Sooq Jiisusip toqun­ngitsiar­nermini Daavip oqaasii Tussiaat 22:2-miittut issuarpai?

Jiisusip toqun­ngin­nermini oqaasiinut kingul­ler­nut ilaap­put Mat­thæusi 27:46-miit­tut uku: “Guutiga, Guutiga! Sooq qimap­pinga?” Taamatut oqarami Daavip oqaasii Tus­siaat 22:2-miit­tut eq­quutitip­pai. (Mark 15:34) Isumaqas­san­ngilagut Jiisusi pakatsigami imaluun­niit up­per­nikil­lial­lak­kami taamatut oqar­toq. Nalun­ngil­luin­nar­paa sooq toqusariaqarluni, toqunis­saminul­lu piareersimavoq. (Matt 16:21; 20:28) Aam­ma nalun­ngilaa toquleruni Jehovap ser­nis­sorun­naas­sagaani. (Job 1:10) Jehovamit ser­nis­sor­neqarun­naarami Jiisusip up­per­narsarsin­naaler­paa toquler­nermini qanorluun­niit ar­torsaateqaraluaruni aalajaat­tuarsin­naal­luni. – Mark 14:35, 36.

Taavami sooq Jiisusip tus­siaasior­toq is­suar­paa? Qulak­keerlugu taman­na akisin­naan­ngik­kaluarlutigu nas­suiaataasin­naasut sam­meriar­tigit. *

Jiisusip taamatut oqar­ner­mini immaqa erseq­qis­sar­niarpaa toquler­ner­mini Jehova akuliutis­san­ngitsoq. Jehovamit ikior­neqar­nani inuunini uter­titsis­sutitut pil­liutigisariaqar­paa. Toqunini “tamanut iluaqutaasus­saam­mat” inut­tut toqusariaqar­poq. – Hebr 2:9.

Jiisusip tus­siaam­mit oqaatsit ikittuin­naat issuaramigit immaqa tus­siaat tamanna  tamaat tusar­naar­timinut malugitin­niarsaraa. Taamanik­kut juutit tus­siaatit alan­ngaarsin­naasar­paat. Tus­siaatip versianik ataatsimik eq­qaasin­neqar­nermik­kut tus­siaat is­suaaf­figineqar­toq tamaat eq­qarsaatigiler­tar­paat. Jiisusip taman­na eq­qarsaatigiguniuk tus­siaam­mi tamatumani toqunis­sani pil­lugu siulit­tuuter­pas­suar­nik malin­nitsini eq­qaasin­niarsimasin­naavai. (Tuss 22:8, 9, 16, 17, 19, 25) Aam­mami tus­siaatip tamatuma naanerani Jehova un­nersiutigineqarlunilu nunarsuarmut tamarmut kun­ngiunera al­laatigineqar­poq. – Tuss 22:28-32.

Daavip oqaasiinik issuaanermigut immaqa Jiisusip nam­mineq pisuus­suteqan­ngin­nini erser­sin­niarpaa. Jiisusi toqun­ngin­nermini Guutimik mital­liisutut eq­qar­tuun­neqar­poq. (Matt 26:65, 66) Un­nuak­kut tuavius­saasumik eq­qar­tuun­neqar­nera inatsisitigut ileq­quusunut akuerisaasunut naaper­tuutin­ngil­luin­nar­poq. (Matt 26:59; Mark 14:56-59) Jiisusip sooq Guutimit qiman­neqar­nini apeq­qutigigamiuk ersersin­niarsimasin­naavaa pisuus­suteqan­ngin­nami pil­lar­neqar­tus­saan­ngik­kaluarluni.

Imaan­ngilaq Daavi, tussiaammik tamatuminnga tus­siaasiortoq, Jehovamit iluarisaan­ngin­nami naalliut­tartoq. Tamannalu Jiisusip immaqa allanut eqqaasitsis­sutiginiarpaa. Daavip oqaasii up­per­nikin­nermik ersersitsin­ngil­lat. Taak­kumi oqaatigereerlugit Jehovap an­naas­sinis­samut pis­saaneqar­nera up­peralugu ersersip­paa, Jehovamil­lu pil­luaq­quneqar­tuar­poq. (Tuss 22:24, 25, 28) Taamatut­taaq imaan­ngilaq Jiisusi, “Daavip er­nera”, Jehovamit iluarisaajun­naarami nap­pak­kami an­niar­titaaf­fim­mi naal­liut­toq. – Matt 21:9.

Jiisusip aalajaan­nini upper­narsarumallugu Jehovamit sernis­sor­neqarun­naar­tariaqar­nini aliasuutigingaarlugu immaqa ersersin­niarpaa. Jehovap aal­laq­qaam­mut siuner­tarin­ngik­kaluar­paa er­nini naal­liul­lunilu toqus­sasoq. Inuil­li pikitsitsim­mata aatsaat taman­na pisariaqaler­poq. Jiisusi ajor­tuliun­ngik­kaluarluni Saatanip apeq­qusigai akisin­naanias­sagamigit inuil­lu an­naasimasaat akiler­nias­sagamiuk naal­liul­lunilu toqusariaqar­poq. (Mark 8:31; 1 Petr 2:21-24) Taman­na aatsaat naam­mas­sineqarsin­naavoq Jehovap Jiisusimik il­lersuiuar­nini unitsil­latsiar­pagu.

Immaqa Jiisusip malin­nitsiminut eqqar­saatigeq­quaa sooq nap­pak­kami anniar­titaaf­fimmi toqunis­sani Jehovap akuerineraa. * Jiisusip nalun­ngilaa pinerlut­tutut nap­pak­kami an­niar­titaaf­fim­mi toqutaaler­nini inup­pas­suit mamiatsaatigis­sagaat. (1 Kor 1:23) Toqutaaneranul­li pis­sutiviusoq malin­nit­taasa eq­qarsaatigigunik­ku tamatuma isumavia paasis­savaat. (Gal 3:13, 14) Taava nalus­san­ngilaat pinerlut­tuun­ngitsoq An­naas­sisuusorli.

Jiisusip tus­siaam­mik is­suaanerminut sunaluun­niit pis­sutigisimagaluaruniuk nalun­ngilaa nap­pak­kami an­niar­titaaf­fim­mi toqunermigut Jehovap piumasaatut ilius­sal­luni. Is­suaariitsiarluni ima oqar­poq: “Naam­mas­sivoq!” (Joh 19:30; Luk 22:37) Jehovamit il­lersor­neqarun­naal­latsiarami Jiisusip nunami naam­mas­sisas­sani naam­mas­sisin­naaler­pai. Aam­ma “Mosesip inatsisaani pruf­fiitinilu tus­siaatinilu” al­las­simasut tamaasa eq­quutitis­sin­naaler­pai. – Luk 24:44.