ATUAQQISSAAGASSAQ 15
Jiisusi ilaaruk eqqissinerlu pigiuarlugu
“Eqqissinerup Guutimit pisup siuneqassusernit tamanit annerungaartup uummatisi eqqarsaatisilu sernigissavai.” – FIL 4:7.
ERINARSUUT 15 Jehovap angajulliliaa nersoruk!
QILANAARTUUT *
1-2. Sooq Jiisusi tatineqangaarpa?
INUTTUT inuunermini ullormi kingullermi Jiisusi tatineqangaarpoq. Inunnit ajortunit peqqarniitsumik toqunneqartussaavoq. Toqutaanissanili ernumassutigiinnanngilaa. Ataatani asangaarpaa taassumalu iluarisaatut iliorusulluni. Jiisusip nalunngilaa misilinneqangaarnermini aalajaakkuni Jehovap aqqanik qutsissisitsisussaalluni. Aamma inuit asavai nalunngilaalu Jehovamut toqussi tikillugu aalajaakkuni aatsaat naassaanngitsumik inuunissaq neriuutigisinnaagipput.
2 Jiisusip tatineqangaaraluarluni eqqissineq misigaa. Apustilini ima oqarfigisimavai: “Eqqissinermik uanga pinnik tunivassi.” (Joh 14:27) ‘Eqqissineq Guutimit pisoq’, tassa Jehovamut erlinnangaartumik attaveqarnerup kingunerisaanik toqqissisimaneq, pigaa. Eqqissineq taama ittoq Jiisusip isumakulunnginnissamut iluaqutigaa. – Fil 4:6, 7.
3. Allaaserisami suut sammissavavut?
3 Jiisusip tatineqangaarneratut arlarpulluunniit tatineqarnavianngilaq, kristumiulli tamarmik misilinneqartussaapput. (Matt 16:24, 25; Joh 15:20) Jiisusilu assigalugu isumakuluuteqartarsinnaavugut. Qanoq eqqissiunnaarutigisatsinnik ingasattumik ernumanaveersaarsinnaavugut? Nunami kiffartornermini Jiisusip iliuusai pingasut sammeriartigit misilinneqarnitsinnilu qanoq ilaarsinnaaneripput paasiniarlugu.
JIISUSI QINUJUARPOQ
Qinunikkut qamuuna eqqissineq pigiuarsinnaavarput (Immikkoortut 4-7 takukkit)
4. Thessalonikamiunut allakkat siulliit 5:17 eqqarsaatigalugu Jiisusip nunami inuunermini arlaleriarluni qinuneranik eqqaasaqarit.
4 1 Thessalonikamiut 5:17 atuaruk. Nunami inuunermini ullormi kingullermi Jiisusi arlaleriarluni qinuvoq. Toqunerminik eqqaaniaaneq pilersikkamiuk timiusaq viinnilu pillugit qinuvoq. (1 Kor 11:23-25) Poorskisiornerminni najuuffitsik qimannginnerani ajoqersukkani qinoqatigai. (Joh 17:1-26) Unnummi tassani ajoqersukkanilu Getsemanemiitillutik Jiisusi arlaleriarluni qinuvoq. (Matt 26:36-39, 42, 44) Aamma toqunngitsiarluni Jiisusip naggammik oqaasii qinnutaapput. (Luk 23:46) Ullormi tamatumani Jiisusip pisut tamaasa Jehovamut qinnutigai.
5. Sooq apustilit qunulerpat?
5 Jiisusip pinertusaarneranut pissutaaqataasut ilagaat tatiginnilluni Ataataminut qinusarnera. Apustililli unnuk taanna qinunerminni qasusuinngillat. Kingunerisaanik misilinneqaramik qunulerput. (Matt 26:40, 41, 43, 45, 56) Uagut misilinneqarnitsinni Jiisusi ilaarlugu qinujuarutta aatsaat aalajaattuarsinnaavugut. Suut qinnutigisinnaavavut?
6. Eqqissineq pigiuarumallugu upperneq qanoq iluaqutigisinnaavarput?
6 Jehova qinnuigisinnaavarput “uppernermik annerusumik” tuneqqulluta. (Luk 17:5; Joh 14:1) Saatanip Jiisusimik malinnittut tamaasa misilikkumaarmagit upperneq pisariaqartipparput. (Luk 22:31) Unamminiarnartut imaaginnaavikkaluartut eqqissineq pigiuarumallugu upperneq qanoq iluaqutigisinnaavarput? Ajornartorsiut aaqqinniarlugu imaluunniit naammagalugu atorumallugu sapinngisatsinnik ilioreerutta uppernikkut tamanna Jehovamut isumagisassanngortissinnaavarput. Jehovap piffissaq eqqorlugu aaqqiiumaarnera tatigigatsigu eqqarsaatikkut uummatikkullu eqqissisimasinnaavugut. – 1 Petr 5:6, 7.
7. Robertip misigisaa qanoq ilinniarfigaajuk?
Filippimiut 4:6, 7-imilu siunnersuut inuuninni misilinneqaatigisarpassuanni pinertusaarnissamut iluaqutigisimavara. Aningaasaqarniarnikkut ajornartorsiorsimavunga piffissallu ilaa utoqqaanertatut kiffartorunnaartariaqarsimallunga.” Suna iluaqutigalugu Robertip qamuuna eqqissineq pigiuarpaa? Ima nangippoq: “Ernumasutut misigileraangama ingerlaannaq qinusarpunga. Qamannga pisumik akuttunngitsumik qinugaangama qamuuna eqqissinerusutut misigisarpunga.”
7 Qanorluunniit ajornartorsiuteqaraluarutta qinuneq iluaqutigalugu qamuuna eqqissineq pigiuarsinnaavarput. Robertip, utoqqaanertap aalajaatsup 80-it sinnerlugit ukiullip, tamanna misigaa. Ima oqarpoq: “JIISUSI AALLUSSILLUARLUNI OQALUUSSIVOQ
Oqaluussinikkut qamuuna eqqissineq pigiuarsinnaavarput (Immikkoortut 8-10 takukkit)
8. Johannesi 8:29-mi eqqaaneqartutut Jiisusip qamuuna eqqissisimaneranut suna alla pissutaava?
8 Johannesi 8:29 atuaruk. Jiisusi allaat malersugaanermini qamuuna eqqissisimavoq nalunnginnamiuk Ataatani nuannaartillugu. Sapernaraluaraangat naalattuarpoq. Ataatani asagamiuk taassumunnga kiffartorneq inuunermini pingaarnerpaatippaa. Nunarsuarmut aallartitaanngikkallarami Guutip ‘suliortuatut’ kiffartorpoq. (Uss 8:30, tastamantitoĸaĸ) Nunarsuarmiinnerminilu Ataatani pillugu aallussilluarluni allanik ilinniartitsisarpoq. (Matt 6:9; Joh 5:17) Taamatut kiffartorneq nuannaarutigingaarpaa. – Joh 4:34-36.
9. Oqaluussinermi tamaviaaraangatta sooq qamuuna eqqissisimasarpugut?
9 Jiisusi ilaarsinnaavarput Jehovap naalanneratigut 1 Kor 15:58) Oqaluussineq ‘tamaviaarutigigutsigu’ ajornartorsiutitsinnut tunngatillugu ajunnginnerusumik isiginnittaaseqarsinnaavugut. (ApS 18:5) Assersuutigalugu oqaluussinitsinni naapitavut amerlanertigut uagutsinnit ajornerusunik ajornartorsiuteqartarput. Taamaattorli Jehovamut asanninnissaq ilinniaraangamikku taassumalu siunnersuutai malerualerlugit inuunerat pitsanngornerusarpoq nuannaarnerulertarlutillu. Tamanna uppernarsigaangatsigu qularutiginnginnerusarparput Jehovap isumagiumaaraatigut. Tatiginninnerlu tamanna iluaqutigalugu qamuuna eqqissisimaneq pigiuarsinnaavarput. Qatanngutip arnap inuunermini naleqanngitsutut misiginermik isumatsaqqanermillu akiugaqartuartup tamatuma ilumoornera uppernarsisimavaa. Ima oqarpoq: “Oqaluussinermi ulapputeqaraangama misigissutsikka aqussinnaanerusarpakka nuannaarnerusarlungalu. Taamaassoraara oqaluussigaangama Jehovamut qaninnerusutut misigisarama.”
aamma ‘tamaviaarluta taassuma kiffartuunneratigut’. (10. Brendap misigisaa qanoq ilinniarfigaajuk?
10 Aamma qatanngutip Brendamik atillip misigisaa eqqarsaatigeriaruk. Paninilu marluullutik skleroserput. Brenda issiavimmi kaassuartakkamiippoq killilimmillu nukissaqarluni. Nukissaqaraangami illumiit illumut oqaluussisinnaasarpoq, allakkatigulli oqaluussinerusarpoq. Ima oqarpoq: “Silarsuarmi matumani aaqqissinnaanngikkallarlunga paasigakku akueralugulu oqaluussinera aallulluarsinnaalerpara. Oqaluussigaangama isumakuluutikka eqqarsaatigineq ajorpakka. Attaveqarfigisama ikiornissaat eqqarsaatiginerusarpara. Aamma siunissaq pillugu neriuutiga eqqarsaatinniitittuaannarpara.”
JIISUSIP IKINNGUTIMINIT IKIORNEQARNISSANI AKUERAA
Ikinngutaalluartut peqatiginerisigut qamuuna eqqissineq pigiuarsinnaavarput (Immikkoortut 11-15 takukkit)
11-13. (a) Apustilit allallu qanoq uppernarsarpaat Jiisusimut ikinngutaalluarlutik? (b) Jiisusip ikinngutai taassumunnga qanoq sunniuteqarpat?
11 Jiisusip kiffartornerani apustilit aalajaatsut taassumunnga ikinngutaalluartuupput. Biibilimi allassimasunik ukuninnga eqqortitsipput: ‘Ikinngutaasoqartarpoq qatanngummit tatiginarnerusunik.’ (Uss 18:24, Testamentitoqaq) Jiisusip ikinngutit taamaattut pingaartippai. Kiffartornermini uinikkut qatanngutaasa arlaannaalluunniit taassumunnga uppertuunngilaq. (Joh 7:3-5) Allaat ilaqutai isumaqaleraluarput silaqarunnaarsimasoq. (Mark 3:21) Apustililli aalajaatsut allaanerummata toqussi aqaguttoq Jiisusip ima oqarfigisinnaavai: “Ilissi uannut najuuttuartuuvusi misilinneqarfigisanni.” – Luk 22:28.
12 Apustilinit ilaannikkut pakatsisinneqartaraluarluni Jiisusip kukkussutaat isiginiarneruneq ajorpai imminilli upperinninnerat maluginiarnerullugu. (Matt 26:40; Mark 10:13, 14; Joh 6:66-69) Aqagukkut toqutaasussaalluni Jiisusi angutinut aalajaatsunut taakkununnga ima oqarpoq: “Ikinngutinik taavassi Ataatannit tusarsimasakka tamaasa ilissinnut ilisimalersissimagakkit.” (Joh 15:15) Qularutissaanngilaq Jiisusip ikinngutai taassumunnga qiimmassaataangaarsimasut. Ikiuinerat pissutigalugu Jiisusi qamannga pisumik nuannaangaarpoq. – Luk 10:17, 21.
13 Jiisusi aamma allanik ikinnguteqarpoq. Angutit arnallu oqaluussinerani allatigullu tapersersuisarput. Ilaasa angerlarsimaffimminnut Jiisusi neriartoqqullugu qaaqqusarpaat. (Luk 10:38-42; Joh 12:1, 2) Allat angalaqatigaat pigisaminnillu avitseqatigalugu. (Luk ) Jiisusi ikinngutinnaaqarpoq nammineq ikinngutaalluarami. Ajunngitsumik pisarpai ingasappallaartumillu piumasaqarfigineq ajorlugit. Jiisusip naammalluinnartuugaluarluni ikinngutimi naammalluinnanngitsut tapersersuinerat qujamasuutigaa. Qamuuna eqqissisimajuarnissaanut ikiuutaalluarsimassapput. 8:3
14-15. Qanoq pitsaasunik ikinngutitaarsinnaavugut, taakkualu qanoq ikiorsinnaavaatigut?
14 Ikinngutaalluartut Jehovamut aalajaattuarnissatsinnut ikiussavaatigut. Pitsaasunik ikinngutitaarniaraanni ajunnginnerpaavoq nammineq ikinngutaalluarnissaq. (Matt 7:12) Assersuutigalugu Biibilimi kajumissaarneqarpugut allat, ingammik pisariaqartitsisut, ikiorniarlugit piffissarput nukivullu atussagivut. (Ef 4:28) Illit ilagiinni ikiorsinnaasannik eqqaasaqarsinnaavit? Oqaluussisartoq peqqiilliorami angerlarsimaannartoq pisiniussinnaaviuk? Ilaqutariit aningaasatigut pissakilliortut neriartoqqusinnaavigit? Nittartagaq jw.org® aamma app-eq JW Library® qanoq atussallugit nalunngikkukku ilagiinniittut ilaat erlinnartuutinik imalinnik taakkuninnga qanoq atuisinnaanerannik ikiorsinnaavigit? Allanik ikiuinissaq pingaarnerpaatikkaangatsigu nuannaarnerulertarpugut. – ApS 20:35.
15 Ikinngutitta misilinneqarnitsinni qamuuna eqqissisimaannarnissatsinnut annertoqqusersussavaatigut. Elihu Jobimut misilinneqarnerminik oqaluttuartumut tusarnaartoq ilaarlugu ikinngutitta erinitsajuillutik qanoq misiginitsinnik tusarnaarnermikkut ikiortarpaatigut. (Job 32:4) Naatsorsuutigissanngilarput ikinngutitta qanoq iliornissatsinnik oqarfigissagaatigut, siunnersuutaalli Biibilimik tunngavillit tusarnaarutsigit silatusaassaagut. (Uss 15:22) Soorlu kunngi Daavi maniguulluni ikinngutiminit ikiorneqarnissani akuerigaa, uaguttaaq pisariaqartitsigutta ikiorneqarnissatsinnik akuerinninnissamut pingaarniarpallaassanngilagut. (2 Sam 17:27-29) Ikinngutit taamaattut Jehovamit tunissutaapput. – Jaak 1:17.
EQQISSINEQ QANOQ PIGIUARSINNAAGIT
16. Filippimiut 4:6, 7-ilu naapertorlugit taamaallaat qanoq eqqissineq pisinnaavarput? Nassuiaruk.
16 Filippimiut 4:6, 7 atuakkit. Sooq Jehova oqarpa eqqissineq taassuma tunniussaa “Kristusi-Jiisusimi” pisinnaagipput? Aatsaat Jiisusip inissisimaffia paasillugulu taassumunnga upperutta eqqarsaatitsigut misigissutsikkullu eqqissineq ataavartoq pisinnaagatsigu. Assersuutigalugu Jiisusip utertitsissutitut pilliutaa tunngavigalugu ajortuliatsinnik tamanik isumakkeerfigineqarsinnaavugut. (1 Joh 2:12) Tamanna tuppallernangaarami! Jiisusip Guutip naalagaaffiani kunngiusutut Saatanip taassumalu aaqqissuussaanerata uagutsinnut ajortumik kinguneqartitsineri tamaasa aaqqilluinnassavai. (Es 65:17; 1 Joh 3:8; Saqq 21:3, 4) Tamatuma uagutsinnut neriuuteqalersitsinera nuanningaarami! Jiisusip unamminiarnartumik suliassissimagaluarluta ulluni kingullerni makkunani tapersersorumalluta najorpaatigut. (Matt 28:19, 20) Tamanna sapiinnerulersitsingaarami! Tuppallerneq, neriunneq sapiinnerlu – taakku qamuuna eqqissinissatsinnut tunngaviupput pingaaruteqarluinnartut.
17. (a) Kristumiup qamuuna eqqissineq qanoq pigiuarsinnaavaa? (b) Johannesi 16:33-mi neriorsuutigineqartutut susinnaavugut?
17 Misilinneqarninni artornartorsioraluarlutit qanoq qamuuna eqqissineq pigiuarsinnaaviuk? Jiisusip iliorsimaneratut iliuuseqarnikkut. Siullertut, qinusarit qanorluunniillu pisoqaraluarpat qinujuarlutit. Aappaattut, sapernaraluaraangalluunniit Jehova naalallugulu aallussilluarlutit oqaluussisarit. Pingajuattut, misilinneqarnermi ikinngutitit annertoqqutigikkit. Taava eqqissinerup Guutimit pisup eqqarsaatitit uummatillu sernigissavai. Aamma Jiisusitut misilinneqarnerit suulluunniit ajugaaffigiumaarpatit. – Johannesi 16:33 atuaruk.
ERINARSUUT 44 Nikallungasup qinnutaa
^ imm. 5 Tamatta eqqissiunnaarutigisatsinnik ajornartorsiuteqarsinnaavugut. Allaaserisami Jiisusip iliuusai pingasut misilinneqarnitsinni naalliukkaluarluta eqqissisimaannarniassagatta iliuuserisinnaasavut sammineqassapput.