1-2. (a) Inuit ilaasa suna nal­liut­torsiutigisar­paat? (Ungalusaq “ Ukioq uter­titsivik suua?” takuuk). (b) Lukasi 4:16-18 al­las­simasutut Jiisusip suna eq­qar­tor­paa?

NUNAT ilaan­ni kun­ngip dron­ningil­luun­niit ukiuni 50-ini naalak­kersuisimanera im­mik­kut it­tumik malun­nar­tin­niar­neqar­tar­poq. Nal­liut­torsior­neq taman­na ul­lormik ataatsimik, sapaatip-akun­neranik sivisunerusumil­luun­niit sivisus­suseqar­tar­poq, nal­liut­torsior­nerli naasar­poq puior­neqapal­lat­tarlunilu.

² Itsaq Israelimi ukioq uter­titsivik ukiut 50-is­saan­ni tamani nal­liut­torsiutigineqar­tar­poq. Nal­lius­sinermi tamatumani ukiumik ataatsimik sivisus­suseqar­tumi Israelik­kut kif­faajun­naarsitaasar­put. Sooq taman­na soqutigis­savar­put? Eq­qaasin­neqaatigigatsigu Jehovap uagut pil­luta aaq­qis­suus­saanik nuan­ningaar­tumik. Taman­na Israelik­kut nal­lius­sisar­neran­nit pitsaanerungaar­poq. Naas­saan­ngitsumim­mi kif­faan­ngis­suseqalis­sutigis­savar­put maan­nangaarlu iluaqutigilereersin­naal­lugu. Kif­faan­ngis­suseq taman­na Jiisusip iperagaanermik taal­lugu eq­qar­tor­paa. – Lukasi 4:16-18 atuakkit.

3. Mosesimik al­lak­kat pingajui 25:8-12 naaper­torlugit Israelik­kut ukioq uter­titsivik qanoq iluaqutigisar­paat?

³ Jiisusip iperagaanis­saq eq­qar­toramiuk suna pineraa paasil­luar­nerusin­naavar­put Guutip itsaq in­nut­taminut aaq­qis­suus­saa ukioq uter­titsivik sam­meq­qaarutsigu. Jehovap Israelik­kut ima oqarfigai: “Ukiut 50-in­ngor­nerat il­ler­nar­tis­savarsi uter­titsinis­sarlu nunas­sin­ni najugaqar­tunut tamanut torlulaatigalugu, tas­saas­saaq ilis­sin­nut tun­ngatil­lugu ukioq uter­titsivik. Taava kinaluun­niit nunaam­mut pigisaminut ilagisaminul­lu  utersin­naalis­saaq.” (3 Mosesi 25:8-12 atuakkit). Al­laaserisap matuma siuliani sam­mivar­put Israelik­kut sapaatip-akun­neranut sabbatisior­tar­ner­tik qanoq iluaqutigigaat. Taavami ukioq uter­titsivik qanoq iluaqutigisar­paat? Takorlooruk Israelik­kuusup akiitsugarilersimasani akilerumal­lugit nunaatini tunisariaqalersimagaa. Ukiumi uter­titsivim­mi nunaatini pigileq­qit­tus­saavaa. Taamaat­tumik “nunaam­mut pigisaminut” utersin­naalis­saaq, taas­sumalu kinguaavisa nunaat kingor­nus­sin­naavaat. Aam­ma takorlooruk angutip akiitsor­pas­suani akilerumal­lugit qitor­nami ilaat inus­siatut tunisariaqaraa al­laal­luun­niit nam­mineq inus­sian­ngor­tariaqarluni. Ukiumi uter­titsivim­mi inus­siaataalersimasoq ‘ilagisaminut’ utersin­naalis­saaq. Taamaat­tumik kinaluun­niit neriuuteqarani inus­siaajuas­san­ngilaq. Jehovap isumas­suingaas­susia!

4-5. Sooq ukioq uter­titsivik soqutigis­savar­put?

⁴ Ukioq uter­titsivik al­latigut qanoq iluaqutaasarsimava? Jehova ima nas­suiaavoq: ‘Ilin­ni piitsoqas­san­ngilaq Jehovap naam­mat­torsuarmik pil­luaq­qus­sam­matit, nunamimi Jehovap Guutivit agguagas­sarsiarititas­saani pigisas­san­ngor­titas­saanilu pil­luaq­quneqangaarumaaravit.’ (5 Mos 15:4) Nalitsin­ni pisuut pisuujuneruleralut­tuin­nar­tar­neran­nit piitsul­lu piitsuuneruleralut­tuin­nar­tar­neran­nit al­laanerus­susia!

⁵ Kristumiutut Mosesip inatsisai maleruar­tus­saan­ngilavut. Tas­sa itsaq ukiumi uter­titsivim­mi inus­sianik iperagaatitsinermik, akiitsunik isumak­keerinermik nunaatinil­lu uter­titsinermik aaq­qis­suus­saq uagutsin­nut atuutin­ngilaq. (Rom 7:4; 10:4; Ef 2:15) Ukiul­li uter­titsiviup ilin­niarfiginis­saa pingaaruteqar­poq. Jehovam­mi Israelik­kun­nut aaq­qis­suus­saa uagut kif­faan­ngis­suserisin­naasatsin­nik eq­qaasin­neqaatigaar­put.

6. Inuit sumit iperagaanis­sar­tik pisariaqar­tip­paat?

⁶ Ajor­timut, naak­kit­taatsumik inus­siaatitsisumut, inus­siaagat­ta tamat­ta iperagaanis­saq pisariaqar­tip­par­put. Ajor­tiliugat­ta utoq­qalisarlutalu nap­parsimaler­tarlutalu toqusar­pugut. Taamaan­nera inup­pas­suit  tarrarsoraangamik nakorsiar­tariaqaraangamil­luun­niit up­per­narsisar­paat. Aam­ma ajor­tulioraangat­ta nikal­lor­tar­pugut. Apustili Paulusi al­lap­poq ‘ajor­tip inatsisaanit avatiminiit­tunit tiguagaal­luni’. Imalu nangip­poq: “Uangan­nguak­kuluk! Kia kif­faajun­naarsis­savaanga timimit matuman­nga toqup pianit?” – Rom 7:23, 24.

7. Iperagaanis­saq pil­lugu Esaja qanoq siulit­tuiva?

⁷ Qujanar­tumil­li an­naan­neqar­nis­sar­put, tas­sa ajor­timit iperagaanis­sar­put, Guutip isumagaa. Taman­na Jiisusip ajor­narun­naarsip­paa. Kr.in.si. 700-kkun­ni pruf­fiitip Esajap siunis­sami iperagaanis­saq nuan­ningaar­toq siulit­tuutigaa. Iperagaanis­saq taman­na Israelik­kut ukiumi uter­titsivim­mi iperagaasarfian­nit an­ner­tunerungaas­saaq. Ima al­lap­poq: “Guutip Naalak­kap anersaavata tikip­paanga Naalak­kap tanitarim­manga. Aal­lar­tip­paanga nalunaarut nuan­nersoq oqaatigeq­qul­lugu piitsunut, nakorsar­neqar­nis­sarlu aserorsimasumik uum­matilin­nut, tor­lulaatigeq­qul­lugu par­naarus­sat iperagaanis­saat.” (Es 61:1) Kia siulit­tuut taman­na eq­quutitip­paa?

8. Iperagaanis­saq pil­lugu Esajap siulit­tuutaa kia eq­quutitip­paa?

⁸ Iperagaanis­saq pil­lugu siulit­tuut pingaarutilik taman­na Jiisusip kif­far­tuler­nerani eq­quuk­kiar­tuler­poq. Nazaretimi peroriar­torfim­mini synagogiliarami juutinut tas­saniit­tunut Esajap oqaasii taak­ku atuf­fas­sis­sutigai im­minul­lu tun­ngatil­lugit: “Naalak­kap anersaavata tikip­paanga Naalak­kap tanitarim­manga. Aal­lar­tip­paanga nalunaarut nuan­nersoq piitsunut tusarliuteq­qul­lugu, torlulaatigeq­qul­lugu par­naarus­sat iperagaanis­saat tap­piitsul­lu tap­pis­sinis­saat, naner­tugaasul­lu aniguiseq­qul­lugit torlulaatigeq­qul­lugulu Naalak­kap ukiua saam­maas­sivik.” (Luk 4:16-19) Siulit­tuut taman­na Jiisusip qanoq eq­quutitip­paa?

9. Jiisusip nalaani inup­pas­suit iperagaanis­saq qanoq it­toq neriuutigaat?

⁹ Iperagaanis­saq Esajap siulit­tuutigisaa Jiisusil­lu atuagaa Jiisusip nalaani atuutiler­poq. Taman­na Jiisusip up­per­narsar­paa ima nalunaarutigin­nik­kami: “Oqaatsit al­lak­kaniit­tut tusak­kasi ul­lumik­kut eq­quup­put.” (Luk 4:21) Jiisusip atuagaanik tusar­naar­tut ilar­pas­sui politik­kik­kut al­lan­ngor­toqar­nis­saanik, tas­sa Romamiunit iperagaanis­samik, neriugisaqarunar­put. Taak­kua eq­qarsaatigisarsimagunagaat kingusin­nerusuk­kut angutit marluk ima oqaatigaat: “Nerius­simagaluar­pugut [Jiisusi] tas­saasoq Israelimik aniguisitsisus­saq.” (Luk 24:13, 21) Nalun­ngilar­pul­li Jiisusip ajoqersuk­kani  Romamiut naqisiman­nin­neran­nut pikitsitseq­qul­lugit kajumis­saar­nagit ima ilin­niar­tik­kai: “Kaasari tunisiuk kaasarip piinik.” (Matt 22:21) Taavami iperagaaneq qanoq it­toq Jiisusip taamani pilersip­paa?

10. Jiisusip inuit sumit iperagaatip­pai?

¹⁰ Guutip er­nerata marlutsigut inuit iperagaatip­pai. Siul­ler­tut, Jiisusip up­perisarsior­nik­kut siut­tut ajoqersuutaan­nit naner­tuutaasunit kif­faan­ngis­suseqalersip­pai. Taamanik­kut juuter­pas­suit ileq­qunut up­perisanul­lu eq­qun­ngitsunut inus­siaap­put. (Matt 5:31-37; 15:1-11) Anersaak­kut siulersuisus­saagaluit tap­piitsutut ip­put. Mis­siarsi anersaak­kul­lu qaam­marsaaniar­nera itigar­tik­kamik­kit taar­tumiigin­narlutil­lu ajor­timin­nik isumak­keerfigineqan­ngil­lat. (Joh 9:1, 14-16, 35-41) Jiisusip eq­qor­tumik ilin­niar­titsinermigut maligas­siuil­luar­nermigul­lu maniguut­tut paasitip­pai anersaak­kut qanoq iperagaasin­naanersut. – Mark 1:22; 2:23 – 3:5.

11. Jiisusip iperagaaneq suna al­la ajor­narun­naarsip­paa?

¹¹ Aap­paat­tut, Jiisusip inuit ajor­timut kingor­nut­tak­kamut inus­siaaneran­nit iperagaanis­saat ajor­narun­naarsip­paa. Inuunini uter­titsis­sutitut tun­nium­magu tamatumin­nga up­perin­nin­nermin­nik ersersitsisut Guutimit isumak­keerfigineqarsin­naap­put. (Hebr 10:12-18) Jiisusi ima oqar­poq: “Er­nerup inus­siaajun­naarsip­pasi inus­siaajun­naavis­saasi.” (Joh 8:36) Inus­siaajun­naar­neq taman­na Israelik­kut ukiumi uter­titsivim­mi iperagaasar­neran­nit pitsaanerungaar­poq! As­sersuutigalugu ukiumi uter­titsivim­mi inus­siatut iperagaasoq inus­sian­ngoq­qis­sin­naavoq, qanorluun­niil­lu toqusus­saavoq.

12. Iperagaaneq Jiisusip nalunaarutigisaa kik­kut siul­liul­lutik iluaqutigaat?

¹² Ukiumi 33-mi piinsip ul­luani Jehovap apustilit aam­ma angutit ar­nal­lu aalajaatsut al­lat anersaamik il­ler­nar­tumik tanip­pai. Qitor­navis­siar­taarai pif­fis­san­ngor­pat qilam­mut toqusunit makitil­lugit Jiisusimut naalak­kersueqataalersis­sal­lugit. (Rom 8:2, 15-17) Taak­kua siul­liul­lutik iperagaaneq Jiisusip Nazaretimi synagogimi nalunaarutigisaa iluaqutigaat. Angutit ar­nal­lu taak­ku juutit up­perisarsior­nik­kut siut­tuisa ajoqersuinerluutaan­nut ileq­qunul­lu Biibilimut naaper­tuutin­ngitsunut inus­siaataajun­naar­put. Aam­ma ajor­timit toqus­sutaasar­tumit aniguisin­neqarsimasutut Guutimit isigineqar­put. Ukioq uter­titsivik as­sersuutaasoq aal­lar­tip­poq Kristusip ajoqersugai ukiumi 33-mi tanin­neqarmata Jiisusil­lu ukiuni 1.000-ni naalak­kersuinera  naap­pat naas­sal­luni. Taamanik­kus­samut nuan­nersut suut pereersimas­sap­pat?

13-14. Iperagaaneq Jiisusip nalunaarutigisaa tanitat saniatigut aam­ma kik­kut iluaqutigisin­naavaat?

¹³ Nalitsin­ni inuit eq­qor­tuliorusut­tut mil­lionil­lit inuian­nit tamaneersut ‘savanut al­lanut’ ilaap­put. (Joh 10:16) Jiisusip qilam­mi naalak­kersueqatis­saasut Guutimit toq­qagaan­ngil­lat. Biibilili naaper­torlugu nunami naas­saan­ngitsumik inuunis­samik periarfis­saqar­put. Il­lit taamatut neriuuteqar­pit?

¹⁴ Il­lit tanitat iluaqutigileriigaasa ilaat maan­nangaaq iluaqutigisin­naavatit. Jiisusip uter­titsis­sutitut pil­liutaata up­perineratigut Jehovamut qinunik­kut ajor­tulian­nik isumak­keerfigeq­qusin­naavutit. Taman­na Guutimit iluarisaanermik ilerasuuteqan­ngin­nermil­lu kinguneqas­saaq. (Ef 1:7; Saqq 7:14, 15) Aam­ma ajoqersuinerluutinit aniguisitaagavit pil­luaq­qus­sutisiatit eq­qarsaatigik­kit. Jiisusi ima oqar­poq: ‘Sal­lusuis­sut ilisimalis­savarsi, sal­lusuis­sutsil­lu inus­siaajun­naarsis­savaasi.’ (Joh 8:32) Taamatut inus­siaajun­naarsin­neqar­ner­put nuan­naarutigingaar­par­put!

15. Siunis­sami qanoq it­tumik kif­faan­ngis­suseqas­saagut, qanorlu pil­luaq­quneqas­saagut?

¹⁵ Kif­faan­ngis­suseq an­nerungaar­toq siunis­sami misigis­savar­put. Ungasin­ngitsuk­kut Jiisusip up­perisarsior­nerit eq­qun­ngitsut naalak­kersueriaatsil­lu naaper­tuil­luan­ngitsut suujun­naarsis­savai. Guutip “inup­pas­suit” pal­lorfigin­nitsini ser­nigis­savai nunarsuarmilu  paratiisiusumi pil­luaq­quneqar­til­lugit. (Saqq 7:9, 14) Amerlangaar­tut toqusunit makititaas­sap­put Adamil­lu ajor­tuliaata kingunipiluinut tamanut kif­faajun­naarsitaanis­samik periarfis­sin­neqarlutik. – ApS 24:15.

16. Kif­faajun­naarsitaaneq qanoq it­toq inuit misigis­savaat?

¹⁶ Ukiuni 1.000-ni naalak­kersuinermini Kristusip naalak­kersueqatimilu inuit timik­kut anersaak­kul­lu naam­mal­luin­nar­tun­ngor­nias­sam­mata ikius­savaat. Pif­fis­saq taman­na itsaq ukiutut uter­titsivit­tut uter­titaaf­fius­saaq kif­faajun­naarsitaaf­fiul­lunilu. Kingunerisaanik Jehovamut aalajaal­lutik nunami kif­far­tor­tut tamarmik inut­tut naam­mal­luin­nar­tun­ngus­sap­put ajor­taarul­lutik.

17. Esaja 65:21-23 Guutip in­nut­tai pil­lugit qanoq siulit­tuuteqar­pa? (Saq­qaani as­siliaq takuuk).

¹⁷ Nunami inuunis­saq pil­lugu siulit­tuut Esajap al­lagaani atuar­neqarsin­naavoq. (Esaja 65:21-23 atuakkit). Taamanik­kus­samut eqiasul­luta as­savut sarliaruusaas­san­ngilavut. Biibilimi ersersin­neqar­poq Guutip in­nut­tai siuner­taqarluar­tunik suliaqas­sasut. Qularutigis­san­ngilar­put Kristusip ukiuni 1.000-ni naalak­kersuinera naap­pat ‘pin­ngor­titat nam­min­neq aniguisitaajumaar­tut nungujas­susermi inus­siaataanermit kif­faan­ngis­suseq Guutip qitor­naasa naalan­narsif­fis­sami pisas­saat pigilerlugu’. – Rom 8:21.

18. Sooq up­peril­luin­narsin­naavar­put nuan­nersumik siunis­saqas­sal­luta?

¹⁸ Soorlu Jehovap Israelik­kut sulinis­samut qasuersaar­nis­samul­lu pif­fis­saqar­tar­nis­saat isumagisimagaa, taamatut­taaq Kristusip ukiuni 1.000-ni naalak­kersuinis­saani Jehova in­nut­taminut ilius­saaq. Anersaak­kut it­tunut pif­fis­saqas­sap­put. Guutimik pal­lorfigin­nin­neq nalitsin­ni pil­luar­nis­samut pingaaruteqangaar­poq, silarsuar­taas­samilu aam­ma taamaas­saaq. Aap, Kristusip ukiuni 1.000-ni naalak­kersuinerata nalaani inuit aalajaatsut tamarmik siuner­taqarluar­tumik suliaqarlutil­lu Guutimik pal­lorfigin­nis­sagamik inuuner­tik nuan­naarutigis­savaat.