Jehovap aal­laq­qaam­mut siuner­taraa nunarsuaq tamarmi pif­fis­sap ingerlanerani paratiisin­ngorumaar­toq. Inuimmi siul­liit ima peq­quai: “Amerliar­toritsi nunarsuaq tamak­kerlugu ilis­sin­nullu naalatsigitil­lugu.” (Mos 1. 1:28) Naas­saan­ngitsumik inuusus­sat peq­qus­sut tamanna naalas­savaat. Naatsiivilli Edeni piujun­naarsimam­mat nunarsuaq paratiisiun­ngilaq. Harmagedon­nip kingunitsian­ngua nunarsuup salin­nis­saa suliaringaatsias­savar­put.

Tamanna Israalik­kut Babylon­nimiit uteramik sulias­saanut eqqaanar­poq. Ukiuni 70-ini nunaat najugaqarfigineqarsiman­ngilaq. Iisajallu siulit­tuutigaa Jehovap ikiuineratigut alianaatsun­ngor­tin­neqaq­qik­kumaar­toq. Siulit­tuummi ima allas­simavoq: “Inoqajuitsor­taa ilersip­paa Edenisut, puilasuitsor­taalu Naalak­kap naatsiiviatut.” (Es 51:3) Jehovap ikiuineratigut Israalik­kut nunar­tik alianaatsun­ngor­tip­paat. Taamatut­taaq nunarsuarmik kingor­nus­sisut Jehovap ikiuineratigut  nunarsuaq paratiisin­ngor­tik­kumaar­paat. Suliamut tamatumun­nga peqataarusun­nerit maanna takutis­sin­naavat.

Ilaatigut takutis­sin­naavat angerlarsimaf­finni angerlarsimaf­fivillu silataani torersuutitsinik­kut eqqiluisaar­nik­kullu. Taamaaliorsin­naavutit sanilitit taamaan­ngik­kaluar­pataluun­niit. Aamma ataatsimiit­tarfis­sinni ataatsimeersuar­tarfim­milu eqqiaasar­nik­kut aserfal­latsaaliuinik­kullu ikiueqataasin­naavutit. Periarfis­saqaruit ajunaar­nersuaqar­til­lugu ikiuiniar­nerni kajumis­sutsimik suleqataanis­samut qin­nuteqarsin­naavutit. Taamaalil­lutit takutis­savat pisariaqar­titsisoqaraangat qatan­ngutitit ikiorusul­lugit. Jehovap nunarsuarmi naas­saan­ngitsumik inuuneqalersis­sap­patit iluaqutigisas­san­nik maanna pik­koris­sarsin­naavutit.

Jairusip pania makitis­simatsiaan­narlugu Jiisusi oqar­poq niviarsiaraq nerisas­saanik tunineqas­sasoq. (Mak 5:42, 43) Niviarsiaq­qap aqqaneq-marlun­nik ukiul­lip isumaginis­saa ajor­nar­pasin­ngilaq. Eqqarsaatigiulli Jiisusip neriorsuutigisani eqquutitip­pagu ‘ilivermiit­tut tamarmik taas­suma nipaanik tusarumaarfis­saanni aniumaarfis­saan­nilu’ anner­tuumik sulias­saqar­nis­sar­put. (Joh 5:28, 29) Biibilimi annikitsualuit eqqaaneqan­ngik­kaluar­tut makititaasut nerisas­saan­nik inis­saan­nik atisas­saan­nillu ikior­neqar­nis­saat takorloorsin­naavar­put. Maan­nangaaq ikiuuk­kumanerit ersersereersin­naaviuk? Uku eqqarsaatigisin­naavatit.

Ilagiin­nik nak­kutil­liisup tikin­nis­saanik nalunaaruteqar­toqaraangat neriar­toq­qunis­saanut periarfis­sarsior­tar­pit? Pif­fis­saq tamaat kif­far­tor­tut Betelimi kif­far­torun­naarlutik allamik sulias­sin­neqar­tut imaluun­niit ilagiin­nik nak­kutil­liisup angalasar­tutut kif­far­tor­nini taamaatip­pagu inis­sarsior­neranni ikiuus­sin­naavit? Ulluni pingasuni ataatsimeersuar­toqar­niaraangat imaluun­niit immik­kut ittumik ataatsimeersuar­toqar­niaraangat siorna kingor­nalu piumas­sutsimik ikiueqataasin­naavit imaluun­niit ataatsimeersuarianik tikil­luaq­qusiar­toqataal­lutit?

Apustilit Suliaat 24:15 naaper­torlugu inuit mil­liardil­lit makititaanis­saat naatsorsuutigaar­put. Taak­kualu amerlanersaat Jehova ilisarisimaler­nis­saanut periarfis­saqarsiman­ngil­lat. Makititaagunik tamanna periarfis­saris­savaat. a Guutip kif­fai aalajaatsut misilit­tagaqarluar­tullu ilin­niar­titseqataas­sap­put. (Es 11:9) Charlot­tep Europami, Amerika kujal­lermi Afrikamilu oqaluus­seqataasarsimasup tamanna qilanaareqaa. Nuan­naarluni ima oqar­poq: “Inuit makititaasut ilin­niar­tin­nis­saat qilanaaraara. Inuit itsaq inuusimasut pil­lugit atuaraangama ima eqqarsar­tar­punga: ‘Inuup taas­suma Jehova ilisarisimasuup­pagu inuunera allaanerujus­suusimas­sagaluar­poq.’ Inuit makititaasut Jehova pil­lugu qanorlu taas­sumun­nga kif­far­tor­tun­ngorunik pil­luarsin­naaneran­nik oqalut­tuun­nis­saat erinigeqaara.”

Allaat Jehovap kif­fai aalajaatsut Jiisusip suli nunarsuarmukan­ngin­nerani inuusimasut ilin­niagas­saqangaatsias­sap­put. Eqqarsaatigiuk qanoq nuan­ner­tigis­sasoq siulit­tuutit Daanialip allatai nam­minerli paasin­ngisai pil­lugit taanna nas­suiaal­lugu imaluun­niit Rutsi No’omilu ilaqutai Mis­siarsimut siuaajusut pil­lugit ilin­niar­til­lugit. (Dan 12:8) Nunarsuarmi ajor­toqarfiun­ngitsumi, naqisimaneqarfiun­ngitsumi allamullu saasaataaf­fiun­ngitsumi nunarsuaq tamak­kerlugu ilin­niar­titseqataanis­sap ila nuan­nerunas­susia!

Makititaasus­sat ilin­niar­tin­nis­saan­nut ikiueriaan­naanias­sagavit maanna qanoq iliuuseqarsin­naavit? Iliuuserisin­naasavit ilagaat ilin­niar­titsil­laq­qin­neruler­nis­sat aamma maan­nak­kut nunarsuaq tamak­kerlugu oqaluus­sinermut peqataasar­nis­sat. (Mat 24:14) Utoq­qalineq imaluun­niit atuk­kat pis­sutigalugit oqaluus­sinermut peqataar­piarsin­naan­ngik­kuit maanna sapin­ngisan­nik oqaluus­seqataasar­nik­kut takutis­sin­naavat siunis­sami makititaasunik ilin­niar­titserusungaarlutit.

Apeq­qutit pingaarutil­lit ukua eqqarsaatiginis­saat pingaaruteqar­poq: Nunarsuarmik kingor­nus­sinis­sat qilanaaringaar­piuk? Nunarsuarmik paratiisin­ngor­titseqataanis­sat makititaasullu ikior­nis­saat ilin­niar­tin­nis­saallu qilanaaraagit? Taamanik­kus­samut nunarsuarmik kingor­nus­seqataaguit sulias­san­nut maanna assingupajaar­tunik suliaqar­nik­kut piareersimanerit takutis­sin­naavat.