Napasuliaq Alapernaarsuiffik-mi al­laaserisat 2020-mi saq­qum­mersin­neqar­tut atuaq­qis­saar­pigit? Apeq­qutit tul­liut­tut akisin­naavigit?

Kristumiut tanitat qanoq pissusiler­sor­figis­savavut?

Up­per­nerat pis­sutigalugu ataq­qivavut; im­mik­kul­li it­tumik soqutigin­nin­nermik ersersitsivigineq ajor­pavut. Nuan­naar­torival­laas­san­ngilavut. (1 Kor 3:4, 5) Neriuutaan­nut tun­ngasut uagut susas­sarin­ngisavut pil­lugit apersor­neq ajor­pavut. – w20.01, qupp. 29.

Jehovamit immikkut malugineqar­tarnerit qanoq nalunngiliuk?

Biibilimi ersersin­neqar­poq suli inun­ngun­ngitsutit Jehovap maluginiaraatit. Qin­nutitil­lu tusar­tar­pai. Uum­mam­miutit eq­qarsaatitil­lu ilisimavai, iliuutsitil­lu misigis­susiinut sun­niuteqar­tar­put. (1 Nal 28:9; Uss 27:11) Im­minut kajungilersis­simavaatit. –w20.02, qupp. 12.

Qaqugukkut oqalussaagut, qaqugukkullu nipangersimassaagut?

Jehova pil­lugu oqaluk­kusut­tar­pugut. Ingasat­tumik ajor­tulius­sutaasin­naasumik iliuuseqar­toqalersoq paasigutsigu oqaaseqas­saagut. Pisariaqaraangat utoq­qaaner­tat siun­nersuisar­put. Nunami oqaluus­sinermik iner­teq­qutaaf­fiusumi suliap qanor­piaq ingerlan­neqar­tar­nera apersuutiginagulu oqalut­tuarineq ajor­par­put. Iser­tuus­sas­sat oqalut­tuarineq ajor­pavut. – w20.03, qupp. 20-21.

Pillertat Joeli kapitali 2-mi allaatigineqartut aamma pillertat Saqqummersitat kapitali 9-mi allaatigineqartut sunut assersuutaappat?

Joeli 2:20–3:2 al­laatigineqar­poq Guuti pil­ler­tat peersil­lugil­lu ajoqusigaat pil­lugu taarsiis­sasoq. Tamatuma kingor­na Guutip anersaani kuis­savaa. Siulit­tuut taman­na Babylonimiut Israeli tigusarim­mas­suk tamatumalu kingor­na eq­quup­poq. Saq­qum­mersitat 9:1-11 pil­ler­tat al­laatigineqar­tut ul­lutsin­ni tanitanut as­sersuutaap­put. Taak­kua silarsuarmi pis­sutsit aaq­qis­suus­saaneran­nut ajor­tumut Guutip eq­qar­tuus­sutaa nalunaarutigaat, taman­nalu silarsuarmik nuan­narin­nit­tut tujormis­sutigingaar­paat. – w20.04, qupp. 3-6.

Avannarliup kunngia nalitsinni kinaava?

Ruslandi iligisaalu. Guutip in­nut­tai toq­qaan­nar­tumik sun­niuteqarfigaat, tas­sa oqaluus­sineq iner­teq­qutigalugulu ersersip­paat Jehovap Nalunaajaasui uumigalugit. Avan­narliup kun­ngiata Kujal­liup kun­ngia unam­mil­ler­paa. – w20.05, qupp. 13.

Galatiamiut 5:22, 23-mi allassimasut kisimik ‘anersaap inerititaanut’ ilaappat?

Naamik. Anersaaq il­ler­nar­toq iluaqutigalugu aam­ma pis­sutsit nuan­nersut al­lat, ilaatigut naaper­tuil­luar­neq, ineriar­tor­tis­sin­naavavut. (Ef 5:8, 9) – w20.06, qupp. 17.

Imminut pilluni internetikkut ikkus­sisar­neq pillugu suna mianer­suutigisariaqar­parput?

Ik­kut­tak­katit isumaqalersitsisin­naap­put maniguut­tuunak malugeq­qusaar­tuusutit. – w20.07, qupp. 6-7.

Kristumiut oqaluussisartut aalisartut periaasii qanoq ilin­niar­figisin­naavaat?

Aalisar­tut pisaqarfiginer­paasin­naasamin­ni aalisar­tar­put. Tul­luar­tunik ator­toqar­tar­put. Sapiil­lutil­lu pis­sutsit al­lan­ngorar­taraluar­tut aalisar­tar­put. Uagut oqaluus­sinitsin­ni ilaarsin­naavavut. – w20.09, qupp. 5.

Atuaqqis­saaqatigisar­takkavut Jehovamik asannin­neruler­sin­naaq­qullugit qanoq ikior­sin­naavavut?

Ul­lut tamaasa Biibilimik atuar­tar­nis­saan­nik atuak­kamin­nil­lu eq­qarsaatigin­neq­qis­saar­nis­saan­nik kajumis­saarsin­naavavut. Qinunermil­lu ilin­niar­tis­sin­naavavut. – w20.11, qupp. 4.

‘Kristusimi tamarmik uummartitaajumaartut’ ilaatigut kikkuuppat? – 1 Kor 15:22.

Apustili Paulusi isumaqan­ngilaq inuit tamarmik toqumit makititaas­sasut. Pivaali kristumiut tanitat, ‘Kristusi-Jiisusik­kut il­ler­nar­titaasut’. (1 Kor 1:2; 15:18) – w20.12, qupp. 5-6.

Tanitat ‘imaaliallaannaq allanngortitaasut’ sulerissappat? – 1 Kor 15:51-53.

Jiisusitut iliorlutik kun­ngisut tigumiaq saviminiusoq atorlugu inuiaqatigiin­nik paarsis­sap­put. (Saqq 2:26-28) – w20.12, qupp. 12-13.