1. Jehovap kif­fami qin­nutaat ilaan­nik­kut qanoq akisar­pai?

 NALUN­NGILIUK Jehovap allap qaman­nga pisumik qin­nutaa akiniarlugu illit aqqutigisin­naagaatit? Utoq­qaaner­taagaluaruit, ilagiinni kif­far­tor­tuugaluaruit, pioneriugaluaruit oqaluus­sisar­tuugaluaruil­luun­niit Jehova aqqutigalutit ikiuisin­naavoq. Aamma taamaap­poq inuusut­tuuguit utoq­qaaguil­luun­niit, arnaaguit angutaaguil­luun­niit. Jehovamik asan­nit­toq ikioq­qul­luni qinugaangat amerlaner­tigut Guutitta utoq­qaaner­tat allallu aalajaatsut ‘tup­pal­lersaataangaar­tit­tar­pai’. (Kol 4:11) Qatan­ngutigut taamatut ikiorlugit Jehova kif­far­torfigisin­naagatsigu nuan­naarutigingaar­par­put! Nap­paalanersuaqar­til­lugu, pin­ngor­titami ajunaar­nersuaqar­til­lugu malersugaanermilu qatan­ngutigut ikiorlugillu tup­pal­lersarsin­naavagut.

2. Sooq nap­paalanersuaqar­til­lugu allanik ikiuiniar­neq ajor­nakusoorsin­naava?

² Nap­paalanersuaqar­til­lugu allanik ikiuiniar­neq ajor­nakusoorsin­naavoq. Assersuutigalugu ikin­ngutitsin­nut immaqa pulaarusuk­kaluar­pugut, taman­nali isuman­naatsuus­sagunan­ngilaq. Aamma aningaasakil­lior­tunik neriar­toq­quserusuk­kaluar­pugut, taamaalior­niar­nerli ajor­naatsuin­naan­ngilaq. Imaas­sin­naavoq allanik ikiuerusuk­kaluar­tugut taman­nali ilaqut­tatsin­nik nap­parsimasoqar­nera pis­sutigalugu ajor­nakusoor­toq. Taamaak­kaluar­toq qatan­ngutigut ikiorusup­pagut, sapin­ngisatsin­nillu ikiuigaangatta Jehovap iluarisar­paa. (Uss 3:27; 19:17) Qanoq iliorsin­naavugut?

3. Desip ilagiivini utoq­qaaner­tat qanoq ilin­niarfigisin­naavagut? (Jeremia 23:4)

 ³ Utoqqaanertat qanoq iliorsinnaasut. Utoq­qaaner­taaguit savaatitit ilisarisimal­luak­kit. (Jeremia 23:4 atuaruk). Desi, qatan­ngut allaaserisap siuliani eqqaaneqar­toq, ima oqar­poq: “Utoq­qaaner­tat oqaluus­sisar­toqatigiin­niit­tugut oqaluus­seqatigalutalu sam­misaqaqatigisar­paatigut.” b Utoq­qaaner­tat taak­kua Desi ilisarisimal­luaramikku nap­paas­suaq COVID-19 nal­lium­mat ilaqutaanillu eqqugaasunik annaasaqarmat ikiuinis­sar­tik ajor­nan­ngin­nerutip­paat.

4. Sooq utoq­qaaner­tat Desi ikioriaan­naavaat, ilin­niutis­sar­taalu sunaava?

⁴ Desi nas­suiaavoq: “Utoq­qaaner­tat ikin­ngutitut ilisarisimal­lualereerak­kit qanoq misiginerlunga sunalu ernumas­sutiginerlugu ajor­nan­ngin­nerusumik oqalut­tuus­sin­naavakka.” Utoq­qaaner­tanut ilin­niutis­sar­taa sunaava? Ajor­nar­torsiutit pilinnginneranni qatan­ngutit akisus­saaf­figisatit paaril­luak­kit. Ikin­ngutaagit. Nap­paalanersuaqaler­pat qatan­ngutillu pulaarsin­naajun­naaruk­kit allatut ikiuiniarsarigit. Desi oqar­poq: “Ilaan­nik­kut ullormi ataatsimi utoq­qaaner­tat assigiin­ngitsut sianerfigalungaluun­niit allaf­figisar­paan­nga. Allas­simaf­fiit eqqaasaat ilisimal­luaraluarlugit kil­litsis­sutigisar­pakka.”

5. Qatan­ngutit pisariaqar­titaan­nik utoq­qaaner­tat qanoq paasiniaasin­naap­pat, qanorlu ikiuisin­naap­pat?

⁵ Qatan­ngutit pisariaqar­titaan­nik paasiniaaguit periaaseril­lutit apersorsin­naavatit. (Uss 20:5) Naam­mat­tunik nerisas­saqar­pat, nakorsaatis­saqar­pat allanil­luun­niit pisariaqar­titsip­pat? Sulif­fitsik angerlarsimaf­fitsil­luun­niit annaariaan­naavaat? Pisor­tanut ikioq­qul­lutik saaf­figin­nin­nis­samin­nut ikior­neqar­tariaqar­pat? Desi uppeqatiminit timik­kut pisariaqar­titaminik ikior­neqar­poq. Utoq­qaaner­tanilli asan­nin­nermik ersersitsivigineqar­nini Biibililu tun­ngavigalugu qiim­mas­sar­neqar­nini iluaqutiginer­paavai. Ima oqar­poq: “Utoq­qaaner­tat qinoqatigisar­paan­nga. Oqaasii eqqaamar­pian­ngik­kaluarlugit qanoq misiginerlunga eqqaamavara. Soorlulusooq Jehova oqar­toq: ‘Kisimiin­ngilatit.’” – Es 41:10, 13.

6. Ilagiin­niit­tut uppeqatimin­nik qanoq ikiuisin­naap­pat? (Asseq takuuk).

⁶ Allat qanoq iliorsinnaasut. Utoq­qaaner­tat ilagiin­niit­tunik isumagin­nil­luar­nis­saat naatsorsuutigaar­put. Jehovalli kis­saatigaa tamatta qiim­mas­saal­lutalu ikiuutis­sasugut. (Gal 6:10)  Annikitsun­nguamil­luun­niit nap­parsimasumik ikiuisin­naaner­put qiim­mas­saataangaarsin­naavoq. Meeraq qiim­mas­saaniarluni qatan­ngum­mut allak­kaminik titar­tak­kaminil­luun­niit nas­sius­sisin­naavoq. Inuusut­toq pisinius­sisin­naavoq allatul­luun­niit ikiuul­luni. Ilagiin­niit­tut ilaat nap­parsimasunut iggas­sisin­naap­put pajugutigalugillu. Soorunami nap­paalanersuaq siam­mar­neruler­pat ilagiin­niit­tut tamarmik qiim­mas­sar­neqar­nis­sar­tik pisariaqar­tis­savaat. Immaqa qatan­ngutigut ataatsimiin­nerup kingorna, ataatsimiit­tarfitsinni inter­netik­kul­luun­niit, oqaloqatiginiarlugit isersimanerulaarsin­naavugut. Aamma utoq­qaaner­tat qiim­mas­sar­neqar­nis­samin­nik pisariaqar­titsip­put. Nalunaajaasut ilaat utoq­qaaner­tanut nap­paalanersuaqar­til­lugu ulap­puteqar­tunut qujas­suteqarlutik allagaqarsimap­put. Tamatta ‘qiim­mas­saqatigiit­tuar­nis­samik ineriar­tor­teqatigiit­tuar­nis­samil­lu’ iliuuseqaraangatta nuan­ner­nerusar­poq! – Tes 1. 5:11.

7. Ajunaar­nersuaqar­til­lugu suut nalaan­neqarsin­naap­pat?

⁷ Ajunaar­nersuaqar­til­lugu inuup inuunera allan­ngupal­las­sin­naavoq. Eqqugaasut pigisamin­nik, illumin­nik allaal­luun­niit asasamin­nik annaasaqarsin­naap­put. Aamma uppeqatigut tamak­kunin­nga eqqugaasar­put. Qanoq ikiorsin­naavagut?

8. Ajunaar­nersuaqaler­tin­nagu utoq­qaaner­tat ilaqutariin­nilu ittuusut qanoq iliorsin­naap­pat?

⁸ Utoqqaanertat qanoq iliorsinnaasut. Ilissi utoq­qaaner­taasusi, ajunaar­nersuaqaler­tin­nagu qatan­ngutit piareersimaq­qul­lugit ikiorsigit. Ilagiin­niit­tut tamarmik isuman­naatsumeeq­qul­lugit utoq­qaaner­tanullu attaveqarsin­naaq­qul­lugit qanoq ilior­nis­saan­nik ilitsersuus­sigit. Margaret, allaaserisap siuliani eqqaaneqar­toq, ima oqar­poq: “Utoq­qaaner­tat ataatsimiin­nermi ilagiin­nut naleq­qus­sak­kami pin­ngor­titami ikual­lat­toqaleriataarsin­naaneranik suli aarlerinar­toqar­nera mianersoq­qus­sutigaat. Oqar­put pisor­tat qimaguteq­qusip­pata imaluun­niit takusin­naagutsigu navianar­torsiulerluta nangaanata qimagutis­sasugut.” Pif­fis­saq eqqorlugu tamatumin­nga ilisimatitsip­put, sapaatim­mi-akun­neri tal­limat qaangium­mata pin­ngor­titami ikual­lan­neq siaruaatiler­poq. Ilaqutariit­tut atuaq­qis­saaqatigiin­nermi ittuusup ilaqut­tani ataasiak­kaat qanoq ilior­nis­saan­nik eqqar­tueqatigisin­naavai. Meeq­qasilu piareersarluarsimagussi ajunaar­nersuaqar­nerani eqqis­sisimaan­nar­nis­sarsi ilimanar­nerus­saaq.

9. Utoq­qaaner­tat ajunaar­nersuaq sioq­qul­lugu kingor­nalu qanoq aaq­qis­suus­sisin­naap­pat?

⁹ Oqaluus­sisar­toqatigiin­nik nak­kutil­liisuuguit ajunaar­nersuaqan­ngin­nerani oqaluus­sisar­toqatigiit oqarasuaataasa normui adres­siilu eqqor­tut allat­torsimasuutigik­kit, nutarsar­tuar­tak­killu. Taava ajunaar­nersuaqaler­pat oqaluus­sisar­tut immik­kut tamarmik pisariaqar­titaat paasiniarlugit attavigisin­naas­savatit. Pisariaqar­titaat pil­lugit paasis­sutis­sat utoq­qaaner­taqatigiinni ataqatigiis­saarisumut ingerlateq­qipal­lat­tas­savatit, taas­sumalu ilagiin­nik nak­kutil­liisoq attavigis­savaa. Qatan­ngutit angutit taakku suleqatigiil­luar­nermik­kut ikiuil­luarsin­naap­put. Magaretip ilagiivini utoq­qaaner­tat ikual­lat­toqareer­nerup kingorna qatan­ngutinut 450-inut, angerlarsimaf­fim­min­nik qimatsisariaqar­tunut, attaveqar­niarlutik isumagin­nin­niarlutillu ilungersor­tut ilagiin­nik nak­kutil­liisoq suliaan­nik ataqatigiis­saaril­luni akun­nerit 36-t sinis­siman­ngilaq. (Kor 2. 11:27) Taamaalil­lutik pisariaqar­titsisut tamarmik inis­sin­neqar­put.

10. Sooq utoq­qaaner­tat paarsisuuneq pingaaruteqar­tutut isigaat? (Johan­nesi 21:15)

¹⁰ Utoq­qaaner­tat sulias­saasa ilagaat anersaak­kut  misigis­sutsik­kullu ikiuiniar­neq. (Pet 1. 5:2) Ajunaar­nersuarmik nalaataqar­nermi siul­ler­paajutil­lugu qulak­keer­tariaqar­paat qatan­ngutit tamarmik ajun­ngin­nersut, nerisas­saqar­nersut, atisas­saqar­nersut inis­saqar­nersullu. Tamatumali kingorna eqqugaasut qaam­mater­paalunni anersaak­kut misigis­sutsik­kullu ikior­neqar­tariaqas­sap­put. (Johannesi 21:15 atuaruk). “Qaangiiniar­neq sivisusin­naavoq”, Harold, Immik­koor­tor­taqarfiup Ataatsimiititaliaani kif­far­tor­toq qatan­nguter­pas­suar­nillu ajunaar­nersuarmik eqqugaasimasunik naapitsisimasoq, taama oqar­poq imalu nangil­luni: “Inuunerat ingerlaq­qileraluar­toq asasamin­nik kingor­nus­samin­nillu annaasaqar­ner­tik annaq­qatarsimaner­tillu eqqaamajuaan­nas­savaat. Misigisimasaat misigis­sutsitigut uteq­qiajuarsin­naap­put. Tamanna upper­nikin­nermut ersiutaanani inut­tut qisuariar­neruvoq pis­susis­samisoor­toq.”

11. Ilaqutariit suut pisariaqar­tit­tuaan­nar­paat?

¹¹ Utoq­qaaner­tat allas­simaf­fik una maleruar­tar­paat: “Qiasut qiaqatigisigit.” (Rom 12:15) Utoq­qaaner­tat ajunaar­nersuarmik eqqugaasimasut tup­pal­lersarlugit paasitit­tariaqar­paat Jehovap qatan­ngutimillu asan­nin­nerat suli taan­naajuar­toq. Utoq­qaaner­tat ilaqutariit anersaak­kut iliuuseqar­tuar­nis­saan­nik – ilaatigut qinujuar­tar­nis­saan­nik atuaq­qis­saar­tar­nis­saan­nik, ataatsimeeqataanis­saan­nik oqaluus­seqataanis­saan­nillu – ikiorusup­paat. Aamma utoq­qaaner­tat angajoq­qaat kajumis­saarsin­naavaat ajunaar­nersuarmit aseror­neqarsin­naan­ngitsut eqqarsatiginerusar­nis­saan­nik meeq­qatik ikius­sagaat. Angajoq­qaajususi, meeq­qasi eqqaasit­tarsigit Jehovap ikin­ngutigiuaan­narlugillu anner­toq­qusersor­tuaan­nas­sagaat. Nas­suiaat­tarsigillu nunarsuaq tamak­kerlugu qatan­ngutigiis­suar­nik ikiuiumatuunik anersaak­kut ilaqutaqar­tut. – Pet 1. 2:17.

12. Allat qanoq ikiuiniarsin­naap­pat? (Asseq takuuk).

¹² Allat qanoq iliorsinnaasut. Najuk­kan­nut qanit­tumi ajunaar­nersuaqar­pat qanoq ikiuus­sin­naanerlutit utoq­qaaner­tat aperisin­naavatit. Immaqa eqqugaasut kajumis­sutsimin­nil­luun­niit ikiuun­niar­tut inisimasorisin­naavatit. Immaqaluun­niit oqaluus­sisar­tunut pisariaqar­titsisunut nerisas­sanik allanil­luun­niit aggius­sisin­naavutit. Ungasis­sumi ajunaar­nersuaqaraluar­pal­luun­niit suli ikiuus­sin­naavutit. Qanoq? Eqqugaasut qin­nut­tar­nerisigut. (Kor 2. 1:8-11) Aamma nunarsuaq tamak­kerlugu suliatsin­nut aningaasanik tunis­suteqar­nik­kut ikiuiniar­nermut tapersersuisin­naavutit.  (Kor 2. 8:2-5) Ajunaar­nersuaqarfiusumut ikiuuk­kiar­torsin­naaguit qanoq ikiuus­sin­naanerlutit utoq­qaaner­tat aperik­kit. Aggeq­qusaaguit pitsaaner­paamik ikiuisin­naanias­sagavit ilin­niar­tin­neqas­sagunar­putit.

13. Nunani suliatsin­nik iner­teq­quteqarfiusuni qatan­ngutigut qanoq atugaqar­pat?

¹³ Nunani suliatsin­nik iner­teq­quteqarfiusuni malersugaasut ajor­nar­torsior­tin­neqar­put. Nunani taak­kunani qatan­ngutit suli aningaasaqar­niar­nik­kut ilungersunar­torsior­put, nap­parsimasar­put asasamin­nillu toquk­kut annaasaqar­tarlutik. Suliar­pulli iner­teq­qutigineqarmat imaas­sin­naavoq utoq­qaaner­tat pulaarsin­naanatillu tup­pal­lersar­neqar­nis­samin­nik pisariaqar­titsisut oqaloqatigeriaan­naan­ngik­kaat. Andreip, allaaserisap siuliani eqqaaneqar­tup, tamanna misigaa. Qatan­ngut arnaq oqaluus­sisar­toqatigiivineersoq aningaasatigut ilungersunar­torsior­poq. Tamatumalu saniatigut biilinik ajutoor­poq, arlaleriarlunilu pilatsit­tariaqalerami sulisin­naajun­naar­poq. Suliar­put iner­teq­qutigineqaraluar­toq nap­paalanersuaqaleraluar­torlu qatan­ngutit sapin­ngisamin­nik ikiuun­niarsarip­put, qanorlu pisoqar­toq Jehovap ilisimavaa.

14. Utoq­qaaner­tat Jehovamik tatigin­nin­nermik­kut qanoq maligas­siuisin­naap­pat?

¹⁴ Utoqqaanertat qanoq iliorsinnaasut. Andrei Jehovamut qinusar­poq sapin­ngisaminillu iliuuseqarluni. Jehovap qanoq akivaa? Ilagiin­niit­tut ikiuun­nis­saan­nik kajumis­suseqalersip­pai. Ilaasa qatan­ngut arnaq nakorsiaal­lugu biiliuup­paat. Allallu aningaasatigut ikior­paat. Sapin­ngisamik iliuuseqar­nis­saan­nik Jehovap kajumilersip­pai ikioqatigiin­nerallu pil­luaq­qul­lugu. (Hebr 13:16) Utoq­qaaner­taasusi, suliar­put iner­teq­qutigineqar­til­lugu sulias­sat agguaat­tarsigit. (Jer 36:5, 6) Pingaar­ner­paamillu, Jehova tatigisiuk. Qatan­ngutitta pisariaqar­titaan­nik isumagin­nin­nis­sin­nik ikiorsin­naavaasi.

15. Malersugaanermi qanoq ataasius­suseqaan­narsin­naavugut?

¹⁵ Allat qanoq iliorsinnaasut. Suliar­put iner­teq­qutigineqar­til­lugu imaas­sin­naavoq qatan­ngutitut katerisimaar­nitsinni ikit­tun­nguak­kuutaar­tariaqar­tugut. Taamaat­tumik eqqis­seqatigiit­tuar­nis­sar­put pingaaruteqangaar­poq. Saatani akior­tigu, immitsin­nut pin­nata. Qatan­ngutivit kuk­kuneri isigin­ngitsuusaak­kit, ajor­nar­torsiul­luun­niit aaq­qin­niapal­las­siuk. (Uss 19:11; Ef 4:26) Allanik ikiuinis­san­nut kajumis­suseqarit. (Tit 3:14) Oqaluus­sisar­toqatigiit  qatan­ngum­mik arnamik pisariaqar­titsisumik ikiuinerat sun­niuteqarluar­poq, immin­nut qanin­neruler­put, soorlu ilaqutariit. – Tuss 133:1.

16. Qatan­ngutigut malersugaasut qanoq ikiorsin­naavagut? (Kolos­simiut 4:3, 18)

¹⁶ Naak pisor­tanit kil­lilersugaagaluarlutik qatan­ngutigut tuusintilik­kuutaat Jehovamut kif­far­tor­put. Ilaat upper­ner­tik pis­sutigalugu par­naarus­saaq­qap­put. Taakku ilaqutaallu qin­nus­sin­naavagut. Aamma qatan­ngutit tigusaanis­samin­nik navianar­torsioraluarlutik sapiil­lutik qatan­ngutinut par­naarus­saaq­qasunut anersaak­kut timik­kullu tapersersuisut qatan­ngutigullu eqqar­tuus­sivinni illersuisuusut qin­nus­sin­naavagut. c (Kolossimiut 4:3, 18 atuakkit). Puiun­ngisaan­naruk qatan­ngutitta tamarmik qin­nutitit iluaqutigisin­naam­matigit! – Tes 2. 3:1, 2; Tim 1. 2:1, 2.

17. Malersugaanis­samut maanna qanoq piareersarsin­naavit?

¹⁷ Ilaqut­tatillu malersugaariataar­nis­samut maanna piareersarsin­naavusi. (ApS 14:22) Ajor­tor­pas­suit peratarsin­naasut takorloor­naveersaak­kit. Jehovali qanin­niar­tuaruk aamma meeq­qatit taamaalioq­qul­lugit ikiuk­kit. Ernumaleraangavit uum­mam­miugisatit tamaasa Jehovamut aniatit­tak­kit. (Tuss 62:8, 9) Ilaqutariit­tut eqqar­torsiuk sooq Jehovamik tatigin­nin­nis­samut pis­sutis­saqarluar­toq. d Soorlu meeq­qavit ajunaar­nersuaqar­nis­saanut piareersarsimanersi iluaqutigis­sagaat, taamatut­taaq malersugaanis­samut piareersarussi iluaqutigis­savaat. Jehovamik tatigin­nin­nis­saan­nik ilin­niar­tis­simaguk­kit sapiil­lutillu eqqis­sisimaan­narsin­naap­put.

18. Qanoq siunis­saqar­pugut?

¹⁸ Eqqis­sineq Guutimeersoq toq­qis­sisimas­sutigaar­put. (Flp 4:6, 7) Nap­paas­suit, ajunaar­nersuit malersugaanerillu nalaat­taraluarigut Jehovap qamuuna eqqis­sisimatit­tar­paatigut. Utoq­qaaner­tat eqiasuitsut uagutsin­nut paarsisus­san­ngor­tip­pai. Tamat­talu ikioqatigiin­nis­satsin­nut periarfis­saqar­tip­paatigut. Maanna eqqis­sisimanitsinni siunis­sami misilin­neqaatigisagut artor­nar­nerusut, allaat annikil­lior­nar­tus­sarsuaq, piareersimaf­figisin­naavagut. (Mat 24:21) Taamanik­kus­samut eqqis­sisimaan­nar­nis­sar­put pisariaqar­tis­savar­put allallu aamma eqqis­sisimaan­nar­nis­saan­nik ikiorlugit. Pisus­sarsuup kingorna annikil­liulis­sutigis­satsin­nik nalaataqaq­qis­san­ngilagut. Jehovap aal­laq­qaam­mulli siuner­tarisaa – eqqis­sineq piviusoq ataavar­tus­saq – kiisami misigis­savar­put. – Es 26:3, 4.