DIANA, 80-it sin­nerlugit ukiulik, ukiuni kingul­ler­ni an­niaateqar­tarsimavoq. Uia puigor­nermik nap­paatilik utoq­qaat angerlarsimaf­fian­niit­toq toquvoq. Aam­ma er­neri marluk toqup­put nam­minerlu iviangimigut kræfter­nermik akiugaqarluni. Qatan­ngutil­li Diana ataatsimiin­ner­ni imaluun­niit oqaluus­sinermi nuan­naar­tuar­toq takusar­paat.

John ukiut 43-t sin­nerlugit nakutil­liisutut angalasar­tuusimavoq. Kif­far­tor­nini nuan­naringaarlugulu al­lamik suliaqar­nis­sani takorloorsin­naan­ngilaa. Ilaqut­tanili nap­parsimasoq isumas­sor­niarlugu nak­kutil­liisutut kif­far­tor­nini taamaatit­tariaqar­paa. Qatan­ngutit Johnimik ilisimasarin­nit­tut ataatsimeersuar­ner­ni naapik­kaangamik­ku takusar­paat al­lan­ngorsiman­ngitsoq. Suli nuan­naar­tuar­poq.

Diana Johnilu qanoq nuan­naar­tuarsin­naap­pat? Timik­kut misigis­sutsik­kul­lu naal­liut­toq nuan­narisaminil­luun­niit pisin­naatitaaf­feqarun­naar­toq qanoq nuan­naarsin­naagami? Biibilimi taman­na akineqar­poq. Al­las­simavoq: “Iluar­tut Naalagaq tipaatsuutigis­savaat.” (Tuss 64:11) Sal­lusuis­sut taman­na paasil­luar­nerusin­naavar­put suna ataavar­tumik nuan­naalis­sutigisar­nerlugu ilisimagutsigu.

Pisut nuan­naalis­sutaasar­tut nalugunan­ngilatit. As­sersuutigalugu aap­pariit asan­nileq­qasut katit­tut eq­qarsaatigik­kit. Im­maqaluun­niit angajoq­qaan­ngor­toq arlaal­luun­niit Jehovami kif­far­tor­nermi nutaamik sulias­sin­neqar­toq. Tamak­ku Jehovamit tunis­sutaagamik nuan­naalis­sutaasar­put. Katis­sin­naatip­paatigut, qitor­nar­taarsin­naatil­luta peqatigiif­fim­minilu sulias­saqar­til­luta. – 1 Mos 2:18, 22; Tuss 127:3; 1 Tim 3:1.

Nuan­naarutaasar­tul­li ilaat ataavar­tuun­ngil­lat. Ajoraluar­tumik aap­paasoq ilumoorfigin­nin­naniluun­niit toqusin­naavoq. (Ez 24:18; Hos 3:1) Qitor­nat angajoq­qaamin­nut Guutimul­lu naalas­seriis­sin­naap­put, al­laal­luun­niit ilaajun­naarsitaal­lutik. As­sersuutigalugu Samuelip er­neri Jehovamit akuerisaasumik kif­far­tun­ngil­lat, Daavilu  ajor­tulioreer­nermi kingor­na ilaqut­tamini ajor­nar­torsiuter­pas­suaqaler­poq. (1 Sam 8:1-3; 2 Sam 12:11) Pisut taamaat­tut nuan­naalersitsinatik aliasungaar­titsisar­put.

Aam­ma ilaan­nik­kut Jehovamut kif­far­tor­nermi pisin­naatitaaf­fiit an­naasin­naavavut nap­parsimaler­neq, ilaqut­tatsin­nik paaq­qutarisas­saqar­neq peqatigiif­fim­miluun­niit al­lan­nguisoqar­nera pis­sutigalugu. Suliamin­nik taamaatitsisimasut amerlasuut suliap nalerisimaalis­sutigisar­nera maqaasisar­nerar­paat.

Paasiuminar­poq nuan­naalis­sutaasar­tut ilaat ataavar­tuuneq ajormata. Inuunermili erloqinar­toqaraluar­toq nuan­naar­tuar­nis­samut arlaan­nik pis­sutis­saqar­pa? Taamaat­toqarsimas­saaq, Samuelimi Daavilu al­lal­lu misilin­neqaraluarlutik nuan­naar­tuar­put.

Nuan­naar­neq sor­piaanersoq Jiisusip nalun­ngilaa. Biibilimi al­las­simavoq nunarsuarmukan­ngik­kal­larami Jehovap ‘saani nuan­naar­tuar­toq’. (Uss 8:30, NW) Nunamul­li pigami unam­miniar­nangaar­tunik atugaqar­tar­poq. Taamaak­kaluar­torli Ataatami piumasaanik ilior­nini Jiisusip nuan­naarutigaa. (Joh 4:34) Pif­fis­sami kingul­lermi naal­liun­nera pil­lugu al­las­simavoq “nuan­naar­nis­saq siunerminiit­toq pil­lugu” piner­tusaar­toq. (Hebr 12:2) Taamaat­tumik nuan­naar­neq ilumoor­toq pil­lugu Jiisusip oqaaserisai marluk ilin­niarfigingaarsin­naavavut.

Ilaan­ni Jiisusip ajoqersugai oqaluus­sereerlutik uter­put. Suliatik tamaasa, al­laat anersaapilun­nik anisitsisimanitik, nuan­naarutigaat. Jiisusil­li oqarfigai: “Nuan­naarutigeqinasiuk anersaat naalam­masi; nuan­naarutigisiul­li atisi qilan­ni al­las­simam­mata.” (Luk 10:1-9, 17, 20) Aap, Jehovamit akuerisaaneq pingaar­nerungaarlunilu sumil­luun­niit sulias­sin­neqar­nermit nuan­naar­nar­nerungaar­poq.

Pisumi al­lami Jiisusi inup­pas­suar­nut oqalugiar­til­lugu ar­nap juutiusup Jiisusip ilin­niar­titsinera tupigusuutigingaaramiuk ar­naa pil­luar­nerar­paa. Jiisusil­li akivaa: “Pil­luar­put Guutip oqaasianik tusar­tut toq­qorlugulu!”  (Luk 11:27, 28) Qitor­natsin­nik tul­luusimaarutigin­nin­neq nuan­naarutigisin­naavar­put. Jehovamul­li naalan­neq at­taveqarluar­nerlu ataavar­tumik nuan­naarutaavoq.

Qaman­nga pisumik nuan­naar­tar­pugut Jehovap uagutsin­nik iluarin­nin­nera misigigaangatsigu. Misilin­neqar­nerit nuan­ner­neq ajoraluar­tut taama misigiun­naas­sutiginavian­ngilavut. Misilin­neqar­nitsin­nili aalajaak­kaangat­ta nuan­naar­neruler­tar­pugut. (Rom 5:3-5) Aam­ma Jehovap tatigin­nitsini anersaaminik tunisar­pai, nuan­naar­nerlu anersaap inerititaanut ilaavoq. (Gal 5:22) Tus­siaat 64:11-mi al­las­simasut paasiuminar­neruler­put: “Iluar­tut Naalagaq tipaatsuutigis­savaat.”

Taman­na aam­ma Dianap Johnil­lu unam­miniagaqaraluarlutik nuan­naagin­nar­neran­nut pis­sutaavoq. Diana oqar­poq: “Jehovamut qimar­nguf­fis­sarsior­punga, soorlu meeq­qap angajoq­qaaminut pisar­neratut.” Ima nangip­poq: “Misigaanga qungujulal­lunga aalajangersimasumik oqaluus­sisar­nis­san­nut pil­luaq­qusimagaanga.” John pisin­naatitaaf­fim­mi nuan­narisami taamaatereer­nerata kingor­na nuan­naagin­narlunilu oqaluus­sinermi ulapit­tuar­nis­saminut suna iluaqutigaa? Oqar­poq: “1998-imi Kif­far­tor­tut Toq­qak­kat Ilin­niarfian­ni ilin­niar­titsisus­san­ngoramali aatsaat taama nam­mineq atuaq­qis­saar­tigaanga.” Nas­suiaavoq nulianilu sumil­luun­niit Jehovamit sulias­sin­neqar­til­lutik piumas­suseqar­tuaan­nar­ner­tik pis­sutigalugu al­lan­nguutinut naleq­qus­sarsin­naasimal­lutik. Ima nangip­poq: “Peq­qis­simis­suteqarata taamaalior­pugut.”

Aam­ma al­lar­pas­suit Tus­siaat 64:11-p ilumoor­nera misigisimavaat. Aap­pariit ukiut 30-t sin­nerlugit USA-mi Betelimi kif­far­torsimasut as­sersuutigeriar­tigit. Specialpioneritut aal­lar­tin­neqar­put. Ima nas­suer­put: “Nuan­narisamik an­naasaqar­nerup aliasuutiginera pis­susis­samisoor­poq.” Imali nangip­put: “Aliasuin­nar­toqarsin­naan­ngilaq.” Sumiif­fis­samin­nut piin­narlutik ilagiit oqaluus­seqatigisaler­paat. Aam­ma oqar­put: “Aalajangersimasut qin­nutigisar­pavut. Qin­nutit­talu akineqar­neri takul­lugit qiim­mas­saatigalugulu nuan­naarutigaar­put. Tikiin­nar­tugut ilagiin­niit­tut al­lat pionerin­ngor­put, Biibilimil­lu atuaq­qis­saaqatis­satsin­nik anersaak­kut siumukarluar­tunik marlun­nik pil­luaq­quneqar­pugut.”

Soorunami nuan­naar­nis­saq imaan­naajuaan­nan­ngilaq. Ilaan­nik­kut aliasut­tas­saagut. Jehoval­li Tus­siaat 64:11-mi tup­pal­lersar­paatigut. Nikal­lungagaluaraangat­taluun­niit ilimagisin­naavar­put susoqaraluar­pal­luun­niit aalajaak­kut­ta Jehovami ‘tipaatsus­sin­naal­luta’. Aam­ma qilanaarisin­naavar­put ‘qilam­mik nutaamik nunamil­lu nutaamik’ Jehovap neriorsuutaata eq­quun­nis­saa. Taava inuit tamarmik naam­mal­luin­nar­tuul­lutil­lu Jehovap iliuusai tamarmik pil­lugit ‘naas­saan­ngitsumik tipaatsul­lutil­lu qiim­mat­tas­sap­put’. – Es 65:17, 18.

Taman­na qanoq isumaqar­nersoq takorlooruk. Peq­qil­luin­narlutalu ul­lut tamaasa nukis­saqarluarluta iter­tas­saagut. Pereer­nikut qanoq ik­kaluar­pataluun­niit an­niaatigiun­naas­savavut. Jehovap neriorsor­paatigut ‘pereersut eq­qaamaneerutis­sasut eq­qaaq­qin­neqas­san­ngitsul­lu’. Asasavut toqusimasut tikil­luaq­qul­lugil­lu niviarsiaraq aq­qaneq-marlun­nik ukiulim­mut Jiisusip makititaanut angajoq­qaajusut nuan­naangaar­nerat­tut misigis­saagut. (Mark 5:42) Pif­fis­sap ingerlanerani kinaluun­niit nunarsuarmiit­toq ‘iluar­tuul­lunilu’ naas­saan­ngitsumik Jehovami ‘tipaatsus­saaq’.