuutigineqar­tut qanoq aalajangiusimasin­naavigit? (Ef 6:11) Kristumioqatit ileq­qulersuutinut Guutip iluarin­ngisaanut peqataaq­qul­luni tatineqar­toq qanoq tup­pal­lersarlugulu nakus­satsis­sin­naaviuk? Jehovap uagutsin­nik siulersuinera al­laaserisami sam­mineqas­saaq. Siul­ler­tul­li toqu pil­lugu Biibilimi qanoq al­las­simasoqar­toq sam­meriar­tigu.

3. Sal­lu siul­leq qanoq kinguneqar­pa?

³ Guutip siuner­tarin­ngilaa inuit toqus­sasut. Naas­saan­ngitsumil­li inuus­sagunik Adamip Eval­lu Jehova naalat­tariaqar­paat. Taan­na ersaris­sumik ima peq­qusivoq: “Or­pik ajun­ngitsumil­lu ajor­tumil­lu ilisimalersitsisoq nerif­figis­san­ngilat, nerif­figigaluaruk­kumi toqus­saatit!” (1 Mos 2:16, 17) Taava Saatani akuliup­poq. Pulateriaarsuk aq­qutigalugu Evamut ima oqar­poq: “Naamik, toqus­san­ngivip­pusi!” Ajoraluar­tumik Evap sal­lu taan­na up­peraa or­piul­lu paar­naanik neril­luni. Kingor­na aam­ma uia nerivoq. (1 Mos 3:4, 6) Taamaasil­luni ajor­ti toqulu inun­nut an­ngup­put. – Rom 5:12.

4-5. Saatani inun­nik qanoq uukapaatitsiuarsimava?

 ⁴ Guutip oqar­neratorluin­naq Adami Evalu toqup­put. Saatanil­li toqu pil­lugu sal­lulior­nini unitsin­ngilaa. Kingusin­nerusuk­kut al­lanik sal­luliuuteqaler­poq. Taak­kua ilagaat inuk toqugaangami timaa toqugaluarluni tar­neqar­toq arlaan­nut, soorlu anersaat silarsuaan­nut, ingerlaq­qit­tar­tumik. Inup­pas­suit sal­lumit tamatuman­nga as­sigisaan­nil­lu ul­loq man­na tikil­lugu uukapaatin­neqarsimap­put. – 1 Tim 4:1.

⁵ Sooq inuit taama amerlatigisut uukapaatin­neqarsimap­pat? Saatanip nalun­ngilaa inuit toqunis­saq pil­lugu qanoq misigisut. Naas­saan­ngitsumik inuusus­satut pin­ngor­tin­neqarat­ta toqorusun­ngilagut. (Oqal 3:11, qup­per­nerup ataani ilan­ngus­saq) Toqu akeq­qatut isigaar­put. – 1 Kor 15:26.

6-7. (a) Toqusimasut pil­lugit sal­lusuis­sutip iser­tuun­niar­nerani Saatani iluatsis­simava? Nas­suiaruk. (b) Sal­lusuis­sut Biibilimeersoq qanoq iluaqutigaar­put?

⁶ Saatani ilungersoraluar­toq toqu pil­lugu sal­lusuis­sut iser­tuun­neqan­ngilaq. Aatsaat inuit taama amerlatigisut toqusut pil­lugit Biibilimi ajoqersuutigineqar­tut toqusimasunil­lu neriuut ilisimal­lugil­lu nalunaajaatigaat. (Oqal 9:5, 10; ApS 24:15) Sal­lusuis­sutsit taak­ku tup­pal­lersaatigalugil­lu an­nilaangalin­ngin­nis­samut nalor­nin­ngin­nis­samul­lu iluaqutigaavut. As­sersuutigalugu toqusimasut siooragin­ngilavut ajor­tumil­lu pineqar­nis­saat an­nilaangagin­ngilar­put. Nalun­ngilar­put piun­ngitsut ajoqusiisin­naanatil­lu. Itisuumik sinit­tutul­lusooq iin­nar­put. (Joh 11:11-14) Aam­ma ilisimavar­put ukior­pas­suar­ni toqungasimagaluarunil­luun­niit pif­fis­sap ingerlanera malugineq ajoraat. Makitin­neqarunik pif­fis­saq ingerlasimasoq sivikitsutut misigis­savaat soorlulusooq aatsaan­nguum­mat toqusut.

⁷ Toqusimasut pil­lugit sal­lusuis­sut paasiuminangaarami, ilaa? Saatanil­lu sal­luliuutaanit paatsiveerun­nar­tunit al­laanerungaarami! Inun­nik uukapaatitsiin­naratik Saatanip sal­luliuutai Pin­ngor­titsisitsin­nik tusaamanerlugaalersitsip­put. Ajoqusiingaarsimanerat paasil­luarumal­lugu apeq­qutit uku sam­mis­savavut: Saatanip sal­luliuutai Jehovamik qanoq tusaamanerlugaalersitsip­pat? Qanoq isumaqalersitsip­pat Kristusip uter­titsis­sutitut pil­liutaa soqutaan­ngitsoq? Qanoq inun­nik aliasun­nerulersitsil­lutil­lu naal­liun­nerulersitsip­pat?

8. Jeremia 19:5-imi ersersin­neqar­tutut Saatanip toqusimasut pil­lugit sal­luliuutai Jehovamik qanoq tusaamanerlugaalersitsip­pat?

⁸ Saatanip toqusimasut pillugit salluliuutai Jehovamik tusaamanerlugaalersitsipput. Sal­luliuutit  ilagaat toqusimasut sumiif­fim­mi ikualasumi an­niar­tin­neqar­neran­nik ajoqersuut. Ajoqersuutinit taamaat­tunit Guuti tusaamanerlugaalersin­neqar­poq. Qanoq? Inun­nik up­perin­nilersitsigamik Guuti asan­nit­toq Diaavulup pis­susipalaavinik pis­suseqar­toq. (1 Joh 4:8) Taman­na qanoq misigilis­sutigaajuk? Pingaar­ner­tul­li, Jehovap qanoq misigilis­sutigaa? Taas­sumami naak­kit­taatsulior­nerit suul­luun­niit uumigai. – Jeremia 19:5 atuaruk.

9. Saatanip sal­luliuutai Kristusip uter­titsis­sutitut pil­liutaanik Johan­nesi 3:16-imi 15:13-imilu al­laatigineqar­tunik up­perin­nin­nermut qanoq sun­niuteqar­pat?

⁹ Toqu pillugu Saatanip salluliuutai isumaqalersitsipput Kristusip utertitsissutitut pilliutaa soqutaanngitsoq. (Matt 20:28) Saatanip sal­luliuutaa al­la tas­saavoq inuit toqujuitsumik tar­neqar­nerat. Taman­na ilumoor­pat inuit tamarmik naas­saan­ngitsumik inuusus­saas­sap­put, Kristusil­lu uagut pil­luta inuunini pil­liutigisariaqarsimanavian­ngik­kaluar­paa. Eq­qaamajuk pil­liutaa inun­nut asan­nit­tulior­nerum­mat pingaaruteqar­ner­paaq. (Johannesi 3:16; 15:13 atuakkit). Ajoqersuutit tunis­sum­mik naleqangaar­tumik tamatumin­nga soqutaan­ngitsutut isumaqalersitsisut Jehovap Jiisusil­lu qanoq isumaqarfigineraat takorlooruk.

10. Saatanip sal­luliuutai inun­nik qanoq aliasun­nerulersitsil­lutil­lu naal­liun­nerulersitsip­pat?

¹⁰ Saatanip salluliuutai inunnik aliasunnerulersitsillutillu naalliunnerulersitsipput. Angajoq­qaat meeq­qamin­nik toquk­kut an­naasaqar­tut ilaan­nik­kut oqarfigineqar­tar­put Guutip in­ngilimik pisariaqar­titsigami meeraq qilaliar­tik­kaa. Sal­luliuut taman­na Saatanimeersoq tup­pal­lersaataava, imaluun­niit aliasun­nerulersitsiva? An­niarfim­mik ikualasumik ajoqersuut eq­qun­ngitsoq naal­liutsitsinis­samut utoq­qatsis­sutigineqarsimavoq. As­sersuutigalugu oqaluf­fiup ajoqersuutaanik akerliusut ilaat ikual­lagaasimap­put. Spaniami inkvisitioni * pil­lugu atuak­kami al­las­simavoq taamatut naal­liutsitsisar­tut ilaat isumaqaan­narunar­tut ‘ajoqersuinerlut­tut naas­saan­ngitsumik ikualasumik an­niar­titaaf­fim­miin­neq qanoq ik­kumaar­nersoq’ paasigunik­ku toqun­ngitsiar­nermin­ni peq­qis­simis­sasut an­niar­titaaf­fim­miil­lu an­naan­neqarlutik. Nunar­pas­suar­ni inuit misigisar­put siuaasamin­nik pal­lorfigin­nin­neq, ataq­qin­nit­tuliorfigin­nin­neq taak­kunun­ngalu pil­luaq­qus­sutinik qinuneq pisariaqar­tut. Al­lat arlaatigut pil­lar­neqar­nis­sar­tik pin­ngitsoor­tik­kumal­lugu siuaasamin­nik eq­qis­sisaasar­put. Up­perisal­li Saatanip sal­luliuutaanit aal­laavil­lit piviusumik tup­pal­lersaataaneq ajor­put. Pisariaqan­ngitsumik er­numalersitsisar­put al­laal­lu an­nilaangalersitsisarlutik.

11. Ilaqut­tat­ta ikin­ngutit­taluun­niit Guutip oqaasianut naaper­tuutin­ngitsumik ilior­nis­samut qanoq kimigiiserfigisin­naavaatigut?

¹¹ Toqusimasunut tun­ngatil­lugu ileq­qulersuutinut Biibilimut naaper­tuutin­ngitsunut peqataanis­samut ilaqut­tat­ta ikin­ngutit­talu ajun­ngitsumik isumaqarlutik kimigiiserfigip­patigut Guutimut asan­nin­neq taas­sumalu oqaasiinik pingaar­titsineq nakus­satsis­sutigalugit Jehova naalas­sin­naavar­put. Imaas­sin­naavoq kan­ngusutsin­niarsarigaatigut, im­maqa oqarlutik toqusimasut asanagil­lu ataq­qin­ngik­kivut. Imaluun­niit oqarsin­naap­put aalajanger­ner­put pis­sutigalugu toqusimasut arlaatigut ajoqusiis­sasut. Taamaat­toqar­til­lugu sal­lusuis­sut Biibilimeersoq qanoq il­lersorsin­naavar­put? Biibilimi najoq­qutas­siat tul­liut­tut qanoq atorsin­naaneritit eq­qarsaatigiuk.

12. Toqusimasunut tun­ngatil­lugu ileq­qorineqar­tar­tut suut ersaris­sumik Biibilimut naaper­tuutin­ngil­lat?

¹² Upperisanit ileqqunillu Biibilimut naapertuutinngitsunit ‘avissaaqqanissat’ aalajangiusimajuk. (2 Kor 6:17) Caribiami amerlasuut up­peraat inuup toqunerata kingor­na im­minik ajor­tuliorsimasut  pil­lar­niarlugit “tar­nia” inuusut akor­nan­niit­tar­toq. Ujarlerfis­siami eq­qaaneqar­poq “tar­neq” taan­na al­laat ‘inuiaqatigiin­ni perlus­sior­titsisin­naasoq’. Toqusimasup angerlarsimaf­fiani tarrarsuutit as­ser­nis­saat as­sil­lu mumisin­nis­saat Afrikami ileq­quuvoq. Suna pis­sutaava? Isumaqar­toqar­tarmat toqusimasut im­minut takoq­qusaan­ngitsut. Jehovamut kif­faagat­ta oqalut­tuatoq­qat up­perinagil­lu ileq­qulersuutinut Saatanip sal­luliuutaanik siuarsaasunut peqataarusun­ngil­luin­nar­pugut! – 1 Kor 10:21, 22.

13. Jaaku 1:5 naaper­torlugu ileq­qulersuum­mut aalajangersimasumut tun­ngatil­lugu nalor­niguit susariaqar­pit?

¹³ Ileq­qulersuum­mut aalajangersimasumut tun­ngatil­lugu nalor­niguit ilisimas­susermik tuneq­qul­lutit Jehova qin­nuigiuk. (Jaaku 1:5 atuaruk). Taava Biibililersaarutitsin­nik misis­suigit. Pisariaqar­tik­kuk­ku utoq­qaaner­tanik oqaloqateqarit. Qanoq ilius­sasutit oqarfiginavian­ngilaatsit, najoq­qutas­sianil­li Biibilimeersunik, soorlu al­laaserisami matumani eq­qar­tor­neqar­tunik, misis­suinis­samut ikiorsin­naavaatsit. Taama iliuuseqar­nik­kut paasin­nis­sin­naas­sutsit sungiusas­savat ‘ajun­ngitsumik ajor­tumil­lu im­mik­koor­titsisin­naalerlutit’. – Hebr 5:14.

14. Qanoq mamiatsatsitsinaveersaarsin­naavugut?

¹⁴ ‘Qanorluunniit iliorussi taamaaliussaasi Guutip ataqqinaatissaanik. Mamiatsatsitsinaveeritsi.’ (1 Kor 10:31, 32) Ileq­qulersuut aalajangersimasoq peqataaf­figis­sanerlugu aalajangiinialeraangat­ta aam­ma eq­qarsaatigisariaqar­par­put aalajangiiner­put al­lat, pingaar­tumik kristumioqatit­ta, nalun­ngeqatigin­nis­sutaan­nut qanoq sun­niuteqarsin­naasoq. Kimil­luun­niim­mi ‘tam­mar­titserusun­ngilagut’. (Mark 9:42) Aam­ma up­perisaqatigin­ngisavut pisariaqan­ngitsumik narrujuum­misik­kusun­ngilavut. Asan­nik­kut­ta ataq­qin­nit­tumik oqaluuk­kusus­savavut, taman­nalu Jehovamut ataq­qinaataas­saaq. Aam­ma inuit oq­qateqatigerusun­nagil­lu ileq­qulersuutaat il­laruaatigerusun­ngilavut. Eq­qaamajuk asan­nin­neq sun­niuteqangaar­tarmat! In­nimit­tar­tumik ataq­qin­nit­tumil­lu asan­nin­neq ersersik­kutsigu im­maqa al­lat uum­mataat kil­lil­lugit akerlilersuival­laarun­naarsis­sin­naavavut.

15-16. (a) Il­lit up­perisat pil­lugu al­lanut oqalut­tuar­nis­sat sooq silatusaar­nerua? As­sersuuteqarit. (b) Romamiut 1:16-imi Paulusip al­latai qanoq iluaqutigisin­naavavut?

¹⁵ Inuit paasitikkit Jehovap Nalunaajaasuisa ilagigaatsit. (Es 43:10, 21) Ilaqut­tan­ni toqusoor­nin­nut tun­ngatil­lugu ileq­qunut aalajangersimasunut peqataan­ngin­nerit ilaqut­tan­nut eq­qarlin­nul­lu kamas­sutaasin­naavoq, taak­kunun­ngali il­lit suna up­perinerlugu paasitereeruk­ku  ajor­nan­ngin­nerus­sagunar­poq. Francisco, Mozambiquemi najugalik, ima al­lap­poq: “Nuliaralu sal­lusuis­sut ilin­niaratsigu ilaqut­tavut oqarfigaavut toqusimasunik pal­lorfigin­nit­tarun­naar­niarluta. Aalajangiiner­put misilin­neqar­poq nuliama, Carolinap, angajua toqum­mat. Najuk­katsin­ni up­perisami ileq­qulersor­nermut tun­ngatil­lugu toqusup timaata asat­tor­neqar­tar­nera ileq­quuvoq. Taava toqusimasup qaniginer­paasaa er­ngup asat­tuinermut ator­neqar­tup kuineqarfiani ul­luni pingasuni un­nuisus­saavoq. Oqar­tar­put taamaalior­neq toqusimasup tar­ninganik eq­qis­sisaasar­toq. Carolinap ilaqutaasa naatsorsuutigigaluar­paat Carolina taamaalius­sasoq.”

¹⁶ Francisco nulialu sup­pat? Francisco ima nas­suiaavoq: “Jehova asagatsigu iluarisaanil­lu iliorusuk­kat­ta ileq­qumut tamatumun­nga peqataarusun­ngilagut. Carolinap ilaqutai taman­na pil­lugu kamangaaler­put. Toqusimasumut ataq­qin­nin­ngin­nerar­paatigut oqarlutil­lu ilaqutaan­niit pulaar­neqas­saarlutalu ikior­neqar­tarun­naas­sasugut. Up­perisar­put pil­lugu nas­suiaan­nikuugatsigit kamatsil­lugit oqaloqatigerusun­ngilavut. Ilaqutaasali ilaasa il­lersor­paatigut, oqarlutik isigin­nit­taaser­put nas­suiareer­nikuugip­put. Kingor­na Carolinap ilaqutai eq­qis­siimim­mata eq­qis­seqatigisin­naaler­pavut. Al­laam­mi ilaat uagutsin­nukar­tar­put Biibililersaarutinik piumal­lutik.” Qanor­toq aam­ma uagut toqu pil­lugu sal­lusuis­sutip il­lersor­nis­saa kan­ngusuutigin­ngisaan­narisigu. – Romamiut 1:16 atuaruk.

17. Kristumioqatitsin­nut aliasut­tumut ikin­ngutaal­luarumal­luta suut iluaqutigisin­naavavut?

¹⁷ Kristumioqater­put asasaminik toquk­kut an­naasaqarsimap­pat sapin­ngisatsin­nik ‘ikin­ngutaasariaqar­pugut ilumoor­toq, qatan­ngut an­nikil­lior­nar­tus­saq pil­lugu er­niarititaasoq’. (Uss 17:17, NW) Qanoq ikin­ngutaal­luarsin­naavugut, ingam­mik qatan­ngutitsin­nut aliasut­tumut ileq­qunut Biibilimut naaper­tuutin­ngitsunut peqataaq­quneqarluni tatineqar­tumut? Biibilimi najoq­qutas­siat marluk aliasut­tumik tup­pal­lersaanis­samut iluaqutigisin­naasavut sam­meriar­tigit.

18. Sooq Jiisusi qiava, qanorlu ilin­niarfigisin­naavar­put?

¹⁸ ‘Qiasut qiaqatigisigit.’ (Rom 12:15) Aliasun­nermik sapilersutut misigisumut qanoq oqas­sanerluta  nalusin­naavar­put. Qul­lilinivul­li oqaatsitsin­nit kimit­tunerusin­naap­put. Jiisusip ikin­ngutaata Lazarusip toqunera Mariap, Mar­thap al­lal­lu aliasuutigaat. Ul­lut sisamat qaangium­mata Jiisusi tikiuk­kami “qis­saser­poq”, nalun­ngik­kaluarlugu Lazarusi makitit­tus­saal­lugu. (Joh 11:17, 33-35) Qianermigut Ataatami misigis­susiinik ersersitsivoq. Ilaqutariit Jiisusip qianera takugamik­ku paasisimas­savaat taas­suman­nga asaneqangaarlutik, taman­nalu qular­nan­ngitsumik Mariamut Mar­thamul­lu tup­pal­lersaataasimas­saaq. Taamatut­taaq qatan­ngutivut uagutsin­nit asaneqarlutil­lu soqutigineqar­tutut misigigunik paasis­savaat kisimiin­natik isumas­suisunil­li tapersersuisunil­lu ikin­nguteqarlutik.

19. Aliasut­tumik tup­pal­lersaanitsin­ni Oqaluus­sisar­tup oqaasii 3:7 qanoq atorsin­naavar­put?

¹⁹ “Nipangersimaffissaqarpoq oqaluffissaqarlunilu.” (Oqal 3:7) Tup­pal­lersaariaaseq al­la tas­saavoq tusar­naarluar­tar­neq. Aliasut­tup misigis­susiinik aniatitsinis­saanut periarfis­saqar­tiguk, ‘isumaatsutul­lu oqaluk­kaluar­pat’ ajual­laqinak. (Job 6:2, 3) Imaas­sin­naavoq aliasun­nermi saniatigut ilaqut­taminit up­peqatigin­ngisaminit tatineqar­nini ar­torsaatigigaa. Qinoqatigiuk. Nukis­saqaleq­qul­lugu eq­qarsarluarsin­naaq­qul­lugulu ‘qin­nutinik tusar­tar­toq’ kimigiiserfigiuk. (Tuss 65:3) Naleq­qup­pal­lu Biibilimit atuaqatigiuk, imaluun­niit Biibililersaarutitsin­ni al­laaserisaq tul­luar­toq, as­sersuutigalugu misigisalik­kersaarut qiim­mas­saataasoq, atuarlugu.

20. Al­laaserisap tul­liani suna sam­mis­savar­put?

²⁰ Toqusut pil­lugit sal­lusuis­sum­mik aam­ma “ilivermiit­tut” nuan­ningaar­tumik siunis­saqar­neran­nik ilisiman­nin­neq qujamasun­nangaarami, ilaa? (Joh 5:28, 29) Taamaat­tumik sapiil­luta oqaatsitsigut iliuutsitsigul­lu sal­lusuis­sut Biibilimeersoq il­lersor­tigu naleq­quk­kaangal­lu al­lanut ingerlateq­qit­tarlugu. Al­laaserisap tul­liani Saatanip inun­nik anersaak­kut taarsior­titseriaasia al­la – anersaarsior­neq – sam­mineqas­saaq. Ileq­qulersuutit aliik­kusersuutil­lu anersaapiluit nakutitsiniutaan­nut tamatumun­nga at­tuumas­suteqar­tut sooq ingalas­simasariaqar­nerivut paasis­savar­put.