1. Sooq kuisin­neq taama pingaaruteqar­tigaa? (Al­laaserisap aal­laq­qaataani as­sit takuk­kit).

UKIUT tamaasa Biibilimik atuaq­qis­saar­tar­tut tuusintil­lit kuisit­tar­put. Amerlasuut inuusut­tuaraasar­put al­laal­luun­niit meeraanerusarlutik sal­lusuis­sum­mi peroriar­torsimasut. Il­lit taak­kua ilagaatsit? Taamaap­pat nersualaagas­saavutit. Kuisin­nis­saq kristumiunut piumasaqaataavoq an­naan­neqar­nis­samul­lu al­loriar­nerul­luni pingaaruteqarluin­nar­toq. – Matt 28:19, 20; 1 Petr 3:21.

2. Sooq Jehovamut tun­niul­luin­nar­nis­sat merserisariaqan­ngiliuk?

² Kuisik­kavit Jehovap as­sigiin­ngitsor­pas­suar­tigut pil­luaq­qusaler­paatit. Nutaanil­li aam­ma akisus­saaf­feqaler­putit. Sunik? Ul­lormi kuisif­fin­ni qatan­ngutip angutip oqalugiar­tup aperaatit: “Jiisusip Kristusip pil­liutaa tun­ngavigalugu ajor­tuliatit peq­qis­simis­sutigaagit, Jehoval­lu piumasaatut iliorumal­lutit taas­sumun­nga tun­niul­luin­nareer­pit?”  Taava anger­putit. Neriorsuivutit Jehova asaniarlugu taas­sumun­ngalu kif­far­tor­neq inuunin­ni pingaar­ner­paatin­niarlugu. Taama pingaaruteqar­tigisunik neriorsuinerit peq­qis­simis­sutigis­saviuk? Naamerluin­naq! Inuunin­ni Jehovamit siulersor­tin­nerit peqqissimissutiginngisaannassavat. Jehovamik ilisarisiman­nin­ngitsut Saatanip silarsuaanut ilaap­put. Diaavulup taak­kua il­lil­lu soqutigin­ngilaasi. Al­laat im­minut ililiun­nerit Jehovamil­lu ajat­tuiler­nerit pis­sutigiin­narlugit naas­saan­ngitsumik inuunis­samik neriuutaaruk­kuit nuan­naas­saaq.

3. Jehovap im­minut tun­niul­luin­naravit qanoq pil­luaq­quaatit?

³ Jehovap im­minut tun­niul­luin­naravit kuisik­kavil­lu qanoq pil­luaq­qusimagaatit eq­qarsaatigiuk. Inuunerit Jehovamut tun­niup­pat qular­nak ima oqarsin­naajumal­lutit: “Naalak­kap najormanga siooragisas­saqan­ngilanga, inuit qanoq iliorfigisin­naagamin­nga?” (Tuss 118:6) Guutimit najor­neqar­neq tul­luusimaarutigineqar­nerlu ataq­qinaataasin­naasunit tamanit an­ner­paap­put.

4, 5. (a) Sooq oqarsin­naavugut tun­niul­luin­nar­neq inuup nam­mineq akisus­saaf­figigaa? (b) Kristumiut qas­sinil­luun­niit ukiul­lit sunik unam­miniagas­saqar­tar­pat?

⁴ Jehovamut at­taveqar­nerit angajoq­qaan­nit isumagineqar­tus­satut isigisin­naan­ngilat. Al­laat angajoq­qaan­ni suli najugaqaraluaruit Jehovamut at­taveqar­nerit nam­mineq akisus­saaf­figivat. Tamatuma eq­qaamanis­saa sooq pingaaruteqar­pa? Arlaan­nat­taluun­niit ilisimasin­naan­ngilaa siunis­sami up­per­nik­kut qanoq misilin­neqas­sal­luni. As­sersuutigalugu im­maqa suli inuusut­tuaran­ngor­nak kuisip­putit. Maan­nali inuusut­tuaran­ngoravit nutaanik misigis­suseqalerlutil­lu ajor­nar­torsiuteqar­putit. Niviarsiaraq inuusut­toq ima oqar­poq: “Nalingin­naasumik meeq­qap atuarfim­mi inuuis­sior­toqar­nerani kaagisun­ngin­nini pis­sutigiin­narlugu Jehovamik Nalunaajaasuunini ajual­laatiginavian­ngilaa. Ukiul­li arlaqan­ngitsut ingerlaneran­ni atoqateqarusus­suseq sak­kor­tusip­pat qularin­ngil­luin­nar­tariaqar­paa Jehovap inatsisaanik maleruaaneq pitsaaner­paajuaan­nar­toq.”

⁵ Inuusut­tut kisimik nutaanik unam­miniagas­saqan­ngil­lat. Al­laat inersimasuul­lutik kuisit­tut ilimagin­ngisamit­tut up­per­nik­kut misilin­neqar­tar­put. Im­maqa aap­pariin­nermut, peq­qis­sutsimut sulif­fim­mul­luun­niit tun­ngasunik misilin­neqas­sap­put. Qas­sinil­luun­niit ukioqaraluarut­ta tamat­ta im­mik­kut pis­sutsini as­sigiin­ngitsor­pas­suar­ni Jehovamut aalajaat­tariaqar­pugut. – Jaak 1:12-14.

6. (a) Jehovamut tun­niul­luin­nar­nivit piumasaqaatitaqan­ngin­nera qanoq paasisariaqar­pa? (b) Filip­pimiut 4:11-13 qanoq ilin­niarfigisin­naavigit?

⁶ Jehovamut neriorsuutivit piumasaqaatitaqan­ngin­nerata eq­qaamajuar­nera aalajaan­nis­san­nut iluaqutigis­savat. Tas­sa Qutsin­nerus­saar­toq neriorsor­pat qanorluun­niit pisoqaraluar­pat, al­laat ikin­ngutitit angajoq­qaatil­luun­niit kif­far­torun­naaraluar­pata, kif­far­torfiginiarlugu. (Tuss 27:10) Pisuni qanoq it­tuniluun­niit Jehovamut neriorsuutivit eq­quutitin­nis­saanut ikioq­qul­lutit qinusarit. – Filippimiut 4:11-13 atuakkit.

7. ‘Mianerin­nil­luni uulil­lunilu an­naan­neqar­nis­sap noq­qaas­sutiginera’ qanoq paasisariaqar­pa?

 ⁷ Jehovap ikin­ngutigerusup­paatit. Qanimul­li ikin­ngutigiumal­lugu an­naan­neqar­nis­sal­lu noq­qaas­sutigiumal­lugu iliuuseqar­tariaqar­putit. Filip­pimiut 2:12-imi al­las­simavoq: “An­naan­neqar­nis­sarsi noq­qaas­sutigisiuk mianerin­nil­lusi uulil­lusilu.” Tas­sa qanorluun­niit pisoqaraluar­pat qanoq Jehovamut qanit­tuarsin­naal­luta aalajaat­tuarsin­naal­lutalu eq­qarsaatigeq­qis­saar­tariaqar­par­put. Aalajaat­tuar­nis­sar­put ilimagiin­narsin­naan­ngilar­put. Eq­qaamajuk al­laat ukior­pas­suar­ni Guutimut kif­far­tor­tut ilaat aalajaak­kun­naarsimam­mata. An­naan­neqar­nis­savit noq­qaas­sutiginerani suut iluaqutigisin­naavigit?

8. Nam­mineq atuaq­qis­saar­nermut suut ilaap­pat, aam­ma sooq pingaaruteqar­pat?

⁸ Jehova ikin­ngutigiumal­lugu tusar­naar­tariaqarlugulu oqaluut­tariaqar­par­put. Pingaar­ner­tut Biibilimik atuaq­qis­saar­nitsigut Jehova tusarnaartarparput. Guutip oqaasianik Biibililersaarutinil­lu atuar­neq eq­qarsaatigin­neq­qis­saar­nerlu tamatumun­nga ilaap­put. Biibilimil­li atuaq­qis­saar­neq atuarfim­mi misilitsin­nermi pisar­ner­tut paasis­sutis­sanik puiuk­kius­sinerin­naan­ngilaq. Jehovali pil­lugu nutaanik misis­suil­luni paasisas­sarsiorlunilu angalaner­tut ip­poq. Guuti qanil­lis­savat, taas­sumalu qanil­lis­savaatit. – Jaak 4:8.

9. Nam­mineq atuaq­qis­saar­nermi suut iluaqutigisimavigit?

 ⁹ Jehovap peqatigiis­sor­taasa atuaq­qis­saar­nin­ni iluaqutigisin­naasatit amerlasuut saq­qum­mersis­simavaat. As­sersuutigalugu jw.org-imi im­mik­koor­tup “Inuusut­tuaq­qanut” ataani al­laaserisat “Inuusut­tuaq­qanut Biibilimik atuaq­qis­saarutit” Biibilimi oqalut­tuani ilik­kak­kan­nik maleruaanis­samut iluaqutigisin­naavatit. Aam­ma jw.org-imi misis­sueq­qis­saarutit “Biibilimi sor­piaat ajoqersuutigineqar­pat?” atorsin­naavatit. Taak­ku up­per­nin­nik ineriar­tor­titsinis­samut up­perisan­nil­lu al­lanut nas­suiaanis­samut iluaqutigisin­naavatit.  ” atorsin­naavatit. Taak­ku up­per­nin­nik ineriar­tor­titsinis­samut up­perisan­nil­lu al­lanut nas­suiaanis­samut iluaqutigisin­naavatit.  ” atorsin­naavatit. Taak­ku up­per­nin­nik ineriar­tor­titsinis­samut up­perisan­nil­lu al­lanut nas­suiaanis­samut iluaqutigisin­naavatit.  ” atorsin­naavatit. Taak­ku up­per­nin­nik ineriar­tor­titsinis­samut up­perisan­nil­lu al­lanut nas­suiaanis­samut iluaqutigisin­naavatit. Napasuliaq Alapernaarsuiffik januaari 2017-imoor­tumi nr. 1-imi qup­per­nerit 3-7 nam­mineq atuaq­qis­saar­nermut aam­ma isumas­sarsiorsin­naavutit. An­naan­neqar­nis­saq noq­qaas­sutigiumal­lugu atuaq­qis­saar­neq eq­qarsaatigin­neq­qis­saar­nerlu pingaaruteqar­put. – Tussiaat 119:105 atuaruk.

10. Sooq qinusar­neq kristumiunut kuisis­simasunut pingaaruteqar­pa?

¹⁰ Biibilimik atuaq­qis­saaraangat­ta Jehova tusar­naar­tar­par­put qinugaangat­talu oqaluut­tarlugu. Qinuneq ileq­qulersuutaan­nar­tut imaluun­niit ‘serrat­tut’ iluatsitsinis­samut iluaqutis­satut isigis­san­ngilar­put. Qinunik­kut Pin­ngor­titsiser­put at­taveqaqatigisar­par­put. Jehovap oqaasis­satit tusarusuppai. (Filippimiut 4:6 atuaruk). Taamaat­tumik sumil­luun­niit er­numas­suteqaruit ‘naner­tuutigisan­nik Jehovamut tun­nius­seq­qul­lutit’ Biibilimi siun­nersor­neqar­putit. (Tuss 55:23) Qatan­ngutit mil­lionil­lit siun­nersuutip tamatuma iluaqutaanera up­per­narsarsin­naavaat. Aam­ma il­lit iluaqutigisin­naavat!

11. Sooq Jehova qutsavigiuar­tariaqar­piuk?

¹¹ Aatsaat Jehovamit ikior­neqarusuleraangat­ta qinusas­san­ngilagut. Biibilimi ‘qujaniar­tar­nis­satsin­nik’ eq­qaasin­neqar­pugut. (Kol 3:15) Ilaan­nik­kut ajor­nar­torsiutivut isumakuluutigingaaratsigit ajun­ngitsor­pas­suit misigisavut malugin­ngitsoor­tar­pavut. Taamaat­tumik ul­lut tamaasa ikin­ner­paamik pingasut qujamasuutigisatit eq­qarsaatigeriarlugit Jehovamut qujas­sutiginis­saat misilis­sin­naavat. Inuusut­tuaraq Abigailimik atilik aq­qaneq-marlun­nik ukioqarluni kuisit­toq ima oqalut­tuar­poq: “Misigivunga Jehova qilam­mi nunamilu al­lanit tamanit qutsavigineqar­ner­paasariaqar­toq. Tunis­sutai pil­lugit periarfis­sat tamaasa qutsavigisariaqar­par­put.” Abigailip ilaan­nik­kut apeq­qut una tusarsimasani eq­qarsaatigisar­paa: “Aqagu iteruma ul­lumi Jehovamut qujas­sutigisak­ka taamaal­laat misigalugit taava sor­piaat misigis­savak­ka?” *

12, 13. Jehovap ajun­ngis­susia qanoq nam­mineq misigereer­piuk, aam­ma sooq Jehovamit qanoq ikior­neqarsimanin­nik eq­qarsaatigin­nin­nis­sat pingaaruteqar­pa?

¹² Kun­ngi Daavi arlalitsigut ar­tor­nar­torsior­nermini piner­tusaarsin­naanias­sam­mat Jehovap ikior­tar­paa. Taamaat­tumik Daavi nam­mineq misilit­tak­kani tun­ngavigalugit ima al­lap­poq: “Us­sersiuk  takusiul­lu Naalagaq ajun­ngitsuusoq. Pil­luar­poq taas­sumani qimar­nguf­fis­sarsior­toq.” (Tuss 34:9) Al­las­simaf­fim­mit erser­poq Jehovap ajun­ngis­susia nam­mineq misigisariaqarip­put. Biibili Biibililersaarutivul­lu atuaraangak­kit ataatsimiin­ner­nilu najuuk­kaangavit paasisar­pat Guutip allat aalajaaq­qul­lugit qanoq ikiorsimagai. Jehovamul­li at­taveqar­nerit pitsaaneruleriar­tor­til­lugu takusariaqar­pat Jehovap qanoq illit ikioraatit. Jehovap ajun­ngitsuunera qanoq nam­mineq misiginikuuiuk?

¹³ Kristumiut tamarmik im­mik­kut Jehovap ajun­ngis­susia nam­min­neq misigereer­paat. Tamat­ta im­mik­kut im­minut Er­nerminul­lu qanil­leq­qul­luta kajumis­saar­paatigut. Jiisusi ima oqar­poq: “Kinaluun­niit uan­nut or­nigus­sin­naan­ngilaq Ataatap uan­nik aal­lar­titsisup kajungilersin­ngip­pani.” (Joh 6:44) Misigivit Jehovap im­minut kajungilersissimagaatit? Imaluun­niit eq­qarsar­pit: ‘Jehovap angajoqqaakka im­minut kajungilersitai maliin­nar­pak­ka? Eq­qaamajuk Jehovamut tun­niul­luin­naravit kuisik­kavil­lu im­mik­kut it­tumik taan­na at­taveqarfigilerak­ku. Biibilimi paasitin­neqar­pugut ‘kinaluun­niit Guutimik asan­nit­toq taas­suman­nga ilisimaneqar­toq’. (1 Kor 8:3) Jehovap peqatigiis­sor­taanut ilaasin­naanerit qujamasuutigiuaruk.

14, 15. Oqaluus­sineq up­persuseqarluar­nis­samut qanoq iluaqutigisin­naaviuk?

¹⁴ Oqaluus­sinermi atuarfim­miluun­niit up­perisat pil­lugu al­lanut oqalut­tuar­nis­samut Jehovap sapiis­suseqalersik­kaangatit taas­suma ajun­ngis­susia aam­ma misigisar­pat. Atuaqatinut oqaluus­sinis­saq saper­narsin­naavoq. Im­maqa qanoq qisuariar­nis­saat er­numas­sutigaat. Pingaar­tumik inun­nut amerlasuunut up­perisavit nas­suiar­nis­saat an­nilaanganarsin­naavoq. Suut iluaqutigisin­naavigit?

¹⁵ Sooq taamatut up­perisaqar­nerlutit eq­qarsaatigiuk. Nit­tar­tak­katsin­ni jw.org-imi misis­sueq­qis­saarutit il­lit oqaatsin­ni pis­sarsiarineqarsin­naap­pata ator­tak­kit. Sunik up­perisaqar­nin­nik, sooq taamatut up­perisaqar­nin­nik up­perisan­nil­lu qanoq nas­suiaasin­naanin­nik eq­qarsaatigin­nin­nis­samut iluaqutigisin­naavatit. Qularun­naaruit piareersarluaruil­lu Jehova pil­lugu nalunaajaarusulissaatit. – Jer 20:8, 9.

16. Up­perisavit eq­qar­tor­nis­saan­nut suut sapiil­lis­sutigisin­naavigit?

¹⁶ Piareersarluarsimagaluarlutit up­perisavit nas­suiar­nis­saat merserisin­naavat. Qatan­ngut ar­naq 18-inik ukiulik 13-inik ukioqarluni kuisit­toq ima oqalut­tuar­poq: “Nalun­ngilara suut up­peralugit, ilaan­nik­kul­li eq­qarsaatima oqaasin­ngor­tin­nis­saat saper­nar­tit­tar­para.” Taamaat­tumik pis­susis­samisoor­tutut eq­qis­sisimasutul­lu sal­lusuis­sut pil­lugu oqalun­niar­tar­poq. Ima nangip­poq: “Atuaqatima iliuuserisar­tak­katik am­masumik eq­qar­tor­tar­paat. Aam­ma uanga taamaat­tariaqaraluar­punga. Arlaan­nik oqalut­tuar­til­lunga ima eq­qaasaqar­tar­punga: ‘Ip­pas­saanik­kun­ni Biibili pil­lugu ilin­niar­titsigama taava ...’ Taama oqareeraangama oqaatiginiagara eq­qaasar­para. Biibili pil­lugu ingerlaan­naq eq­qar­tuilin­ngik­kaluar­tunga amerlaner­tigut al­lat Biibili pil­lugu sunik ilin­niar­titsisar­nersunga paaserusuler­tar­paat. Ilaan­nik­kut apersuisar­put. Taamatut aal­lar­neeriaaseq sungiuk­kiar­tor­til­lugu ajor­nan­ngin­neruler­tar­poq.  Oqaloqateqareeraangama nuan­naar­tuaan­nar­punga!”

17. Suna al­lanut oqaluus­sinis­samut iluaqutigisin­naaviuk?

¹⁷ Al­lat ilin­nit soqutigineqar­tutut ataq­qineqar­tutul­lu misigigunik ilin­nik up­perisan­nil­lu ataq­qin­nik­kumanerus­sap­put. Olivia 17-inik ukiulik suli inuusut­tuaran­ngor­nani kuisit­toq ima oqar­poq: “Oqaloqatigiin­nermi Biibili pil­lugu eq­qaasaqaruma ingasat­tajaar­niar­tutut isigineqar­nis­sara an­nilaan­ngatigiuaan­nar­nikuuara.” Taava al­latut isigin­nit­taaseqaler­poq. An­nilaangagisani eq­qarsaatigival­laarun­naarlugit ima eq­qarsaler­poq: “Inuusut­tor­pas­suit Jehovap Nalunaajaasui pil­lugit ilisimasaqan­ngil­lat. Nalunaajaasuni uagut kisit­ta nalun­ngisaraatigut. Taamaat­tumik pis­susilersoriaaser­put qanoq qisuariar­nis­saan­nut aalajangiisuusin­naavoq. Taavami it­tuutugut­ta, qunutugut­ta, up­perisat­ta eq­qar­tor­nis­saa saper­nar­tik­kutsigu imaluun­niit ajuk­kup­pasil­luta oqalut­tarut­ta? Taava im­maqa kinaas­sutsitsin­nik kan­ngusuutigin­nit­tutut isigis­savaatigut. Al­laat im­minut tatigin­ngin­ner­put pis­sutigalugu im­maqa inus­siar­niitsumik pis­savaatigut. Eq­qis­sisimal­lutali qular­natalu up­perisar­put pis­susis­samisoor­tutut eq­qar­torutsigu uagutsin­nik ataq­qin­nin­nis­saat ilimanar­nerus­saaq.”

18. An­naan­neqar­nis­sat noq­qaas­sutigiumal­lugu susariaqar­pit?

¹⁸ An­naan­neqar­nis­san­nik noq­qaas­sutigin­nin­nerit akisus­saaf­fiusoq pimoorus­sas­saq sam­mereer­par­put. Taamaaliorumal­lutit Guutip oqaasia atuar­tariaqarlugulu eq­qarsaatigeq­qis­saar­tariaqar­pat, Jehovamut qinusariaqar­putit ilin­nil­lu ikiuisimaneri eq­qarsaatigeq­qis­saarlugit. Taamaalil­lutit Jehovamut ikin­ngutaanerit qularin­ngin­nerulis­savat. Taman­na up­perisat pil­lugu al­lanik oqaloqateqar­nis­samut kajumis­sis­sutigis­savat. – Tussiaat 73:28 atuaruk.

19. Sooq an­naan­neqar­nis­samik noq­qaas­sutigin­nin­neq im­minut akilersin­naava?

¹⁹ Jiisusi ima oqar­poq: “Uan­nik malin­nik­kumasoq im­minut isumak­kiis­saaq, san­ningasulinilu [nap­pagarlu an­niar­titaaf­fini, NW] ersus­savaa malis­sal­lungalu.” (Matt 16:24) Aap, kristumiut tamarmik Jiisusimik malin­nik­kumasut Jehovamut tun­niul­luin­nar­tariaqarlutil­lu kuisit­tariaqar­put. Taman­nali pis­sutigalugu maan­na nuan­nersumik Guutil­lu silarsuas­saani nutaami naas­saan­ngitsumik inuuneqalis­saatit. Taamaat­tumik an­naan­neqar­nis­sat noq­qaas­sutigiumal­lugu sapin­ngisat tamaat iliuuseqarit!