ATUAQQISSAAGASSAQ 18
‘Arpaffissaq naajuk’
“Arpaffissaq naavara.” – 2 TIM 4:7.
ERINARSUUT 129 Pinertusaartuarta
QILANAARTUUT *
1. Tamatta susariaqarpugut?
ARPALIUNNEQ ilungersunartoq napparsimatillutit qasutillutillu peqataaffigerusussaviuk? Immaqa naamik. Apustilip Paulusip kristumiut ilumoortut inuunivimmut arpaliunnermi peqataanerarpai. (Hebr 12:1) Tamatta ukiuvut nukissavullu apeqqutaatinnagit Jehovap akissarsiassarititaa pissagutsigu naggatissamut pinertusaartariaqarpugut. – Matt 24:13.
2. Sooq Paulusi Timotheusimut allakkat aappaat 4:7, 8-milu allassimasutut siunnersuisinnaava?
2 Paulusi taama siunnersuisinnaavoq nammineq ‘arpaffissaq naallugu’ arpannikuugami. (2 Timotheusi 4:7, 8 atuakkit). Arpaliunnerli Paulusip eqqartugaa sunarpiaava?
INUUNIVIMMUT ARPALIUNNEQ SUNAAVA?
3. Arpaliunneq Paulusip eqqartugaa sunaava?
3 Paulusi pingaarutilinnik ilinniartitsiumalluni itsaq Grækenlandimi timersorlutik unammiuaarnerni pinnguaatigineqartartut assersuusiarisarpai. (1 Kor 9:25-27; 2 Tim 2:5) Arlaleriarluni kristumiutut inuuneq arpaliunnermut assersuuppaa. (1 Kor 9:24; Gal 2:2; Fil 2:16) Inuk Jehovamut tunniulluinnartoq kuisittorlu “arpaliunnermut” peqataalertarpoq. (1 Petr 3:21) Inuunerlu naassaanngitsoq Jehovamit piguniuk apuuffissamut apuutissaaq. – Matt 25:31-34, 46; 2 Tim 4:8.
4. Allaaserisami suut sammissavavut?
4 Sivisuumik arpaliulluni unammineq kristumiutullu inuuneq sutigut assigiissuteqarpat? Amerlasuut eqqaaneqarsinnaapput,
taakkunanili pingasut maanna sammeriartigit. Siullertut, aqqutissaq eqqortoq ingerlavigisariaqarparput. Aappaattut, apuuffissaq pingaarnertut isiginiartariaqarparput. Pingajuattullu, unamminiarnartoqartillugu pinertusaartariaqarpugut.AQQUTISSAQ EQQORTOQ INGERLAVIGIUK
Tamatta kristumiunut aqqutissakkut arpaqataasariaqarpugut (Immikkoortut 5-7 takukkit) *
5. Aqqutissaq suna ingerlavigisariaqarparput, aamma sooq?
5 Arpaliutivinnermi arpaqataasut ajugaajumallutik arpaliutsitsisut aqqutigeqqusaat ingerlavigisariaqarpaat. Tamatumunnga assingusumik uagut inuuneq naassaanngitsoq pissarsiariumallugu kristumiunut aqqutissaq, tassa kristumiutut inooriaaseq, ingerlavigisariaqarparput. (ApS 20:24; 1 Petr 2:21) Saatanilli malinnittaasalu allatut inooriaaseqartikkusuppaatigut. Kissaatigaat inuunivimmut arpaliunnerput sumiginnarlugu taakku malilissagivut. (1 Petr 4:4) Inooriaaserput illaruaatigalugu inooriaasertik pitsaanerunerarpaat kiffaanngissuseqalersitsinerarlugulu. Kukkuppulli! – 2 Petr 2:19.
6. Brianip maligassiaanit suna ilikkarpiuk?
6 Inuit Saatanip silarsuaani inooriaaseq malillugu inuusut ingerlaannaq paasisarpaat inooriaasertik kiffaanngissuseqalersitsinani inussiaalersitsisartoq. (Rom 6:16) Brianimik atilik eqqarsaatigiuk. Angajoqqaavisa kristumiutut perorsarpaat. Inuusuttuaraallunili inooriaatsip tamatuma pilluarnartuunera apeqquserpaa Saatanillu najoqqutassiaanik maleruaasut arpaqatigilerlugit. Brian ima oqaluttuarpoq: “Naatsorsuutigisimanngikkaluarpara kiffaanngissuseqarluni inuuneq kajungeralugu takorloortarsimasara ikiaroornartunik pinngitsuuisinnaajunnaassutigissallugu. Piffissap ingerlanerani ikiaroornartunik imigassamillu atornerluisunngorpunga kinguaassiuutitigullu inuunerlulerlunga. Ukiorpassuit ingerlaneranni aanngajaarniutit sakkortunerusut misilittartalerpakka ilaallu pinngitsoorsinnaajunnaarlugit. ... Inooriaasera attatiinnarumallugu ikiaroornartunik tuniniaasalerpunga.” Kingorna Brian Jehovap najoqqutassiaanik maleruaalerpoq. Ingerlavigisani allanngortillugu 2001-imi kuisippoq. Kristumiunut aqqutissakkut ingerlalernini piviusumik nuannaalissutigaa. *
7. Matthæusi 7:13, 14-ilu naapertorlugit aqqutissat suut marluk toqqarneqarsinnaappat?
7 Aqqutissap eqqortup ingerlaviginissaa pingaaruteqangaarami! Saatanip kissaatigaa Matthæusi 7:13, 14 atuakkit). Allamut saasarneqarata aqqutissakkut eqqortukkut ingerlajuarumalluta Jehova tatigalugulu tusarnaartariaqarparput.
tamatta inuunivimmut aqqutikkut nerukitsukkut arpakkunnaarluta aqqutikkut nerutuukkut arpalissasugut. Aqqut taanna ajornannginnerummat inuit amerlanersaasa ingerlavigivaat, toqumulli aqqutaavoq. (APUUNNISSAT TAMAVIAARUTIGIUK
Apuunnissaq tamaviaarutigisariaqarparput allanullu naakkiussutaanaveersaarluta (Immikkoortut 8-12 takukkit) *
8. Arpaliuteqataasoq orlugaangami susarpa?
8 Sivisuumik arpaliulluni unamminermi arpaqataasut naakkiukkumanatik aqqutissartik isigisarpaat. Taamaakkaluartorli allanit naakkiutsinneqartoorsinnaapput putumulluunniit itinaartoorlutik. Orlugaangamik nikueqqipallattarput arpaqqilertarlutillu. Ajugaanissartik neriuutigalugu apuunnissartik tamaviaarutigisarpaat naakkiussutaasoq pinnagu.
9. Orlussagaluarutta susariaqarpugut?
9 Inuunivimmut arpaliunnermi oqaatsitigut iliuutsitigullu kukkusarnitsigut orlusooqattaarsinnaavugut. Imaassinnaasoq aamma arpaliuteqatitta kukkuneri ajuallaatigigivut. Tamanna tupaallaatigissanngilarput, tamattami naammalluinnanngitsuuvugut aqqutikkullu nerukitsukkoorluta. Taamaattumik sakattaattoortarnissarput ilimagisinnaavarput. Paulusip nalunngilaa tamatta ilaannikkut immitsinnut ‘assuarliutissaqarfigisassasugut’. (Kol 3:13) Apuuffissarli pingaarnertut isigiuartigu naakkiussutaasoq pinnagu. Orlussagaluaruttalu nikueqqipallannissarput arpaqqilernissarpullu aalajangiusimatigu. Narrutsalluta nikueqqinngikkutta inuunivimmut arpaliunnermi apuutinngitsuussaagut aqqutikkullu nerukitsukkut arpaliuteqataasunik naakkiutsitsisinnaalluta.
10. Allanut qanoq ‘naakkiussutaanaveersaarsinnaavugut’?
10 Aamma ajornanngikkaangat qatanngutitta piumasaat uagut piumasatsinnit pingaarnerutittarnerisigut taakkununnga ‘naakkiussutaanaveersaarsinnaavugut’. (Rom 14:13, 19-21; 1 Kor 8:9, 13) Tamatumuuna arpaliutivinnermi arpaqataasut assiginngilavut. Taakkuami imminnut unammipput namminerlu ajugaanissartik pingaartinnerpaallugu. Nammineq iluaqutissartik eqqarsaatiginerugamikku arpaqatitik sakattarlugit siullinngorniarsarisarput. Uagulli immitsinnut unamminngilagut. (Gal 5:26; 6:4) Sapinngisamik inuit amerlanerpaat naassaanngitsumik inuusinnaalernissaannik ikiorneqarnissaat anguniagaraarput. Taamaattumik Paulusip siunnersuutaa una maleruarniartarparput: “Tamassi immikkut nammineq iluaqutissarsi pinnagu inoqatississaaq iluaqutissaat isumagisiuk.” – Fil 2:4.
11. Arpaliunnermi arpaqataasup suna tamaviaarutigisarpaa, aamma sooq?
11 Arpaliutivinnermi arpaqataasut aqqutissartik isigiinnarnagu apuunnissartik tamaviaarutigisarpaat. Naak apuuffissaq takusinnaanngikkaluarlugu apuunnissartik ajugaanissartillu takorloortarpaat. Tamanna arpaannarnissamut kajumississutigisarpaat.
12. Jehovap asannilluni suna neriorsuutigaa?
12 Inuunivimmut arpaliunnermi apuuttunut akissarsiassaq Jehovap asannilluni neriorsuutigaa – qilammi nunamiluunniit inuuneq naassaanngitsoq. Inuunerup qanoq nuannertigiumaarnera takorloorsinnaaniassagatsigu akissarsiassaq tamanna Biibilimi nassuiarneqarpoq. Siunissaq Jehovap neriorsuutigisaa eqqarsaatigiuartarutsigu pinertusaarnissarput aalajangiusimanerulissavarput.
UNAMMINIARNARTOQARALUARTOQ PINERTUSAARIT
Unamminiagaqaraluarluta inuunivimmut arpaliunnermi pinertusaarusuppugut (Immikkoortut 13-20 takukkit) *
13. Arpaliutivinnermi arpaqataasut iluaqutiginngisaat suna uagut iluaqutigaarput?
13 Grækerit timersorlutik unammiuaarneranni arpaliuttut qasunermik, anniarnermik assigisaannillu unamminiagaqartarput. Sungiusarnertilli timikkullu piginnaasatik kisiisa isumalluutigisarpaat. Taakkunatulli uagut inuunivimmut arpaliunnitsinni sungiusarneqartarpugut. Taakkuali iluaqutigisinnaanngisaannik iluaqutissaqarpugut. Jehova nukissamik killeqanngitsumik aallerfigisinnaavarput, neriorsorpaatigummi tatigigutsinni ilinniartillutalu nakussatsissalluta. – 1 Petr 5:10.
14. Unamminiagaqaraangatta Korinthimiunut allakkat aappaat 12:9, 10-milu allassimasut qanoq iluaqutigissavavut?
14 Paulusi unamminiagassarpassuaqarsimavoq. Narrunarsarneqarnermi malersorneqarnermilu saniatigut sanngiitsutut misigisarpoq timiminilu “kapinartumik” taasaminik akiugaqarluni. (2 Kor 12:7) Tamakkuali tunniutiinnassutiginagit Jehovamik tatiginninnerminik ersersitsinissamut periarfissatut isigai. (2 Korinthimiut 12:9, 10 atuakkit). Paulusi taama isiginnittaaseqarmat misilinneqarnerani tamani Jehovap ikiorpaa.
15. Paulusi ilaarutsigu suna misigissavarput?
15 Uaguttaaq uppernerput pillugu narrunarsarneqarlutalu malersugaasinnaavugut. Aamma peqqiilliorlutalu qasungaarsinnaavugut. Paulusili ilaarutsigu unamminiarnartuni taakkunani Jehovap asannilluni tapersersuinera misigisinnaalissavarput.
16. Peqqiillioraluarlutit susinnaavit?
16 Napparsimallutit nalaannalersimavit imaluunniit issiavimmi kaassuartakkamiippit? Seeqquluppit isigiarsullutilluunniit? Taamaappat inuusuttut peqqissullu inuunivimmut suli arpaqatigisinnaassavigit? Taamaaliorsinnaavutit! Utoqqaat nappaatillillu amerlasuut inuunivimmut arpaliuteqataapput, namminneq piginnaasatik pissutiginagit Jehovalli ikiuineratigut. Ataatsimiinnerit telefonikkut tusarnaarnerisigut internetikkulluunniit isiginnaarnerisigut Jehovamit pissatsinneqartarput. Aamma nakorsanut, peqqissaasunut ilaquttaminnullu oqaluussinikkut ajoqersuganngortitsiortoqataasarput.
17. Jehova peqqiilliortunut qanoq misigiva?
Tuss 9:11) Allaammi qaninnerulissavaatit. Qatanngutip nappaatillip oqaasii uku maluginiakkit: “Napparsimaneruleraluttuinnartillunga oqaluussisinnaanera akuttoriartorpoq. Nalunngilarali iliuuserisakka annikikkaluartut Jehovamut nuannaarutaasartut, tamannalu nuannaarutigisarpara.” Nikallungagaangavit eqqaamajuk; kisimiinngilatit! Paulusip maligassiaa eqqarsaatigalugu oqaasii uku eqqaasakkit: “Tulluusimaartaqaanga sanngiittaraangama. ... Sanngiittaraangamami pissatsittarpunga.” – 2 Kor 12:10.
17 Jehovamut kiffartorninni kissaatigisattut iliorsinnaannginnerit nikallussutigeqinagu misigalutit inuunivimmut arpaliunnermi pinertusaarsinnaanak. Jehovap uppernerit pinertusaarsimanerillu pillugit asavaatit. Taassumannga ikiorneqarnissat aatsaat taama pisariaqartitsigaat, qimannavianngilaatillu. (18. Ilaat qanoq annertuumik akiugassaqarpat?
18 Inuunivimmut arpaliuteqataasut ilaat allanik unamminiagassaqarput. Takuneqarsinnaanngitsumik allanullu paasiuminaassinnaasumik akiugaqarput. Immaqa isumatsassimangaarnermik ernumangaarnermillu unamminiagaqarput. Jehovamit asaneqangaartut taakkua ilaasa ajornartorsiut suna akiugassaraat? Inuup avatimigut napisimasup issiavimmiluunniit kaassuartakkamiittup ajoqutaa takuneqarsinnaasarpoq. Taamaattumik allat ikiuerusunnissaat ilimanarnerussaaq. Misigissutsikkulli isumakkullu nappaateqartut ajoquteqanngippasissinnaapput. Avatimikkut napisimasutulli anniaateqartigigaluarlutik pisariaqartitaminnik misigeqatigineqarlutillu isumagineqanngitsoorsinnaapput.
19. Mefiboshetip maligassiaanit suna ilikkarparput?
19 Unamminiagaqarnerit pissutigalugu Jehovamut kiffartorninni kissaatigisattut iliuuseqartigisinnaanngikkuit misigalutillu paasineqarnak Mefiboshetip maligassiaa qiimmaallaatigisinnaavat. (2 Sam 4:4) Taannattaaq nappaateqarpoq kunngimillu Daavimit eqqunngitsumik isummerfigineqarluni. Mefiboshetip taamatut pineqarnini pisuussutiginngilaa. Narrutsanngilaq, inuunerminili pisimasut ajunngitsut nuannaarutigai. Daavimit asannittuliorfigineqartarsimanini qujamasuutigaa. (2 Sam 9:6-10) Taamaattumik Daavip eqqunngitsumik isummerfigimmani Mefibosheti kamalernanilu narrutsanngilaq. Daavip kukkussutaanut Jehova pisuutinngilaa. Jehovap kunnginngortitaa qanoq tapersersussanerlugu Mefiboshetip eqqarsaatigineruaa. (2 Sam 16:1-4; 19:25-31) Mefiboshetip maligassaalluarnera uagut iluaqutissatsitut Jehovap oqaatsimini allatsissimavaa. – Rom 15:4.
20. Inuit ernumangaarnertik qanoq sunnerneqaatigisinnaavaat, sunali qularissanngilaat?
20 Qatanngutitta ilaat ernumangaarnermik akiugaqarnertik pissutigalugu inuit akornanniikkaangamik annilaangangaalerlutillu ajukkussinnaasarput. Inuppassuit akornanniinnissartik sapernartissinnaagaluarlugu ataatsimiigiartarput ataatsimeersuaqataasarlutillu. Ilisarisimanngisaminnik oqaloqateqarnissartik sapernartittarpaat, taamaakkaluartorli suli illumiit illumut oqaluussisarput. Illit taamatut akiugaqaruit kisimiinngilatit. Inuppassuit ilittulli akiugaqarput. Eqqaamajuk tamaviaarnerit Jehovamut nuannaarutaasoq. Maannamut tunniutiinnarsimannginnerpit ersersippaa Jehovamit pilluaqquneqartarlutillu nukissannik tunineqartartutit. * (Fil 4:6, 7; 1 Petr 5:7) Timikkut tarnikkulluunniit nappaateqaraluarlutit Jehova kiffartorfigigukku qularissanngilat taanna nuannaartillugu.
21. Jehovap ikiuineratigut tamatta susinnaavugut?
21 Arpaliutivinneq arpaliunnerlu Paulusip eqqartugaa qujanartumik assigiinngissuteqarput. Biibilip nalaani arpaliutivinnermi inuk ataasiinnaq ajugaasarpoq. Tamatuma akerlianik kristumiup kialuunniit inuunivimmut arpaliunnermi pinertusaartup inuuneq naassaanngitsoq akissarsiarissavaa. (Joh 3:16) Aamma arpaliutivinnermi arpaqataasut peqqissuullutillu qasujaatsuusariaqarput. Taamaanngippammi ajugaasinnaassagunanngillat. Paarlattuanik, ilarpassuavut peqqiillioraluarlutik pinertusaarput. (2 Kor 4:16) Aap, Jehovap ikiuineratigut inuunivimmut arpaliunnermi tamatta apuuffissaq tikillugu pinertusaarsinnaavugut!
ERINARSUUT 139 Nuna nutaaq takorlooruk
^ imm. 5 Nalitsinni Jehovamut kiffartortut amerlasuut utoqqalinermik nappaateqarnermilluunniit sanngiilliuuteqarput. Tamattalu ilaannikkut qasusarpugut. Taamaattumik arpaliunnermi peqataanissaq sapernarpasissinnaavoq. Inuunivimmut arpaliunnermi apustilip Paulusip allaatigisaani qanoq pinertusaarlutalu ajugaasinnaasugut allaaserisami sammineqassaaq.
^ imm. 6 Napasuliaq Alapernaarsuiffik januaarip aallaqqaataat 2013-imoortoq allaaserisaq “Biibili inuit inuunerannik allannguisitsisarpoq” takuuk.
^ imm. 20 Ernumangaarnermik akiugaqartunut iliuuserisinnaasat paasiumallugit taamatullu akiugaqartut misigisalikkersaarutaat isiginnaarumallugu jw.org®-imi qaammammut aallakaatitassiaq 2019-imi maajimoortoq takuuk. Tuukkit BIBLIOTEK > JW BROADCASTING®.
^ imm. 63 ASSIMI MALUGISASSAT: Qatanngutip angutip utoqqaap kristumiunut aqqutissakkut arpattuarnissaminut oqaluussinermi ulapputeqarnini iluaqutigigaa.
^ imm. 65 ASSIMI MALUGISASSAT: Allat naakkiutsissinnaavavut aalakoornartortalinnik imernerunissaannik kimigiiserfiginerisigut imminulluunniit killilersunnginnitsigut.
^ imm. 67 ASSIMI MALUGISASSAT: Qatanngut angut napparsimmavimmi uninngagaluarluni peqqissaasunut oqaluussinermigut inuunivimmut arpaliunnermi pinertusaartoq.