Napasuliaq Alapernaarsuiffimmi allaaserisat 2023-mi saqqummersin­neqartut atuaqqis­saarpigit? Apeqqutit tulliuttut akisinnaavigit?

‘Isummap allanngor­tinnissaa’ qanoq paasisariaqarpa? (Rom 12:2)

Ajunngitsuliortarneq pineqaan­nanngilaq. Qamuuna qanoq ittuunerput misissor­tariaqarparput Guutillu najoqqutassiai sapinngisatsinnik maleruar­niassagatsigit pisariaqartumik allannguilluta. – w23.01, qupp. 8-9.

Pisartut malinnaaf­figineranni qanoq silatusaarsin­naavugut?

Pissutsit maanna atuuttut Biibilimi siulittuutinik qanoq eqquutitsisarnersut soqutigaagut. Qanorli pisoqar­nissaanik eqqoriaasaqat­taassan­ngilagut tamanna ilagiinni avissaar­tuutsitsilersin­naammat. Biibililersaarutit Jehovap peqatigiis­sortaanit pilersin­neqartut tunngavigalugit eqqartueqatigiissaagut. (Kor 1. 1:10) – w23.02, qupp. 16.

Jiisusip imermut morsutsin­neqarnera qanoq immikkuul­larissuua?

Inuianni Jehovamut tunniul­luinnarsimasuni inunngorami nammineq Jehovamut tunniul­luinnar­tariaqanngilaq. Naammal­luinnar­tuugami peqqissimis­sutigisariaqak­kaminik ajortuliorsimanngilaq. – w23.03, qupp. 5.

Allat ataatsimiinnerni akinissaannut qanoq kajumis­sisissin­naavagut?

Allat periarfis­sikkumallugit akissutigut naatsuutis­sinnaavagut. Eqqartuk­kagullu amerlaval­laartin­naveersaarutsigit aamma uppeqatitta sammineqartut akissuteqarfigisin­naavaat. – w23.04, qupp. 23.

‘Aqqut Illernartoq’ Esaja 35:8-mi eqqaaneqartoq sumut assersuutaava?

Itsaq juutit Babylonnimiit nunaminnut uterlutik angalaf­figisaat pineqarpoq. Nalitsinnimi? 1919 ukiunik hundredilik­kuutaanik sioqqullugu aqqut piareersar­neqarpoq, ilaatigut Biibilimik nutserinikkut naqiterinikkullu. Guutip innuttai ‘Aqqutikkut Illernartukkut’ ingerlagamik maanna anersaakkut paratiisimiil­lutillu siunissami suli pilluaq­quneqar­nerussapput. – w23.05, qupp. 15-19.

Arnat assersuutaasut marluk Ussatit kapitali 9-mi eqqaaneqartut qanoq ilinniutigisin­naavagut?

Ussatini arnaq sianiis­susermut assersuutaasoq qaaqqusisoq eqqaaneqarpoq, taassumalu “pulaartui toqusut inaata itinersaaniipput”. Arnalli ilisimas­susermut assersuutaasup qaaqqusis­sutaanik akuersisut ‘silassorissutsip aqqutaani ingerlajuarlutillu’ naassaan­ngitsumik inuusin­naapput. (Uss 9:1, 6, 13, 18) – w23.06, qupp. 22-25.

Guutip maniguunnini naleqqus­sarsinnaaninilu Lotsimut tunngatillugu qanoq ersersippai?

Jehovap Lotsi Soodomamiit qaqqanut qimaaqquaa. Lotsilli Soarimut qimaasin­naanerluni kimigiiserfigimmani Jehova akuersivoq. – w23.07, qupp. 21.

Nuliaasoq susinnaava uini pornografiimik isiginnaartarpat?

Imminut pisuutin­naveersaassaaq. Jehovamut attaveqarnini pingaarnertut eqqarsaatigisassavaa arnallu ajornar­torsiutillit Biibilimi oqaluttuarineqartut Jehovamit tuppallersar­neqartut eqqarsaatigeq­qissaar­tarlugit. Ussernar­torsior­titsisinnaasut ingalas­simanis­saannut uini ikiorsinnaavaa. – w23.08, qupp. 14-17.

Upperisarput apeqquser­neqaraangat silatussuseq saamasuunis­satsinnut qanoq iluaqutigisin­naavarput?

Aperisup apeqqutaa soqutigisaanut pingaar­titaanullu ersiutaasutut isiginiar­tarutsigu saamalluta akisinnaas­savarput. – w23.09, qupp. 17.

Nakussatsin­neqarneq pillugu Mariia qanoq ilinniarfigaarput?

Missiarsin­ngortussaq ernerisus­saallugu paasigamiuk Mariia allanit nakussatsin­neqartariaqarpoq. Gaabrialip Elizabettillu Allakkat Illernartut atorlugit nakussatsippaat. Uaguttaaq uppeqatitsinnit nakussatsin­neqarsin­naavugut. – w23.10, qupp. 15.

Jehovap qinnutigut qanoq akisinnaavai?

Jehova neriorsuivoq qinnutigut tusarnaar­tarumaarlugit, siunertaminullu naapertuunnersut eqqarsaatigisarpaa. (Jer 29:12) Qinnutit assigiit assigiin­ngitsumik akisarsinnaavai, tamatigulli ikiortuas­savaatigut. – w23.11, qupp. 21-22.

“Neriuuterput” Romamiut 5:2-mi eqqaaneqariarluni sooq versi 4-mi eqqaaneqaqqippa?

Nutaarsiassat nuannersut tusaqqaarlugit inuk nunarsuarmi paratiisiusumi inuunissamik neriuuteqalersinnaavoq. Annikil­liornermini pinertusaarami Guutimillu iluarineqarluni nalunnginnamiuk neriuutini upperinerulerlugulu inuunermini sunnerneqaatiginerusarlugu. – w23.12, qupp. 12-13.