Angut kateq­qip­pat ilagiit aap­pariin­neq siul­leq kipitin­neqar­tutut aap­pariin­nerlu kingul­leq atuut­tutut isigis­savaat. Taama isum­mer­nermut pis­sutaasoq paasiumal­lugu Jiisusip avin­neq kateq­qin­nerlu pil­lugit oqaasii sam­meriar­tigit.

Matiusi 19:9-mi allas­simasutut Jiisusip Biibili tun­ngavigalugu aap­pariik­kun­naar­nis­samut pis­sutis­satuaasoq eqqaavaa. Ima oqar­poq: “Kinaluun­niit atoqatigiin­nikkut eqqun­ngitsulior­nermik pissuteqan­ngitsumik nuliaminit avit­toq allamillu nuliar­toq allasiorpoq.” Jiisusip oqaasiinit paasivar­put (1) atoqatigiin­nik­kut eqqun­ngitsulior­neq Biibili tun­ngavigalugu avin­nis­samut pis­sutis­satuaasoq aamma (2) angut Biibilimik tun­ngavis­saqan­ngitsumik nuliaminit avit­toq allamullu katit­toq allasior­toq. a

Jiisusip oqaasii pis­sutigalugit isum­mersin­naavugut angut atoqatigiin­nik­kut eqqun­ngitsulior­toq nuliaminillu avit­toq Biibili tun­ngavigalugu kateq­qis­sin­naasoq? Taamaat­tariaqan­ngilaq. Uiusoq allasior­pat nuliaasup pisuussuteqanngitsup aalajangis­savaa uini isumak­keerfiginiar­nerlugu isumak­keerfiginiar­naguluun­niit. Isumak­keerfigin­ngik­kuniuk inatsisitigullu avik­kunik marluul­lutik kateq­qis­sin­naap­put.

Imaas­sin­naavorli nuliaasup pisuus­suteqan­ngitsup ilumoorluni uini aap­pariin­narusuk­kaa isumak­keerfigerusul­lugulu oqarfigalugu. Taavami uiusup allasior­tup nuliami isumak­keerfigin­nik­kumanera akuerin­ngip­pagu nuliaasorlu avik­kusun­ngik­kaluar­toq inatsisitigut avip­pata? Nuliami isumak­keerfigiumam­mani aap­pariin­narumam­manilu Biibili tun­ngavigalugu kateq­qis­sin­naas­san­ngilaq. Biibili naaper­torlugu katin­nis­samut tun­ngavis­saqan­ngik­kaluarluni kateq­qik­kuni aap­pas­saanik allasius­saaq. Taman­nalu pis­sutigalugu ilagiinni utoq­qaaner­tat eqqun­ngitsulior­nera iliuuseqarfiginiarlugu eqqar­tuus­sisin­naanermut ataatsimiititalialioq­qit­tariaqas­sap­put. – Kor 1. 5:1, 2; 6:9, 10.

Angut Biibili tun­ngavigalugu kateq­qis­sin­naan­ngitsoq katip­pat taava ilagiit aap­pariin­neq siul­leq kingul­lerlu qanoq isigis­savaat? Biibili naaper­torlugu aap­pariin­neq siul­leq suli atuup­pa? Nuliaasup pisuus­suteqan­ngitsup suli aalajangersin­naava uikuni isumak­keerfiginiarlugu isumak­keerfiginiar­naguluun­niit? Aap­pariin­neq kingul­leq allasior­ner­tut isigineqas­sava?

Siusin­nerusuk­kut aap­pariin­neq kingul­leq allasior­ner­tut isigineqar­tar­poq aap­paasoq pisuus­suteqan­ngitsoq suli inuup­pat, kateq­qis­siman­ngip­pat atoqatigiin­nik­kul­luun­niit eqqun­ngitsuliorsiman­ngip­pat. Jiisusilli avin­neq kateq­qin­nerlu eqqar­toramigit aap­paasoq pisuus­suteqan­ngitsoq eqqaan­ngilaa. Nas­suiar­paali angut Biibilimik tun­ngavis­saqan­ngitsumik nuliaminit avit­toq allamullu katit­toq allasior­toq. Taama pisoqar­til­lugu avin­neq kateq­qin­nerlu, Jiisusip allasior­ner­tut taasaa, aap­pariin­nermik siul­lermik kipititsis­saaq.

Avin­neq kateq­qin­nerlu pis­sutigalugit aap­pariin­neq kipitin­neqar­pat nuliaasup pisuus­suteqan­ngitsup  aalajangersin­naajun­naas­savaa uikuni isumak­keerfiginiar­nerlugu isumak­keerfiginiar­naguluun­niit. Taamaalil­luni uikuminik isumak­keerfigin­nin­nis­samik isumak­keerfigin­nin­ngin­nis­samil­luun­niit aalajangigas­saq saper­nar­toq naner­tuutigisariaarutis­savaa. Aamma aap­paasup pisuus­suteqan­ngitsup toqusimanera, kateq­qis­simanera atoqatigiin­nik­kul­luun­niit eqqun­ngitsuliorsimanera ilagiit aap­pariin­nermut kingul­lermut isigin­nit­taasian­nut aalajangiisuujun­naas­sap­put. b

Qulaani assersuutigineqar­tumi uiusoq allasiormat aap­pariit avip­put. Taavami uiusoq allasiorsimanani avip­pat kateq­qip­pal­lu? Imaluun­niit uiusoq avin­neq sioq­qul­lugu atoqatigiin­nik­kut eqqun­ngitsuliorsiman­ngip­pat, avin­nerulli kingorna allasior­pat tamatumalu kingorna nuliami isumak­keerfigiumagaluaraani kateq­qip­pat? Assersuutaasuni taak­kunani tamani avin­neq kateq­qin­nerlu, allasior­nerusoq, aap­pariin­nermik siul­lermik kipititsis­sap­put. Aap­pariin­neq kingul­leq aap­pariin­nermik inatsisitigut atuutsitsivoq. Vagttårnet novembarip 15-iat 1979-imoortoq qupperneq 32-mi allas­simavoq: “Nutaamik nuliar­taarami aap­pariin­neq kipitiin­narsin­naan­ngilaa nuliakuminullu uterluni. Avin­nik­kut, allasior­nik­kut kateq­qin­nik­kullu aap­pariin­neq siul­leq kipitip­paa.”

Paasin­nit­taaser­put allan­ngormat imaan­ngilaq aap­pariin­neq iller­narun­naar­toq allasior­nerluun­niit ajor­tulior­nerun­ngitsoq ingasat­toq. Angut Biibilimik tun­ngavis­saqan­ngitsumik nuliaminit avit­toq Biibililu tun­ngavigalugu kateq­qis­sin­naan­ngik­kaluarluni allamut katit­toq allasiormat utoq­qaaner­tat eqqar­tuus­sisin­naanermut ataatsimiititalialius­sap­put. (Katin­neqar­toq kristumiuup­pat allasiorsimasutut unnerluutigalugu aamma eqqar­tuus­sisin­naanermut ataatsimiititalialior­toqas­saaq). Aap­pariin­neq kingul­leq allasior­ner­tut isigineqan­ngik­kaluar­toq angut aatsaat ukior­pas­suit ingerlareer­pata aamma allat pisoq mamiatsaatigiun­naareer­pas­suk angullu ataq­qineqarsin­naan­ngitsutut isigiun­naareer­pas­suk ilagiinni immik­kut ittumik pisin­naatitaaf­filer­neqarsin­naavoq. Tamatumani qimataasoq ilumuun­ngitsuliorfigineqar­toq avin­nerullu kingunerisaanik arlaatigut ajor­nar­torsiuteqalersoq meeq­qallu ukiukitsut aap­paasumit allasior­tumit immaqa sumigin­nar­neqar­tut innimigineqas­sap­put. – Mal 2:14-16.

Biibilimik tun­ngavis­saqan­ngitsumik avin­neq kateq­qin­nerlu anner­tuumik kingunipiloqar­tarmata kristumiut aap­pariin­nermik iller­nar­tuutitsinermik­kut Jehovatut isigin­nit­taaseqar­niar­tuarunik silatusaas­sap­put. – Oqal 5:3, 4; Hebr 13:4.