Mosesimik al­lak­kat tal­limaan­ni 22:25-27 angutip pisuus­suteqar­tutut up­per­narsar­niar­neqar­nera pingaar­ner­tut pineqan­ngilaq, angum­mi pisuusutut isigineqareermat. Inatsim­mi tamatumani ar­nap pisuus­suteqan­ngin­nera ersersin­niar­neqar­poq. Versit ataqatigiin­nerat maluginiaruk.

Versit siuliini al­las­simavoq angutip ar­naq uis­sialik “il­loqarfim­mi” in­naak­kaa. Taamaalior­nermigut angut aap­palim­mut eq­qun­ngitsulior­tutut pisuutin­neqar­poq, ar­narmi uis­sialik katereersimasutut isigineqar­tarmat. Ar­narmi? Taan­na ‘il­loqarfim­miik­kaluarluni ikioq­qul­luni nil­liasiman­ngilaq’. Nil­liasimagaluar­pat qular­nan­ngitsumik al­lat tusaasimas­sagaluar­paat ikior­niarsaralugulu. Nil­lian­ngilarli. Taamaat­tumik eq­qun­ngitsulior­nermut pisooqataavoq, marluul­lutil­lu pisuusutut eq­qar­tuun­neqar­put. – 5 Mos 22:23, 24.

Pisimasoq versini tul­liut­tuni al­laatigineqar­toq al­laaneruvoq: “Angul­li ar­namik inuusut­tumik uis­siaqar­tumik narsaam­mi naapitsisimap­pat taan­nalu pin­ngitsaalil­lugu ar­nerif­figisimal­lugu, taava angut taamaalior­toq kisimi toqun­neqas­saaq. Ar­naq inuusut­toq qanoq pis­san­ngilat toqumik pil­laateqar­tus­samik ajor­tuliorsiman­ngim­mat. Pin­ngitsaaliil­luni ar­nerif­figin­nin­nerup pis­suseqatigaa angutip inoqam­minik saas­sus­sil­luni toqutsisimanera. Angutim­mi ar­naq inuusut­toq uis­siaqar­toq narsaam­mi naapis­simavaa. Ar­naq nil­liasimagaluar­poq, ikior­tigisin­naasaanil­li tak­kut­toqarsiman­ngilaq.” – 5 Mos 22:25-27.

Pisumi tamatumani eq­qar­tuus­sisut ar­naq up­peraat. Sooq? Ilimagaat ‘ar­naq nil­liasimas­sasoq, ikior­tigisin­naasaanil­li tak­kut­toqarsiman­ngilaq’. Taamaat­tumik al­lasior­tutut pisuutin­neqan­ngilaq. Angutil­li ar­naq uis­sialik ‘pin­ngitsaalil­lugu ar­nerif­figigamiuk’ pin­ngitsaaliil­luni ar­nerif­figin­nit­tutut eq­qun­ngitsulior­tutul­lu pisuutin­neqar­poq.

Taamaat­tumik inatsim­mi tamatumani ar­nap pisuus­suteqan­ngin­nera ersersin­niar­neqarmat angutip pin­ngitsaaliil­luni ar­nerif­figin­nin­nermik pisuus­suteqar­nera eq­qaaneqaan­nar­poq. Tatigil­luin­narsin­naavar­put eq­qar­tuus­sisut ‘peq­qis­saar­tumik misis­suisimas­sasut’ Guutil­lu najoq­qutas­siai paasiuminar­tut ataasiaan­nan­ngitsumik eq­qaasimasai tun­ngavigalugit eq­qar­tuus­sisimas­sasut. – 5 Mos 13:15; 17:4; 2 Mos 20:14.