1. Oqalus­sin­naaner­put kimin­ngaan­neersuua?

 OQALUS­SIN­NAANER­PUT Guutitsin­nit asan­nit­tumit tunis­sutaavoq. Inuk siul­leq Adami pin­ngor­tin­neqar­nerminiilli Ataataminut qilam­miusumut oqalus­sin­naavoq. Aamma nutaanik oqaasiliorsin­naavoq, taamaat­tumik uumasunik tamanik atsersuinis­samik sulias­sin­neqar­nini suliarisin­naavaa. (Mos 1. 2:19) Inuk alla – nuliani pin­nersoq Eva – oqaloqatigeq­qaaramiuk nuan­naangaarsimas­saaq. – Mos 1. 2:22, 23.

2. Itsaq nalitsin­nilu oqalus­sin­naanermik tunis­sut qanoq ator­nerlun­neqar­tarsimava?

² Oqalus­sin­naanermik tunis­sut ator­nerlun­neqalipal­lap­poq. Saatanip Diaavulup Eva sal­luliorfigaa, sal­lulu tamanna pis­sutigalugu inuit ajor­tilin­ngorlutillu naam­mal­luin­nan­ngitsun­ngor­put. (Mos 1. 3:1-4) Adamip Eva allaallu Jehova kuk­kus­sutigisaminik pisuutik­kamigit oqalus­sin­naanini ator­nerlup­paa. (Mos 1. 3:12) Kaini Aabelimik toqutsereerluni Jehovamut sal­luvoq. (Mos 1. 4:9) Kingusin­nerusuk­kut Kainip kinguaavisa ilaat Lemek­kimik atilik nalimini nakuuser­toqangaar­neranik ersersitsisumik taal­lior­poq. (Mos 1. 4:23, 24) Nalitsin­nimi? Politik­kik­kut siut­tuusut ilaat allat tusaatil­lugit oqaasipilut­tar­put. Filmillu amerlanersaanni oqaasipilut­toqar­tar­poq. Atuar­tut atuarfimmi inersimasullu sulif­fim­minni oqaasipalaat tusaasar­paat. Oqaasipilun­nerup taama siam­marsimatiginerata ersersiin­nar­paa inuit ileq­qumik­kut ajorsigalut­tuin­nar­tut.

3. Suna mianersorfigisariaqar­par­put, allaaserisamilu matumani suut sam­mis­savagut?

³ Mianersun­ngik­kutta oqaasipiluit tusaangaaratsigit immaqa  nam­mineq oqaasipilut­talersin­naavugut. Kristumiuugatta soorunami Jehova nuan­naar­tik­kusup­par­put, taamaat­tumillu oqaasipilun­naveersaar­tar­pugut. Aamma oqalus­sin­naanermik tunis­sut Guutip unnersiutiginis­saanut atorusup­par­put. Allaaserisami matumani sam­mis­savar­put qanoq taamaaliorsin­naanersugut (1) oqaluus­sinermi, (2) ilagiit ataatsimiin­neranni aamma (3) al­lanik oqaloqateqar­nitsinni. Oqaloriaaser­pulli sooq Jehovap soqutigigaa sam­meq­qaariar­tigu.

4. Malaki 3:16 naaper­torlugu sooq Jehovap oqaloriaaser­put soqutigaa?

⁴ Malaki 3:16 atuaruk. Inuit oqalun­nermik­kut Jehovamik mianerin­nin­nermik aqqanillu ataq­qin­nin­nermik ersersitsisut aqqi sooq Jehovap ‘map­persak­kamut’ allatsis­simavai? Uum­mam­miugut oqalun­nitsigut erser­tarmata. Jiisusi ima oqar­poq: “[Inuup] eqqarsaatigiuak­kani oqaatigisar­pai.” (Mat 12:34) Jehovamik qanoq asan­nitsiginer­put oqalun­nitsigut erser­tar­poq. Jehovallu imminik asan­nit­tut nunarsuarmi paratiisiusumi naas­saan­ngitsumik inuunis­saat kis­saatigaa.

5. (a) Oqaloriaaser­put guutisior­nitsin­nut qanoq attuumas­suteqar­pa? (b) As­sini takutin­neqar­tutut oqalun­nitsin­nut tun­ngatil­lugu suut mianersorfigisariaqar­pagut?

⁵ Oqaloriaaser­put pis­sutigalugu guutisior­ner­put Jehovamit akuerineqan­ngitsoorsin­naavoq. (Jaak 1:26) Guutimik asan­nin­ngitsut ilaat kamap­palut­tumik, sak­kor­tuumik makitar­palut­tumillu oqaloriaaseqar­tar­put. (Tim 2. 3:1-5) Taakku ilaarusun­ngil­luin­nar­pagut. Oqaloriaatsitsigut Jehova nuan­naar­tik­kusungaar­par­put. Ilagiilli ataatsimiin­neranni oqaluus­sinermilu inus­siar­nersumik oqaloriaaseqaraluarluta angerlarsimaf­fitsinni ilaqut­tagut sak­kor­tuumik asan­nip­palun­ngitsumillu oqaluut­tarutsigit Jehovamit iluarineqar­navian­ngilagut. – Pet 1. 3:7.

6. Kimberlyp oqaloriaaserin­nera qanoq kinguneqarluar­pa?

⁶ Oqalus­sin­naanermik tunis­sut atorluaraangatsigu Jehovamut kif­faaner­put allanut ersersit­tar­par­put. Taamaat­tumik inuit allat “Guutimik kif­far­tuus­sisoq kif­far­tuus­sisuun­ngitsumit” immik­koor­tis­sin­naasar­paat. (Mal  3:18) Tamatumun­nga tun­ngatil­lugu qatan­ngutip Kimberlymik atil­lip misigisimasaa sam­meriar­tigu. b Atuarfimmi atuaqatini ilin­niagas­sereqatigaa. Ilin­niagas­sereqataata maluginiarsimavaa Kimberly atuaqatiminit allaanerusoq. Kimberly allanik oqaluuserinerluis­sananilu oqaasipilun­neq ajor­poq inus­siar­nersumillu oqaloriaaseqarluni. Ilin­niagas­sereqataata tamanna nuan­narigamiuk pif­fis­sap ingerlanerani Kimberly Biibilimik misis­sueqatigisaler­paa. Inuit ilumoor­tumut kajungilis­sutigisaan­nik oqaloriaaseqar­ner­put Jehovap nuan­naarutigingaar­tar­paa!

7. Oqalus­sin­naanerit Guutimit tunis­sutaasoq qanoq atorusup­piuk?

⁷ Jehovamut ataq­qinaataasumik qatan­ngutitsin­nullu qanin­nerulis­sutigisatsin­nik tamatta oqaloriaaseqarusup­pugut. ‘Oqalun­nermut tun­ngatil­lugu’ qanoq maligas­saal­luarsin­naasugut sam­meriar­tigu.

8. Oqaluus­sinermi Jiisusip oqaloriaatsimigut qanoq maligas­siuup­paatigut?

⁸ Kamas­saar­neqaraangavit inussiar­nersumik ataq­qin­nit­tumillu oqaloriaaseqartarit. Jiisusi nunarsuarmiitil­luni imerajut­tumik, nerrersoorsuarmik, Diaavulup ikior­taanik, ulloq qasuersaarfik pil­lugu inatsisinik maleruaan­ngitsumik aamma Guutimik mitaatigin­nit­tumik taaneqar­tar­poq. (Mat 11:19; 26:65; Luk 11:15; Joh 9:16) Jiisusili tamak­kunin­nga taagor­neqaraangami kamal­luni akineq ajor­poq. Sukan­nersumik oqaluun­neqaraangatta Jiisusi ilaarlugu kamal­luta akinaveersaar­tas­saagut. (Pet 1. 2:21-23) Taamatulli imminut aqun­nis­saq saper­narsin­naavoq. (Jaak 3:2) Suna iluaqutigisin­naavar­put?

9. Oqaluus­sinermi oqaatsitta aqun­nis­saan­nut suna iluaqutigisin­naavar­put?

⁹ Oqaluus­sinermi inus­siar­niitsumik oqaluun­neqaraangavit ajual­lan­naveersaar­tarit. Qatan­ngut Samimik atilik ima oqar­poq: “Ilumoor­tup paasinis­saanik pulaak­kap pisariaqar­titsinera aamma pis­susiminik allan­nguisin­naanera eqqarsaatigineruniar­tar­para.” Ilaan­nik­kut pif­fis­saal­luan­ngitsumi kasut­tor­ner­put pis­sutigiin­narlugu pulaagaq kamat­tar­poq. Kamat­tumik oqaloqateqar­nitsinni eqqis­sisimaan­naq­qul­luta aamma inus­siar­niitsumik ataq­qin­nin­ngitsumil­luun­niit oqaaseqaq­qunata qatan­ngutitut Luciatut Jehova naatsumik qin­nuigisin­naavar­put.

10. Timuutiusimut allak­kat siul­liit 4:13 naaper­torlugu suna anguniagaris­savar­put?

¹⁰ Ilin­niartitsillaq­qin­nerulerit. Timuutiusi oqaluus­sinermi misilit­tagaqarluar­tuugaluarluni ilin­niar­titsil­laq­qin­neruler­tariaqar­poq. (Timuutiusimut 1. 4:13 atuaruk). Oqaluus­sinermi qanoq ilin­niar­titsil­laq­qin­nerulersin­naavugut?  Piareersarluar­tar­nitsigut. Aamma ilin­niar­titsil­laq­qin­neruler­nis­satsin­nut iluaqutis­sar­pas­suagut misis­sorsin­naavagut. Qup­persagaq Atuffas­sinermut ajoqersuinermullu pikkorin­nerulerit aamma ulluin­narni ataatsimiin­nermut najoq­qutas­sami immik­koor­toq “Oqaluus­sinermut piareersar­neq” iluaqutigis­savatit. Biibililersaarutit taakku atorluar­tar­pigit? Piareersarluar­tarutta annilaangaval­laar­natalu imminut tatigaluta oqalus­sin­naasas­saagut.

11. Kristumiut ilaat qanoq ilin­niar­titsil­laq­qin­nerulersimap­pat?

¹¹ Aamma ilagiin­niit­tut allat ilin­niarfiginerisigut ilin­niar­titsil­laq­qin­nerulersin­naavugut. Samip, issuariik­katta, kristumiut ilin­niar­titsil­laq­qis­sut ilin­niarfiginiar­tar­pai. Ilin­niar­titseriaasiat maluginiar­tar­paa ilaar­niarsarisarlugillu. Qatan­ngutip Nataliamik atil­lip oqalugiar­tar­tut misilit­tagaqarluar­tut oqalugiariaasian­nik maluginiaaq­qis­saar­tar­nermigut oqaluus­sinermi eqqar­tor­neqarajut­tut qanoq nas­suias­sanerlugit ilik­karsimavaa.

12. Ilaasa suut tunuarsimaarfigisar­paat?

¹² Tamatta ataatsimiin­nerni erinarsoqataasar­nik­kut piareersarluak­kanillu akis­suteqar­tar­nik­kut peqataasarsin­naavugut. (Tuss 22:23) Ilaasali allat tusaatil­lugit erinarsoqataanis­sar­tik akis­suteqar­nis­sar­til­luun­niit tunuarsimaarfigisar­paat. Illit aamma taamaat­tar­pit? Taamaap­pat allat suna iluaqutigisimaneraat paasis­sal­lugu soqutigis­savat.

13. Suna iluaqutigalugu ataatsimiin­nerni uum­mam­mit pisumik erinarsor­tarsin­naavit?

¹³ Uummammit pisumik erinarsoqataasarit. Ataatsimiin­nermi erinarsoraangatta Jehovap unnersiutiginis­saa pingaar­ner­paatit­tas­savar­put. Qatan­ngut Saramik atilik misigin­ngilaq erinarsul­laq­qis­suul­luni. Erinarsor­nik­kulli Jehova unnersiutigerusup­paa. Taamaaliorumal­luni ataatsimiin­ner­nut piareersaraangami aamma erinarsuutit piareersar­tar­pai. Erinarsuutit sungiusar­tar­pai taal­lar­taasalu ataatsimiin­nis­sami sam­misas­sanut qanoq attuumas­suteqar­nerat misis­sor­tarlugu. Ima oqar­poq: “Taamaalior­tarama erinarsuutip taal­lar­tai eqqarsaatiginerusin­naasar­pakka erinarsor­nera pival­laar­nagu.”

14. Ittuutuguit ataatsimiin­nerni akis­suteqar­nis­samut suna iluaqutigisin­naaviuk?

¹⁴ Akissuteqartarit. Inuit ilaan­nut tamanna saper­narsin­naasar­poq. Natalia, issuariigar­put, ima oqar­poq: “Inuit allat tusaatil­lugit oqaluk­kaangama annilaangasorujus­suusarama ataatsimiin­nermi akis­suteqar­nis­saq saper­nar­tit­tar­para. Nipik­kulli annilaanganera tusaaneqarsin­naaneq ajormat allat tamanna nalusar­paat.” Taman­nali Nataliap akis­suteqar­nis­saminut unis­sutigineq ajor­paa.  Ataatsimiin­ner­nut piareersar­nermini eqqaamasar­paa immik­koor­tumut oqaaseqaat siul­leq naatsuul­lunilu apeq­qum­mut akis­sutaas­sasoq pingaar­neq. Ima oqar­poq: “Tamanna isumaqar­poq oqaatsit ikit­tut atorlugit allanillu ilaar­tor­nagu akis­suteqaruma naam­mas­sasoq, aqutsisummi akis­sut taamaat­toq tusarusut­tar­paa.”

15. Akis­suteqar­nis­samut tun­ngatil­lugu suna eqqaamas­savar­put?

¹⁵ Allaat kristumiut ilaasa ittuutuujun­ngik­kaluarlutik akis­suteqar­nis­sar­tik tunuarsimaarfigisar­paat. Sooq? Qatan­ngut Julietimik atilik ima oqar­poq: “Ilaan­nik­kut oqaaseqar­nis­sara tunuarsimaarfigisar­para misigisarama oqaasis­sakka annikip­pal­laar­tut naam­man­ngitsullu.” Eqqaamajulli Jehovap sapin­ngisar­put naaper­torlugu akis­suteqar­tar­nis­sar­put kis­saatigigaa. c Annilaangagaluarluta ataatsimiin­nerni akis­suteqar­niarluta sapin­ngisatsin­nik iliuuseqar­tar­ner­put nuan­naarutigingaar­tar­paa.

16. Qanoq oqaloriaaseqar­naveersaas­saagut?

¹⁶ ‘Ajuallan­nartumik oqalun­naveersaarit.’ (Ef 4:31) Eqqaaneqareersutut kristumiu oqaasipilun­ngisaan­nas­saaq. Aam­mali oqaloriaatsit allat mianersorfigisariaqar­pagut. Assersuutigalugu allamiut allatul­luun­niit kulturil­lit pil­lugit oqaluk­kaangatta ajor­tumik eqqar­tor­naveersaar­tas­savagut. Aamma allat ajual­las­sutigisin­naasaan­nik oqaaseqarusun­ngilagut. Qatan­ngut angut ima oqalut­tuar­poq: “Ilaan­nik­kut ajor­tumik eqqarsaateqan­ngik­kaluarlunga quujasaapilul­lunga oqaaseqar­tar­nikuuvunga, sunaaffa allat ajual­latsit­tarsimal­lugit. Sorraatsumik allanullu ajual­lan­nar­tumik oqalus­simanera pil­lugu nuliama allat tusaatin­nagit naq­qiisar­nermigut ukiut ingerlaneranni ikiungaarsimavaanga.”

17. Efesos­simiut 4:29 naaper­torlugu allat qanoq qiim­mas­sarsin­naavagut?

¹⁷ Qiimmaallan­nar­tumik oqaloriaaseqarit. Isor­nar­torsiuisar­nak naam­magit­taal­lior­nal­luun­niit nersualaariniapal­lat­tarit. (Efesossimiut 4:29 atuaruk). Israalik­kut qujamasuutis­sar­pas­suaqaraluarlutik naam­magit­taal­lior­tuar­put. Naam­magit­taal­liukulasarutta aamma allat naam­magit­taal­liulersin­naap­put. Eqqaamajun­narsivat alaper­naarsuiar­tor­titat qulit isumal­luar­nan­ngitsumik nalunaaruteqarmata ‘Israelik­kut tamarmik Mosesi naam­magit­taal­liorfigigaat’. (Mos 4. 13:31–14:4) Allanilli nersualaariner­put kinguneqarluar­tar­poq. Jeftap pania ikin­ngutiminit ‘nersualaar­neqar­tarami’ sulias­saminik aal­lus­siuar­poq.  (Eqq 11:40, NW) Sara, issuariigar­put, ima oqar­poq: “Inuit allat nersualaaraangatsigit Jehovamit ilagiin­niit­tunillu asaneqar­tutut misigitit­tar­pagut.” Taamaat­tumik nersualaarinis­san­nut periarfis­sarsior­tarit.

18. Tus­siaat 15:1, 2-lu naaper­torlugit sooq sal­lunaveersaar­tar­pugut, taman­nalu qanoq isumaqar­pa?

¹⁸ Sallunaveersaartarit. Jehovap sal­luneq uumigigamiuk sal­lusarutta iluarinavian­ngilaatigut. (Uss 6:16, 17) Inup­pas­suit sal­luneq nalingin­naasutut isigisaraluaraat Jehovap nuan­narin­ngim­magu sal­lunaveersaar­tar­pugut. (Tussiaat 15:1, 2 atuakkit). Sal­lun­ngik­kaluarlunili piaaraluni allat kuk­kusumik isumaqalis­sutigisin­naasaan­nik oqalut­toqar­tar­poq. Sal­lunaveersaar­niarut­tali taamaalior­naveersaar­tas­saagut.

19. Suna aamma mianersorfigisariaqar­par­put?

¹⁹ Oqaluuseriner­luinaveersaarit. (Uss 25:23; Tes 2. 3:11) Juliet, issuariigar­put, oqaluuserinerluineq qanoq sun­ner­neqaatigalugu ima nas­suiaavoq: “Oqaluuserinerluisumik tusar­naarluni nikal­lor­nar­poq tatigin­nik­kun­naar­narlunilu. Imaas­sin­naavormi allamut oqaluuserinerlus­sagaanga.” Malugigukku oqaloqatigiin­neq ajor­tumut saalersoq isumal­luar­nar­tumik oqaaseqarit. – Kol 4:6.

20. Sunis­sat aalajangiusimaviuk?

²⁰ Inup­pas­suit oqalus­sin­naaner­tik ator­nerlut­tarmas­suk oqaloriaatsitta Jehovamit iluarineqar­nis­saa qulak­keerumal­lugu ilungersor­tariaqar­pugut. Eqqaamajuaruk Jehovap oqalus­sin­naan­ngor­tik­kaatigut oqaloriaaser­pullu maluginiar­taraa. Oqaluus­sinermi, ataatsimiin­nerni allanillu oqaloqateqar­nermi Jehovap ataq­qinaatigisaminik oqaloriaaseqar­niar­ner­put pil­luaq­qus­savaa. Jehovap inuit ajor­tut suujun­naarsip­pagit ataq­qinaatigisaanik oqalun­nis­sar­put saper­nan­ngin­nerungaas­saaq. (Juud 15) Taman­nali utaq­qitil­lugu ‘qanitta oqaasii’ atorlugit Jehova nuan­naar­tik­kusup­par­put. – Tuss 19:15.