Napasuliaq Alapernaarsuiffimmi allaaserisat 2022-mi saq­qum­mersin­neqar­tut atuaq­qis­saar­pigit? Apeq­qutit tul­liut­tut akisin­naavigit?

Qinuneq, Biibilimik atuaqqissaarneq Jehovalu pillugu eqqarsaatiginneqqissaarneq piffissaqarfigisarutsigit qanoq iluaqutigissavarput?

Aalajangiil­luar­nerusalis­saagut, ilin­niar­titsil­laq­qin­nerulis­saagut, uppersuseqar­nerulis­saagut Jehovalu asanerulis­sal­lugu. – w22.01, qupp. 30-31.

Jehovamik peqatigiissortaanillu tatiginnikkutta qanoq iluaqutigissavarput?

Maanna utoq­qaaner­tat siulersuineran­nik aalajangigaan­nillu isor­nar­torsiuin­ngin­nik­kut Guutip tatiginis­saa ilik­kar­tariaqar­par­put. Taava annikil­lior­nar­tus­sarsuarmi paasiuminaatsitatsin­nik maleruaruminaatsitatsin­nillu ilitsersor­neqas­sagutta naalak­kumas­saagut. – w22.02, qupp. 4-6.

Sooq “ujarak aqerlunik allannilik Zerubbabelip [juutinut naalagaatitap] assaaniittoq” inngilip Zakariamut oqaluttuaraa? (Zak 4:8-10)

Takorluuisitaaneq taanna iluaqutigalugu Guutip innut­taasa paasivaat guutisiorfik nutaaq guutisiorfitoq­qatut kusanar­tigin­ngik­kaluar­toq naam­mas­sineqas­sasoq Guutillu najoq­qutas­siaanut naaper­tuutis­sasoq. – w22.03, qupp. 16-17.

‘Oqalunnermut tunngatillugu’ qanoq maligassaalluarsinnaavugut? (Tim 1. 4:12)

Oqaluus­sinermi inus­siar­nersumik ataq­qin­nit­tumillu oqaloriaaseqar­tar­nitsigut, ataatsimiin­nerni uum­mam­mit pisumik erinarsoqataasarlutalu akis­suteqar­tar­nitsigut, ajual­lan­nar­tumillu oqalun­naveersaarluta sal­lunaveersaarlutalu qiim­maal­lan­nar­tumik oqaloriaaseqar­nitsigut. – w22.04, qupp. 6-9.

Sooq Danieli kapitali 7-imi nersutit (naalagaaffiit) sisamat eqqaaneqartut ilisarnaataat Saqqummersitat 13:1, 2-milu uumasup ataasiinnap ilisarnaatigai?

Uumasoq Saq­qum­mersitat kapitali 13-imi eqqaaneqar­toq naalagaaf­fim­mut ataasiin­narmut, soorlu Romamut, assersuutaan­ngilaq. Politik­kik­kut pis­saanilin­nut inun­nut naalak­kersuisimasunut tamanut assersuutaavoq. – w22.05, qupp. 9.

Guutip naapertuilluarnera tatigalugu qanoq takutissinnaavarput?

Ajual­latsin­neqarsimagutta ajor­tuliorfigineqarut­taluun­niit kamas­simajun­naar­niarlutalu narrutsas­simajun­naar­niar­tar­pugut pis­sutsillu Jehovamut isumagisas­san­ngor­til­lugit. Jehova ajor­tip kingunipiluinik tamanik aaq­qiiumaar­poq. – w22.06, qupp. 10-11.

Qatanngutip angutip ataatsimiinnermi qinusup suut eqqaamassavai?

Ilagiinni qinunermi naq­qiisoqas­sananilu nalunaaruteqar­toqas­san­ngilaq. Ingam­mik ataatsimiin­nerup aal­lar­tin­nerani “sivisuumik” qinus­san­ngilaq. (Mat 6:7) – w22.07, qupp. 24-25.

Ajortuliorsimasut makititaagunik ‘eqqartuunneqarnissaat’ qanoq isumaqarpa? (Joh 5:29)

Toqun­ngin­nerminni iliuuserisimasaat tun­ngavigalugit pil­lar­neqar­nis­samut eqqar­tuun­neqas­san­ngil­lat. Eqqar­tuun­neqar­nis­saat isumaqar­poq Jiisusip nak­kutigis­sagai makititaareersullu isigin­nit­taasiat iliuusiilu nalilersus­sal­lugit. – w22.09, qupp. 18.

1922-mi septembarimi ataatsimeersuarnermi J. F. Rutherford pikkusulluni qanoq kajumissaariva?

Cedar Pointimi Ohiomi USA-miit­tumi ataatsimeersuar­nermi ima oqar­poq: “Kun­ngi naalak­kersuivoq! Ilissi oqariar­tor­tigaasi. Taamaat­tumik kun­ngi taas­sumalu kun­ngeqarfia oqaluus­sis­sutigisigik, oqaluus­sis­sutigisigik, oqaluus­sis­sutigisigik.” – w22.10, qupp. 3-5.

Esajap allagai kapitali 30 naapertorlugu Guutip pinertusaarsinnaaqqulluta pingasutigut qanoq ikiortarpaatigut?

Kapitalimi tas­sani ersersin­neqar­poq Jehovap (1) qin­nutigut tusar­naaq­qis­saar­tarlugillu akisarai, (2) ilitsersor­taraatigut aamma (3) ajun­ngisaarfigaluta siunis­samilu ajun­ngisaarfigiumaaraatigut. – w22.11, qupp. 9.

Sooq isummersinnaavugut Tussiaat 37:10, 11, 29-milu allassimasut itsaq eqquuttut siunissamilu eqquukkumaarlutik?

Daavip oqaasii itsaq Israalimi, soorlu Saalumuup naalak­kersuinerani, pis­sutsinik eqqis­sisimanar­tunik naleq­qut­tumik allaatigin­nip­put. Jiisusip siunis­sami paratiisis­saq eqqar­tor­paa versilu 11 issuarlugu. (Mat 5:5; Luk 23:43) – w22.12, qupp. 8-10, 14.