Naamik. Taamaak­kaluar­torli Daavip allatai suli eqqor­tuup­put.

Versimi tas­sani versinilu allani qanoq allat­toq eqqarsaatigiuk: “Aqqit erinalim­mik unnersiutigis­savara naas­saan­ngitsumik, neriorsuutik­kalu eqquutitil­lugit ullut tamaasa.” “Qutsavigaak­kit Naalagaq Guutiga uum­matik­kut iluun­ngarlunga. Ataq­qis­savara aqqit naas­saan­ngitsumik.” “Aqqillu unnersiutigis­savara naas­saan­ngitsumik.” – Tuss 61:9; 86:12; 145:1, 2.

Daavi taama allak­kami isumaqan­ngilaq toqun­ngisaan­nas­sal­luni. Nalun­ngilaa Jehova oqarsimasoq inuit ajor­tuliaat toqumik kinguneqas­sasoq, nas­suerutigaalu nam­mineq ajor­tulior­tarluni. (Mos 1. 3:3, 17-19; Tuss 51:6, 7) Aamma nalun­ngilaa inuit Guutip iluarisai – soorlu Aaperaat, Iisaaq Jaakulu – toqusimasut. Aamma nam­mineq toqusus­saal­luni ilisimal­luar­paa. (Tuss 37:25; 39:5) Oqaasiinilli Tus­siaat 61:9-mi allas­simasunit erser­poq Guutimik naas­saan­ngitsumik, tassa inuunini naal­lugu, unnersiutigin­nin­nis­samik kis­saateqarlunilu aalajangiusiman­nit­toq. – Sam 2. 7:12.

Ilaan­nik­kut Daavip allak­kamini misigisani allaatigisar­pai. (Tuss 18:1; 51:1, 2; 52:1, 2) Tus­siaat 23-mi Daavip, nam­mineq savanik paarsisuusup, Jehova tas­saanerar­paa paarsisoq siulersuisar­toq, nakus­satsitsisar­toq illersuisar­torlu. Taamaam­mallu Daavip ‘inuunini tamaat’ taanna kif­far­torfigerusup­paa. – Tuss 23:6.

Eqqaamajuk Jehovap Daavi isumas­sarsisil­lugu allatsik­kaa. Daavip allataasa ilagaat siulit­tuutit kingusin­nerujus­suak­kut eqquut­tus­sat. Assersuutigalugu Tus­siaat 110-mi Daavip allaatigaa qilammi Guutip ‘taler­piata tungaani’ Naalagaq ingik­kuni pis­saanermik tunineqas­sasoq. Pis­saanini qanoq atus­savaa? Guutip akerai ajugaaf­figalugillu nunarsuarmi “inuianni eqqar­tuus­siumaar­poq”. Daavi naalak­kamut Jiisusimut Mis­siarsiusumut siuaajuvoq. Mis­siarsi qilam­miit naalak­kersuisus­saavoq ‘palasius­sal­lunilu naas­saan­ngitsumik’. (Tuss 110:1-6) Jiisusi oqar­poq siulit­tuut Tus­siaat 110-miit­toq imminut tun­ngasoq siunis­samilu eqquuk­kumaar­toq. – Mat 22:41-45.

Aap, Daavip isumas­sarsisitaal­luni taamani pisut allaatigiin­nar­nagit aamma siunis­sami makititaareeruni Jehovamik naas­saan­ngitsumik unnersiutigin­nis­sin­naaleruni pisus­sat allaatigai. Taamaat­tumik Tus­siaat 37:10, 11, 29-llu allan­neqar­nerisa nalaanni itsaq Israalimi eqquul­lutillu siunis­sami nunarsuaq tamak­kerlugu Guuti neriorsuutiminik tamanik eqquutititsip­pat eqquuteq­qik­kumaar­put. – Takuuk allaaserisaq “Paratiisimeeqatigiumaar­parma” atuagas­siami matumaniit­toq, immik­koor­toq 8.

Tus­siaat 61:9 allas­simaf­fiillu assingusut ersersitsip­put Daavip itsaq Israalimi toqussi tikil­lugu Jehova unnersiutigerusuk­kaa. Aamma piviusorsior­tumik ersersitsip­put Daavi siunis­sami Jehovamit makititaareeruni qanoq iliorumaar­toq.