1. Nikal­lungagaangat­ta qanoq misigisimasin­naasar­pugut?

UL­LUT tamaasa ajor­nar­torsiutinik akior­niagas­satsin­nik nalaataqar­tar­pugut. Nikal­lungagaangat­tali ajor­nar­torsiutit anigoruminaatsin­nerusar­pavut. Taamaat­tumik eq­qaamasariaqar­par­put nikal­lunganerup naleqan­ngitsutut misigitis­sin­naagaatigut nuan­naarun­naar­til­lutalu. Us­satit 24:10-mi ima al­las­simavoq: “Ul­lormi an­nikil­liorfiusumi sapiis­suseeruk­kuit taava nukitit an­nikil­lis­sap­put.” Tas­sa nikal­lungagaangat­ta san­ngiitsutut misigisimasin­naasar­pugut piner­tusaar­nis­sar­pul­lu ajor­nar­tin­nerusarlugu.

2. Suut nikal­lus­sutigisin­naavavut, al­laaserisamilu matumani suut sam­mis­savavut?

² Nikal­lus­sutigisin­naasavut amerlaqaat. Ilaatigut tas­saasin­naap­put naam­mal­luin­nan­ngis­suseq, san­ngiin­neq peq­qiil­lior­nerlu. Aam­mali Jehovamut kif­far­tor­nermi kis­saatigisatsitut sulias­sin­neqan­ngin­neq imaluun­niit oqaluus­sif­figisar­tak­katsin­ni amerlanerit tusar­naarusungin­nerat nikal­lus­sutigisin­naavavut. Nikal­lungagaangat­ta iliuuserisin­naasavut al­laaserisami matumani sam­mis­savavut.

3. Im­minut nikanar­tutut isigigaangat­ta kuk­kugaangat­talu suna iluaqutigisin­naavar­put?

³ Im­minut nikanar­tutut isigiler­nis­saq kuk­kus­sutitsin­nil­lu nikal­luutigin­nin­nis­saq ajor­nan­ngitsuararsuuvoq. Tamatuma kingunerisaanik isumaqalersoorsin­naavugut kuk­kusar­nivut pis­sutigalugit Jehovap silarsuar­taas­samini inuutin­navian­ngik­kaatigut. Taamatut eq­qarsar­neq navianangaar­poq. Kuk­kusar­nivut qanoq isigisariaqar­pavut? Biibilimi al­las­simavoq Jiisusi  eq­qaas­san­ngik­kaan­ni inuit tamarmik ‘ajor­tulior­tar­tut’. (Rom 3:23) Jehoval­li kuk­kusar­nivut isiginiar­neruneq ajor­pai, naatsorsuutigin­ngilaalu naam­mal­luin­nar­tuus­sasugut. Akerlianil­li Jehova Ataataavoq asan­nit­toq ikiuerusut­torlu. Aam­ma kamagit­tar­tuuvoq. Ilar­pas­suat­ta eq­qor­tulior­nis­saq im­minul­lu nikanar­tutut isigin­ngin­nis­saq ilungersuutigisaraat nalun­ngin­namiuk ikiuinis­saminut piareersimajuaan­nar­poq. – Rom 7:18, 19.

4-5. Johan­nesip al­lagai siul­liit 3:19, 20-milu al­las­simasut qatan­ngutit­ta qanoq iluaqutigivaat?

⁴ Deborah Marialu eq­qarsaatigik­kit. * Deborah meeraal­luni ilaqut­taminit ajor­tumik pineqar­tar­nini pis­sutigalugu naleqan­ngitsutut misigivoq. Qaqutigorujus­suaq nersualaar­neqar­tar­poq. Taamaam­mat im­minut nikanar­tutut isigileralut­tuin­nar­poq. An­nikitsutigut kuk­kugaangami misigisar­poq eq­qor­tuliorsin­naanani. Maria as­singusumik unam­miniagaqar­poq. Ilaqutaasa naleqan­ngitsutut misigilis­sutigisaanik kan­ngunarsar­tar­paat. Imermut morsutsin­neqareeraluarluni Jehovamik Nalunaajaasuunis­saminut ajuk­kut­tar­poq.

⁵ Qatan­ngutivul­li taak­ku marluk Jehovamut kif­far­torun­naan­ngil­lat. Sooq? Naner­tuutigisar­tik Jehovamut qaman­nga pisumik qinunik­kut tun­niuk­kamik­ku. (Tuss 55:23) Paasivaat Ataatat­ta qilam­miusup asan­nit­tup nalun­ngik­kaa nalaat­tak­kavut ajor­tut pis­sutigalugit im­minut nikanar­tutut isigisin­naasar­tugut. Aam­mali ajun­ngitsor­tavut, uagut nam­mineq takusin­naan­ngisavut, maluginiar­tar­pai. – 1 Johannesi 3:19, 20 atuakkit.

6. San­ngiif­fivut kuk­kus­sutigeq­qik­kaangatsigit qanoq ilior­tariaqar­pugut?

⁶ Im­maqa ileq­qupalaanik iperaruminaatsitatsin­nik akiugaqar­nitsin­ni kuk­koq­qit­toor­tar­pugut, taman­nalu nikal­lus­sutigisarlugu. Soorunami ajor­tuliorsimatil­luta ilerasut­tar­ner­put nalingin­naasuuvoq. (2 Kor 7:10) Taamaak­kaluar­toq ingasat­tajaarluta im­minut eq­qar­tuut­tas­san­ngilagut, ima eq­qarsarluta: ‘Atorsin­naan­ngilanga! Jehovap isumak­keerfiginavian­ngilaanga.’ Taamatut eq­qarsar­neq kuk­kuneruvoq Jehovamul­lu kif­far­torun­naar­nermik kinguneqarsin­naal­luni. Us­satit 24:10-mi al­las­simasoq eq­qaamajuk: “Sapiis­suseeruk­kuit taava nukitit an­nikil­lis­sap­put.” Akerlianik, Jehovamut qinunik­kut isumak­keerfigeq­qunitsigut “aaq­qitas­sat aaq­qitsigit”. (Es 1:18, NW) Jehovap peq­qis­siminerit ilungersorlutil­lu al­lan­nguiniar­nerit takugunigit isumak­keerfigis­savaatit. Aam­ma utoq­qaaner­tat saaf­figik­kit. Taak­kua kamagit­tarlutik anersaak­kut ingerlal­luaq­qiler­nis­san­nut ikius­savaatsit. – Jaak 5:14, 15.

7. Eq­qor­tulior­nis­saq saper­nar­tik­kutsigu sooq nikal­lus­san­ngilagut?

 ⁷ Frankrigimi utoq­qaaner­taq, Jean-Luc, san­ngiis­sutinik akiugaqar­tunut ima oqar­tar­poq: “Aatsaat kuk­kujuitsuugut­ta Jehovap naaper­tuil­luar­tutut isigis­savaatigut? Naamik, kuk­kus­sutivul­li aliasuutigalugil­lu peq­qis­simis­sutigisarutsigit Jehovap naaper­tuil­luar­tutut isigis­savaatigut.” (Rom 7:21-25) San­ngiis­sum­mik aalajangersimasumik akiugaqaruit im­minut naleqan­ngitsutut isigeqinak. Tamat­ta kuk­kusarat­ta uter­titsis­sut iluaqutigalugu Jehovamit pisas­sarin­ngisaraluatsin­nik ajun­ngisaarfigineqar­nis­sar­put pisariaqar­tip­par­put. – Ef 1:7; 1 Joh 4:10.

8. Nikal­lungagaangat­ta kik­kun­nut ikior­tis­sarsiorsin­naavugut?

⁸ Ilagiinni qatan­ngutitta tup­paller­saanerat iluaqutigiuk! Qatan­ngutit­ta tusar­naarsin­naavaatigut tup­pal­lersarsin­naal­lutalu. (Uss 12:25; 1 Th 5:14) Nigeriami qatan­ngut ar­naq, Joy, nikal­lunganermik akiugaqar­toq ima oqar­poq: “Qatan­nguteqan­ngik­kaluaruma qanoq iliorsimas­sagaluar­ner­punga? Qatan­ngutin­nit tup­pal­lersar­neqaraangama up­per­narsisar­para Jehovap qin­nutik­ka akisarai. Al­laam­mi taak­ku ilin­niarfigalugit nikal­lungasunik qanoq tup­pal­lersaasin­naal­lunga ilik­kar­para.” Eq­qaamasariaqar­par­pul­li qaquguk­kut tup­pal­lersar­neqar­tariaqar­ner­put qatan­ngutit­ta amerlaner­tigut ilisimasan­ngik­kaat. Taamaat­tumik qatan­ngut anersaak­kut inersimal­luar­toq ikior­neqar­tariaqar­nitsin­nik paasitit­tariaqarsin­naavar­put.

9. Tus­siaat 41:4 aam­ma 94:19 qanoq tup­pal­lersaatigaavut?

⁹ Jehova taperser­sortigiuk. Peq­qiil­liorut­ta, ingam­mil­lu katsorsar­neqarsin­naan­ngitsumik nap­paateqarut­ta, isumal­luar­tumik eq­qarsar­nis­saq ajor­nakusoor­tis­sin­naavar­put. Jehovap tupin­nar­tulior­nik­kut maan­na ajorun­naarsin­ngik­kaluarluta tup­pal­lersar­tar­paatigut piner­tusaarsin­naaq­qul­lutalu nakus­satsit­tarluta. (Tussiaat 41:4; 94:19 atuakkit). As­sersuutigalugu il­lumi sulias­sanik ikior­neqar­tariaqarut­ta pisiniun­neqar­tariaqarut­taluun­niit qatan­ngutivut ikiuinis­saan­nut piumas­suseqalersis­sin­naavai. Aam­ma uagutsin­nik qinoqateqar­nis­saan­nut kajumis­suseqalersis­sin­naavai. Imaluun­niit tup­pal­lersaatigisin­naasatsin­nik, soorlu silarsuas­sami nutaami nap­paateqarani an­niaateqaranilu inuunermik naam­mal­luin­nar­tumik, Oqaatsimini al­las­simasunik eq­qaasis­sin­naavaatigut. – Rom 15:4.

10. Isangip ajutoor­nermi kingor­na nikal­lunganini qanoq anigor­paa?

¹⁰ Nigeriamioq, Isang, ajutoor­nermi kinguneranik nukil­laar­poq. Pisoq­qis­sin­naajun­naarluni nakorsaminit oqarfigineqarami nikal­lungangaaler­poq. Nikal­lungajuaan­nar­pali? Naamik! Suut iluaqutigai? Ima nas­suiaavoq: “Nuliaralu Jehovamut qinujuar­pugut Biibililu atuaq­qis­saar­tuar­tarlugu. Aam­ma ajun­ngitsut, soorlu Guutip silarsuas­saani nutaami inuunermik neriuut, eq­qarsaatigiuar­nis­saat aalajangiusimavar­put.”

11. Cindy peq­qiil­lioraluarluni sooq nuan­naar­tuarsin­naava?

¹¹ Mexicomioq, Cindy, toqus­sutigisin­naasaminik nap­paateqaler­poq. Qanoq ilior­pa? Katsorsar­tin­nermini ul­lut tamaasa oqaluus­sinis­sani aalajangiusimavaa. Ima al­lap­poq: “Taamaalior­nik­kut suliaritin­nera, an­niaatik­ka peq­qiil­lior­neralu eq­qarsaatigival­laarun­naarlugit al­lat eq­qarsaatigineruler­pak­ka. Oqaluus­siumal­lunga nakorsat peq­qis­saasul­lu oqaloqatigisak­ka ilaqutaat pil­lugit aperisar­pak­ka. Taava aperisar­pak­ka sooq taama unam­minar­tigisumik sulif­feqar­niarlutik aalajangersimanersut. Taamaalior­nik­kut paasisin­naaler­tar­para  suut kil­litsis­sutigisaraat. Arlal­lit eq­qaavaat nap­parsimasumit qanoq in­nermin­nik aperineqar­tar­ner­tik qaqutigoor­tuusoq. Soqutigin­nin­nera qujamasuutigaat. Al­laal­lu ilaasa qanoq at­taveqarfigisin­naaneritsik paasitit­tar­paan­nga. Ajor­nar­torsiungaarfin­ni Jehovap tupaal­laatigeqisan­nik qaman­nga pisumik nuan­naar­tip­paanga!” – Uss 15:15.

12-13. Nap­parsimasut utoq­qalisimasul­lu qanoq oqaluus­seqataasarsimap­pat, qanorlu kinguneqar­tumik?

¹² Nap­parsimasut utoq­qalisimasul­lu oqaluus­sinermi kil­lilim­mik iliuuseqarsin­naagamik nikal­lungasin­naasar­put. Taamaak­kaluar­toq ilar­pas­suisa oqaluus­sinis­samut periarfis­satik atorluar­tar­paat. USA-mi qatan­ngut ar­naq Laurelimik atilik ukiuni 37-ni puaasap saviminiusup iluaniis­simavoq. Aam­ma kræftersimavoq, an­ner­tuunik pilatsit­tarsimavoq amimigul­lu nap­paateqarsimal­luni. Tamak­kunin­ngali im­mik­kut unam­miniagaqaraluarluni oqaluus­siuar­poq. Peq­qis­saasut ikior­tinilu angerlarsimaf­fim­minukar­tut oqaluus­sif­figisar­pai. Taman­na qanoq kinguneqar­pa? Inuit min­ner­paamik 17-it ikiorlugit Biibili pil­lugu eq­qorluar­tumik ilisimasaqalersip­pai! *

¹³ Frankrigimi utoq­qaaner­taq, Richard, angerlarsimaf­fim­min­nik qimatsisin­naan­ngitsut paaq­qutarineqar­tariaqar­tul­lu eq­qarsaatigalugit ima siun­nersuuteqar­poq: “Biibililersaarutit saq­qumisumut ilisin­naavaat. Inuit taak­kunin­nga takun­nil­lutik apeq­quteqar­tut oqaluus­sif­figineqarsin­naap­put. Qatan­ngutit­ta il­lumiit il­lumut oqaluus­sisin­naan­ngitsut taman­na qiim­maal­laatigisin­naavaat.” Aam­ma al­lak­katigut oqarasuaatik­kul­lu oqaluus­seqataasin­naap­put.

14. Kun­ngi Daavi qanoq maligas­siuil­luar­pa?

¹⁴ Jehovamut kif­far­tor­nitsin­ni sulias­sin­neqan­ngin­nitsin­nut pis­sutaasut arlaliusin­naap­put, soorlu utoq­qalisimaner­put, peq­qiil­lior­ner­put al­lal­luun­niit. Taamatut atugaqarut­ta kun­ngip Daavip maligas­siaa ilin­niarfigisin­naavar­put. Daavip naalaf­filior­nis­sani kis­saatigingaar­paa, Jehoval­li naalaf­filior­tus­satut toq­qan­ngilaa. Taamaak­kaluar­toq tunis­suteqar­nermigut Guutip toq­qagaanik sapin­ngisaminik tapersersuivoq. Maligas­siuil­luangaarami! – 2 Sam 7:12, 13; 1 Nal 29:1, 3-5.

15. Huguesip nikal­lunganini qanoq qaanger­paa?

¹⁵ Qatan­ngut Frankrigimeersoq, Hugues, peq­qiil­lior­nini pis­sutigalugu utoq­qaner­taajun­naar­poq, al­laal­lu il­lumi sulias­sat suliarisin­naajun­naar­pai. Ima al­lap­poq: “Aal­laq­qaam­mut naleqan­ngitsutut misigivunga nikal­lungangaarlungalu. Paasiar­tor­parali  iliuuserisin­naan­ngisama akuerinis­saat qanoq pingaaruteqar­tigisoq. Iliuuserisin­naasak­ka kil­leqaraluar­tut Jehovamut kif­far­torsin­naanera nuan­naarutigaara. Tun­niutiin­nan­ngin­nis­sara aalajangiusimavara. Gideoni angutil­lu 300-t qasugaluarlutik akiuut­tut as­sigalugit uangat­taaq piner­tusaarusup­punga!” – Eqq 8:4.

16. In­ngilit maligas­siuinerat qanoq ilin­niarfigisin­naavar­put?

¹⁶ In­ngilit aalajaatsut maligas­siuil­luar­put. Itsaq kun­ngip ajor­tup Akabip qanoq nakutin­neqarsin­naaneranik Jehovap in­ngilit siun­nersuuteqaq­quai, arlal­lil­lu siun­nersuuteqar­put. In­ngilil­li ataasiin­naap siun­nersuutaa Guutip iluatsis­sanerar­paa. (1 Kng 22:19-22) In­ngilit aalajaatsut al­lat nikal­lor­pat siun­nersuuteqarsimaner­til­lu peq­qis­simis­sutigilerlugu? Soorunami naamik. In­ngilit maniguutingaar­put, ataq­qinaal­lu tamaat Jehovamut tun­niuk­kusup­paat. – Eqq 13:16-18; Saqq 19:10.

17. Jehovamut kif­far­tor­nermi aalajangersimasumik sulias­sin­neqan­ngin­ner­put nikal­luutigigutsigu susariaqar­pugut?

¹⁷ Eqqaamajuk Guutip aqqanik taaguuteqarluta kun­ngeqar­fianik, tassa naalagaaf­fianik, oqaluus­sis­sutigin­nin­ner­put ataq­qinaataaner­paasoq. Sulias­sin­neqar­ner­put pis­sutigiin­narlugu Guutip naleqar­tutut isigineq ajor­paatigut. Maniguut­tuugut­tali Jehovamit qatan­ngutitsin­nil­lu asaneqas­saagut. Taamaat­tumik maniguut­tuujuar­nis­san­nik Jehova qin­nuigisaruk. Jehovamut kif­far­tor­tut Biibilimi eq­qaaneqar­tut maniguun­nermut tun­ngatil­lugu maligas­siuisut eq­qarsaatigisak­kit. Qatan­ngutitit kajumil­lutit sapin­ngisan­nik ikior­tak­kit. – Tuss 138:6; 1 Petr 5:5.

18-19. Oqaluus­sif­figisatit soqutigin­nip­pasin­ngik­kaluar­tut oqaluus­sinermi qanoq nuan­naar­tuarsin­naavit?

¹⁸ Oqaluus­sif­figisavit soqutigin­nin­ngin­nerat angerlarsimasoqar­pian­ngin­neralu ilaan­nik­kut nikal­lungas­sutigisar­piuk? Taamaap­pat oqaluus­sinermi qanoq nuan­naar­nerulersin­naavit? Ungalusami “ Oqaluus­sinerit qanoq nuan­naarutiginerulersin­naagit”-mi siun­nersuutit takusin­naavatit. Aam­ma oqaluus­sinermut eq­qor­tumik isigin­nit­taaseqar­nis­sat pingaaruteqar­poq. Taman­na qanoq isumaqar­pa?

¹⁹ Eqqaamajuk Guutip aqqa kun­ngeqar­fialu pillugit paasitit­sinissaq oqaluus­sinitsinnut pissutaasuni pingaar­ner­paajusoq. Jiisusip erseq­qis­sumik oqaatigaa ikit­tuin­naat inuunermut  aq­qut naniumaaraat. (Matt 7:13, 14) Oqaluus­sinitsin­ni Jehovamik, Jiisusimik in­ngilinil­lu suleqateqar­ner­put nuan­naarutigisar­par­put. (Matt 28:19, 20; 1 Kor 3:9; Saqq 14:6, 7) Jehovap inuit im­minik kif­far­tuus­serusut­tut kajungilersit­tar­pai. (Joh 6:44) Taamaat­tumik inuk maan­na tusarusun­ngitsoq im­maqa tul­liani tusar­naarumas­saaq.

20. Nikal­lungagut­ta Jeremia 20:8, 9-lu qanoq ilin­niarfigisin­naavavut?

²⁰ Pruf­fiiti Jeremia ilin­niarfigingaarsin­naavar­put. Taas­suma oqaluus­sif­figisai tusar­naarusun­ngil­luin­nar­put. “Ul­loq tamaat” nikas­sar­neqar­tarlunilu mitaatigineqar­tar­poq. (Jeremia 20:8, 9 atuakkit). Nikal­lorluni oqaluus­serusuk­kun­naaraluar­poq. Oqaluus­siuar­porli. Sooq? ‘Jehovap oqaasii’ Jeremiap iluani in­ner­tut ikumasutut im­mata oqaluus­siun­naarsin­naan­ngilaq! Aam­ma uagut Guutip oqaasianit sun­ner­neqaraangat­ta taamatut misigisar­pugut. Taamaat­tumik ul­lut tamaasa Biibilimik atuar­tar­nis­samut eq­qarsaatigin­neq­qis­saar­tar­nis­samul­lu pis­sutis­saqarluar­pugut. Tamatuma kingunerisaanik oqaluus­sinitsin­ni nuan­naar­nerulis­saagut, amerlanerusul­lu tusar­naarusulis­sagunar­put. – Jer 15:16.

21. Nikal­lunganeq qanoq akiorsin­naaviuk?

²¹ Deborah, siusin­nerusuk­kut eq­qaaneqar­toq, ima oqar­poq: “Nikal­lunganeq Saatanip sak­kuisa sak­kor­tuner­paat ilagaat.” Jehovali Saatanimit sak­kuinil­lu pis­saaneqar­nerungaar­poq. Taamaat­tumik sumil­luun­niit nikal­lungas­suteqaraluarlutit Jehovamut kimigiiserlutit tapersersoq­qusarit. Naam­mal­luin­nan­ngitsuuner­pit naam­magalugu ator­nis­saanut san­ngiis­sutivil­lu akior­nis­saanut ikius­savaatit. Nap­parsimagaangavit an­ner­toq­qusersor­tas­savaatit. Aam­ma kif­far­tor­nermi iliuuserisin­naasan­nut oqimaaqatigiis­sumik oqaluus­sinermul­lu isumal­luar­tumik isigin­nit­taaseqaler­nis­san­nut ikius­savaatit. Taamaat­tumik isumakuluuteqaraangavit Ataatat asan­nit­toq qilam­miusoq qin­nuigisaruk. Ikiuineratigum­mi nikal­lunganerit anigorsin­naavat.