Naamik, Biibilimi oqalut­tuarisaanermiluun­niit taamaat­toqarsimaneranut takus­sutis­saqan­ngilaq.

Biibilimik nutsik­kat ilar­pas­suini versip qanoq nutser­neqarsimanera pis­sutigalugu isumaqar­toqarsimavoq Paulusip nalaani toqusimasut sin­nerlugit kuisit­toqar­tarsimasoq, tas­sa imermut morsutsin­neqar­toqar­tarsimasoq. As­sersuutigalugu kalaal­lisuumi ima al­las­simavoq: “Toqusunim­mi makin­nis­saqan­ngivip­pat sooq taava toqusut sin­nerlugit kuisit­toqar­tar­pa?”

Biibilimik ilisimatuut marluk oqaaseqaataat malugik­kit. Dr. Gregory Lockwood oqar­poq Biibilimi oqalut­tuarisaanermiluun­niit toqusimasut sin­nerlugit imermut morsutsin­neqar­toqarsimaneranut up­per­narsaatis­saqan­ngitsoq. Profes­sori Gordon D. Fee as­singusumik ima al­lap­poq: “Oqalut­tuarisaanermi Biibilimiluun­niit taamatut imermut morsutsin­neqar­toqar­tarsimanera al­laatigineqan­ngilaq. Toqusimasut sin­nerlugit imermut morsutsin­neqar­toqarsimaneranik Testamentitaami al­las­simasoqan­ngilaq, kristumiul­lu ilagiivini siul­ler­ni up­perisarsioqatigiin­niluun­niit kristumiuni al­lani – apustilit toqunerisa kingunin­nguani pilersin­neqar­tuni – taamaalior­toqar­neq ajor­poq.”

Jiisusip ajoqersuk­kani ima peq­quai: “Inuiaqatigiit tamaasa uan­nut ajoqersugan­ngor­tis­sigit kuil­lugit ... ajoqersorlugil­lu ilis­sin­nut peq­qus­sutik­ka tamaasa maleruaq­qul­lugit.” (Matt 28:19, 20) Inuk imermut morsutsin­neqas­saguni Jehova er­neralu pil­lugit ilin­niar­tariaqar­poq, up­periler­tariaqar­pai naalat­tariaqarlugil­lu. Toqusimasoq taamaaliorsin­naan­ngilaq; kristumiorlu suli inuusoq toqusimasoq sin­nerlugu aam­ma taamaaliorsin­naan­ngilaq. – Oqal 9:5, 10; Joh 4:1; 1 Kor 1:14-16.

Sunamiuna Paulusip pigaa?

Korinthimiut Paulusip al­laf­figisaasa ilaat oqar­tar­put toqusunit makititaasoqas­san­ngitsoq. (1 Kor 15:12) Paulusip kuk­kunerar­pai. Al­lap­poq ul­lut tamaasa inuunini navianar­torsior­tar­toq. Nas­suiar­paa navianar­torsior­taraluarluni up­peril­luin­narlugu toquguni Jiisusitut qilam­mut makititaajumaarluni. – 1 Kor 15:30-32, 42-44.

Korinthimiut paasisariaqar­paat kristumiuugamik tanitat ul­lut tamaasa an­nikil­lior­tus­saal­lutik qilalias­sagunil­lu toqusariaqarlutik. ‘Kristusi-Jiisusimut kuisik­kamik’ aam­ma taas­suma ‘toquanut kuisip­put’. (Rom 6:3) Jiisusip toquanut as­sersuutaasumik kuisik­kamik toqusus­san­ngor­put qilam­mul­lu makititaasus­san­ngorlutik.

Jiisusip imermut morsutsin­neqar­nermi kingor­na ukiut marluk qaangiut­tut apustilimi ilaat marluk ima oqarfigai: ‘Kuineqaatigisas­san­nik kuisis­sin­naavisi?’ (Mark 10:38, 39) Tamatumani Jiisusip pin­ngilaa imermut morsutsin­neqar­nini, pivaali Guutimut aalajaat­tuar­nini toqus­sutigisus­saal­lugu. Paulusi al­lap­poq tanitat Kristusi ‘naal­lioqatigigunik­ku naalan­narseqatigis­sagaat’. (Rom 8:16, 17; 2 Kor 4:17) Tas­sa taak­ku qilalias­sagunik aam­ma toqusariaqar­put.

Taamaat­tumik Korinthimiunut al­lak­kat siul­liit 15:29 eq­qor­tumik ima nutser­neqarsin­naavoq: “Taava toqumut morsutsin­neqar­neq sumut iluaqutaagami? Toqusut makis­san­ngip­pata taava sooq toqumut morsutsin­neqar­toqar­tar­pa?”