1. ‘Guutip eqqis­sinera’ suua, qanorlu iluaqutigisar­par­put? (Filip­pimiut 4:6, 7)

 EQQIS­SINEQ inuit Jehovamut kif­far­tor­tuun­ngitsut misigin­ngisaan­nagaat immik­kut ittuuvoq. Tas­saavoq ‘Guutip eqqis­sinera’, Ataatatta qilam­miusup ikin­ngutiminut tun­niut­tagaa. Guutip eqqis­sinermik taama ittumik tunisarmatigut toq­qis­sisimal­luin­nar­tar­pugut. (Filippimiut 4:6, 7 atuakkit). Jehovamik asan­nit­tut qanimut ikin­ngutigaagut. ‘Guutimullu eqqis­sisitsisumut’ qanimut attaveqarluar­pugut. (Tes 1. 5:23) Ataatar­put ilisarisimagutsigu, tatigigutsigu naalal­lugulu Guutip eqqis­sinerata ernumanar­toqar­til­lugu annilaanganitsinni uum­mater­put eqqis­sisis­sin­naavaa.

2. Sooq upperil­luin­narsin­naavar­put eqqis­sineq Guutimeersoq misigisin­naal­lutigu?

² Ernumanar­toqar­til­lugu – soorlu nap­paalanersuaqar­til­lugu, ajunaar­nersuaqar­til­lugu, eqqis­siviil­lior­toqar­til­lugu malersugaanermilu – Guutip eqqis­sinera ilumut misigisin­naavar­put? Pis­sutsimmi taamaat­tut ernumalersitsisin­naap­put. Jiisusilli malin­nitsini oqarfigai: “Isumakuloqinasi erseqinasilu.” (Joh 14:27) Qatan­ngutit Jiisusip siun­nersuutaanik maleruaasut Jehova ikior­tigalugu annikil­lioraluarlutik eqqis­sisimasin­naasar­put.

3. Nap­paalanersuaqar­neq qanoq qamuuna eqqis­siun­naar­titsisin­naava?

³ Nap­paalanersuaqar­til­lugu nunarsuarluun­niit tamak­kerlugu tunil­laas­suut­toqar­til­lugu inuuneq allan­ngorujus­suarsin­naavoq. COVID-19-ip inup­pas­suar­nut sun­niuteqar­nera eqqarsaatigiuk. Misis­suinerit ilaat naaper­torlugu aperineqar­tut affaat sin­nerlugit nap­paalanersuaqar­til­lugu sinin­neq ajuler­tar­put. Aamma annilaangarujus­suar­tut, isumatsaq­qasut, imigas­samik  ikiaroor­nar­tunillu ator­nerluisut, ilaqutariinni nakuuser­neq imminullu toqoriaraluar­tut amerleriarujus­suarsimap­put. Nunagisanni nap­paalanersuaqar­pat misigis­sutsitit qanoq aqus­sin­naavigit eqqis­sinerlu Guutimeersoq misigalugu?

4. Sooq ullut kingul­liit pil­lugit Jiisusip siulit­tuutaa nalunagu eqqis­sisimanarpa?

⁴ Jiisusi siulit­tuivoq ulluni kingul­lerni “sumiif­finni assigiin­ngitsuni” tunil­laas­sor­tunik nap­paateqar­tas­sasoq. (Luk 21:11) Sooq tamanna nalunagu eqqis­sisimanarpa? Nap­paalanersuaqar­tar­nera tupaal­laatigin­ngin­natsigu. Nalun­ngilar­put Jiisusip oqar­neratorluin­naq pisoqar­toq. Taamaat­tumik Jiisusip naggatis­sap nalaani inuusunut oqaasia una maleruas­savar­put: “Annilaangalis­san­ngilasili.” – Mat 24:6.

5. (a) Nap­paalanersuaqar­til­lugu suut qin­nutigisas­savagut? (Filip­pimiut 4:8, 9) (b) Biibilimik immius­sat tusar­naar­tar­neri qanoq iluaqutaasin­naap­pat?

⁵ Nap­paalanersuaqar­til­lugu ernumal­lutalu paatsiveerusimaalersin­naavugut. Qatan­ngutip arnap Desimik atil­lip tamanna misigaa. b Akkaata, illooraata nakorsaatalu COVID-19 toqus­sutigim­mas­suk anaananilu utoq­qaasoq tunil­lan­neqar­nis­sar­tik annilaangagaa. Nap­paalanersuaqar­neralu pis­sutigalugu atorfini annaariaan­naagamiuk nerisas­sanut ineqar­nermullu qanoq akis­saqas­sanerluni isumakuluutigaa. Isumakulun­nermik unnuak­kut sinis­saarut­taler­poq. Desili eqqis­sisimaq­qiler­poq. Qanoq iliorami? Jehovamut ikioq­quvoq eqqis­sisimaq­qileq­qul­luni isumal­luar­nar­tunillu eqqarsaateqaleq­qul­luni. (Filippimiut 4:8, 9 atuakkit). Biibilimik immius­sat tusar­naar­tar­nerisigut Jehova “tusar­naar­tar­paa”. Desi oqar­poq: “Atuf­fas­sisut nipaasa eqqis­sisit­tar­paan­nga Jehovallu uan­nik isumas­suineranik eqqaasil­lunga.” – Tuss 94:19.

6. Nam­mineq Biibilimik misis­sueq­qis­saar­tar­nerit ataatsimiin­nerillu qanoq iluaqutigisin­naavigit?

⁶ Nap­paalanersuaqar­til­lugu iliuuserisar­tak­kavit ilaat pisar­nit­tut iliuuserisin­naan­ngik­kaluarlugit nam­mineq Biibilimik misis­sueq­qis­saar­tar­nis­sat ataatsimiin­ner­nilu peqataajuar­nis­sat pingaaruteqangaar­put. Biibililersaarutitsinni videunilu qatan­ngutit assingusunik ajor­nar­torsioraluarlutik Jehovamut aalajaal­lutik kif­far­tor­tuar­tut misigisalik­kersaarutaat iluaqutigisin­naavatit. (Pet 1. 5:9) Ataatsimiin­nerillu iluaqutigalugit eqqarsaatinik qiim­mal­lan­nar­tunik Biibilimeersunik immersor­neqas­saatit. Aamma ataatsimiin­nerni qiim­mas­saasin­naal­lutillu qiim­mas­sar­neqarsin­naavutit. (Rom 1:11, 12) Jehovap kif­fani nap­parsimasut, annilaangasut kiserlior­tullu qanoq ikiorsimagai eqqarsaatigigukku upper­nik­kut nakus­satsis­sutigis­savat qularinagulu ikiorumaaraatit.

7. Apustili Johan­nesi qanoq ilin­niarfigisin­naaviuk?

 ⁷ Uppeqativit attavigisar­nis­saat eqqumaf­figiuk. Nap­paam­mik tuniluut­toqar­til­lugu imaas­sin­naavoq allaat uppeqatitsin­nut timik­kut qanil­linaveersaas­sasugut. Taamaat­toqar­til­lugu immaqa apustilitut Johan­nesitut misigivutit. Ikin­ngutini Gaajusi kiinarsil­lugu naapik­kusup­paa. (Joh 3. 13, 14) Paasigamiulli Gaajusi takusin­naan­ngik­kal­larlugu iliuuserisin­naasani iliuuseraa, allaf­figaa. Uppeqatin­nut pulaarsin­naan­ngik­kal­laruit oqarasuaatik­kut attaveqaqatigiit­tarfik­kul­luun­niit allatigut oqaluutik­kit allaf­figalugil­luun­niit. Uppeqatitit attavigisaruk­kit kiserliun­ngin­nerul­lutillu toq­qis­sisimanerus­saatit. Ernumas­suteqangaaruit utoq­qaaner­tat attavigik­kit taak­kunan­nga asan­nit­tumik tup­pal­lersar­neqar­nias­sagavit. – Es 32:1, 2.

8. Ajunaar­nersuaq qanoq qamuuna eqqis­siun­naar­titsisin­naava?

⁸ Qarsutsinersuarmik, nunap sajun­neranik ikual­lat­toor­nermil­luun­niit nalaataqarsimaguit pisup kingorna sivisuumik artorsaatigisimasin­naavat. Asasan­nik toqusoorsimaguit angerlarsimaf­fiil­luun­niit pigisatillu annaasimaguk­kit aliasus­simas­saatit neriuutaarut­tutullu misigalutit, allaallu kamalersin­naavutit. Taama misigiguit imaan­ngilaq pigisalerituujusutit upper­nikitsutil­luun­niit. Artorsangaar­nerit pis­sutigalugu immaqa ilaasa ilimagaat nuan­niitsumik qisuarias­sasutit. (Job 1:11) Artorsaraluaruil­luun­niilli eqqis­sisimasin­naavutit. Qanoq?

9. Ajunaar­nersuaqar­tar­nis­saanut piareersimanias­sagatta Jiisusi qanoq oqarpa?

⁹ Jiisusip siulit­tuutigisimasai eqqaamak­kit. Inuit ajunaar­nersuarmik nalaataqan­ngisaan­nas­sal­lutik isumaqar­tut assiginagit nalun­ngilar­put nalitsinni ajunaar­nersuaqar­tarumaar­toq taak­kualu ilaat uagut nalaas­sin­naagigut. Jiisusip ilin­niar­titani oqarfigai naggatis­sap nal­liutin­ngin­nerani ‘nuna sajorujus­suar­tas­sasoq’ allanillu ajunaar­nersuaqar­tas­sasoq. (Luk 21:11) Aamma ‘inatsisinik unioq­qutitsisar­nerup ingasatsik­kiar­tuin­nar­nis­saa’ siulit­tuutigaa, ullumik­kullu tamanna eqquup­poq. Assersuutigalugu pinerlut­toqar­tar­poq, nakuuser­toqar­tar­poq peq­qar­niisaar­niallu saas­sus­sisarlutik. (Mat 24:12) Jehovap kif­faasa aalajaatsut ilar­pas­sui ajunaar­nersuar­nik eqqugaasar­put. Jiisusi oqan­ngisaan­nar­poq Jehovamit immineer­neqaratta tamak­kunin­nga nalaataqar­tugut. (Es 57:1; Kor 2. 11:25) Jehovap tupin­nar­tulior­nik­kut ajunaar­nersuar­nit tamanit illersun­ngik­kaluarluta eqqis­sisimaan­naq­qul­luta pisariaqar­titatsin­nik ikiorumaar­paatigut.

10. Sooq ajutoor­nermit nalaan­neqar­nis­samut maanna piareersar­neq upper­nermut ersiutaava? (Ussatit 22:3)

¹⁰ Ajutoor­nermit nalaan­neqar­nis­samut piareersarsimagutta taama pisoqas­sap­pat eqqis­sisimaan­nar­nis­sar­put ajor­nan­ngin­nerus­saaq. Taamatulli piareersar­neq Jehovamut upper­nikin­nermut ersiutaava? Naamerluin­naq. Piareersarsimanitsigut takutiin­nar­par­put Jehovap uagutsin­nik isumas­suisin­naanera upperalutigu. Biibilimimi siun­nersor­neqar­pugut ajor­toqarsin­naaneranut piareersimas­sasugut. (Ussatit 22:3 atuaruk). Aamma atuagas­siaatitsinni allaaserisat, ilagiit ataatsimiin­neri nalunaarutillu aqqutigalugit Guutip peqatigiis­sor­taanit ajutoor­nermit nalaan­neqar­nis­samut piareersarsimaq­qul­luta kajumis­saar­neqaqat­taar­pugut. c Jehova tatigaar­put? Taamaap­pat maanna – ajutoor­toqan­ngin­nerani – siun­nersuutit maleruas­savagut.

11. Margaret qanoq ilin­niarfigaajuk?

 ¹¹ Qatan­ngutip Margaretimik atil­lip misigisimasaa eqqarsaatigiuk. Pin­ngor­titami ikual­lat­toqarmat pisor­tat peq­qusip­put angerlarsimaf­fim­minit qimaas­sasoq. Biilerlutik ataatsik­kut qimaasut amerlangaarmata aqqusineq ingerlavis­saajun­naar­poq. Ikual­lat­toq pujor­torujus­suuvoq, Margaretillu biilini qimas­sin­naan­ngilaa. Piareersarsimagamili aniguivoq. Nunap assinga pooqat­taminiititani iluaqutigalugu allak­kut aqqutis­sarsivoq. Ajor­toqan­ngin­neranilu piareersaatitut aqqut taanna aqqutigereeramiuk nas­saareriaan­naaneruaa. Margaretip piareersarsimanini annas­sutigaa.

12. Sooq isuman­naatsooq­qul­luta ilitsersuutit naalat­tar­pagut?

¹² Imaas­sin­naavoq pisor­tat illersorumal­luta aninis­saq iner­teq­qutigileraat, angerlarsimaf­fip­put qimaq­qugaat allatul­luun­niit ilioq­qusisut. Inuit ilaasa pigisatik qimak­kusun­ngin­namik­kit piumaataan­ngik­kunik naalak­kumaneq ajor­put. Kristumiulli qanoq ilior­tar­pat? Biibilimi ima peq­quneqar­pugut: “Oqar­tus­saas­suseqarfin­nut inun­nit pilersin­neqar­tunut tamanut Naalagaq pil­lugu kajumil­lusi naalagitsi. Tamanna atuup­poq kun­ngimut ilis­sin­nit annerusumut taas­sumaluun­niit sin­niisuinut.” (Pet 1. 2:13, 14) Aamma isuman­naatsooq­qul­luta Guutip peqatigiis­sor­taanit ilitsersor­neqar­tar­pugut. Ajunaar­nersuaqalis­sap­pat utoq­qaaner­tanit attavigineqariaan­naas­sagatta oqarasuaatitta normui adres­ser­pullu utoq­qaaner­tanut tun­niun­nis­saan­nik eqqaasin­neqar­tar­pugut. Taamaalioreer­pit? Aamma imaas­sin­naavoq angerlarsimaan­nar­nis­samut qimaanis­samul­luun­niit, ajutoor­toqar­nerani qanoq ikiuutis­sanik pinis­samut aamma qanoq qaquguk­kullu allanik ikiuinis­samut tun­ngatil­lugu ilitsersor­neqar­tugut. Naalan­ngik­kutta inuuner­put utoq­qaaner­tallu inuunerat navianar­torsior­tis­sin­naavar­put. Eqqaamajuk taakku uagutsin­nik paarsisuusut. (Hebr 13:17) Margaret oqar­poq: “Peqatigiif­fitta utoq­qaaner­tallu ilitsersuutaat naalak­kak­kit inuunera annaal­lugu upperil­luin­nar­para.”

13. Kristumior­pas­suit angerlarsimaf­fim­min­nik qimatsisut sooq nuan­naarlutillu eqqis­sisimasimap­pat?

¹³ Qatan­nguter­pas­suit ajunaar­nersuaqar­til­lugu, sorsut­toqar­til­lugu eqqis­siviil­lior­toqar­til­luguluun­niit angerlarsimaf­fim­min­nik qimatsisariaqar­tut sapin­ngisamin­nik pis­sutsinut  allan­ngor­tunut naleq­qus­sarsimap­put Jehovamullu kif­far­tor­nerminni iliuuseqar­tuarlutik. Taak­kua kristumiut siul­liit malersugaal­lutik siam­mar­titaasimasut assigalugit ‘Guutip oqaasianik nutaarsias­sat nuan­nersut oqaluus­sis­sutigiuar­paat’. (ApS 8:4) Pis­sutsit atuk­katik artor­nar­tut pin­nagit Guutip kun­ngeqarfiata eqqarsaatiginerunis­saanut oqaluus­sineq iluaqutigaat. Taamaat­tumillu nuan­naar­tuarlutillu eqqis­sisimajuarsimap­put.

14. Malersugaaneq qanoq qamuuna eqqis­siun­naar­titsisin­naava?

¹⁴ Eqqis­sisimas­sutigisar­tak­kagut malersugaanermi annikil­lisin­naap­put. Tigusaanis­saq siooragisariaqar­nagu kil­lilersugaanata ataatsimiis­sin­naagaangatta oqaluus­sisin­naagaangat­talu ulluin­nar­nilu iliuuserisar­tak­kagut allat iliuuserisin­naagaangatsigit nuan­naar­tar­pugut. Kil­lilersugaalerut­tali isumakululersin­naavugut qanorlu pisoqar­nis­saa annilaangas­sutigilerlugu. Taama misigineq nalingin­naagaluar­toq mianersor­tariaqar­pugut. Jiisusimmi ersersip­paa malin­nitsini malersugaaner­tik pis­sutigalugu upperun­naarsin­naasut. (Joh 16:1, 2) Taava malersugaanermi qanoq eqqis­sisimaan­narsin­naavugut?

15. Sooq malersugaanis­saq annilaangas­sutigis­san­ngilar­put? (Johan­nesi 15:20; 16:33)

¹⁵ Biibilimi allas­simavoq: “Guutimut tun­niusimal­lutik Kristusimillu Jiisusimik ataasioqateqarlutik inuujumasut tamarmik aamma malersor­neqas­sap­put.” (Tim 2. 3:12) Qatan­ngutip angutip Andreimik atil­lip nunamini suliar­put iner­teq­qutaalermat upperiuminaatsip­paa Jehovamut kif­far­tor­tut tamarmik malersor­neqas­sasut. Ima eqqarsar­poq: ‘Nalunaajaasuusugut taama amerlatigisugut qanoq tamatta tigusaasin­naavugut?’ Taamali eqqarsar­nini eqqis­sisimanarinagu eqqis­siviil­liuutigiin­naler­paa. Qatan­ngutit allat nalun­ngin­namikku tigusaarian­naal­lutik pisus­sat Jehovamut isumagisas­san­ngor­tip­paat. Taakku imminit isumakulun­ngin­nerum­mata Andrei aalajanger­poq taak­kunatut isigin­nit­taaseqaler­niarluni Guutilu tatigil­luin­nar­niarlugu. Sivitsun­ngitsoq qamuuna eqqis­sisimaler­poq sulilu ajor­nar­torsiuteqaraluar­toq nuan­naarluni. Aamma uagut taamaas­sin­naavugut. Jiisusip paasitik­kamisigut malersor­neqas­sasugut aamma oqarfigaatigut aalajaat­tuarsin­naasugut.  – Johannesi 15:20; 16:33 atuakkit.

16. Malersugaanermi ilitsersuutit suut naalas­savagut?

¹⁶ Suliar­put iner­teq­qutigineqar­til­lugu kil­lilersugaarujus­suar­pal­luun­niit immik­koor­tor­taqarfim­miit utoq­qaaner­tanillu ilitsersor­neqarsin­naavugut. Ilitsersuutit taakku illersuutigaagut, anersaak­kut pilersor­neqar­tuar­nitsin­nik qulak­keerutaap­put sapin­ngisamillu oqaluus­siuar­nis­satsin­nut iluaqutaal­lutik. Ilitsersor­neqar­nin­nut pis­sutaasoq paasil­luan­ngik­kaluaraangak­kuluun­niit sapin­ngisan­nik naalat­taruk. (Jaak 3:17) Qatan­ngutit ilagiit­tullu suliagut pil­lugit paasis­sutis­sat susas­saqan­ngitsunut ingerlateq­qin­ngisaan­nak­kit. – Oqal 3:7.

17. Apustilit assigalugit sunis­sar­put aalajangiusimavar­put?

¹⁷ Guutip innut­tai ‘Jiisusi pil­lugu ilisiman­nit­tutut nas­suiaanis­samik sulias­saqar­put’, taman­nalu pis­sutaasut pingaar­nerit ilagaat Saatanip taak­kunin­nga sorsuf­figin­nin­neranut. (Saqq 12:17) Saatanili silarsuaalu siooralis­sutigis­san­ngilagut. Akerlilersor­neqaraluarluta oqaluus­sil­lutalu ilin­niar­titsisarutta nuan­naarsin­naavugut eqqis­sisimal­lutalu. Kristumiut siul­liit nalaanni apustilit oqar­tus­saasunit juutiusunit oqaluus­sisarun­naaq­quneqaramik aalajanger­put Guuti naalan­niarlugu. Aalajaal­lutik oqaluus­siuar­put, taman­nalu nuan­naarutigaat. (ApS 5:27-29, 41, 42) Suliar­put kil­lilersor­neqaler­pat soorunami mianersorluta oqaluus­sisas­saagut. (Mat 10:16) Sapin­ngisatsin­nillu iliorutta Jehovamit iluarisaagatta tusarlius­sarlu inuunermik annaas­sis­sutaasoq oqaluus­sis­sutigigatsigu qamuuna eqqis­sisimas­saagut.

18. Eqqis­sinivik sumin­ngaaneerpa?

¹⁸ Ajor­nar­torsior­ner­paaf­fim­miluun­niit eqqis­sisimasin­naasugut qularis­san­ngilat. Pif­fis­sani artor­nar­tuni eqqaamas­savar­put Guutip eqqis­sinera, tassa eqqis­sineq Jehovap kisimi tun­nius­sin­naasaa, pisariaqar­tik­kip­put. Nap­paalanersuaqar­til­lugu, ajunaar­nersuaqar­til­lugu malersugaanermilu Jehova tatigiuaruk. Peqatigiis­sor­taanut qanimut attaveqar­tuarit. Siunis­saq nuan­nerunangaar­toq neriuutigisat takorloor­taruk. Taamaalior­ninni ‘Guutip eqqis­sisitsisup najus­savaatit’. (Flp 4:9) Uppeqatigut erloqinar­tunik nalaataqar­tut Guutimeersumik eqqis­sisimasin­naaq­qul­lugit qanoq ikiorsin­naanerigut allaaserisap tul­liani sam­mis­savar­put.