1926-MI Crooksvil­lemi, USA-mi Ohiomiit­tumi, inun­ngor­punga. Angajoq­qaama up­perisarsior­tuun­ngik­kaluarlutik qatan­ngutigiit arfineq-pingasuusugut naalagiaq­qusar­paatigut. Uanga metodistinut naalagiar­tar­punga. 14-inik ukioqar­tunga ukiumi ataatsimi sapaatit tamaasa naalagiar­tarama palasip nersor­naaser­paanga.

Taamani sanilit­ta Margaret Walkerip, Jehovamik Nalunaajaasup, anaanaga Biibili pil­lugu oqaloqatiginiarlugu pulaar­taler­paa. Taamaal­lunga ilaaniarlunga aalajanger­punga. Atuaq­qis­saar­neran­ni ajoqusersuis­sasoralunga anaanama aneeq­quaanga. Eq­qar­tueqatigiin­neran­nili tusar­naar­niarsarisar­punga. Margaretip marloriarluni pulaareerluni aperaanga: “Nalun­ngiliuk Guuti qanoq ateqar­toq?” Akivara: “Kik­kut tamarmik nalun­ngilaat Guutimik ateqar­toq.” Akivaanga: “Biibilit tiguuk taavalu Tus­siaatit 83:19 qup­perlugu.” Qup­perak­ku paasivara Guuti Jehovamik ateqar­toq. Kam­malaatik­ka ar­paan­naq or­nip­pak­ka oqarfigalugil­lu: “Un­nugu angerlarus­si Guuti qanoq ateqar­nersoq paasiumal­lugu Biibilis­sin­ni Tus­siaatit 83:19 qup­pis­savarsi.” Oqar­toqarsin­naavoq ingerlaan­naq oqaluus­sisaler­tunga.

Biibilimik atuaq­qis­saar­taler­punga 1941-milu kuisil­lunga. Sivitsun­ngitsoq ilagiit atuak­kamik atuaq­qis­saaqatigiin­neran­nik aqutsinermik akisus­saaf­filer­neqar­punga. Anaanaga qatan­ngutik­kalu najuuteq­qul­lugit kajumis­saarak­kit tamarmik atuak­kamik atuaq­qis­saar­nermut aqutsisuuf­figisan­nut najuut­taler­put. Ataatagali soqutigin­nin­ngilaq.

Ilagiin­ni akisus­saaf­feqar­neruler­punga Jehoval­lu Nalunaajaasuisa Biibililersaarutaat katersugaatigalugit. Taamaal­luni ataatama atuak­kat tik­kuariarlugit oqarfigaanga: “Uku takusin­naavigit? Maan­ngaan­niit an­nisik­kit, aam­ma il­lit aniniarit.” Anivunga il­loqarfim­mul­lu ungasin­ngitsumut Zanesvil­lemut nuul­lunga, ilaqut­tak­kali qiim­mas­sar­niarlugit pulaaqat­taar­tar­pak­ka.

Anaanaga ataatsimiigiar­niar­toq ataatama unitsin­niar­tar­paa. Ilaan­nik­kut anileraangat malersor­tar­paa  il­lumul­lu iser­teq­qit­tarlugu. Anaanagali matuk­kut al­lak­kut anisar­poq. Anaanaga oqarfigaara: “Isumakulus­san­ngilatit. Malersuisar­nini qatsuk­kumaar­paa.” Pif­fis­sap ingerlanerani ataatama malersus­saar­paa.

1943-mi Teokratiimik Ilin­niarfik pilersin­neqarmat ilin­niar­tutut ilagiin­ni oqalugiar­taler­punga. Saq­qum­mius­sinerup kingor­na siun­nersuutit oqalugial­laq­qin­neruler­nis­san­nut iluaqutigaak­ka.

1944-mi, sorsun­nersuup kingul­liup nalaani, sak­kutuun­ngoq­quneqar­punga. Columbusimi For­t Hayesimukar­punga misis­sor­tik­kiar­torlungalu im­mersuiar­torlunga. Oqar­tus­saasut sak­kutuun­ngorusun­ngin­nin­nik oqarfigigak­kit angerlar­tip­paan­nga. Ul­lul­li arlalialuit qaangium­mata sak­kutuut naalagaat kasut­tor­poq oqarlunilu: “Corwin Robison, eq­qar­tuus­sisup aalajangiineratigut tigusaavutit.”

Sapaatit-akun­neri marluk qaangium­mata eq­qar­tuus­sisup oqarfigaanga: “Uanga aalajangiisus­saasuuguma inuuner­pit sin­nera par­naarus­saatis­sagaluar­pak­kit. Arlaan­nik oqaasis­saqar­pit?” Akivara: “Ataq­qinangaar­tutit, palasitut isigineqar­tus­saagaluar­punga. Matup saavani oqalugiar­tar­tuuvunga, Naalagaaf­fim­mil­lu nutaarsias­saq nuan­nersoq inup­pas­suar­nut oqaluus­sis­sutiginikuuara.” Eq­qar­tuus­sisup inuin­naat eq­qar­tuus­sisus­satut toq­qak­kat saap­pai: “Una angut inuusut­toq palasiunersoq palasiun­ngin­nersorluun­niit aalajangiif­figisus­saan­ngilarsi. Sak­kutuun­ngor­niar­nersoq sak­kutuun­ngor­nian­ngin­nersorluun­niit aalajangiif­figisus­saavarsi.” Minutsit 30-t qaangiutin­ngitsul­luun­niit ukiuni tal­limani Ashlandimi, Kentuckymiit­tumi, par­naarus­sas­san­ngor­tin­neqar­punga.

Sapaatit-akun­neri marluk siul­liit Ohiomi Columbusimi par­naarus­saaq­qavunga ul­lorlu siul­leq ineeq­qan­niigin­narlunga. Jehovamut ima qinuvunga: “Ukiuni tal­limani ineeq­qamiis­sin­naan­ngilanga. Naluara qanoq ilius­sanerlunga.”

Aqaguani par­naarus­sivim­mi paarsisut ineeq­qan­nit anisip­paan­nga. Anguterujus­suaq or­nip­para igalaak­kul­lu itsuan­nisaaqatigalugu. Aperaanga: “Uumaan­nguaaraa, sugavit maaniip­pit?” Akivara: “Jehovamik Nalunaajaasuuvunga.” Oqar­poq: “Nalunaajaasuuit? Soormi maaniip­pit?” Akivara: “Jehovap Nalunaajaasui sorsun­neq ajorlutil­lu toqutsineq ajoramik.” Akivoq: “Toqutsineq ajoravit par­naarus­saavutit. Al­lat toqutsisimagamik par­naarus­saaq­qap­put. Eq­qumiik.” Akivara: “Uangat­taaq paasisin­nan­ngilara.”

Taava oqarfigaanga: “Ukiuni 15-ini al­lami par­naarus­saaq­qal­lunga atuagas­siaatisi atuar­tar­pak­ka.” Taama oqarmat ima qinuvunga: “Jehova, taas­suma il­lersor­tigiler­nis­saanut ikiun­nga.” Taamaalisoq par­naarus­sap, Paulimik atil­lip, oqarfigaanga: “Arlaata at­tor­patit suaagin­nas­savarma. Ikiorumaar­pak­kit.” Tas­sani par­naarus­siviup im­mik­koor­tuaniin­nin­ni par­naarus­sanit 50-nit suneqan­ngilanga.

 Oqar­tus­saasut Ashlandimi par­naarus­sivim­mut nuum­man­nga qatan­ngutit inersimal­luar­tut par­naarus­saaq­qasut naapip­pak­ka. Taak­kua qatan­ngutik­kalu Jehovamut at­taveqar­tuaq­qul­luta ikior­paatigut. Sapaatit-akun­neri tamaasa Biibilimit atuagas­sit­tar­paatigut, ataatsimiin­ner­nul­lu apeq­qutit akis­sutil­lu piareersar­tar­pavut. Inersuarmi iigaq sinerlugu sinif­filim­mi ineqar­pugut. Tas­sani qatan­ngutip angutip oqaluus­siner­put aaq­qis­suut­tar­paa. Oqarfigisar­paanga: “Robison, il­lit sinif­fiit uku ukulu akisus­saaf­figaatit. Tas­saniit­tut oqaluus­sif­figis­savatit. Al­lamut nuun­ngin­nerini oqaluus­sif­figis­savatit.” Taamatut aaq­qis­suus­saasumik oqaluus­sisar­pugut.

1945-mi sorsun­nersuaqarun­naar­poq, tamatumali kingor­na sivisulaamik suli par­naarus­saaq­qavunga. Ataatama ima oqarfigim­manga ilaqut­tak­ka pil­lugit er­numavunga: “Anisis­sin­naagak­kit ilatit aqus­sin­naavak­ka.” Iperagaagamali nuan­nersumik paasisaqar­punga. Ataataga akerlilersuigaluar­toq ilaqut­tak­ka arfineq-marluk ataatsimiin­ner­nut najuut­tarlutil­lu najaga kuisis­simavoq.

Koreami sorsun­neq 1950-imi aal­lar­tim­mat aap­pas­saanik sak­kutuun­ngoq­quneqar­punga. Ilisimatin­neqar­punga For­t Hayesimut nalunaariar­tus­sasunga. Pigin­naanik­ka misis­soreerlugit sak­kutuup naalagaata oqarfigaanga: “Misilitsit­tuni angusil­luar­ner­paat ilagaatsit.” Akivara: “Ajun­ngilaq, kisian­ni sak­kutuun­ngor­navian­ngilanga.” Timotheusimut al­lak­kat aap­paat 2:3 is­suar­para oqarlungalu: “Kristusimut sak­kutuun­ngoreer­nikuuvunga.” Sivisulaamik nipangersimareerluni oqar­poq: “Ingerlaan­narsin­naavutit.”

Tamatuma kingunitsian­ngua Ohiomi Cincin­natimi ataatsimeersuar­nermi Betelimi kif­far­tor­neq pil­lugu ataatsimiisitsinermut najuup­punga. Qatan­ngutip Milton Henschelip oqarfigaatigut qatan­ngutit angutit Naalagaaf­fik pil­lugu tamaviaarlutik sulerusut­tut Betelimi pisariaqar­tin­neqar­tut. Betelimi kif­far­tor­nis­samut qin­nuteqarama akuerisaavunga. 1954-imi aggustimi Brooklynimi kif­far­tuler­punga ul­lorlu man­na tikil­lugu suli Betelimi kif­far­torlunga.

Betelimi sulias­sar­pas­suaqar­tar­punga. Ukior­pas­suar­ni naqiterivis­suar­nik inis­sianil­lu iluarsaas­sisarlungalu maskiinalerisuul­lungalu par­naarsaatinik iluarsar­tuus­sisar­punga. Aam­ma New York Citymi ataatsimeersuar­tarfin­ni sulinikuuvunga.

Betelimi sam­mineqar­tar­tut, soorlu ul­laak­kut Biibilimik eq­qar­tuineq aam­ma Napasuliaq Alapernaarsuiffik-mik atuaq­qis­saaqatigiin­neq, ilagiin­niit­tunil­lu oqaluus­seqateqar­neq nuan­nareqaak­ka. Tamak­ku ilaqutariit Jehovamik Nalunaajaasuusut ileq­quliut­tus­saavaat. Angajoq­qaat meeq­qal­lu ul­lormut al­las­simaf­fim­mik eq­qar­tueqatigiit­tar­nermik­kut, ilaqutariit­tut atuaq­qis­saar­tar­nermik­kut,  ataatsimiin­ner­nut najuut­tar­nermik­kut aal­lus­sil­luarlutil­lu oqaluus­seqatigiit­tar­nermik­kut Jehovamut at­taveqarluar­tuarsin­naap­put.

Betelimi ilagiin­nilu kif­far­tor­tunik ikin­nguter­pas­suaqar­punga. Ilaat tanitaasut qilaliareer­put. Al­lat tanitaan­ngil­lat. Jehovamul­li kif­far­tor­tut tamarmik, aam­ma Betelimi kif­far­tor­tut, naam­mal­luin­nan­ngitsuup­put. Qatan­ngut isumaqatigiin­ngis­suteqarfigisara eq­qis­seqatiginiar­tuaan­nar­para. Mat­thæusip iivangkiiliua 5:23, 24 qanorlu isumaqatigiin­niarsin­naasugut eq­qarsaatigisar­pak­ka. Utoq­qatser­nis­saq ajor­naatsuun­ngilaq, isumaqatigiin­ngis­sutil­li amerlanerit utoq­qatser­nik­kut aaq­qin­neqar­tar­put.

Maan­na ukioq­qor­tusinera pis­sutigalugu il­lumiit il­lumut oqaluus­sinis­sara saper­nar­tip­para, oqaluus­siun­naan­ngilangali. Kinamiutut oqaatsit mandariina atorlugit oqalulaarsin­naagama aq­qusinermi Kinamiut naapitak­ka oqaluus­sif­figisar­pak­ka. Ilaan­ni ul­laak­kut atuagas­siat 30-t 40-l­luun­niit soqutigin­nit­tunut tun­niut­tar­pak­ka.

Al­laat Kinami pulaaq­qiinikuuvunga! Taamaal­lunga ar­nap inuusut­tup inus­siar­nersup naatitanut us­sas­saarutinik agguaasar­tup qungujum­manga qungujup­para Kinamiutul­lu Napasuliaq Alapernaarsuiffik-mik aam­ma Vågn op!-imik neqeroorfigalugu. Tiguai oqarfigalungalu Katiemik ateqarluni. Tamatuma kingor­na naapik­kaangan­ni or­nit­tuar­tar­paanga oqaloqatigiumal­lunga. Naatitat tulut­tut qanoq taaguuteqar­neran­nik ilin­niar­tik­kaangan­ni oqaatsik­ka uteq­qit­tar­pai. Aam­ma Biibilimi al­las­simaf­fin­nik nas­suiaak­kak­ku atuak­kamik Biibilimi ajoqersuutigineqartut-mik pivoq. Kingunerujus­suatigul­li naapis­saar­para.

Qaam­matit arlal­lit qaangium­mata ar­naq al­la us­sas­saarutinik agguaasoq atuagas­sianik neqeroorfigisara akuersivoq. Sapaatip-akun­nera ataaseq qaangium­mat mobilini isaap­paa oqarlunilu: “Kinamut oqalugit.” Akivara: “Kinami nalun­ngisaqan­ngilanga.” Kimigiisermal­li mobili tiguara oqarlungalu: “Aluu, Robison oqaluup­pat.” Akisoqar­pal­lap­poq: “Robby, Katie-una. Kinamut uterama.” Akivara: “Kinamut?” Katie akivoq: “Aap. Robby, ar­naq mobilimik isaas­sisoq qatan­ngutigaara. Ajun­ngitsor­pas­suar­nik ilin­niar­tip­parma. Uan­nik ilin­niar­titsinit­tut taan­na ilin­niar­tis­sin­naaviuk?” Akivara: “Katie, sapin­ngisan­nik ilin­niar­tis­savara. Qujanaq sumiin­nin­nik paasitik­kam­ma.” Tamatuma kingunin­ngua Katiep qatan­ngutaa kingul­lermeerlunga oqaloqatigaara. Neriup­punga ar­nat taak­ku sumiik­kaluar­nersut Jehova pil­lugu an­ner­tunerusumik ilik­kagaqarsimas­sasut.

Maan­na ukiut 73-is­saat Jehova kif­far­torfigaara nuan­naarutigalugulu Jehovap sak­kutuun­ngorusun­ngin­nin­nut tun­ngatil­lugu par­naarus­sivim­milu aalajaan­nis­san­nut ikiormanga. Ataatan­nil­lu akerlilersor­neqar­nin­ni aalajaat­tuar­nera takul­lugu qatan­ngutima nuan­naarutiginerar­tar­paat. Aam­ma anaanaga qatan­ngutik­kalu arfinil­lit kuisip­put. Al­laat ataatama isigin­nit­taatsini al­lan­ngor­tilaar­paa toqun­ngitsiar­nerminilu ataatsimiin­ner­nut najuul­luni.

Guutip piumasarip­pagu ilaqut­tak­ka ikin­ngutik­kalu toqusimasut silarsuas­sami nutaami makitin­neqas­sap­put. Takorlooruk asasavut peqatigalugit Jehovamik pal­lorfigin­nin­ner­put qanoq nuan­ner­tigis­sasoq. *