AL­LANIT inus­siar­nisaarfigineqaraangat­ta iluarusut­tar­pugut. Uagutsin­nik soqutigin­nin­nerat nalunagu tup­pal­lersaatigisar­par­put. Al­lat inus­siar­nisaar­tar­nerat qujamasuutigisaratsigu al­lanut inus­siar­nisaar­neq qanoq ilin­niarsin­naavar­put?

Inuup inus­siar­nersup al­lat qanoq in­nerat ilumoorluni soqutigisar­pai oqaatsimigul­lu aam­ma iliuutsimigut ersersit­tarlugu. Pis­suseris­suuin­nan­ngilaq al­lal­li asal­lugil­lu qanoq misiginersut paasisar­pai. Pingaar­nerusumil­lu, inus­siar­nisaar­neq Guutip anersaavata inerititaanut ilaavoq. (Gal 5:22, 23) Jehovap kis­saatigaa inus­siar­nersuus­sasugut, taamaam­mat maan­na Jehova er­neralu qanoq inus­siar­ner­nermik ersersitsisimanersut sam­mil­lugulu qanoq ilaarsin­naanerivut sam­meriar­tigu.

Jehova tamanut, aam­ma “qujasuitsunut ajor­tunul­lu”, inus­siar­nersuuvoq. (Luk 6:35) As­sersuutigalugu Jehovap “seqer­ni ajor­tunut ajun­ngitsunul­lu nueq­qusar­paa sial­lersitsisarlunilu iluar­tunut iluaatsunul­lu”. (Matt 5:45) Al­laat inuit Jehovap Pin­ngor­titsisuuneranik up­perin­nin­ngitsut taas­suma inuuin­nar­nis­samut inus­siar­nerluni pilersuinera iluaqutigalugulu inuunermin­ni nuan­naarsin­naap­put.

Jehovap inus­siar­nersuuneranik as­sersuutis­saq pitsaasoq tas­saavoq Adamimut Evamul­lu iliuusaa. Taak­ku ajor­tulioq­qam­merlutik “figenequtip pilutaanik katiterip­put up­patequsiul­lugil­lu”. Jehoval­li nalun­ngilaa Edenip naatsiiviata avataani nuna “or­pik­kanik naasupilun­nil­lu kapinar­tulin­nik” naatitaqar­tarluni perloq­qusaam­mat taak­ku atisanik naleq­qut­tunik pisariaqar­titsisut. Taamaam­mat Jehovap inus­siar­nerluni “amer­nik atisas­sior­pai”. – 1 Mos 3:7, 17, 18, 21.

Jehova “qujasuitsunut ajor­tunul­lu” inus­siar­nersuugaluarluni pingaar­tumik kif­faminut aalajaatsunut inus­siar­nersuuvoq. As­sersuutigalugu pruf­fiitip Zakariap nalaani Jerusalemimik qarmaq­qiinerup unitsin­neqar­nera in­ngilip isumakuluutigaa. Taan­na qanoq oqaasis­saqar­nersoq Jehovap tusar­naarlugulu inus­siar­nerluni “oqaatsinik tup­pal­ler­nar­tunik akivaa”. (Zak 1:12, 13) Jehovap aam­ma pruf­fiiti Elia as­singusumik pivaa. Elia ima nikal­lor­tigaaq Jehova qin­nuigalugu toqutiin­naq­qul­luni. Eliap misigis­susiinik soqutigin­nin­nerminik Jehovap ersersil­lugulu taan­na nakus­satseq­qul­lugu in­ngili aal­lar­tip­paa. Aam­ma Eliap kisimiin­ngin­neranik tup­pal­lersar­paa. Jehovap inus­siar­nisaar­nera Eliap sulias­samini ingerlateq­qin­nis­saminut nakus­satsis­sutigaa. (1 Kng 19:1-18) Jehovap inus­siar­nisaar­nermik pis­susaata ilaar­nerani taas­suma kif­faasa arlaat kina maligas­siuil­luar­ner­paava?

Nunamiitil­luni inus­siar­nersuunini Jiisusip ilisimaneqaatigaa. Peq­qar­niin­ngisaan­nar­poq piumasamisul­lu ilioq­qul­lugit al­lat pin­ngitsaalin­ngisaan­narlugit. Misigin­neqatigin­nil­luni oqar­poq: “Or­nis­singa tamas­si sulerulut­tusi naner­tugaasusilu, qasuer­tis­savas­si.” (Matt 11:28-30) Inus­siar­nersuum­mat inuit taan­na sumukaraluar­torluun­niit malit­tar­paat. ‘Nal­ligingaaramigit’ Jiisusip nerisas­sip­pai, ajorun­naarsil­lugit Ataatanilu pil­lugu ‘amerlasuunik ajoqersorlugit’. – Mark 6:34; Matt 14:14; 15:32-38.

Jiisusip inuit misigis­susaat paasil­lugil­lu inus­siar­nersumik in­nimit­tar­tumil­lu al­lat pisar­pai. Al­laat pif­fis­saqar­pal­laan­ngik­kaluarluni kik­kul­luun­niit im­minut or­nigut­tut inus­siar­nerfigisar­pai. (Luk 9:10, 11) Ar­namut aaqar­tuar­tumut qanoq pisoqar­nersoq eq­qarsaatigiuk. Ajorun­naarusuk­kami Jiisusip atisai at­tor­pai. Mosesil­li inatsisai naaper­torlugit mingut­tuunini pis­sutigalugu taamaalior­tus­saan­ngik­kaluar­poq. (3 Mos 15:25-28) Ukiuni 12-ini ar­naq naal­lius­simasoq misigin­neqatigalugu oqarfigaa: “Panik, up­per­ner­pit an­naap­paatit. Eq­qis­sil­lutit qimagun­niarit, ajoqutin­nil­lu ajorun­naarsitaagit.” (Mark 5:25-34) Ilumut Jiisusi inus­siar­ningaar­poq!

As­sersuutini eq­qar­toriik­katsin­ni paasivar­put inus­siar­nersuuneq iliuutsinik malitseqar­tar­toq. Jiisusip taman­na erseq­qis­sar­paa Samariamiumik tul­lerminik asan­nit­tumik as­sersuusiorami. Angut juutiusoq til­lif­figiniar­neqar­poq, toqungajal­lugu persut­tar­neqariarluni aq­qusinermi qimaan­nar­neqarsimavoq. Samariamiut juutil­lu im­min­nut uumis­soraluar­tut Samariamiup angut taan­na nal­ligaa inus­siar­nisaar­niarlunilu iliuuseqarusulerluni. Ikii mat­tuserlugil­lu un­nuisarfim­mukaap­paa. Un­nuisarfim­mik pigin­nit­toq juutimik isumagin­neq­qul­lugu aningaasar­tuutinul­lu al­lanut tun­ngatil­lugu Samariamiup akilerusup­paa. – Luk 10:29-37.

Inus­siar­ner­neq iliuuseqar­titsiin­narani aam­ma asan­nit­tumik kajumis­sinar­tumil­lu oqaaseqar­nik­kut erser­tar­poq. Biibilimi al­las­simavoq: “Isumakuluuteqar­nerup inuup uum­mataa ar­torsaatis­sit­tar­paa, qiim­mas­saal­lunili oqaaserisat nuan­naalersit­tar­paat.” (Uss 12:25) Inus­siar­ner­neq ajun­ngis­suserlu kajumis­sis­sutigalugit al­lanik qiim­mas­saagut­ta nuan­naar­nerulersis­savavut. * Inus­siar­nerluta al­lanut oqaaseqarut­ta soqutigin­nin­nitsin­nik ersersitsivigalugil­lu taak­kua inuunermin­ni ajor­nar­torsiutimin­ni piner­tusaar­nis­samut iluaqutigis­savaat. – Uss 16:24.

Guutip inuit “im­minik as­silil­luni” pin­ngor­tim­magit tamat­ta inus­siar­nersuusin­naavugut. (1 Mos 1:27) As­sersuutigalugu Juliusip, Romamiut sak­kutuuisa naalagaata apustilip Paulusip Romaliar­neranut akisus­saasup, Sidonimi “Paulusi inus­siar­nersumik pivaa ikin­ngutiminukar­nis­saa akueralugu taak­kunan­nga isumas­sor­neqarsin­naaq­qul­lugu”. (ApS 27:3) Paulusi al­lal­lu angalanermin­ni umiiarmata Maltamiut ‘as­sut inus­siar­nisaarfigaat’ al­laal­lu kis­sas­seq­qul­lugit ikumatitsil­lutik. (ApS 28:1, 2) Taak­ku inuit ajun­ngitsulior­put. Jehovali nuan­naar­tik­kumal­lugu inuk, ilaan­nik­kuin­naan­ngitsoq, tamatigut inus­siar­nersuujuaan­nar­tariaqar­poq.

Jehovap kis­saatigaa inus­siar­nis­suseq pis­susitut pigiliul­lugulu inooriaaseris­sagip­put. Taamaam­mat inus­siar­nis­suseq ‘ateq­qul­lugu’ peq­quaatigut. (Kol 3:12) Tamatigul­li inus­siar­ner­nis­saq imaan­naan­ngilaq. Sooq? Im­maqa it­toor­tuugat­ta, im­minut tatigin­ngin­nat­ta im­maqaluun­niit nam­minis­sarsiulaar­neq pis­sutigalugu inus­siar­ner­nis­saq tunuarsimaarfigisar­par­put. Al­lal­luun­niit ajor­tumik pisimap­patigut inus­siar­nisaarfiginis­saat ajor­nar­tis­sin­naavar­put. Anersaarli il­ler­nar­toq qin­nutigisarlugulu  Jehova ilaar­niar­tarutsigu inus­siar­nersun­ngor­nis­samut ikiorsin­naavaatigut. – 1 Kor 2:12.

Inus­siar­ner­nerulerumal­luta suna sulis­sutigis­sanerlugu qanoq paasisin­naagatsigu? Im­minut aperigit: ‘Al­lat tusar­naarluar­tarlugil­lu misigin­neqataasar­punga? Al­lat pisariaqar­titaat eq­qumaf­figisar­pak­ka? Qanga kingul­lermik ilaqutarin­ngisan­nut qanimul­luun­niit ikin­ngutigin­ngisan­nut inus­siar­nisaar­punga?’ Taava anguniagaqalerit, soorlu al­lat ilin­niar­nerunis­saat, pingaar­tumik ilagiitsin­niit­tut. Taamaalil­lutit taak­kua unam­miniagaat suul­lu pisariaqar­tin­neraat paasisin­naas­savatit. Taava il­lit qanoq iliorfigineqarusun­nit­tut al­lat inus­siar­nerfigisak­kit. (Matt 7:12) Kiisalu, Jehova ikioq­qul­lutit qin­nuigiuk, inus­siar­nersuujumal­lutit ilungersor­nitit pil­luaq­qus­savai. – Luk 11:13.

Apustilip Paulusip kif­far­tor­tuul­luar­nerminut ilisar­naatit eq­qar­toramigit inus­siar­nisaar­neq, imaluun­niit saamasaar­neq, ilan­ngup­paa. (2 Kor 6:3-6) Inuit Paulusi nuan­naraat inut­tut soqutigin­nin­nermik iliuutsimigut oqaatsimigul­lu ersersitsisarmat. (ApS 28:30, 31) Taamatut­taaq inus­siar­nersuugut­ta al­lat sal­lusuis­sut pil­lugu ilin­niarusun­nerulersin­naap­put. Tamanut inus­siar­nersuugut­ta, aam­ma akerlilersuisunut, taak­kua uum­mataat kil­lil­lugil­lu pis­susimin­nik al­lan­nguerusulis­sutigisin­naavaat. (Rom 12:20) Im­maqa pif­fis­sap ingerlanerani Biibilimi tusarlius­saq paaserusulersin­naavaat.

Paratiisimi kik­kut tamarmik inus­siar­nersuus­sap­put. Makititaasut inus­siar­nerfigineqas­sap­put, ilaat siul­ler­paamik. Taman­na al­lanut inus­siar­ner­nis­samut kajumis­sis­sutigis­savaat. Tas­sa kinaluun­niit inus­siar­nerusun­nanilu al­lanik ikiuerusun­ngitsoq Guutip naalagaaf­fiani inuusin­naan­ngilaq. Inuit asan­nit­tut inus­siar­nersul­lu kisimik naas­saan­ngitsumik paratiisimiis­sap­put. (Tuss 37:9-11) Nunarsuaq ilumut toq­qis­sisimanas­saqaaq! Taman­nali pitin­nagu inus­siar­ner­neq iluaqutigisin­naavar­put. Qanoq?

Biibilimi al­las­simavoq: “Angut ikin­ngutin­nersoq im­minut iluaqutis­sior­tar­poq.” (Uss 11:17) Inus­siar­nersoq inun­nit nuan­narineqar­tarlunilu amerlaner­tigut aam­ma al­lanit inus­siar­nerfigineqar­tar­poq. Jiisusi oqar­poq: “[Uut­tuutigisas­sin­nik] uut­tuif­figineqarumaar­pusi.” (Luk 6:38) Taamaalil­luni inus­siar­nersup ikin­ngutitaar­nis­sani ikin­ngutigiin­nar­nis­saalu ajor­nar­tin­neq ajor­paa.

Apustilip Paulusip ilagiit Efesosimiit­tut ima al­laf­figai: “[Im­mis­sin­nut] ajun­ngitsuliorfigigitsi nal­lit­tuil­lusilu, isumak­keerfigeqatigiit­taritsilu.” (Ef 4:32) Ilagiin­niit­tut tamarmik inus­siar­nersuul­lutil­lu misigin­neqatigin­nit­tuugaangata ilagiit nukit­tul­lutil­lu ataasioqatigiit­tar­put. Qatan­ngutivut pil­lugit isor­nar­torsiueq­qajaarusun­natalu oqaluuserinerluk­kusun­ngilavut, quiasaaril­lutaluun­niit ajor­tumik oqaaseqarusun­ngilagut. Ikiuuk­kumatuul­lutali qiim­mas­saataarusup­pugut. (Uss 12:18) Kingunerisaanik ilagiit nuan­naarlutik Jehovamik kif­far­tus­sap­put.

Sam­meriik­katsitut inus­siar­ner­neq pis­susiuvoq oqaatsik­kut iliuutsik­kul­lu tamatigut ersersin­neqar­tar­toq. Inus­siar­nersuugaangat­talu Guuter­put Jehova, asan­nil­lunilu tuk­kor­tuusoq, ilaar­tar­par­put. (Ef 5:1) Taman­na ilagiit nukit­tus­sutigalugulu al­lat Jehovamik kif­far­tuler­nis­samik kajumis­sis­sutigisar­paat. Jehovap Nalunaajaasuisut inus­siar­nersuusutut ilisimaneqar­tuarisa!