Inuusuttuususi, Pinngortitsisissi nuannaartikkusuppaasi
“Taassuma inuunerit tunissutinik ajunngitsunik qaarsillartippaa.” – TUSS 103:5.
1, 2. Sooq inuuninni suniarlutit aalajangerniarninni Pinngortitsisinnut tusarnaarnissat silatusaarnerua? (Allaaserisap aallaqqaataani assit takukkit).
INUUSUTTUUGUIT siunissat pillugu siunnersorneqaqattaarsimassaatit. Imaassinnaavoq ilinniartitsisut, ilinniagaqarnissamik siunnersuisartut allalluunniit qaffasinnerusumik ilinniagaqaqqullutillu akissarsiagissaartumik atorfeqarnissat siunnersuutigigaat. Jehovali allamik siunnersuuteqarpoq. Soorunami imminut pilersorsinnaaniassagavit atuarfimmi aallussinissat kissaatigaa. (Kol 3:23) Aammali nalunngilaa siunissamut sunniuteqartunik pingaarutilinnik inuusuttuuninni aalajangiisariaqarnerit. Taamaammat malitassannik ullussanilu kingullerni iluarisaatut inuusinnaaniassagavit najoqqutassiivoq. – Matt 24:14.
2 Eqqaamajuk Jehovap suut tamaasa ilisimammagit. Siunissami susoqarumaarnera nalunngilaa, naggatissallu qanorpiaq qanitsiginera nalunngilaa. (Es 46:10; Matt 24:3, 36) Aamma illit nalunngilaatit. Suna pillualissutigissanerit sunalu nuannaarunnaassutigissanerit nalunngilaa. Inuit siunnersuutigisaat ajunngippasissinnaapput, Guutilli oqaasianit tunngaveqanngippata silatusaarnerunngillat. – Uss 19:21.
ILISIMASSUSEQ TAAMAALLAAT JEHOVAMEERSUUVOQ
3, 4. Siunnersuummut ajortumut tusarnaarneq Adamimut, Evamut kinguaavinullu qanoq kinguneqarpa?
3 Ajortumik siunnersuinerit itsarli atuutilerput. Saatanip siulliulluni inuit ajortumik siunnersorpai. Adami Evalu oqarfigai qanoq inuuniarnerlutik namminneq aalajangerunikku pilluarnerussasut. (1 Mos 3:1-6) Saatanili namminissarsiorpoq! Adamip Evallu, qitornassaat ilanngullugit, imminik naalatsigitillutillu pallorfiginninnissaat piumasaraa, Jehovamuunngitsoq. Saatanili inuit pillugit qanoq iliuuseqarnikuugami? Suut tamaasa pigisaat Jehovap tunniunnikuuai. Imminnut tunissutaapput, naatsiivik kusanartoq angerlarsimaffigisinnaallugulu naassaanngitsumik naammalluinnartunik timeqarlutik inuusinnaapput.
4 Ajoraluartumik Adamip Evallu Guuti naalanngilaat. Taamaaliornikkut inuunermik tunniussisumut attaveqarunnaarput. Kinguneri alianangaarput. Naasutut kipineqarsimasutut Adami Evalu utoqqaliartorlutillu toqupput. Qitornaat aamma naalliupput, uagut ilanngulluta. (Rom 5:12) Nalitsinni inuit amerlanersaat Guutimut naalatsigitikkumanatillu namminneq piumasamittut inoorusupput. (Ef 2:1-3) Kinguneranit erserpoq ‘ilisimassut iluatsissinnaanngitsoq Naalakkap piumasaanut akerliugunik’. – Uss 21:30, Testamentitoqaq.
5. Inuit pillugit Jehovap suna qularutiginngilaa, ilumoorpalu?
5 Jehovap nalunngilaa inuit ilaat, aamma inuusuttorpassuit, imminik ujarlerlutillu kiffartorumassasut. (Tuss 103:17, 18; 110:3) Inuusuttut taakkua Jehovamut erlinnangaarput! Taakkua ilagaatsit? Taamaappat qularnanngitsumik ‘ajunngitsorpassuit’ Guutimeersut nuannaarutigaatit. (Tussiaat 103:5 atuaruk; Uss 10:22) Sisamat taakkua ilaat eqqartussavavut. Tassa anersaakkut nerisassat, ikinngutit ajunngitsut, anguniakkat siunertaqarluartut kiffaanngissuserlu ilumoortoq.
JEHOVAP ANERSAAKKUT PISARIAQARTITATIT MATUSSUSERTARPAI
6. Sooq anersaakkut pisariaqartitatit isumagisariaqarpigit, Jehovallu qanoq pilersorpaatit?
6 Uumasut assiginagit illit anersaakkut pisariaqartitaqarputit, Pinngortitsisivillu kisimi tamanna matussusersinnaavaa. (Matt 4:4) Guuti tusarnaaraangatsigu paasisimasaqalertarpugut, ilisimassuseqalerluta pillualerlutalu. Jiisusi oqarpoq: “Pilluarput anersaakkut pisariaqartitsinerminnik eqqumaffiginnittut.” (Matt 5:3, NW) Biibili aamma “inussiaq aalajaallunilu silatooq” aqqutigalugit Biibililersaarutinik upperluarnerulernissatsinnut iluaqutissatsinnik pilersitsisarpoq. (Matt 24:45, NW) Anersaakkut inuussutissat assigiinngisitaartorpassuit ilumut nuannaarutigaavut! – Es 65:13, 14.
7. Anersaakkut inuussutissat Guutimeersut qanoq iluaqutigissavigit?
7 Anersaakkut inuussutissat ilisimassuseqalissutigalugillu eqqarsarluarsinnaanissamut iluaqutigissavatit, tamannalu Ussatit 2:10-14 atuakkit). Assersuutigalugu taakku piginnaasat salluliuutinut, soorlu pinngortitsisoqannginneraanermik aningaasalluunniit pisuussutillu pillualersitsisarnerannik, upperinninnginnissamut iluaqutigissavat. Aamma taamatut pissuseqarnerit pilerissutsinut ileqqunullu ajoqutaasunut itigartitsinissamut iluaqutigissavatit. Taamaammat ilisimassuseqalerumallutit eqqarsarluarsinnaajumallutillu sapinngisannik iliuuseqarit. Taamaalioruit nammineq paasissavat Jehovap asagaatit ilinnullu pitsaanerpaaq kissaatigigaa. – Tuss 34:9; Es 48:17, 18.
arlalitsigut illersuutigisinnaavat. (8. Sooq maanna Guutimut qanillisariaqarpit, tamannalu siunissami qanoq iluaqutigissaviuk?
8 Erniinnaq Saatanip silarsuaa tamarmi suujunnaarsinneqassaaq. Jehovap kisimi illersorsinnaallutalu pisariaqartitavut tunniussinnaavai, immaqa nerisassanut allaat! (Hab 3:2, 12-19) Taamaammat maanna Guutimut qanillinissamut taassumunngalu tatiginninnerulernissamut piffissaavoq. (2 Petr 2:9) Taamaalioruit susoqaraluarpalluunniit Daavitut ima oqartutut misigissaatit: “Naalagaq takkunniitittuaannarpara, taanna talerpimma tungaaniippoq, patajalernavianngilangalu.” – Tuss 16:8.
JEHOVAP PITSAANERPAANIK IKINNGUTEQARTIPPAATIT
9. (a) Johannesi 6:44 naapertorlugu Jehova susarpa? (b) Nalunaajaasunik allanik naapitsineq qanoq immikkuullaritsigaa?
9 Sallusuissummiinngitsumik naapitaqaqqaaraangavit taanna pillugu qanoq ilisimasaqartigisarpit? Immaqa taamaallaat atia isikkualu nalunngilatit. Sallusuissummiittumilli naapitaqaqqaaraangavit allaanerujussuuvoq. Nalunngilat Jehova asagaa, Jehovallu ajunngitsortaa takusimagaa anersaakkullu ilaqutarisaminut ilannguteqqullugu qaaqqusimagaa. (Johannesi 6:44 atuaruk). Taanna allatut tunuliaqutaqaraluarpat, nunamit kulturimilluunniit allameersuugaluarpat taanna pillugu annertuumik ilisimasaqareerputit, taannalu illit pillutit ilisimasaqarluareerpoq!
10, 11. Jehovap innuttaasa suna assigiissutigaat, tamannalu qanoq iluaqutigaarput?
10 Allamik Nalunaajaasumik naapitsiinnarlutit pingaarnerpaat assigiissutigereerpasi. Nalunngilat assigiinngitsunilluunniit oqaaseqaraluarlusi sallusuissummi ‘oqaatsit minguitsut’ oqaaseralugit. (Sef 3:9, NW) Tamanna isumaqarpoq marluullusi Guuti upperigissi, ileqqussatigut maleruagassat assigiit malikkisi siunissamilu assigiimmik neriuuteqartusi. Tamakku immissinnut tatigeqatigiinnissamut naassaanngitsumullu ikinngutigiilluarnissamut iluaqutigaasi.
11 Taamaammat oqarsinnaavutit Jehovamik pallorfiginnittutut pitsaanerpaanik ikinnguteqarlutit. Nunarsuaq tamakkerlugu ikinnguteqarputit, allaat amerlanerit naapinnikuunngikkaluarlugit! Jehovap innuttarinngisaanik taamatut erlinnartigisumik tunineqarnikunik naapitaqarnikuuit?
SIUNERTAQARLUARTUMIK JEHOVAP ANGUNIAGASSAQARTIPPAATIT
12. Siunertaqarluartumik sunik anguniagaqarsinnaavit?
12 Oqaluussisartup oqaasii 11:9-12:1 atuakkit. Maanna sulissutigisannik anguniagaqarpit? Immaqa Biibili ullut tamaasa atuartalerniarlugu ataatsimiinnerniluunniit akillaqqinnerulerniarlutit pisassaqartillutilluunniit ilinniartitsillaqqinnerulerniarlutit anguniagaraat. Oqaluussinermiluunniit Biibilimik atuillaqqinnerulerusupputit. Ajunnginnerusunik kinguneqarnera malugigaangakku allanilluunniit oqarfigineqaraangavit qanoq misigisarpit? Nuannaartarunarputit, pissutissaqarluarpormi! Sooq? Jiisusip pineratut Jehovap iliuusereqqusaanik ilioravit. – Tuss 40:9; Uss 27:11.
13. Silarsuarmi anguniakkanut naleqqiullugu Guutimik kiffartorneq qanoq pitsaanerua?
13 Anersaakkut anguniakkat aallukkaangakkit nuannaalissutigisannik inuuninnilu siunertaqarlualissutigisannik suliaqartarputit. Paulusi siunnersuivoq: “Aalajaalluinnaritsi, qatanngutikka asasakka. Tamaviaarlusi Naalagaq kiffartuussiuk, ilisimagassiuk suliniarnersi Naalakkami asuliinnaassanngitsoq.” (1 Kor 15:58) Inuilli silarsuarmi anguniakkat, soorlu aningaasarsiorneq tusaamasanngornerluunniit, aallukkaangamikkit pillualivinneq ajorput. Iluatsikkaluaraangamilluunniit qamuuna imaqanngitsutut misigisarput. (Luk 9:25) Kunngip Salomop inuuneranit tamanna ilinniutigisinnaavarput. – Rom 15:4.
14. Salomop misilittagaanit suna ilikkarpiuk?
14 Salomo, inuusimasuni pisuujunerpaat pissaaneqarnerpaallu ilaat, misiliiniarluni aalajangerpoq. Imminut oqarfigaaq: “Misileriassagiga nuannaarluni pilluarlunilu inuuneq.” (Oqal 2:1-10) Salomo illorujussualiorpoq, naatsiiviliarsuit ilusilersorlugit piumasanilu suulluunniit iliuuserisarlugit. Nalerisimaartutut pilluartutullu misigiva? Iliuuserisimasani kingumut qiviarlugit ima oqarpoq: “[Paasilerpara] sunaaffa tamarmik piunngitsuusut ... pissarsiffiunatik.” (Oqal 2:11) Salomop misilittagaa ilinniutigaajuk?
15. Tussiaat 32:8 naapertorlugu sooq upperneq pingaaruteqarpa, qanorlu iluaqutigissaviuk?
15 Inuit ilaat aatsaat kukkugaangamik kingunipiluilu naalliuutigereeraangamikkit Hebr 6:10) Taamaammat upperluartuujumallutit ilungersorit. Taamaalioruit inuuninni ajunngitsunik aalajangiillutillu paasissavat Ataatappit qilammiusup pitsaanerpaaq ilinnut kissaatigigaa. – Tussiaat 32:8 atuaruk.
ilikkagaqartarput. Jehovap tamanna ilinnut kissaatiginngilaa. Tusarnaassaginni naalassaginnilu kissaatigaa. Taamaaliussagaanni upperneq pisariaqarpoq, inuuninnili uppernerit pissutigalugu aalajangikkatit peqqissimissutiginngisaannassavatit. Jehovallu ‘asanninnerit aqqanut takutissimasat’ puiunngisaannassavaa. (GUUTIP PIVIUSUMIK KIFFAANNGISSUSEQARTIPPAATIT
16. Sooq kiffaanngissuseq pingaartillugulu silatusaartumik atortariaqarparput?
16 Paulusi allappoq: “[Naalakkap] anersaavata najuuffigisaaniippoq kiffaanngissuseq.” (2 Kor 3:17) Jehovap kiffaanngissuseq nuannaraa, aamma illit kiffaanngissusermik nuannarisaqartillutit pinngortippaatit. Piumasaraali kiffaanngissutsit silatusaartumik illersuutigisannik atussagit. Immaqa inuusuttoqatitit pornografiimik isiginnaartarput, kinguaassiuutitigut inuunerluttarlutik, timersuutit ulorianartut peqataaffigalugit ikiaroornartorlu imigassarluunniit atornerluttarlugit. Immaqa aallaqqaammut taakku nuannerunarpasissinnaallutillu pissanganarsinnaapput, amerlanertigulli kingunipiloqartarput, soorlu nappaateqalernikkut aamma pinngitsuuisinnaajunnaarnikkut. Allaammi ilaat toqusarput. (Gal 6:7, 8) Inuusuttut taamaaliortartut immaqa isumaqarput kiffaanngissuseqarlutik, imminulli salloqittarneruvoq. – Tit 3:3.
17, 18. (a) Guutimut naalanneq qanoq piviusumik kiffaanngissuseqalissutigaarput? (b) Adami Evalu inunnit nalitsinnut naleqqiullugu qanoq kiffaanngissuseqarnerusimappat?
17 Tamatumunnga naleqqiullugu, Jehovamut naalanneq iluaqutigaarput. Peqqissutsitsinnut iluaqutaallunilu piviusumik kiffaanngissuseqalissutigaarput. (Tuss 19:8-12) Kiffaanngissutsit silatusaartumik atorukku, tassa Guutip inatsisai najoqqutassiaalu naammalluinnartut naalanniarlugit aalajangerukku, Guutimut angajoqqaannullu takutissavat akisussaassuseqarluartuullutit. Ilimanarpoq angajoqqaannit tatigineqarnerullutillu kiffaanngissuseqarnerulissasutit. Jehovalu neriorsuivoq qanittukkut kiffani ilumoorfiginnittut tamaasa piviusumik kiffaanngissuseqalersikkumaarlugit. Biibilimi nassuiarneqarpoq tassaasoq kiffaanngissuseq “Guutip qitornaasa naalannarsiffissami pisassaat”. – Rom 8:21.
18 Adami Evalu taama kiffaanngissuseqarput. Edenimi naatsiivimmi ataasiinnarmik Guutip inatsiseqartippai. Orpiup ataatsip naatitaanik nereqqusaanngillat. (1 Mos 2:9, 17) Isumaqarpit Guuti naapertuilluaranilu sukangavallaartoq? Soorunami naamik! Eqqarsaatigiuk inuit qanoq amerlatigisunik inatsisiliorlutillu allat naalannissaannik qanoq pinngitsaalisaraat. Jehovalli Adami Evalu ataasiinnarmik inatsiseqartippai.
19. Kiffaanngissuseqalernissamut qanoq ilinniartinneqarpugut?
19 Jehova uagutsinnut pinnittarnermini ilisimassuseqangaarpoq. Inatsiserpassuarnik tuninata asanninnermik inassutip malinnissaanut kamagittarluni ilinniartippaatigut. Najoqqutassiami Rom 12:9) Ernerata, Jiisusip, qaqqami oqaluutsimini inuit ajortuliortarnerannut pissutaasut nassuiarpai. (Matt 5:27, 28) Silarsuartaassamilu Guutip naalagaaffiani kunngisut Jiisusip eqqortup eqqunngitsullu suunerannik immisut isiginnittaaseqarnissamut ilinniartittuassavaatigut. (Hebr 1:9) Aamma timikkut isumakkullu naammalluinnartunngortissavaatigut. Takorlooruk, ajortuliornissamut ussernartorsiornatalu naammalluinnanngissuseq pissutigalugu naalliussanngilagut. Naggataatigut ‘naalannarsiffissami kiffaanngissuseq’ Jehovap neriorsuutigisaa nuannaarutigissavarput.
malillugit inuunissamut ajortullu uumiginissaannut ilinniartippaatigut. (20. (a) Jehovap kiffaanngissutsini qanoq atortarpaa? (b) Qanoq ilaarsinnaaviuk?
20 Silarsuartaassami kiffaanngissuserput suli killeqassaaq. Qanoq? Guutimik inoqatitsinnillu asanninnerput kajumississutigiuaannartussaagatsigit. Asanninneq tunngavigigaangatsigu Jehova ilaartarparput. Jehova tamakkiisumik kiffaanngissuseqaraluarluni suni iliornermini tamani, aamma uagutsinnik pinneriaatsimini, asanninneq tunngaviginiarlugu aalajangerpoq. (1 Joh 4:7, 8) Taamaammat paasinarpoq aatsaat Guuti ilaarutsigu piviusumik kiffaanngissuseqarsinnaasugut.
21. (a) Jehova pillugu Daavi qanoq isumaqarpa? (b) Allaaserisami tulliuttumi suna sammissavarput?
21 Jehovap tunniussarpassui qujamasuutigivigit? Anersaakkut inuussutissat, ikinngutit ajunngitsut, anguniakkat siunertaqarluartut, siunissami piviusumik kiffaanngissuseqalernissamik neriuut tunissuterpassuillu allat tunniussimavai. (Tuss 103:5) Daavitut tussiaat 16:11-mi ima qinusutut misigigunarputit: “Ajoqersuupparma inuunermut aqqutaasumik. Qaarsillartipparma nuannaarnermik kiinnavit saani, assanni talerperlermi alutornartunik tigumiaqartuartarputit.” Allaaserisami tulliuttumi anersaakkut erlinnartut allat Tussiaat 16-imiittut sammissavavut. Qanoq pitsaanerpaamik inooriaaseqarsinnaanerpit paasinissaanut iluaqutigissavatit.