1, 2. Inuit paratiisi pil­lugu qanoq as­sigiin­ngitsumik isum­mer­tar­pat?

QATAN­NGUTER­PAS­SUIT nunanit as­sigiin­ngitsuneersut Seoulimut, Koreamiit­tumut, ataatsimeersuariar­put. Arsaat­tarfis­suaq qimalermas­suk Nalunaajaasunit Koreamiunit avatanger­neqar­put. Amerlasuut aalateralutik ima suaar­tarmata as­sut kil­litsin­nar­poq: “Paratiisimi takus­s!” Paratiisiuna suna pigaat?

² Nalitsin­ni inuit paratiisi as­sigiin­ngitsumik isum­merfigisar­paat. Ilaasa takorluugaan­naanerar­tar­paat. Al­lat oqar­tar­put paratiisi tas­saasoq sumiif­fik sunaluun­niit pil­luarfiusoq. Angut perler­toq nerrivim­mi angisuumi nerisas­sanik ulik­kaar­tumi is­siasoq misigis­sagunar­poq paratiisimiil­luni. Ukior­pas­suit matuma sior­na ar­naq qooroq alianaatsoq naasunik ulik­kaar­toq takul­lugu tupigusun­nermik oqar­poq: “Tas­sa paratiisi!” Qooroq taan­na ul­lumik­kut, naak ukiut tamaasa meterinik 15-inik por­tutigisumik apisaraluar­toq, suli paratiisimik taaneqar­tar­poq. Il­lit paratiisi suusoriviuk? Neriuutigiviuk?

3. Biibilimi sumi paratiisi eq­qaaneqaq­qaar­pa?

³ Biibilimi paratiisi itsaq piusoq siunis­samilu paratiisi  pilersin­neqar­tus­saq eq­qar­tor­neqar­put. Biibilip atuagar­taani siul­ler­paami paratiisi siul­lermeerluni eq­qaaneqar­poq. Katuul­lit Biibilian­ni Douay Version-imi, latinerisuumit nutser­neqar­tumi, Mosesimik al­lak­kat siul­liit 2:8-mi al­las­simavoq: “Pileq­qaar­neran­ni Naalak­kap Guutip nuannaarnerup paratiisia ik­kup­paa: tas­sunga angut pin­ngor­titani inis­sis­simavaa.” (Uagut uingasuun­ngor­tip­pavut). Al­lak­kani Hebræerisuuni al­las­simavoq ‘naatsiivik Edeni’. Oqaaseq “Eden” ‘nuan­naar­nermik’ isumaqar­poq, naatsiivim­mi taan­na nuan­nerluin­narmat. Tas­sani alianaal­luin­nar­tumi nerisas­sar­pas­suaqarlunilu inuit uumasul­lu eq­qis­seqatigiip­put. – 1 Mos 1:29-31.

4. Sooq naatsiivik Edeni paratiisitut oqaatigineqarsin­naava?

⁴ Hebræerisut oqaaseq “naatsiivik” oqaaseq grækerisuumit para’deisos-imit nutser­neqar­poq. Cyclopaedia-mi M’Clintockip Strongil­lu al­lataan­ni eq­qaaneqar­poq grækeriusup oqaaseq para’deisos tusaraangamiuk takorloor­taraa naatsiiviliarsuaq alianaatsoq isorar­toorlu ajoqusiisin­naasunut sunul­luun­niit il­lersor­neqar­toq, or­perujus­sualik as­sigiin­ngitsor­pas­suar­nik inerit­tulin­nik akisut­tunil­lu kuulik qat­tunilil­lu ivigalin­nik nersutaatit antelopet saval­lu mangiarfigisagaan­nik. – 1 Mosesi 2:15, 16 naleq­qiuk­kit.

5, 6. Paratiisi qanoq an­naaneqar­pa, suul­lu eq­qarsaatigineqarsin­naap­pat?

⁵ Jehovap Adami Evalu naatsiivim­mut taamaat­tumut, paratiisimut, inis­sip­pai. Taak­kuli Jehovamut naalan­ngik­kamik kinguaatil­lu paratiisimi inuunis­samik im­mik­kut pisin­naatitaaf­fitsik an­naavaat. (1 Mos 3:23, 24) Paratiisi taan­na inun­nit najor­neqan­ngik­kaluar­toq Noap nalaani ulersualer­nis­saanut piusimagunar­poq.

⁶ Im­maqa ilaat eq­qarsas­sap­put: ‘Nunarsuarmi paratiiseqaleq­qis­sava?’ Suut nalun­ngilavut? Asasatit ilagalugit paratiisimi inuunis­samik neriugisaqaruit neriuutit tun­ngavis­saqarluar­pa? Nas­suiarsin­naaviuk sooq siunis­sami paratiiseqalerumaar­nera qularin­ngis­sin­naagip­put?

7, 8. (a) Guutip Aaperaat qanoq neriorsor­paa? (b) Aaperaat Guutimit neriorsor­neqarami qanoq eq­qarsarsimas­sava?

⁷ Pileq­qaar­neran­ni paratiisimik Pin­ngor­titsisup isumas­sarsisitsil­luni atuak­kiaani akis­sutis­sarsior­neq pis­susis­samisuus­saaq. Guutip ikin­ngutiminut Aaperaamut oqaasii eq­qarsaatigik­kit. Guuti oqar­poq Aaperaap kinguaavi ‘sioq­qatut sis­samiit­tutut amerlisingaarumaarlugit’. Taava Jehovap Aaperaat pingaarutilerujus­suarmik ima neriorsor­paa: “[Il­lit] kinguaas­sak­kut nunarsuarmi inuiaat tamarmik pil­luaq­qunarsis­sap­put, naalak­kam­ma.” (1 Mos 22:17, 18) Kingusin­nerusuk­kut Guutip neriorsuut taan­na Aaperaap er­neranut er­nutaanul­lu oqaatigeq­qip­paa. – 1 Mosesi 26:4; 28:14 atuakkit.

⁸ Biibilimi eq­qaaneqan­ngilaq Aaperaat eq­qarsar­toq inuit qilam­mi paratiisimi inaarutaasumik akis­sarsisin­neqarumaar­tut. Taamaat­tumik Guuti neriorsuim­mat “nunarsuarmi inuiaat tamarmik” pil­luaq­quneqarumaar­tut Aaperaat eq­qarsarsimas­saaq pil­luaq­qus­sutit taak­ku nunarsuarmi piumaar­tut. Taman­nali nunarsuarmi paratiiseqarumaar­neranik Biibilimi up­per­narsaatis­satuaava?

9, 10. Kingusin­nerusuk­kut neriorsuutigineqar­tut siunis­sami paratiiseqaler­nis­saata naatsorsuutiginis­saanut qanoq tun­ngavis­siip­pat?

 ⁹ Aaperaap kinguaavisa ilaat, Daavi, Guutip isumas­sarsisil­lugu siunis­sami ‘iluan­ngitsut peerun­nis­saat’ pil­lugu al­latsip­paa. (Tuss 37:1, 2, 10) Kisian­ni “qanilaar­tut nuna kingor­nutis­savaat pil­luangaar­ner­til­lu nuan­naarutigis­sal­lugu”. Daavi aam­ma siulit­tuivoq: “Iluar­tut nuna kingor­nutis­savaat najugaqassallutillu tas­sani naassaanngitsumik.” (Tuss 37:11, 29; 2 Sam 23:2) Neriorsuutit taak­ku inun­nut Guutip piumasaatut iliorusut­tunut qanoq sun­niuteqarsimas­sasoraagit? Nunarsuarmi inuit iluar­tut kisimik inuuler­nis­saasa nunarsuul­lu naatsiivit­tut Edenitut paratiisin­ngoq­qik­kumaar­nerata naatsorsuutiginis­saan­nut pis­sutis­saqar­put.

¹⁰ Pif­fis­sap ingerlanerani Israelik­kut Jehovamut kif­far­tor­nerar­tut Guuti pal­lorfigin­nin­nerlu ilumoor­toq tunup­paat. Taamaat­tumik Guutip Babylonimiut in­nut­taminik tiguaanis­saat, nunaan­nik piuneerutsitsinis­saat amerlasuunil­lu aal­larus­sinis­saat akueraa. (2 Nal 36:15-21; Jer 4:22-27) Guutil­li pruf­fiitiisa siulit­tuutigaat Israelik­kut ukiut 70-it qaangiup­pata nunamin­nut uterumaar­tut. Siulit­tuutil­lu taak­kua eq­quup­put. Uagutsin­nul­li aam­ma pingaaruteqar­put. Taak­kua ilaasa sam­mineran­ni siunis­sami nunarsuarmi paratiiseqaler­nis­saanik ilimasun­nis­satsin­nut qanoq tun­ngavis­siinersut maluginiaruk.

11. Esaja 11:6-9 qanga eq­quuteq­qaar­pat, qanorli aperisin­naavugut?

¹¹ Esaja 11:6-9 atuakkit. Pruf­fiiti Esaja aq­qutigalugu Guutip siulit­tuutigaa Israelik­kut nunamin­nut uterunik nunaat eq­qis­sineqarfius­sasoq. Kial­luun­niit uumasunit inun­nil­lu saas­sun­neqar­nis­sani siooragis­san­ngilaa. Inuusut­tut utoq­qaal­lu toq­qis­sisimas­sap­put. Taman­na naatsiivim­mi Edenimi pis­sutsinik eq­qis­sinar­tunik eq­qaasitsis­sutigaajuk? (Es 51:3) Esajap aam­ma siulit­tuutigaa Jehovamik ilisimasaqar­nerup Israeli tamak­kiin­nar­nagu ‘nuna tamakkerumaaraa, soorlu ermit matoq­qagaat im­map naq­qa’. Taman­na qaqugu pis­sava? Siunis­sami piumaar­nera qular­nan­ngilaq.

12. (a) Babylonimi aal­larus­saaq­qanermit uter­tut pil­luaq­qus­sutinik sunik misigisaqar­pat? (b) Esaja 35:5-10 siunis­sami aam­ma eq­quuk­kumaar­nerat sumit erser­pa?

¹² Esaja 35:5-10 atuakkit. Maluginiaruk Esajap siulit­tuutigeq­qim­magu Israelik­kut Babylonimit uterunik uumasunit inun­nil­luun­niit saas­sun­neqas­san­ngitsut. Al­lap­poq naatsiiviup Edenip imeqarluar­neratut nuna imeqas­sam­mat nunaataat nerisas­sar­pas­suar­nik inerititaqas­sasoq. (1 Mos 2:10-14; Jer 31:12) Siulit­tuut taamaal­laat Israelik­kut nalaan­ni eq­quutis­sava? Maluginiaruk siulit­tuum­mi aam­ma eq­qaaneqarmat tap­piitsut, tusiat­tut tusilar­tul­lu ajorun­naas­sasut. Israelik­kun­nul­li Babylonimit uter­tunut taama pisoqan­ngilaq. Guutil­li oqaatigimisaar­paa siunis­sami nap­paatil­lit tamaasa ajorun­naarsis­sal­lugit.

13, 14. Israelik­kut Babylonimit utermata Esaja 65:21-23 qanoq eq­quup­pa, siulit­tuutil­li im­mik­koor­tua suna suli eq­quutin­ngila? (Al­laaserisap aal­laq­qaataani as­siliaq takuuk).

¹³ Esaja 65:21-23 atuakkit. Juutit nunamin­nut utermata ilorrisimaar­nar­tunik il­loqar­naniluun­niit naggoris­sunik narsaateqar­nanilu viin­nequteqarfeqan­ngilaq. Guutil­li pil­luaq­qum­magit atugaat al­lan­ngoriar­tor­put. Il­lulioramik taak­kunanilu najugaqarlutik inerititatik  mamarluin­nar­tut nuan­naarutigigamik­kit qanoq pil­luar­tigisimas­sasut takorlooruk!

¹⁴ Maluginiaruk siulit­tuut naaper­torlugu “or­piup pisoqaas­susiatut” utoq­qaatigilis­sasugut. Or­piit ilaat ukiuni tuusintilin­ni piusar­put. Inuit taama sivisutigisumik inuus­sagunik peq­qil­luin­nar­tariaqar­put. Esajap siulit­tuineratut eq­qis­sil­luni alianaatsunil­lu avatangiiseqarluni inuuneq nuan­ningaas­saaq. Aap, paratiisitut is­saaq! Siulit­tuul­lu taan­na piviusun­ngus­saaq!

15. Esajap al­lagaani pil­luaq­qus­sutit eq­qaaneqar­tut ilaat suup­pat?

¹⁵ Neriorsuutinit eq­qar­tuk­katsin­nit siunis­sami paratiiseqalerumaar­nera qanoq ersersin­neqar­toq eq­qarsaatigiuk. Nunarsuaq tamarmi inun­nik Guutimit pil­luaq­quneqar­tunik ulik­kaas­saaq. Kialuun­niit uumasumit inun­nil­luun­niit nakuuser­tunit saas­sun­neqar­nis­sani er­numas­sutigis­san­ngilaa. Tap­piitsut, tusilar­tut tusiat­tul­lu ajorun­naas­sap­put. Inuit nam­min­neq inigisas­samin­nik il­lulius­sal­lutil­lu nerisas­samin­nik naatitsiner­tik nuan­naarutigis­savaat. Or­pin­nit uum­mar­tunerus­sap­put. Aap, paratiisip taamaat­tup pilersin­neqar­nis­saa Biibilimi up­per­narsar­neqar­poq. Inuil­li ilaat im­maqa oqas­sap­put siulit­tuutit taak­kua nunarsuarmi paratiiseqar­nis­saatut paasisariaqan­ngitsut. Qanoq akis­savigit? Nunarsuarmi paratiisip piviusup qilanaarinis­saanut sunik pis­sutis­saqar­pit? Inuit inuusimasut pingaar­ner­paar­taata, Jiisusip, pis­sutis­saqar­tip­paatigut.

16, 17. Jiisusip paratiisi qanga eq­qar­tor­paa?

¹⁶ Jiisusi pisuus­suteqan­ngik­kaluarluni juutit pinerlut­tut sanileralugit qisum­mi nap­pak­kami toqusus­satut eq­qar­tuun­neqar­poq. Sanianiit­tup Jiisusip kun­ngiunera paasil­lugu oqarfigaa: “Jiisusi, naalagaaf­fin­nut piguit eq­qaaginga.” (Luk 23:39-42) Jiisusip pinerlut­tumut neriorsuutaa il­lit siunis­san­nut at­tuumas­suteqar­poq. Jiisusip oqaasii Lukasi 23:43-mi al­las­simap­put. Ilisimatuut ilaasa oqaatsip “ul­lumi” sior­nagut imaat­tuutit ik­kut­tar­paat oqaatsil­lu ima nutser­tarlugit: “Ilumut oqarfigaak­kit: Ul­lumi Paratiisimeeqatigiumaar­parma.” Imaat­tuutit oqaaseqatigiin­ni sumi inis­sin­neqar­tariaqar­nerat as­sigiin­ngitsunik isumaqarfigineqar­poq. Jiisusil­li suna pivaa ima oqarami: “Ul­lumi”?

¹⁷ Nalitsin­ni oqaatsini as­sigiin­ngitsuni oqaaseqatigiit isumaat paasiuminarsar­niarlugu imaat­tuutit ator­neqar­tar­put. Grækeril­li al­lagatoqaataan­ni nutaan­ngin­ner­paani kil­lif­filersuutit ator­neqar­tuaan­nan­ngil­lat. Taamaat­tumik im­maqa eq­qarsar­pugut: Jiisusi ima oqar­pa: “Ilumut oqarfigaak­kit: Ul­lumi Paratiisimeeqatigiumaar­parma.” Imaluun­niit oqar­pa: “Ilumut oqarfigaak­kit ul­lumi: Paratiisimeeqatigiumaar­parma.” Jiisusip qanoq isumaqar­neranut tun­ngatil­lugu nutserisut nam­mineq isumar­tik naaper­torlugu imaat­tuutit “ul­lumi” sior­nagut kingor­nagul­luun­niit ik­kut­tar­paat, nalitsin­nilu Biibilini taak­kua ilaat ator­neqar­tar­put.

18, 19. Jiisusip oqaasiinik paasin­nin­nis­samut suut iluaqutigaavut?

¹⁸ Jiisusil­li toqunis­sani pil­lugu ajoqersuk­kamut oqaasii eq­qaamak­kit. Ima oqar­poq: “Inuup Er­nera ul­luni pingasuni un­nuanilu pingasuni nunap iluaniis­saaq.” Aam­ma ima oqar­poq: “Inuup Er­nera  inuit as­saan­nut pisitaas­saaq, toqus­savaal­lu, ul­lul­lu pingajuan­ni makik­kumaar­poq.” (Matt 12:40; 16:21; 17:22, 23; Mark 10:34) Apustilip Petrusip pisoq taman­na oqalut­tuaraa. (ApS 10:39, 40) Taamaat­tumik Jiisusi pinerlut­torlu ul­loq taan­na toquf­fim­min­ni paratiisilian­ngil­lat. Biibilimi al­las­simavoq Jiisusi Guutimit makitin­neqar­nis­sami tungaanut ul­luni pingasuni ‘toqusut inaan­niit­toq’. – ApS 2:31, 32. *

¹⁹ Taamaat­tumik Jiisusip pinerlut­tumut neriorsuutini oqariar­taatsimik “Ilumut oqarfigaak­kit ul­lumi”-mik aal­lar­ner­paa. Oqariar­taaseq taman­na al­laat Mosesip nalaani nalingin­naavoq. Mosesi ima oqar­poq: “Oqaatsit taak­ku peq­qus­sutil­lu ul­lumi ilin­nut tun­nius­sak­ka aalajangiutis­savatit.” – 5 Mos 6:6; 7:11; 8:1; 30:15.

20. Jiisusip oqaasiinik paasin­nit­taatsitsin­nut suut aam­ma tun­ngavilersuutaap­pat?

²⁰ Kangiani Qiterlermi Biibilimik nutserisoq oqar­poq: “Al­las­simaf­fim­mi tas­sani oqaaseq ‘ul­lumi’ pingaar­neruvoq imalu atuar­neqar­tariaqarluni: ‘Ilumut oqarfigaak­kit ul­lumi: Paratiisimeeqatigiumaar­parma.’ Ul­lormi tas­sani  neriorsuutigineqar­poq kingusin­nerusuk­kul­lu piviusun­ngor­tin­neqas­sal­luni.” Nutserisoq aam­ma oqar­poq inuit sumiif­fim­mi tas­sani oqaloriaasian­nit ersersin­neqar­toq “ul­lormi aalajangersimasumi neriorsuutigineqar­toq qular­nan­ngitsumik eq­quutitin­neqarumaar­toq”. Ukiuni 400-kkun­ni al­las­simaf­fik taan­na Syriamiutut ima nutser­neqar­poq: “Amen, ilumut ul­lumi oqarfigaak­kit Naatsiivim­mi Edenimeeqatigiumaar­parma.” Neriorsuut tamat­ta qiim­maal­laatigisariaqar­par­put.

21. Sooq oqarsin­naavugut pinerlut­toq qilaliar­nis­samut toq­qagaan­ngitsoq?

²¹ Jiisusip paratiisi pinerlut­tumut eq­qar­toramiuk qilam­mi paratiisi pin­ngilaa. Taman­na qanoq nalun­ngilar­put? Jiisusip qilam­mi naalak­kersueqateqar­nis­saq pil­lugu apustiliminik aalajaatsunik ‘angerfigeqateqar­neranik’ pinerlut­tup ilisiman­nin­ngin­nera pis­sutaasut ilagaat. (Luk 22:29, NW) Aam­ma pinerlut­toq kuisin­nikuun­ngilarluun­niit. (Joh 3:3-6, 12) Ersarip­poq pinerlut­toq qilaliar­nis­samut toq­qagaan­ngitsoq. Taamaat­tumik Jiisusip pinerlut­toq neriorsoramiuk nunarsuarmi paratiisi pisimas­savaa. Ukiut arlal­lit qaangiut­tut apustilip Paulusip angum­mik ‘tas­san­ngaan­naq Paratiisimut pisitaasumik’ takorruugaq eq­qar­tor­paa. (2 Kor 12:1-4) Paulusi apustilil­lu al­lat qilaliar­tus­satut Jiisusimil­lu naalak­kersueqateqar­tus­satut toq­qagaagaluar­tut Paulusip siunis­sami paratiisi eq­qar­tor­paa. * Paratiisi taan­na nunarsuarmiis­sava? Il­lit tas­sani inuusin­naavit?

22, 23. Suna neriuutigisin­naaviuk?

²² Eq­qaamajuk Daavip pif­fis­saq ‘iluartut nunamik kingor­nus­sif­fis­saat’ eq­qar­tormagu. (Tuss 37:29; 2 Petr 3:13) Daavip pif­fis­saq inuit nunarsuarmiit­tut tamarmik Guutip najoq­qutas­siaanik naaper­tuil­luar­tunik maleruaaf­fis­saat in­nersuus­sutigaa. Esaja 65:22-mi al­las­simavoq: ‘In­nut­tak­ka or­piup pisoqaas­susiatut utoq­qaatigilis­sap­put.’ Tamatuman­nga erser­poq Jehovap silarsuas­saani nutaami taas­sumun­nga kif­far­tor­tut ukiuni tuusintilin­ni inuus­sasut. Tamatuma pinis­saa ilimagisin­naaviuk? Aap, Saq­qum­mersitat 21:1-4 naaper­torlugit Guutip inuit pil­luaq­qus­savai, pil­luaq­qus­sutil­lu taak­kua ilaat tas­saavoq ‘toqup peeruk­kumaar­nera’.

²³ Paratiisi pil­lugu Biibilimi ajoqersuutigineqar­toq paatsuugas­saan­ngilaq. Adamip Eval­lu paratiisimi naas­saan­ngitsumik inuunis­samik im­mik­kut pisin­naatitaaf­fik an­naavaat, nunarsuarli paratiisin­ngoq­qis­saaq. Guutip neriorsuineratut inuit nunarsuarmi pil­luaq­quneqas­sap­put. Daavi al­lap­poq qanilaar­tut iluar­tul­lu nuna kingor­nutis­sagaat tas­sanilu najugaqas­sal­lutik naas­saan­ngitsumik. Esajal­lu al­lagaani siulit­tuutit pis­sutigalugit nunarsuarmi paratiisimi alianaatsumi inuunermik nuan­naarutigin­nin­nis­sar­put qilanaarisin­naavar­put. Qaqugu taman­na pis­sava? Jiisusip pinerlut­tumut neriorsuutaa eq­quup­pat. Il­lit paratiisimi tas­sani inuusin­naavutit. Taamanik­kus­samut Koreami ataatsimeersuar­nermi qatan­ngutit oqaasiat eq­quutis­saaq: “Paratiisimi takus­s!”