1, 2. (a) Qanoq nalun­ngilar­put inuit Jehovamut ikin­ngutaalersin­naasut? (b) Al­laaserisami matumani suna sam­mis­savar­put?

INUN­NGOR­NITSIN­NIIL­LI toqunis­sar­put tikil­lugu asan­nin­nermik pisariaqar­titsivugut. Inuit tamarmik asan­nit­tumik qanimul­lu ikin­nguteqar­nis­sar­tik, asan­nilersoor­ner­tut misigis­susiin­naan­ngitsoq, pisariaqar­tip­paat. Tamanil­li pingaar­nerusumik Jehovamit asaneqar­nis­sar­put pisariaqar­tip­par­put. Guuti anersaajul­luni takus­saan­ngitsuum­mat Qutsin­nerus­saar­tuul­lunilu inup­pas­suit taas­sumin­nga qanimut ikin­nguteqarsin­naaner­tik up­periuminaatsit­tar­paat. Uagul­li taman­na pil­lugu eq­qor­toq ilisimavar­put!

² Biibilimit nalun­ngilar­put inuit Guutimut ikin­ngutaasin­naasut. Inuit taak­ku uagutsin­nut maligas­saal­luar­put. Sooq? Guutimut ikin­ngutaaneq inuunitsin­ni anguniagarisin­naasat­ta pingaar­ner­paar­tarim­magu. Aaperaamik oqalut­tuaq eq­qarsaatigeriar­tigu. (Jaaku 2:23 atuaruk). Qanoq Guutimut ikin­ngutaaler­pa? Aaperaap Guutimut ikin­ngutaanera  up­per­neranik tun­ngaveqarmat ‘up­per­tunut tamanut ataataasutut’ ilisimaneqar­poq. (Rom 4:11) Maligas­siaa eq­qarsaatigiitigalugu im­minut ima aperigit: ‘Aaperaap up­per­nera qanoq ilaarsin­naavara, Jehovamul­lu uanga ikin­ngutaanera qanoq nakus­satsis­sin­naavara?’

3, 4. (a) Aaperaap up­per­nerminik misilin­neqaatiginer­paasimasaa oqalut­tuariuk. (b) Sooq Aaperaap kajumil­luni Iisaaq pil­liutiginiar­paa?

³ Takorlooruk Aaperaat 125-it mis­saan­nik ukioqarluni qaq­qamut majuarusaar­toq. ^[1] Tunuani er­nera, Iisaaq 25-t mis­saan­nik ukiulik, malin­naarusaar­poq. Iisaap qisus­sat ikum­matis­sat nam­map­pai, Aaperaal­lu savik ikitsis­sutis­sal­lu nas­sar­pai. Angalaneq taman­na Aaperaap inuunerani ar­tor­nar­ner­paajusimas­sagunar­poq. Tamatumun­nga ukioq­qor­tunera pis­sutaan­ngilaq, sulimi nukit­toqaaq. Angalaneq taman­na al­lanit tamanit al­laaneruvoq, Jehovam­mi peq­quaa Aaperaap er­ni pil­liutigiar­tus­sagaa! – 1 Mos 22:1-8.

⁴ Pisimasoq taman­na Aaperaap up­per­neranik misilin­neqaatit an­ner­paar­tarigunar­paat. Inuit ilaat oqar­tar­put Guutip Aaperaap er­neranik pil­liiar­toq­qusinera naak­kit­taatsulior­nerusoq. Al­lal­lu oqar­tar­put er­nini asan­ngin­namiuk Aaperaat kajumil­luni taamaalior­niar­toq. Inuit taama oqalut­tar­put up­persuseqan­ngin­namik up­per­nerlu ilumoor­toq suunersoq qanorlu sun­niisar­toq nalugamik­ku. (1 Kor 2:14-16) Aaperaap eq­qarsaq­qaarani Guuti naalan­niaan­narlugu naalan­ngilaa. Ilumoortumik up­persuseqarami naalap­paa. Nalun­ngilaa ajoqutigiuaan­nagas­saminik Jehovap iliuuseqar­tin­navian­ngik­kaani. Aaperaap nalunngilaa naalak­kuni er­nilu Jehovap pil­luaq­qujumaaraatik. Aaperaap taamatut up­perluar­tun­ngor­nerminut suut iluaqutigil­luarsimavai? Ilisimasaqar­neq misilit­tagaqar­nerlu.

5. Aaperaat Jehova pil­lugu qanoq ilisimasaqaler­pa, taman­nalu pis­sutigalugu qanoq misigiva?

⁵ Ilisimasaqarneq. Aaperaat il­loqarfim­mi Urimi peroriar­tor­poq. Inuit tas­sani, aam­ma ataataa, guutipilus­sior­tuup­put. (Jos 24:2) Qanormiuna Aaperaat Jehova pil­lugu ilisimasaqalersimasoq? Biibilimi ersersin­neqar­poq Aaperaap  Semi, Noap er­nera, siuaasarigaa. Semi Aaperaap 150-it mis­saan­nik ukioqaler­nis­saa tikil­lugu inuusimavoq. Semi up­perluar­tuuvoq, Jehovalu pil­lugu kinguaani oqalut­tuut­tarsimagunarlugit. Qulak­keerlugu ilisiman­ngilar­put, ilimanarsin­naavorli taan­na aq­qutigalugu Aaperaap Jehova ilisimasaqarfigilersimas­sagaa. Aaperaap ilik­kak­kani pis­sutigalugit Jehova asaler­paa, ilisimasaqar­ninilu iluaqutigalugu up­per­nini ineriar­tor­til­lugu.

6, 7. Aaperaap misigisani Jehovamut up­per­nerminut qanoq nakus­satsis­sutigai?

⁶ Misilittagaqarneq. Aaperaat Jehovamut up­per­nerminut nakus­satsis­sutaasunik qanoq misilit­tagaqar­pa? Oqar­toqar­tar­poq eq­qarsaatit misigis­suseqalersitsisar­tut misigis­sutsil­lu iliuuseqalersitsisarlutik. Aaperaap Guuti pil­lugu ilisimasani kil­litsis­sutigai, taamaalil­lunilu Jehovamut “Guutimut Qutsin­nerus­saar­tumut, qilam­mik nunamil­lu pin­ngor­titsisumut”, ataq­qin­nis­suseqangaalerluni. (1 Mos 14:22) Ataq­qin­nis­suseqangaar­neq taama it­toq Biibilimi ‘Guutimik mianerin­nin­nermik’ taaneqar­poq. (Hebr 5:7) Guutimut ikin­ngutaal­lualerusuk­kut­ta Guutimik mianerin­nit­tuusariaqar­pugut. (Tus­s 25:14) Taman­nar­piaavorlu Aaperaap Jehovamut naalan­nis­saminut kajumis­sis­sutigisaa.

⁷ Guutip Aaperaat Saralu piumaf­figai najugarisar­tik Uri qimal­lugu nunamut al­lamut nuus­sasut. Inuusuk­kun­naareersimap­put, inuuner­til­lu tamaat tupermi najugaqar­tus­saal­lutik. Taman­na navianar­tor­pas­suaqarsin­naasoq nalun­ngik­kaluarlugu Aaperaat aalajanger­poq Jehova naalan­niarlugu. Naalan­nera pis­sutigalugu Guutip pil­luaq­qul­lugulu ser­nis­sor­paa. As­sersuutigalugu Aaperaat nuliaminik pin­nersumik, Saramik, arsaar­neqarmat nam­minerlu toqun­neqarataan­naal­luni, tupin­nar­tulior­nik­kut Jehovap Aaperaat Saralu ataasiaan­nar­nani il­lersor­tar­pai. (1 Mos 12:10-20; 20:2-7, 10-12, 17, 18) Misigisat taak­ku Aaperaap up­per­nerminut nakus­satsis­sutigai.

8. Jehovamik ikin­nguteqar­nitsin­nut nakus­satsis­sutaasumik qanoq ilisimasaqar­nerulerlutalu misilit­tagaqar­nerulersin­naavugut?

⁸ Jehovamut uagut ikin­ngutaal­lualersin­naavugut? Aap, soorunami! Aaperaatut Jehova pil­lugu ilisimasaqar­tariaqar­pugut. Pisariaqar­tunik ilisimasaqaler­nis­satsin­nut misilit­tagaqaler­nis­satsin­nul­lu periarfis­saqarluar­pugut. Ul­lumik­kut Aaperaap ilisimasaanut naleq­qiul­lugu Biibilimi paasis­sutis­sat atuarsin­naasavut amerlanerungaar­put. (Dan 12:4; Rom 11:33) Biibilimi ‘qilam­mik nunamil­lu pin­ngor­titsisoq’ pil­lugu  paasis­sutis­sar­pas­suaqar­poq. Ilisimasaqar­ner­put kil­litsis­sutigalugu Jehova asalerlugulu ataq­qiler­tar­par­put. Guutimil­lu asan­nin­neq ataq­qin­nin­nerlu taama it­toq kil­litsis­sutigalugu tas­sunga naalaler­tar­pugut. Naalak­kut­talu uagutsin­nik il­lersuinera pil­luaq­qusineralu misigis­savavut, taman­nalu up­per­nitsin­nut nakus­satsis­sutaasumik misilit­tagaqar­nerulis­sutigis­savar­put. Jehova qaman­nga pisumik kif­far­torfigigutsigu nalerisimaarluta, eq­qis­sil­luta nuan­naarlutalu inuus­saagut. (Tus­s 34:9; Us­s 10:22) Ilisimasaqar­nerujar­tor­til­luta misilit­tagaqar­nerujar­tor­til­lutalu taas­sumin­nga ikin­nguteqar­ner­put nakus­satsik­kiar­tuaas­saaq.

9, 10. (a) Ikin­ngutigiit­tuar­nis­samut suna pisariaqar­pa? (b) Aaperaap Jehovamik ikin­nguteqar­nini pingaar­tingaarlugulu nakus­satsin­niar­tuaraa qanoq erser­pa?

⁹ Ikin­ngutigiil­luar­neq nalilerujus­suuvoq. (Ussatit 17:17 atuaruk). Naasulivit­tut akisuutut kusas­saataan­nar­tut in­ngilaq. Naasutul­li kusanar­tutut paarisas­satut imer­tigas­satul­lu ip­poq. Aaperaap Jehovamik ikin­nguteqar­nini pingaar­tingaarlugulu nakus­satsin­niar­tuar­tar­paa. Qanoq iliorluni?

¹⁰ Aaperaat Guutimik mianerin­nin­nini naalan­ninilu ersersin­niarlugit iliuuseqar­tuar­tar­poq. As­sersuutigalugu Aaperaat ilaqut­tani kif­fanilu ilagalugit Kana’animut angalanermini an­ner­tuutigut an­nikitsutigul­lu aalajangiiniar­nermini Jehovamit siulersor­tit­tuar­tar­poq. Iisaap inun­ngor­nis­saa ukiumik ataatsimik sioq­qul­lugu Aaperaat 99-inik ukioqar­toq Jehova piumasaqar­poq Aaperaap inoqutaani angutit tamarmik kipineqas­sasut. Aaperaap Jehovap piumasaa apeq­quser­paa, imaluun­niit naalak­kumanagu utoq­qatsis­sutis­sarsior­pa? Naamik, Jehova tatigalugu “ul­loq taan­nar­piaq” peq­quneqar­nermisut ilior­poq. – 1 Mos 17:10-14, 23.

11. Sooq Sodomap Gomorral­lu suujun­naarsin­neqar­nis­saat Aaperaap isumakuluutigaa, Jehoval­lu qanoq ikior­paa?

¹¹ Aaperaap Jehova aam­ma an­nikitsutigut naalat­tuaramiuk ikin­ngutigiit­tut ataqatigiin­nerujar­tuin­nar­put. Misigivoq sunaluun­niit pil­lugu Jehova oqaloqatigisin­naal­lugu, al­laat paasiuminaatsitaqaruni aperisin­naal­lugu. As­sersuutigalugu Jehova Sodoma Gomorralu suujun­naarsin­niarlugit oqarmat Aaperaat er­numatsap­poq. Sooq? Inuit ajun­ngitsut ajor­tunut ilan­ngul­lugit toqutaanis­saat an­nilaan­ngatigaa. Im­maqa jor­nguni Loti taas­sumalu ilaqutai Sodomami najugaqar­tut isumakuluutigai. Aaperaap Jehova “nunarsuarmik tamarmik eq­qar­tuus­sisuusoq” tatigigamiuk maniguul­luni isumakuluutiminik oqalut­tuup­paa. Jehovap ikin­ngun­ni kamagit­tarfigaa naak­kit­tar­tuuninilu ersersil­lugu. Jehova erseq­qis­saavoq eq­qar­tuus­sigaangami inuit ajun­ngitsut im­mik­koor­tit­tarini an­naal­lugil­lu. – 1 Mos 18:22-33.

12, 13. (a) Aaperaap ilisimasaqar­nini misilit­tagaqar­ninilu kingusin­nerusuk­kut qanoq iluaqutigai? (b) Aaperaap Jehovamik tatigin­nin­nera qanoq erser­pa?

 ¹² Ersarip­poq Aaperaap ilisimasani misilit­tak­kanilu Jehovamut ikin­ngutaajuar­nis­saminut iluaqutigigai. Kingusin­nerusuk­kut Jehova Iisaamik pil­liuteqaq­qusim­mat Aaperaap nalun­ngilaa Jehova kamagit­tar­tuusoq, naak­kit­tar­tuusoq tatiginar­tuul­lunilu il­lersuisar­toq. Aaperaap nalun­ngil­luin­nar­paa Jehova naak­kit­taatsun­ngoriataar­navian­ngitsoq! Sooq taama oqarsin­naavugut?

¹³ Kif­fani qiman­ngitsiarlugit Aaperaap ima oqarfigai: “Siutitoorlu tamaani unin­ngagitsi, uanga nukappiararlu pal­loriar­tus­sagat­ta, uterfigiumaarpassi.” (1 Mos 22:5) Aaperaat qanoq isumaqarluni taama oqar­pa? Nalunagu Iisaaq pil­liutigisus­saal­lugu uterfiginiarlugit oqarami sal­lua? Naagga. Biibilimi al­las­simavoq Aaperaap ilisimagaa Jehovap Iisaaq toqusunit makitis­sin­naagaa. (Hebræerit 11:19 atuaruk). Aaperaam­mi nalun­ngilaa Saralu utoq­qarsuan­ngoreerlutik Jehovap meeraqalersik­kaatik. (Hebr 11:11, 12, 18) Taamaat­tumik nalun­ngilaa Jehovamut ajor­nar­toqan­ngitsoq. Aaperaap ul­loq taan­na qanoq pisoqarumaar­nera ilisiman­ngilaa. Up­peril­luin­nar­paali Jehovap neriorsuutini piviusun­ngor­tik­kumal­lugu Iisaaq makitis­sin­naagaa. Taamaat­tuminguna Aaperaat ‘up­per­tunut tamanut ataataasutut’ ilisimaneqar­toq.

14. Jehovamut kif­far­tor­nin­ni suna il­lit unam­miniar­nar­tuutip­piuk, Aaperaal­lu maligas­siaa qanoq iluaqutigisin­naaviuk?

¹⁴ Ul­lumik­kut Jehovap meeq­qatsin­nik pil­liuteqar­nis­satsin­nik piumaf­figineq ajor­paatigut, peq­qus­sutiminul­li naalan­nis­satsin­nik piumaf­figaatigut. Ilaan­nik­kut peq­qus­sutaanut pis­sutaasoq paasiuminaas­sin­naasar­poq naalan­nis­saal­luun­niit saper­narsin­naasarluni. Il­lit taamatut misiginikuuit? Oqaluus­siniar­neq up­peqatit­ta ilaan­nut saper­narsin­naasar­poq. Im­maqa it­toor­tuup­put inun­nul­lu nalusamin­nut saaf­figin­nin­nis­sar­tik saper­nar­tit­tarlugu. Ilaasa sulif­fim­mi atuarfim­miluun­niit al­laanerunis­sar­tik an­nilaan­ngatigisar­paat. (2 Mos 23:2; 1 Th 2:2) Saper­nar­tis­sin­naasan­nik suliak­ker­neqaraangavit Aaperaap up­per­nera sapiis­susialu eq­qarsaatigisak­kit. Angutit ar­nal­lu up­perluar­tut maligas­siaan­nik eq­qarsaatigin­neq­qis­saar­tarut­ta taak­kua ilaar­nis­saan­nut Jehovamul­lu ikin­ngutaal­luar­nerunis­satsin­nut kajumis­suseqalis­saagut. – Hebr 12:1, 2.

15. Sooq qularin­ngis­sin­naavar­put Aaperaap Jehovamut naalat­tuar­nini peq­qis­simis­sutigin­ngik­kaa?

¹⁵ Aaperaap Jehovap peq­qus­sutaanut naalan­nin­ni peq­qis­simis­sutigaa? Biibilimi al­las­simavoq ‘Aaperaat utoq­qarsuan­ngorluni toqusoq, utoq­qarmut ul­lus­sani naam­matsis­simal­lugit’. (1 Mos 25:8) Aaperaat 175-inik ukioqarluni inuunini kingumut qiviarlugu nalerisimaarutigisimas­saqaa. Sooq? Jehovamut  ikin­ngutaanini pingaar­ner­paajutit­tuaramiuk. Al­las­simam­mat ‘ul­lus­sani naam­matsik­kai’ isumaqan­ngilaq toquin­narusut­toq.

16. Aaperaat paratiisimi sunik nuan­naarutis­saqar­pa?

¹⁶ Biibilimi al­las­simaneratut Aaperaap utaq­qivaa “il­loqarfik aalajaatsunik toq­qavilik sanasua pin­ngor­titsisualu tas­saasoq Guuti”. (Hebr 11:10) Aaperaap up­peraa “il­loqarfik”, tas­sa Guutip naalagaaf­fia, nunarsuarmut aqutsiler­pat inooqataajumaarluni. Takorlooriaruk Aaperaap nunarsuarmi paratiisiusumi inooqataanini Guutimul­lu ikin­ngutaajuar­nini qanoq nuan­naarutigitigis­sagai. Nuan­naarutigis­saqaa tusarlugu up­per­nik­kut maligas­siaa Guutip kif­faasa ukior­pas­suar­ni iluaqutigisimagaat! Paratiisimi paasis­savaa Morijap qaq­qaani pil­liiniar­nini pingaaruteqar­nerungaar­tumut as­sersuutaasoq. (Hebr 11:19) Aam­ma Aaperaap paasis­savaa inup­pas­suit mil­lionil­lit Iisaamik pil­liuteqar­niar­nerminik ar­torsar­nera Jehovap er­nerminik, Jiisusimik, inuian­nut uter­titsis­sutitut pil­liuteqar­nerminik ar­torsangaarsimaneranik paasin­nilis­sutigisimagaat. (Joh 3:16) Tamat­ta Aaperaap maligas­siaa uter­titsis­sum­mut, asan­nin­nermut ersiutaasumut an­ner­paamut, qujamasungaar­nis­satsin­nut iluaqutigaar­put!

17. Il­lit suna aalajangiusimaviuk, al­laaserisamilu tul­liut­tumi suna sam­mis­savar­put?

¹⁷ Qanor­toq tamat­ta Aaperaap up­per­nera ilaar­niar­tigu. Aaperaatul­li ilisimasaqar­neq misilit­tagaqar­nerlu pisariaqar­tip­pavut. Jehova pil­lugu ilin­niar­tuarut­ta naalat­tuarutsigulu pil­luaq­qus­savaatigut il­lersorlutalu. (Hebræerit 6:10-12 atuakkit). Qanor­toq naas­saan­ngitsumik Jehovamut ikin­ngutaagisa! Al­laaserisami tul­liut­tumi aalajaatsut al­lat pingasut Guutimut ikin­ngutaal­luar­tut sam­mis­savavut.