1. Kristumiut siulliit qanoq aaqqissuus­saappat?

 JEHOVAP kiffani suliassik­kaangamigit naatsorsuutigisarpaa suliassaq paatsiveqan­ngitsumik ingerlan­neqassan­ngitsoq. (Kor 1. 14:33) Assersuutigalugu Guutip piumasaraa nutaarsiassat nuannersut nunarsuaq tamakkerlugu oqaluus­sissutigineqassasut. (Mat 24:14) Jehovap Jiisusi suliamut tamatumunnga akisussaaf­filerpaa. Jiisusip tamanna paatsiveqan­ngitsumik pinnginnissaa isumagisimavaa. Kristumiut siulliit nalaanni illoqarfinni assigiin­ngitsuni ilagiit pilersin­neqarmata utoqqaanertat siulersuisussatut toqqarneqarput. (ApS 14:23) Jerusalemmimi siulersuisoqatigiit, tassa apustilit utoqqaanertallu, ilagiit tamarmik malitas­saannik aalajangiisarput. (ApS 15:2; 16:4) Ilitsersuutit maleruaramikkit ilagiit “ullut tamaasa uppernikkut nakussatsit­tarlutillu amerliartorput”. – ApS 16:5.

2. 1919-imiilli Jehovap innuttani qanoq siulersorlugillu anersaakkut inuussutis­saqartis­simavai?

² Ulloq manna tikillugu Jehovap innuttani siulersor­tuarpai. 1919-imiilli Jiisusip angutit tanitat eqimattannguit oqaluus­sinissamik aaqqissuitippai anersaakkullu inuussutissanik pilersuitillugit. a (Luk 12:42) Ersarippoq Jehovap suliaat pilluaqqugaa. – Es 60:22; 65:13, 14.

3-4. (a) Aaqqissuus­saalluarneq qanoq iluaqutigineripput oqaluttuariuk. (b) Allaaserisami matumani suut sammissavagut?

³ Aaqqissuul­luagaan­ngikkutta Jiisusip suliassiissutaa naammas­sisinnaanavian­ngilarput. (Mat 28:19, 20) Takorlooruk sumiiffimmik  oqaluus­siffissamik tunineqan­ngikkutta kinaluunniillu sumiluunniit oqaluus­sisinnaasoq. Taamaat­tuuppat sumiiffiit oqaluus­siffigisartakkat ilaat oqaluus­siffigineqaqat­taassagaluarput sumiiffinnili allani inuit oqaluus­siffigineqaratik. Aaqqissuun­neqarnerup iluaqutigisar­neranik allanik aamma eqqaasaqarsinnaavit?

⁴ Soorlu Jiisusip nunarsuarmiik­kallarami ilinniartitani aaqqissuuttarai, taamatuttaaq nalitsinni Guutip innuttai aaqqissuus­saatippai. Allaaserisami matumani Jiisusip maligassiaa aamma peqatigiis­sortatta tamanna qanoq ilaarneraat sammissavagut. Aamma eqqartus­savarput Jehovap peqatigiis­sortaanik tatigin­ninnerput qanoq ersersis­sinnaagipput.

PEQATIGIIS­SORTATTA JIISUSI ILAARTARPAAT

5. Ilaatigut Jiisusi qanoq ilaartarparput? (Johannesi 8:28)

⁵ Jiisusi qanoq iliornis­saminik qanorlu oqarnis­saminik Ataataminit qilammiusumit ilinniar­tinneqarpoq. Jiisusi ilaarlugu Jehovap peqatigiis­sortaasa ilitsersuutitik ileqqus­satigullu ilinniar­titsissutitik Biibilimik tunngaveqar­tittarpaat. (Johannesi 8:28 atuaruk; Tim 2. 3:16, 17) Guutip oqaasiata atuarnissaanut maleruar­nissaanullu eqqaasin­neqakulasarpugut. Siunnersuutip tamatuma maleruarnera qanoq iluaqutigisarparput?

6. Biibilimik misissuisarneq sutigut pingaaruteqar­tutigut iluaqutigisarparput?

⁶ Biibililersaarutigut atorlugit Biibili misissoraangatsigu iluaqutigingaar­tarparput. Assersuutigalugu peqatigiis­sortatsinniit ilitsersuutit pisagut Biibilimi ilinniar­titsissutigineqartunut naleqqiut­tarsinnaavagut. Ilitsersuutit Biibilimik tunngaveqarnerat takusin­naagaangatsigu Jehovap peqatigiis­sortaanik tatigin­ninneruler­tarpugut. – Rom 12:2.

7. Jiisusip suna oqaluus­sissutigaa, Jehovallu peqatigiis­sortaasa qanoq ilaarpaat?

⁷ “Guutip kunngeqarfia pillugu nutaarsiassat nuannersut” Jiisusip oqaluus­sissutigai. (Luk 4:43, 44) Aamma ilinniartitani Kunngeqarfik pillugu oqaluus­seqquai. (Luk 9:1, 2; 10:8, 9) Nalitsinni Jehovap peqatigiis­sortaanut ilaasortat tamarmik Kunngeqarfik pillugu tusarliussassaq sumiluunniit najugaqaraluarunik ilagiinnilu qanorluunniit akisussaaf­feqartigigaluarunik oqaluus­sissutigisarpaat.

8. Suna ataqqinaatigaarput?

⁸ Guutip kunngeqarfia pillugu ilumoortut allanut ingerlateq­qinnissaat ataqqinaatigaarput. Kikkulluunniit taama iliorsin­naatitaan­ngillat. Assersuutigalugu Jiisusi nunarsuarmiik­kallarami anersaapiluit pilluni oqaloqqunngilai. (Luk 4:41) Inuk Jehovap innuttai ilagalugit oqaluus­siniaruni Jehovap iluarisaatut inooriaaseqar­tariaqarpoq. Sumiluunniit sapinngisatsinnillu oqaluus­sisarnikkut pingaar­titsinerput ersersit­tarparput. Jiisusi ilaarlugu Guutip kunngeqarfia pillugu ilumoortunik inuit uummataannut ikkussuinissaq imerterinissarlu anguniagaraarput. – Mat 13:3, 23; Kor 1. 3:6.

9. Jehovap peqatigiis­sortaasa Guutip atia qanoq ilisimaneqalersippaat?

⁹ Guutip atia Jiisusip ilisimaneqalersippaa. Ataataminut qilammiusumut qinulluni Jiisusi ima oqarpoq: “Atit … ilisimaneqalersippara.” (Joh 17:26) Jiisusi ilaarlugu Jehovap peqatigiissortai sapinngisartik naapertorlugu inunnik Guutip atianik ilisimasaqaler­nissaannut ikiuisarput. Ilaatigut taamaaliortarput Nunarsuup nutaanngor­nissaanik nutsigaq atorlugu, Guutimmi atia allassimaq­qaarfinni allassimasutut nutsikkamut tassunga ilanngutiteq­qinneqarmat. Biibilimik nutsigaq taanna ilaannaaluunniit oqaatsini 270-init amerlanerusuni pissarsiarineqarsinnaavoq. Quppersakkami Guutip oqaasianik misissueq­qissaarummi  quppernerni 13-ini siullerni Guutip atiata Biibilimut ilanngutiteq­qinneqarnera pillugu atuarnerusin­naavutit. Aamma qallunaatut Studiebibelen-imi tillæg C-mi Guutip atiata Grækerisut Allakkanut Illernartunut 237-riarlugu ilanngutiteq­qinneqar­neranut pissutaasut atuarsin­naavatit.

10. Arnap Myanmarimi najugallip oqaasii qanoq ilinniarfigaagit?

¹⁰ Jiisusi ilaarlugu inuit sapinngisamik amerlanerpaat Guutip atianik ilisarisiman­nilernis­saannik ikiorusuppagut. Arnaq 67-inik ukiulik Myanmarimiu Guuti ateqartoq paasigamiuk killitsingaarami qullipippoq. Ima oqarpoq: “Inuulil­laramali aatsaat paasivara Guutip atia tassaasoq Jehova. … Inuuninni pingaar­nerpaamik ilinniagassannik ilinniar­tipparma.” Misigisami erserpoq Guutip atianik ilinniarneq inunnut maniguuttunut sunniuteqangaarsinnaasoq.

JEHOVAP PEQATIGIIS­SORTAANIK TATIGIN­NITTUARIT

11. Utoqqaanertat Jehovap peqatigiis­sortaanik tatigin­ninnertik qanoq ersersis­sinnaavaat? (Aamma asseq takuuk).

¹¹ Utoqqaanertat Guutip peqatigiis­sortaanik tatigin­ninnertik ilaatigut qanoq ersersis­sinnaavaat? Ilitsersuutinik pigaangamik taakku atuaqqis­saartariaqarpaat sapinngisartillu naapertorlugu maleruarlugit. Assersuutigalugu ataatsimiinnerni qanoq ilinniar­titsissanerlutik, ataatsimiinnerni qanoq qinusas­sanerlutik Kristusillu savaataanik qanoq isumagin­nissanerlutik ilitsersor­neqartarput. Utoqqaanertat ilitsersuutinik maleruaagaangamik qatanngutit Jehovamit asaneqartutut isumagineqarluar­tutullu misigitit­tarpaat.

12. (a) Sooq utoqqaanertat kajumilluta suleqatigis­savagut? (Hebræerit 13:7, 17) (b) Sooq utoqqaanertat ajunngitsortaat maluginiar­nerussavagut?

¹² Ilitsersuutinik utoqqaanertanit pigaangatta kajumilluta maleruar­tassavagut. Taamaaliorutta utoqqaanertatut suliassatik ajornan­nginnerutissavaat. Biibilimi kajumis­saarneqarpugut siulersortigut maniguulluta kajumillutalu naalassagigut. (Hebræerit 13:7, 17 atuakkit). Tamannali ilaannikkut sooq sapernar­tissinnaavarput? Naammal­luinnan­ngitsuummata. Akerlilersortitta qulalersik­kusuppaatigut Guutip peqatigiis­sortani aqqutigalugit siulersor­taraatigut. Utoqqaanertat pillugit ajortumik eqqarsaateqar­tuugutta akerlilersortigut ikiussagaluarpagut. Tassa peqatigiissortat pillugit ajortumik eqqarsalersin­naavugut tatigiun­naarlugillu. Akerlilersortitta salluliuutaat qanoq itigartis­sinnaavagut?

TATIGIN­NINNERIT ALLANIT AJOQUSER­TEQINAGU

13. Guutimut akerlilersuisut taassuma peqatigiissortai qanoq ajortumik isigineqalersin­niartarpaat?

¹³ Guutimut akerlilersuisut taassuma peqatigiis­sortaasa ajunngitsortaat ajortumik isigineqalersin­niarsarisarpaat. Assersuutigalugu Biibilimi paasivarput Jehovap piumasaqaatigigaa kiffani timikkut, ileqqus­satigut anersaakkullu minguitsuussasut. Kinaluunniit peqqissiminani mingunnartumik iliuuseqar­tuartoq ilagiin­nikkunnaarsin­neqassasoq piumasaraa. (Kor 1. 5:11-13; 6:9, 10) Biibilimi peqqussut tamanna maleruar­tarparput. Taamaalior­tarattali akerlilersortigut oqartarput asannit­tuunngitsugut, assuarin­nittartugut akaareqatigiin­ngitsugullu.

14. Jehovap peqatigiissortai pillugit salluliuutinut kina pisuua?

¹⁴ Kina sallulior­tuunersoq eqqaamajuk. Saatani Diaavulu peqatigiis­sortagut pillugit salluliortarpoq. Taanna ‘sallumut ataataavoq’. (Joh 8:44; Mos 1. 3:1-5) Taamaattumik naatsorsuutigis­savarput Saatanip akerlilersortigut aqqutigalugit Jehovap peqatigiissortai pillugit salluliuutinik siammar­terissasoq. Aamma Jiisusip kristumiullu siulliit nalaanni taamaaliortarpoq.

15. Upperisarsiornikkut siuttut Jiisusi ilinniar­titaalu qanoq pivaat?

 ¹⁵ Saatani inuit ilaat aqqutigalugit Guutip ernera, naammal­luinnar­tuullunilu tupinnar­tuliortartoq, pillugu salluliuuterpas­suarnik siaruar­terivoq. Assersuutigalugu taamani upperisarsiornikkut siuttut inuit oqarfigaat Jiisusi ‘anersaapiluit naalagaat ikiortigalugu anersaapilunnik anisitsisartoq’. (Mak 3:22) Jiisusi eqqartuun­neqarmat upperisarsiornikkut siuttut taanna Guutimik mitaatigin­ninnerarpaat, inuppassuillu kajumis­saarpaat piumasarissagaat Jiisusi toqutas­sanngor­tinneqassasoq. (Mat 27:20) Kingusin­nerusukkut Jiisusip ilinniar­titaasa nutaarsiassat nuannersut oqaluus­sissutigim­matigit akerlilersuisut “allamiut kamassaaramikkit qatanngutinut akeqqersimaar­tunngor­tippaat”. (ApS 14:2, 19) Apustilit Suliaat 14:2 pillugu Napasuliaq Alapernaarsuiffimmi decembarip aallaqqaataat 1998-imoortumi ima nassuiaateqarpoq: “Juutit akerlilersuisut namminneq tusarliussaq tunuartiin­nanngilaat, aammali asissuillutik oqaaseqarput juutiun­ngitsut kristumiunut akeqqer­tinniarlugit.”

16. Oqaluttuanik ilumuun­ngitsunik tusagaqarutta suna eqqaamasariaqarparput?

¹⁶ Saatani ulloq manna tikillugu sallujuarsimavoq. Suli ‘nunarsuarmi tamarmi najugaqartunik tammartitsisarpoq’. (Saqq 12:9) Guutip peqatigiissortai imaluunniit qatanngutit angutit siuttut pillugit ajortumik tusagaqaruit eqqaamajuk Guutimut akerlilersuisut Jiisusi kristumiullu siulliit qanoq pisimaneraat. Aamma nalitsinni Jehovap kiffai Biibilimi siulittuutigineqar­neratorluinnaq malersor­neqarlutillu salluliuutigineqartarput. (Mat 5:11, 12) Oqaluttuanit ilumuun­ngitsunit tammartin­neqarnavian­ngilagut taakku kiminngaan­neernersut ilisimagutsigu ingerlaannarlu imminut  illersor­niarluta iliuuseqarutta. Qanoq illersorsin­naagatta?

17. Oqaluttuat ilumuun­ngitsut qanoq ajoqutiginaveersaarsin­naavagut? (Timuutiusimut 2. 1:13) (Aamma ungalusaq “ Oqaluttuanik ilumuun­ngitsunik tusagaqaruit qanoq pissavit?” takuuk).

¹⁷ Oqaluttuat ilumuun­ngitsut itigartikkit. Apustilip Paulusip oqaluttuanik ilumuun­ngitsunik tusagaqarnermi qanoq iliornis­satsinnik paatsuugas­saanngitsumik ilitsersuup­paatigut. Timuutiusi allaffigaa ‘inuit aalajangersimasut peqqusif­figissagai oqaluttuanik ilumuun­ngitsunik pingaar­titsinngin­nissamik’ namminerlu ‘oqaluttuat ilumuun­ngitsut nikassaataasullu itigartissagai’. (Tim 1. 1:3, 4; 4:7) Meeraq nunamut igitamik tigusilluni oqummius­sisinnaavoq, inersimasorli taamaalior­navianngilaq nalunnginnamiuk peqqinnan­ngitsuusoq. Taamatuttaaq oqaluttuat ilumuun­ngitsut itigartit­tarpagut nalunngin­natsigu kiminngaan­neersuunersut. “Oqaatsit ineriar­tornartut” ilumoortullu kisiisa aalajangiusimavagut. – Timuutiusimut 2. 1:13 atuaruk.

18. Jehovap peqatigiis­sortaanik qujamasuutigin­ninnerput qanoq ersersis­sinnaavarput?

¹⁸ Guutip peqatigiis­sortaasa Jiisusimik ilaarseriaasiisa ilaat pingasuinnaat sammereerpagut. Biibilimik misissuininni maluginiartaruk allatigut aamma qanoq taamaaliortartut. Uppeqatitit Jehovap peqatigiis­sortaanik tatigin­ninneruler­nissaannik ikiukkit. Tatigin­ninnerillu ersersittuaruk Jehovamut aalajaallutit kiffartornikkut. Peqatigiis­sortaanullu atajuarit, Jehovami taakku piumasami naammas­sinissaanut atortarmagit. (Tuss 37:28) Jehovap innuttaanut asannittunut ilumoorfigin­nittunullu ilaasin­naatitaanerput qujamasuutigiuartigu!