INUUNIN­NI ul­loq pil­luar­ner­paaf­fiit eq­qarsaatigiuk. Tas­saava ul­loq katif­fiit qitor­nar­taaravil­luun­niit? Imaluun­niit ul­loq kuisif­fiit? Ul­loq kuisif­fiit inuunin­ni pingaaruteqar­ner­paal­lunilu pil­luar­nar­ner­paajuvoq, ilaa? Ul­lormi tamatumani up­peqativit il­lit uum­matik­kut, tar­nik­kut isumak­kul­lu iluun­ngarlutit nukitil­lu tamak­kerlugit Guutimik asan­nin­nerit up­per­narsarit takugamik­ku nuan­naaqaat. – Mark 12:30.

Kuisin­nin­niil­li nuan­naarutis­sar­pas­suaqarsimas­saatit. Oqaluus­sisar­tor­pas­suil­li sior­natigutul­li nuan­naar­tigiun­naarsimap­put. Sooq? Suut pis­sutigalugit Jehovamut kif­far­tor­nitsin­ni nuan­naar­tuarsin­naavugut?

Guutip naalagaaf­fianik tusarlius­saq nuan­naarutaangaar­tar­poq. Jehovami neriorsuivoq naalagaaf­fini aq­qutigalugu silarsuaq ajor­toq man­na piujun­naarsingajalerlugu silarsuar­taas­sarlu pilersis­sal­lugu. Sefaniap al­lagai 1:14-imi ima al­las­simavoq: “Qanil­livoq Naalak­kap [Jehovap, NW] ul­lus­sarsua; qanil­liar­tuler­toqaaq!” Misigigut­tali ilimagisatsin­nit sivisunerusumik utaq­qisimal­luta nuan­naarun­naarlutalu Guutimut kif­far­tor­nitsin­ni tamaviaarun­naarsin­naavugut. – Us­s 13:12.

Qatan­ngutivut peqatigigaangatsigit nuan­naarluta Jehovamut kif­far­tor­tuar­nis­samut kajumis­sisar­pugut. Jehovap in­nut­taasa pis­suserin­nerat pal­lorfigin­nin­nermut ilumoor­tumut kajungilis­sutigisimasin­naavar­put nuan­naarlutalu Guutimut kif­far­tulis­sutigisimasin­naal­lugu. (1 Petr 2:12) Qatan­ngutit­tali ilaat Guutip peq­qus­sutaanik maleruaan­ngin­nini pis­sutigalugu oqaaq­qis­saar­neqarsimasuup­pat ilagiin­niit­tut ilaasa nikal­lus­sutigisin­naavaat.

Aam­ma pigisalerituneq nuan­naarun­naas­sutigisin­naavar­put. Saatanim­mi silarsuaanit isumaqalersin­niar­neqar­pugut pisariaqar­tivin­ngisavut pisiaris­sagivut. Taamaat­tumik Jiisusip oqaasii uku eq­qaamatigit: “Naalak­kanut marlun­nut kif­far­torsin­naasoqan­ngilaq. Aap­paa uumigiguniuk aap­paa asas­savaa, aap­paa tulaavigiguniuk aap­paa asigin­nas­savaa. Guutilu Mam­monilu [pigisal­lu] tamaasa kif­far­torfigisin­naan­ngilasi.” (Mat­t 6:24) Nuan­naarluta Jehova kif­far­torfigiitigalugu silarsuarmiit­tut tamaasa piniarsin­naan­ngilavut.

Jehovamut kif­far­tor­neq taas­sumin­nga asan­nit­tunut ar­tor­nar­tuun­ngilaq. (1 Joh 5:3) Jiisusi ima oqar­poq: “Or­nis­singa tamas­si sulerulut­tusi naner­tugaasusilu, qasuer­tis­savas­si. Nam­maatara ilis­sin­nut pisis­siuk, ilin­niarfigisingalu qanilaarama uum­matik­kul­lu makitajuik­kama; taava qasuerfis­sarsiumaar­pusi tar­nis­sin­nut. Nam­maatarami iluaqaaq, nam­mak­kius­saralu oqeqaluni.” (Mat­t 11:28-30) Kristumiuuner­put uagutsin­nut nukis­saqaler­narlunilu nuan­naarutaavoq. Jehovamut kif­far­tor­nermi  nuan­naar­nis­samut pis­sutis­saqarluar­pugut. Taak­kua ilaat pingasut misis­soriar­tigit. – Hab 3:18.

Inuunermik Tunisiser­put, Guuti pil­luar­toq, kif­far­torfigaar­put. (ApS 17:28; 1 Tim 1:11) Pin­ngor­titsiser­put inuunitsin­nik akiitsugaqarfigigatsigu qanorluun­niit sivisutigisumik kuisimasimagaluarut­ta nuan­naarluta kif­far­torfigiuar­tigu.

Héctor ukiuni 40-ni nak­kutil­liisuusimasoq angalasar­toq ‘utoq­qalingaarluni al­laat’ nuan­naarluni Jehovamut kif­far­tor­poq. (Tus­s 92:13-15) Nuliani nap­parsimam­mat kif­far­tor­nermini iliuuserisin­naasani kil­leqaraluar­tut nuan­naarun­naan­ngilaq. Ima oqar­poq: “Nuliara peq­qiil­liar­tuin­nar­toq takul­lugu alianaraluar­toq paaq­qutarineralu ilungersunaraluar­toq Guutimut ilumoor­tumut kif­far­tor­nin­ni nikal­lus­sutiginian­ngilak­ka. Jehova siuner­taqarluni inum­mik pin­ngor­titsisoq inuunin­nik akiitsugaqarfigaara, taman­nalu taas­suma asangaar­nis­saanut uum­matik­kul­lu iluun­ngarlunga kif­far­torfiginis­saanut pis­sutis­saal­luar­poq. Nikal­lor­toorumananga oqaluus­seqataajuar­niarsarivunga Guutil­lu naalagaaf­fianik neriuut eq­qarsaatin­ni pingaar­ner­paatin­niarlugu.”

Jehovap utertitsissutitut pilliut pilersippaa inuunermik nuannaarutiginnissinnaalersilluta. “Guutim­mi silarsuaq ima asatigaa er­nituani tun­nius­simal­lugu taas­sumun­nga up­per­toq kinaluun­niit tam­maq­qunagu naas­saan­ngitsumil­li inooq­qul­lugu.” (Joh 3:16) Aap, Guutip asan­nil­luni uter­titsis­sum­mik tunis­sutaanik up­perin­nik­kut­ta isumak­keerfigineqarsin­naavugut naas­saan­ngitsumil­lu inuusin­naal­luta. Qujamasun­naqaaq! Qujamasun­ner­pul­lu Jehovamut nuan­naarluta kif­far­tor­nis­samut kajumis­sis­sutigis­savar­put.

Qatan­ngut Jesúsimik atilik Mexicomiu ima oqalut­tuar­poq: “Siul­lermik sulival­laar­tar­punga, ilaan­nik­kul­lu tal­limariarlunga paarlan­neqar­tus­saagaluarlunga atasuin­narmik suliin­nar­tar­punga aningaasarsior­neruniaan­narlunga. Taavali Jehova ilisarisimaler­para inuil­lu pil­lugit Er­nini asasani pil­liutigigaa paasil­lugu. Jehova kif­far­torfigerusungaalerak­ku taas­sumun­nga tun­niul­luin­nar­punga, aalajanger­pungalu ukiuni 28-ni sulif­figisimasan­nit soraarlunga pif­fis­saq tamaat kif­far­tor­tun­ngor­niarlunga.” Taamatut Jesúsip nuan­naarluni Jehovamut kif­far­tor­nini aal­lar­tip­paa.

Minguitsumik inooriaaseqarnerput pilluarnartuuvoq. Jehova ilisarisimalin­ngik­kal­larak­ku inuunerit qanoq ip­pa? Paulusip kristumiut Romamiit­tut ‘sior­nagut ajor­timut inus­siaataasimaneran­nik’ maan­nali naaper­tuil­luar­nermut ‘inus­siaataalersimaneran­nik’ eq­qaasip­pai. Taak­kua minguitsumik inooriaaseqaramik naas­saan­ngitsumik inuunis­saq qilanaarisin­naavaat. (Rom 6:17-22) Aam­ma uagut Jehovap najoq­qutas­siai  maleruaratsigit kinguaas­siuutitigut inuunerlun­nerup nakuuserajut­tuunerul­lu kingunerisaanik aliasun­nis­saraluit pin­ngitsoor­tar­pavut. Taman­nalu nuan­naarutis­sarujus­suuvoq!

Jaime sior­natigut guuteqan­ngin­neraasoq pin­ngoriar­tuaar­nermil­lu up­perin­nit­toq til­luut­tar­tuusimavoq. Jaime kristumiut ataatsimiin­neran­nut najuut­taler­poq tas­sanilu asaqatigiin­neq kil­litsis­sutigalugu. Inuunerluk­kun­naar­niarluni Jehovap piunera up­perilerumal­lugu taas­sumun­nga ikioq­qusariaqar­poq. Ima oqar­poq: “Ataatap asan­nit­tup Guutil­lu naak­kin­nit­tup piunera paasiar­toruusaar­para.” Imalu nangip­poq: “Jehovap najoq­qutas­siaanik naaper­tuil­luar­tunik maleruaajuar­nera il­lersuutigaara. Al­lan­ngorsiman­ngik­kaluaruma im­maqa toqoreeraluar­punga, til­luut­tar­toqatigisarsimasamami ilaat toqutaap­put. Ukiut Jehovamut kif­far­torfigisak­ka ukiuup­put uan­nut pil­luar­nar­ner­paat.”

Silarsuup ajor­tup piujun­naarsin­neqar­nis­saa utaq­qitil­lugu qanoq isigin­nit­taaseqas­saagut? Eq­qaamajuk Guutip piumasaatut ilior­tugut naas­saan­ngitsumil­lu inuunis­saq qilanaaralutigu. Taamaat­tumik “ajun­ngitsulior­neq qatsuteqinatigu, pif­fis­sarmi nal­liup­pat katersuiumaar­pugut qasun­ngik­kut­ta”. (Gal 6:8, 9) Jehovap ikiuineratigut piner­tusaar­ta, ‘an­nikil­lior­titaangaanermil­lu’ aniguiumal­luta pis­suserineqar­tus­sat ilungersorluta ineriar­tor­titsigit, nuan­naarlutalu Jehova kif­far­torfigiuar­tigu. – Saq­q 7:9, 13, 14; Jaak 1:2-4.

Qularin­ngilar­put piner­tusaar­ner­put pil­lugu Jehovap akilerumaaraatigut, taas­sumami suliar­put aam­ma im­minik aterminil­lu asan­nin­ner­put nalun­ngilai. Nuan­naarluta Jehova kif­far­torfigiuarutsigu tus­siaasior­tup Daavip ima oqar­neratut misigis­saagut: “Naalagaq tak­kun­niitit­tuaan­nar­para, taan­na taler­pim­ma tungaaniip­poq, patajaler­navian­ngilangalu. Taamaam­mat uum­matiga nuan­naar­poq tar­nigalu qiim­mat­tarluni, ilumut, timiga isuman­naatsumik ineqas­sal­luni.” – Tus­s 16:8, 9.