1. Guutip kif­fai tamarmik sorusup­pat, aam­ma sooq? (Saq­qaani as­siliaq takuuk).

KRISTUSIP JIISUSIP ajoqersuk­kani peq­quai ‘aal­larlutik inun­nik inuian­nit tamaneersunik ajoqersugan­ngor­titsis­sasut’. (Matt 28:19, NW) Guutip kif­faasa aalajaatsut tamarmik ilin­niarusup­paat qanoq ‘kif­far­tuuter­tik taman­na naam­mas­sisin­naanerlugu’. (2 Tim 4:5) Suliarmi taman­na sulianit al­lanit tamanit pingaaruteqar­ner­paavoq, pitsaaner­paavoq nukingin­nar­ner­paal­lunilu. Kif­far­tor­nit­tali kis­saatigisatsitut pif­fis­saqarfiginis­saa saper­nar­tis­sin­naavar­put.

2. Kif­far­tor­nit­ta naam­mas­siniar­nerani sunik unam­miniar­nar­titaqarsin­naavugut?

² Akisus­saaf­fiit pingaarutil­lit al­lat pif­fis­saqarfigalugil­lu nukis­saqarfigisariaqar­pavut. Nam­mineq ilaqut­tat­talu pisariaqar­titaat matus­suser­niarlugit im­maqa ul­lormut akun­ner­pas­suit sulisariaqar­pugut. Imaas­sin­naavoq ilaqut­tanut tun­ngatil­lugu al­lanik akisus­saaf­feqar­ner­put, nap­parsimaner­put, isumatsaq­qaner­put imaluun­niit utoq­qalinerup nas­sataanik an­niaateqar­ner­put naner­tuutigigip­put. Taamaat­tunik unam­miniar­nar­titaqaraluarluta kif­far­tor­ner­put qanoq naam­mas­sil­luarsin­naavar­put?

3. Mat­thæusi 13:23-mi Jiisusip oqaasiini suna paasivar­put?

³ Pis­sutsit atuk­kavut pis­sutigalugit Jehovamut kif­far­tor­nitsin­ni periarfis­savut an­nikip­pata nikal­lus­san­ngilagut. Jiisusip nalun­ngilaa oqaluus­sinermi tamat­ta as­sigiim­mik iliuuseqarsin­naanavian­ngitsugut. (Matthæusi 13:23 atuaruk). Jehovap kif­far­tor­nitsin­ni sapin­ngisatsin­nik iliuuseqaraangat­ta iliuutsivut tamaasa pingaar­tit­tar­pai. (Hebr 6:10-12) Isumaqarsin­naavugul­li pis­sutsit atuk­kavut pis­sutigalugit suli an­nerusumik iliuuseqarsin­naal­luta. Qanoq kif­far­tor­ner­put inuunitsin­ni  sal­lius­sin­naanerip­put, qanoq inuunitsin­nik pisariitsuutitsiuarsin­naasugut aam­ma oqaluus­sinermut qanoq pik­korin­nerulersin­naasugut al­laaserisami sam­mis­savar­put. Siul­ler­tul­li, kif­far­tor­nit­ta naam­mas­sinis­saa qanoq paasisariaqar­pa?

4. Kif­far­tor­nermik naam­mas­sin­nin­niar­neq qanoq paasisariaqar­pa?

⁴ Kif­far­tor­ner­put naam­mas­siumal­lugu oqaluus­sinermi ilin­niar­titsinermilu sapin­ngisatsin­nik iliuuseqar­tariaqar­pugut. Pif­fis­sarli qanoq an­ner­tutigisoq ator­nerip­put kisimi pineqan­ngilaq. Pis­sutiginiagar­put Jehovamut pingaaruteqar­poq. Jehova inoqater­pul­lu asagatsigit tar­nik­kut iluun­ngarluta kristumiutut kif­far­tor­pugut. * (Mark 12:30, 31; Kol 3:23) Tar­nik­kut iluun­ngarluni Guutimut kif­far­tor­neq isumaqar­poq nukiit tamak­kerlugit pigin­naanil­lu tamaasa atorlugit taas­sumun­nga kif­far­tor­neq. Oqaluus­sinis­samut pisin­naatitaaf­feqar­ner­put qujamasuutigigatsigu sapin­ngisatsin­nik inuit amerlaner­paat nutaarsias­samik nuan­nersumik oqaluus­sif­figiniar­tar­pavut.

5-6. Inuk pif­fis­saqar­pian­ngitsoq oqaluus­sinerminik qanoq pingaar­titsisin­naanersoq as­sersuusiorlutit nas­suiaruk.

⁵ Takorlooriaruk angut inuusut­toq guitarer­nermik nuan­narisalik. Nuan­naarutigisar­paa nipilersor­nis­samut periarfis­saqaraangami. Neriniar­tarfim­mi sapaatip-akun­nerata naanerani nipilersor­tar­tutut sulif­fit­taar­poq. Akiligas­saminul­li naam­mat­tunik akis­sarsiaqan­ngin­nami ataasin­ngor­nermiit tal­liman­ngor­nermut pisiniarfim­mi sulisaler­poq. Pif­fis­sami an­nersaa pisiniarfim­miit­taraluarluni nipilersor­neq nuan­nariner­paavaa. Nipilersul­laq­qin­neruler­nis­sani nipilersor­nermilu inuuniutiginis­saa kis­saatigingaar­paa. Periarfis­sani tamaasa atorlugit, sivikik­kaluar­pal­luun­niit, nipilersor­tar­poq.

⁶ Taamatut­taaq im­maqa il­lit oqaluus­sinermi peqataasin­naanerit kil­leqar­poq. Taamaat­torli oqaluus­sinerit nuan­naraat. Nutaarsias­saq nuan­nersoq inuit kil­lin­neqaatiginias­sam­mas­suk oqaluus­sil­laq­qin­nerulerusup­putit. Isumagisas­sar­pas­suaqaravil­li eq­qarsaatigigunar­pat  oqaluus­sineq inuunin­ni qanoq pingaar­ner­paatis­sin­naanerlugu.

7-8. Jiisusip oqaluus­sinermut tun­ngatil­lugu isigin­nit­taasia qanoq ilaarsin­naavar­put?

⁷ Jiisusi oqaluus­sinermut tun­ngatil­lugu isigin­nit­taatsimigut maligas­siuil­luar­ner­paavoq. Inuunermini Guutip naalagaaf­fia pil­lugu oqaluus­sinis­sani pingaar­ner­paatip­paa. (Joh 4:34, 35) Inun­nut sapin­ngisaminik amerlaner­paanut oqaluus­siniarluni kilometerit hundredilik­kuutaat pisus­simavoq. Angerlarsimasunut aam­ma sumiluun­niit naapitaminut oqaluus­sinis­samut periarfis­sani tamaasa atorluar­tar­pai. Jiisusip oqaluus­sineq inuunermini sutigut tamatigut sal­liut­tuaan­nar­paa.

⁸ Kik­kun­nul­luun­niit nutaarsias­samik nuan­nersumik oqaluus­sinis­samik periarfis­sarsior­nik­kut Kristusi ilaarsin­naavar­put. Oqaluus­seqataajumal­luta ilorrisimaar­nis­saraluar­put kajumil­luta pil­liutigerusut­tar­par­put. (Mark 6:31-34; 1 Petr 2:21) Ilaat specialpioneritut, pioneritut imaluun­niit ikior­ti-pioneritut kif­far­torsin­naap­put. Al­lat oqaatsinik al­lanik ilin­niarsimap­put imaluun­niit sumiif­fim­mut oqaluus­sisar­tunik pisariaqar­titsif­fiusumut nuus­simal­lutik. Oqaluus­sinerli amerlaner­tigut oqaluus­sisar­tunit sapin­ngisamin­nik iliuuseqar­tunit ingerlan­neqar­tar­poq. Qanoq ik­kaluar­pal­luun­niit Jehovap ar­tuk­katsin­nik piumaf­figin­ngisaan­nar­paatigut. ‘Guutiuvoq pil­luar­toq’, kis­saatigaalu nutaarsias­sap nuan­nersup oqaluus­sis­sutiginerani kif­far­tor­ner­put nuan­naarutigis­sagip­put. – 1 Tim 1:11; 5 Mos 30:11.

9. (a) Sulisariaqaraluarluni Paulusip oqaluus­sineq qanoq pingaar­ner­paatip­paa? (b) Apustilit Suliaat 28:16, 30, 31-milu Paulusip oqaluus­sinerminut isigin­nit­taasia pil­lugu suna paasivar­put?

⁹ Apustili Paulusi inuunermini oqaluus­sinermik pingaar­ner­paatitsinermut tun­ngatil­lugu maligas­siuil­luar­poq. Ajoqersuiar­tor­titatut angalanermi aap­pas­saani Korinthimiitil­luni pis­sakil­liorami tupilior­tutut aningaasarsior­tariaqarsimavoq. Paulusil­li tupilior­tuunini pingaar­ner­paatin­ngilaa. Nutaarsias­saq nuan­nersoq pil­lugu oqaluus­sinermini al­lanut aningaasatigut naner­tuutaarusun­ngin­nami tupilior­tuunini aningaasarsiutigisar­paa. (2 Kor 11:7) Sulisariaqaraluarluni Paulusip oqaluus­sinini pingaar­ner­paatit­tuar­paa sabbatil­lu tamaasa oqaluus­sisarluni. Pis­sutsit atugai pitsaanerulermata Paulusi oqaluus­sinerusin­naaler­poq. Taamaasil­luni ‘oqaaseq tamaviaarutigisin­naaler­paa juutinul­lu nalunaajaatigalugu Jiisusi tas­saasoq Kristusi’. (ApS 18:3-5; 2 Kor 11:9) Kingusin­nerusuk­kut Romami ukiuni marlun­ni il­lumini par­naarus­saaq­qal­luni Paulusi pulaar­tuminut oqaluus­sisar­poq al­lak­kanil­lu al­lat­tarluni. (Apustilit Suliaat 28:16, 30, 31 atuakkit). Paulusip aalajangiusimal­luin­nar­paa oqaluus­sinermini sunaluun­niit akor­nutaatik­kusun­nagu. Ima al­lap­poq: ‘Tamatumin­nga kif­far­tuutigisaqarat­ta nikal­lun­ngilagut.’ (2 Kor 4:1, tastamantitâĸ) Paulusitut sulisariaqaraluarluta Naalagaaf­fik pil­lugu oqaluus­sineq inuunitsin­ni pingaar­ner­paatis­sin­naavar­put.

10-11. Peq­qiil­lioraluarluta kif­far­tor­ner­put qanoq naam­mas­sil­luarsin­naavar­put?

¹⁰ Peq­qiil­lior­ner­put imaluun­niit utoq­qaliner­put pis­sutigalugu il­lumiit il­lumut oqaluus­sisin­naaner­put kil­leqaraluar­pat oqaluus­seriaatsit al­lat atorsin­naavavut. Kristumiut siul­liit qaquguk­kul­luun­niit sal­lusuis­sut pil­lugu inun­nut naapitamin­nut – il­lumiit il­lumut, tamanut saq­qumisumik aam­ma torrutiin­narlugu – oqaluus­sisar­put. (ApS 17:17; 20:20) Pitsorlut­tuugut­ta im­maqa inuit sumiif­figisar­tagaan­ni is­sial­luta saneq­qut­tunut oqaluus­sisin­naavugut. Imaas­sin­naavorluun­niit torrutiin­narlugu, al­lak­katigut oqarasuaatik­kul­luun­niit oqaluus­sisin­naasugut. Oqaluus­sisar­tor­pas­suit peq­qiil­lioraluarlutik  oqaluus­seriaatsit as­sigiin­ngitsut taak­ku nuan­naarutigingaar­tar­paat.

¹¹ Peq­qiil­lioraluarlutit kif­far­tor­nerit naam­mas­sil­luarsin­naavat. Apustilip Paulusip maligas­siaa eq­qarsaatigeq­qeriaruk. Ima al­lap­poq: “Tamaasa pis­satsitsisik­kut atus­sal­lugit sapin­ngilak­ka.” (Fil 4:13) Ajoqersuiar­tor­titatut angalanermini ilaan­ni nap­parsimalerami Paulusip taamatut pis­satsin­neqar­nis­sani pisariaqar­tip­paa. Galatiamiut ima al­laf­figai: ‘Uinik­kut san­ngiil­liuteqarlunga siul­lermik nalunaajaaf­figaas­si.’ (Gal 4:13) Taamatut­taaq aam­ma il­lit peq­qiil­lior­nerit pis­sutigalugu im­maqa nakorsanut, peq­qis­saasunut, paaq­qin­nit­tunut al­lanul­lu nutaarsias­sap nuan­nersup oqaluus­sis­sutiginis­saanut periarfis­sarsiorsin­naavutit. Taamatut sulif­feqar­tut ilar­pas­sui sulisar­put oqaluus­sisar­tunit angerlarsimaf­fim­min­ni kasut­torfigineqaraangamik.

12. ‘Isip ataasiin­narmut sam­minera’ qanoq paasisariaqar­pa?

¹² Jiisusi ima oqar­poq: “Isi timip qaam­maq­qutigaa. Taamaat­tumik isit ataasiin­narmut sam­mip­pat timit tamarmi qaamasormiuus­saaq.” (Matt 6:22, NW) Sunaana pigaa? Inuunitsin­nik pisariitsuutitsiniarluta al­lamut saasar­neqarata anguniagaq aalajangersimasoq kisiat anguniagaris­sagip­put pivaa. Jiisusi kif­far­tor­nerminik sal­liutitsinermigut maligas­siuil­luar­poq, ajoqersuk­kanilu Jehovamut kif­far­tor­nermik taas­sumalu naalagaaf­fianik sal­liutitsiuar­nis­saan­nik ilin­niar­tip­pai. ‘Naalagaaf­fik naaper­tuil­luas­suserlu Guutip pia siul­liul­lugit noq­qaas­sutiginerisigut’, tas­sa oqaluus­sinermik inuunitsin­ni pingaar­ner­paatitsinik­kut, Jiisusi ilaar­tar­par­put. – Matt 6:33, NW.

13. Kristumiutut kif­far­tor­nitsin­nik sal­liutitsiniarluta susin­naavugut?

 ¹³ Kif­far­tor­nitsin­nik sal­liutitseriaatsit ilagaat inuit al­lat Jehovamik ilisarisiman­niler­nis­saan­nik taas­sumalu asaler­nis­saanik ikiuisin­naanerunias­sagat­ta inuunitsin­ni pisariil­lisaaneq. * As­sersuutigalugu sapaatip-akun­nerata ingerlanerani oqaluus­sinerusin­naajumal­luta sulisar­ner­put sukisaarsar­tar­ner­pul­lu pif­fis­samik atuinerusut an­nikil­lisis­sin­naavavut?

14. Aap­pariit oqaluus­sinermut peqataanerunias­sagamik qanoq al­lan­nguip­pat?

¹⁴ Utoq­qaaner­taq Eliasimik atilik nulianilu taamaalior­put. Ima oqar­poq: “Taamani pioneritut kif­far­torsin­naan­ngik­kaluarluta oqaluus­sinerusin­naajumal­luta iliuuseqarsin­naavugut. Taamaat­tumik aal­lar­niutigalugu an­nikitsun­nguamik iliuuseqar­pugut. As­sersuutigalugu aningaasanik atuinikin­neruler­pugut. Aam­mali paasivar­put sukisaarsar­nermut tun­ngasut an­nikil­lisit­tariaqarlugit. Pif­fis­sar­pul­lu oqaluus­sinermut ator­nerusin­naajumal­lugu sulisitsisuvut aperivavut nikerar­tumik sulisalersin­naanerluta. Kingunerisaanik un­nuk­kut oqaluus­sinermut peqataanerusaler­pugut, Biibilimik al­lanik atuaq­qis­saaqatitaar­tor­pugut aam­ma qaam­mam­mut marloriarluta ul­luin­nar­ni oqaluus­sisaler­pugut. Taman­na nuan­naarutigingaar­par­put!”

15-16. Timotheusimut al­lak­kat siul­liit 4:13, 15 naaper­torlugit oqaluus­sisar­tutut qanoq pik­koris­sar­tuarsin­naavugut? (Aam­ma ungalusaq “ Kif­far­tor­nera naam­mas­sil­luarumal­lugu anguniagarisin­naasak­ka” takuuk).

¹⁵ Kif­far­tor­nit­ta naam­mas­sil­luarsin­naaneranut aam­ma ilaavoq oqaluus­sinermut ilin­niar­titsinermul­lu  pik­korin­neruler­neq. Sulif­fiit ilaan­ni sulisut sulif­fim­min­ni ilisimasatik pigin­naasatil­lu pitsan­ngorsar­niarlugit akulikitsumik pik­koris­sar­tar­nis­saat piumasaqaataavoq. Aam­ma Naalagaaf­fim­mik oqaluus­sisar­tunut tun­ngatil­lugu taman­na ilumoor­poq. Kif­far­tor­nitsin­ni qanoq pik­korin­nerulersin­naanerluta ilin­niar­tuar­tariaqar­par­put. – Uss 1:5; 1 Timotheusi 4:13, 15 atuakkit.

¹⁶ Qanorli pik­koris­sar­tuarsin­naavugut? Ul­luin­nar­ni ataatsimiin­nermi siun­nersuutinut tusar­naarluar­tar­nik­kut. Ataatsimiin­nermi tamatumani oqaluus­sisar­tutut qanoq pik­korin­nerulersin­naanerluta ilin­niar­tar­par­put. As­sersuutigalugu ataatsimiin­nermik aqutsisoq pisas­saqar­tunut siun­nersuigaangat oqaluus­sinitsin­ni iluaqutigisin­naasatsin­nik maluginiagaqar­tarsin­naavugut. Tul­liani oqaluus­sigut­ta siun­nersuutit taak­ku malis­sin­naavavut. Oqaluus­sisar­toqatigiin­nik nak­kutil­liisumut ikioq­qusin­naavugut imaluun­niit taan­na, oqaluus­sil­laq­qis­sorluun­niit al­la, pioneri ilagiin­nil­luun­niit nak­kutil­liisoq oqaluus­seqatigalugu. Ilin­niar­titsinermi ator­tak­katsin­nik tamanik atuil­laq­qin­nerulerut­ta oqaluus­siner­put ilin­niar­titsiner­pul­lu nuan­narinerulis­savar­put.

17. Kif­far­tor­nerit naam­mas­sil­luaruk­ku suna misigis­saviuk?

¹⁷ Jehovamut ‘suleqataasutut’ akuerineqar­ner­put pisin­naatitaaf­fiungaarami, ilaa? (1 Kor 3:9) Pingaar­nerusut qulak­keer­nerisigut kristumiutul­lu kif­far­tor­ner­pit pingaar­tin­neratigut Jehova nuan­naarlutit kif­far­torfigisin­naavat. (Fil 1:10; Tuss 100:2) Guutip kif­faatut qularutigin­ngis­sin­naavat qanorluun­niit nalaataqarlutil­lu peq­qiil­lioraluaruit kif­far­tor­nerit naam­mas­siumal­lugu pisariaqar­titan­nik taas­suma pis­satsit­tarumaaraatit. (2 Kor 4:1, 7; 6:4) Atuk­katit pis­sutigalugit an­ner­tuumik an­nikitsumil­luun­niit oqaluus­seqataasin­naaguit sapin­ngisan­nik oqaluus­sinerit nuan­naarutigisin­naavat. (Gal 6:4) Kif­far­tor­ner­pit naam­mas­sil­luar­neratigut Jehovamut inoqatin­nul­lu asan­nin­nerit ersersit­tar­pat. ‘Taamaalioruit im­minut an­naatis­saatit tusar­titil­lu an­natsil­lugit.’ – 1 Tim 4:16.