Jehovap siunertaa eqquutissaaq!
“Oqatsiaannaruma taamaalisissavara, eqqarsatsiaannaruma pilersaarutiga naammassissavara.” – ES 46:11.
1, 2. (a) Jehovap suna paasinarsisippaa? (b) Esaja 46:10, 11-mi aamma 55:11-mi qanoq neriorsuuteqarpa?
BIIBILIP aallaqqaaterpiaani pingaarutilimmik paasiuminartumik ima allassimasoqarpoq: “Pileqqaarneranni Guutip qilak nunalu pinngortippai.” (1 Mos 1:1) Guutip qilammi nunamilu pinngortitarpassuisa ilaminiinnaat takusinnaasavut – soorlu avataarsua, qaamaneq nunallu nutsuinera – paasilluarsinnaanngilavut. (Oqal 3:11) Jehovalli nunarsuarmut inuiannullu siunertani paasinarsisippaa. Inuit immisut pinngortillugillu nunarsuarmi nuannaarlutik inuussasut kissaatigaa. (1 Mos 1:26) Inuit qitornarissavai, Jehovalu taakkununnga Ataataassaaq.
2 Mosesimik allakkat siulliit kapitali 3-mi Jehovap siunertaata unammillerneqarnera atuarsinnaavarput. (1 Mos 3:1-7) Jehovalli ajornartorsiutit suulluunniit aaqqissinnaavai. Kialluunniit unitsissinnaanngilaa. (Es 46:10, 11; 55:11) Jehovap aallaqqaammut siunertaata piffissaq eqqorlugu eqquukkumaarnera qularinngilluinnarsinnaavarput!
3. (a) Biibilimi tusarliussap paasinissaanut ilinniartitsissutit pingaarutillit suut iluaqutigaavut? (b) Sooq ilinniartitsissutit taakku eqqartussavavut? (c) Apeqqutit suut sammissavavut?
Luk 22:19, 20) Inuit pisumi tamatumani pingaarutilimmi najuuttut Guutip siunertaa nuannersoq pillugu paasisaqarnerussapput. Taamaattumik apeqqutit aalajangersimasut inuit najuunnissamut kajumississutigisinnaasaat eqqarsaatigigutsigit pitsaassaaq. Allaaserisami matumani apeqqutit pingasut uku eqqartussavavut: Guutip nunarsuaq inuillu qanoq siunertaqarfigai? Pissutsit qanga ajorsigamik? Aamma sooq Jiisusip utertitsissutitut pilliutaa Guutip siunertaata eqquunnissaanut pingaaruteqarpa?
3 Qularnanngitsumik Guutip nunarsuarmut inunnullu siunertaa Jiisusillu tamatumunnga tunngatillugu pingaaruteqassusia ilisimavavut. Taakku sallusuissutaapput Biibilimeersut pingaaruteqarluinnartut Guutip oqaasia atuaqqissaartaleratsigu immaqa paasisatta siullersaat. Maanna inuit allat ilinniartitsissutinik taakkuninnga pingaarutilinnik ilinniartikkusuppavut. Ukiup taamaalinerani, Kristusip toquneranik eqqaaniaanermut qaaqqusinitsinni, taamaaliornissamut immikkut periarfissaqarpugut. (PINNGORTITSISUP SUNA SIUNERTARAA?
4. Pinngortitap qanoq “oqaluttuaraa Guutip naalannassusia”?
4 Jehova Pinngortitsisuuvoq mianernangaartoq. Pinngortitai tamarmik nalissaqanngillat. (1 Mos 1:31; Jer 10:12) Pinngortitat alutornassusiat aaqqissuussaalluarnerallu qanoq ilinniarfigisinnaavavut? Paasivarput Jehovap pinngortitai tamarmik, minnerpaaniit annerpaanut, iluaqutaasut. Inuup cellea immikkuullarissoq eqqarsaatigigaangakku, inoorlaaq takugaangakku imaluunniit seqernup tarrikkiartornera kusanaqisoq isiginnaaraangakku qanoq misigisarpit? Alutorisarpavut Jehovap suut kusanarluinnarnerannik ilisimannissinnaatilluta pinngortimmatigut. – Tussiaat 19:2; 104:24 atuakkit.
5. Pinngortitat tamarmik ataqatigiilluarniassammata Jehova sua?
5 Jehovap pinngortitani tamaasa killilersoqqissaarpai. Pinngortitami inatsisiliorlunilu ileqqorissaarnermut inatsisiliorpoq. Qilammi nunamilu suut tamarmik ataqatigiilluarniassammata taakkuninnga inatsisiliorpoq. (Tuss 19:8-10) Pinngortitat tamarmik aalajangersimasumik inissinneqarlutillu atuuffilerneqarput. Assersuutigalugu nunap nutsuinerata silaannaq nunarsuarmut qanitsittarlugulu imarpissuit aamma ulittarneq tinittarnerlu aquttarpai. Nunami nutsuineqanngitsuuppat nunarsuarmi uumassuseqassanngikkaluarpoq. Jehovap pinngortitaminik killilersuinera qilammi nunamilu sunik tamanik aaqqissuussaalluartitsivoq. Tamanna nunarsuarmut inunnullu siunertaqarneranik ersersitsivoq. Oqaluussinitsinni inuit allat qilammi nunamilu tupinnaqisunik Pinngortitsisumik ilisarisimannilernissaannut ikiorsinnaavavut. – Saqq 4:11.
6, 7. Jehovap Adamimut Evamullu tunissutaasa erlinnartut ilaat suuppat?
6 Jehovap inuit nunarsuarmi naassaanngitsumik inuunissaat siunertaraa. (1 Mos 1:28; Tuss 37:29) Tukkortuugami Adami Evalu assigiinngitsorpassuarnik erlinnartunik tunissuteqarfigai. (Jaaku 1:17 atuaruk). Jehovap taakku nammineq aalajangiisinnaatillugit, eqqarsarsinnaassuseqartillugit, asannissuseqarsinnaatillugit ikinnguteqarnermillu nuannaarutiginnissinnaatillugit pinngortippai. Pinngortitsisup Adami oqaluukkamiuk ajunngitsuliornissamik ilitsersuuppaa. Tamatuma saniatigut Adamip imminut isumaginissani aamma uumasunik nunamillu isumaginninnissani ilikkarpai. (1 Mos 2:15-17, 19, 20) Jehovap Adami Evalu pinngortitaminik mamassusilinnik nerisinnaanngortillugit, attuisinnaanngortillugit, takunnissinnaanngortillugit, tusaasinnaanngortillugit naamasaqarsinnaanngortillugillu pinngortippai. Taamaalillutik paratiisimi nuannersumi inuunertik pilluaatigisinnaanngorpaat. Adami Evalu soqutiginartunik suliassarpassuaqarput. Qaqugorsuarmut nutaanik ilinniarsinnaallutillu paasisassarsiorsinnaapput.
7 Guutip aamma suna siunertaraa? Jehovap Adami Evalu naammalluinnartunik meeqqiorsinnaatippai. Meeraat aamma meeqqiorsinnaapput nunarsuup ulikkaarnissaata tungaanut. Jehovap inunnik pinngortitaminik siullernik, Adamimik Evamillu, asanninnermisut angajoqqaat qitornaminnik asanninnissaat kissaatigaa. Inuit nunarsuarmik aamma erlinnartunik kusanartunillu tamatumaniittunik tamanik tunivai. Tassani qaqugorsuarmut najugaqartussaapput. – Tuss 115:16.
PISSUTSIT QANGA AJORSIGAMIK?
8. Sooq Guutip Adami Evalu orpiup ataatsip paarnaanik nereqqunngilai?
8 Pissutsilli Jehovap piumasaatut ingerlanngillat. Qanoq pisoqarami? Adamip Evallu kiffaanngissutsimik killeqarnera nalunnginniassammassuk Jehova paasiuminartumik inatsisiliorpoq. Ima oqarpoq: “Naatsiiviup orpii tamaasa neriffigisinnaavatit, kisianni orpik ajunngitsumillu ajortumillu ilisimalersitsisoq neriffigissanngilat, neriffigigaluarukkumi toqussaatit!” (1 Mos 2:16, 17) Inatsit taanna paatsuugassaanngilaq. Aamma naatsiivimmi allanik mamartunik nerisassarpassuaqarmat maleruarnissaa sapernanngilaq.
9, 10. (a) Saatanip Jehova qanoq unnerluutigaa? (b) Adami Evalu suniarlutik aalajangerpat? (Allaaserisap aallaqqaataani assiliaq takuuk).
9 Saatanip Diaavulup pulateriaarsuk atorlugu Eva Ataataminut, Jehovamut, naalanngitsillugu salloqittarpaa. (1 Mosesi 3:1-5 atuakkit; Saqq 12:9) Guutip qitornaasa inuit naatsiiviup orpiinit tamanit nereqqusaannginnerat Saatanip ajornartorsiutinngortippaa. Ima oqarporlusooq: ‘Tassa perusutasi suulluunniit pisinnaanngilisigit?’ Taava Evamut oqarpoq: “Naamik, toqussanngivippusi!” Tamanna salluliorneruvoq. Taava Eva Guutimut naalattariaqanngitsutut isumaqalersinniarlugu Saatani ima oqarpoq: “[Guutip] nalunngilaa neriffigigaluarussiuk isisi uisitaajumaartut.” Saatani oqarpoq Jehovap immikkut ittumik ilisimasaqalernissaat nalunnginnamiuk paarnamik nereqqunngikkai. Naggataatigut ima sallulluni neriorsuivoq: ‘Guutisut ilerumaarpusi ajunngitsoq ajortorlu nalujunnaassallugit.’
10 Adami Evalu qanoq iliorniarlutik aalajangertussanngorpaat. Guuti imaluunniit pulateriaarsuk naalassavaat? Ajoraluartumik Guutimut naalannginniarlutik aalajangerput. Jehova Ataatamissut ajattulerpaat Saatanimullu ililiullutik. Maanna Jehovamit illersorneqarunnaarlutik nammineertussanngorput. – 1 Mos 3:6-13.
11. Sooq Adamip Evallu ajortuliaat Jehovap soqutiginngitsuusaarsinnaanngilaa?
Hab 1:13) Adamip Evallu ajortuliornerat Jehovap iliuuseqarfigisimanngitsuuppagu pinngortitaanut tamanut kingunerlussagaluarpoq. Inngilit inuillu Jehovap oqaasii tutsuigisinnaanerlugit nalornissutigilersimassagaluarpaat. Jehovalli najoqqutassiani maleruartuaannaramigit unioqqutinngisaannarpai. (Tuss 119:142) Adamip Evallu nammineq aalajangiisinnaatitaagaluarlutik Jehovamut pikitsitsinermik kingunipilui avaqqussinnaanngilaat. Naggataatigut toqupput issumillu pigamik issumut uterlutik. – 1 Mos 3:19.
11 Adami Evalu Guutip inatsisaa unioqqutikkamikku naammalluinnartuujunnaarput. Tamatuma saniatigut Guutip ajussuseq uumigimmagu taassumunnga akeranngorput. Guutip ‘isai ajussutsimik isigisaqassallutik minguippallaarput’. (12. Adamip qitornai qanoq atugaqalerpat?
12 Adami Evalu paarnamik nerimmata Jehovap ilaquttamisut isigiunnaarpai. Naatsiivimmit Edenimit anisippai uteqqissinnaajunnaarsillugit. (1 Mos 3:23, 24) Jehova aalajangerpoq aalajangikkamik kingunipilui atussagaat. (5 Mosesi 32:4, 5 atuakkit). Tamatuma kingunerisaanik Jehovap pissusiinik tamakkiisumik ilaarsisinnaajunnaarput. Adamip qitornani naassaanngitsumik inuunissamut periarfissaqarunnaarsippai. Naammalluinnanngissuseq, ajorti toqulu taamaallaat qitornaminut ingerlateqqissinnaavai. (Rom 5:12) Adami Evalu naammalluinnartunik meerartaarsinnaajunnaarput, aamma qitornaat naammalluinnartunik meerartaarsinnaassanngillat. Saatanip Diaavulup Adami Evalu Guutimut akerlilersuilersikkamigilli inuit tamarmik akerlilersuilersinniarlugit sunnerniartualerpai. – Joh 8:44.
UTERTITSISSUTIP PINGAARUTEQASSUSIA
13. Inunnut tunngatillugu Jehovap suna kissaatigaa?
13 Jehovap inuit suli asavai. Adamip Evallu qimakkaluaraanni suli kissaatigaa inuit attaveqarluarfigissagaanni. Taakkuami arlaannaataluunniit toqunissaa kissaatiginngilaa. (2 Petr 3:9) Taamaattumik Guuti inuit ikinngutigileqqinniassammanni ingerlaannaq iliuuseqarpoq. Najoqqutassiani unioqqutinnagit qanoq taamaaliorsinnaagami? Tamanna misissoriartigu.
Adamip Evallu qimammanni Guuti inuit ikinngutigileqqinni assammanni ingerlaannaq iliuuseqarpoq
14. (a) Johannesi 3:16 naapertorlugu inuit ajortimit toqumillu aniguisinniarlugit Guuti sua? (b) Oqaluussinermi apeqqut suna eqqartorsinnaavarput?
14 Johannesi 3:16 atuaruk. Inuppassuit eqqaaniaanermut qaaqqusatta allassimaffik taanna alanngaarsinnaavaat. Jiisusilli imminut pilliutigineratigut naassaanngitsumik inuunissaq qanoq ajornarunnaarpa? Inuit eqqaaniaanermut qaaqqunerisigut, eqqaaniaanermut ilagigaangatsigit kingusinnerusukkullu qaaqqusatsinnut pulaarnitsigut apeqqutip tamatuma akissutaanik paasinninnissamut ikiorsinnaavavut. Utertitsissut paasinerujartortillugu Jehovap inuit qanoq asatigigai qanorlu ilisimassuseqartigisoq paasiartulissavaat. Utertitsissummut tunngatillugu suut oqaluttuarisinnaavavut?
15. Jiisusi Adamimit qanoq allaanerua?
15 Jehovap angut naammalluinnartoq inuunerminik utertitsissutitut pilliuteqarsinnaasoq tunniuppaa. Angut taanna naammalluinnartoq Jehovamik ilumoorfiginnittariaqarpoq. Taassuma inuunini inuit pillugit pilliutigerusuttariaqarpaa. (Rom 5:17-19) Jehovap pinngortitami siullersaata, Jiisusip, inuunera qilammiit nunamut nuuppaa. (Joh 1:14) Taamaattumik Jiisusi inunngorami Adamitut naammalluinnartuuvoq. Adamili assiginagu Jehovap najoqqutassiat inummut naammalluinnartumut maleruaqqusai Jiisusip malippai. Allaat sakkortunerpaamik misilinneqarnermi Guutip inatsisai unioqqutinngisaannarpai.
16. Sooq utertitsissut tunissutaava erlinnartoq?
16 Jiisusip inuttut naammalluinnartutut toqunermigut inuit ajortimit toqumillu annaasinnaavai. Adami naammalluinnartoq assiginagu Jiisusip Guuti ilumoorfigilluinnarlugulu naalalluinnarpaa. (1 Tim 2:6) Uagut pilluta toquvoq, pilliutaalu angutit, arnat meeqqallu tamarmik naassaanngitsumik inuunissamut periarfissaqalissutigaat. (Matt 20:28) Utertitsissut Guutip siunertaata eqquunnissaanut pingaaruteqarluinnarpoq. – 2 Kor 1:19, 20.
JEHOVAP UTERNISSATSINNUT PERIARFISSIPPAATIGUT
17. Utertitsissut tunngavigalugu suna ajornarunnaarpa?
17 Jehovap utertitsissut akisuumik akilerpaa. (1 Petr 1:19) Pingaartingaaramisigut ernerminik asangaakkaminik pilliuteqarnissamut piumavoq. (1 Joh 4:9, 10) Oqartoqarsinnaavoq Adami taarserlugu Jiisusi uagutsinnut ataatanngortoq. (1 Kor 15:45) Jiisusip naassaanngitsumik inuuneqalernissamik periarfissiinnarnata aamma Guutip ilaqutaanut ilaalernissamut periarfissippaatigut. Utertitsissut tunngavigalugu inuit naammalluinnartunngussammata Jehovap inatsisini unioqqutinnagit ilaquttamisut isigeqqilersinnaassavai. Jehovamik ilumoorfiginnittut tamarmik naammalluinnartunngorpata qanoq nuannertigissasoq takorlooruk! Naggataatigut qilammiittut nunarsuarmiittullu tamarmik ilaqutariittut ataasioqatigiilissapput. Tamatta Guutimut qitornaalissaagut. – Rom 8:21.
18. Qaqugu Jehova ‘tamani tamarsuanngussava’?
18 Siuaasavut siulliit imminik ajattuigaluartut inuit asajuaramigit Jehova utertitsissummik aaqqiissutissamik pilersitsivoq. Naammalluinnanngitsuugaluartugut Saatanip Jehovamik ilumoorfiginnikkunnaarsissinnaanngilaatigut. Jehovap utertitsissut tunngavigalugu tamakkiisumik naapertuilluartunngornissatsinnut ikiussavaatigut. “Ernermik takunnittoq upperfiginnittorlu kinaluunniit” naassaanngitsumik inuuneqalerpat inuuneq qanoq issanersoq takorlooruk! (Joh 6:40) Ataatatta asannillunilu ilisimassuseqartup siunertani eqquutitissallugulu inuit naammalluinnartunngoqqullugit ikiussavai. Taava Jehova ‘tamani tamarsuanngussaaq’. – 1 Kor 15:28.
19. (a) Utertitsissummik qujamasuutiginninnerput sunissamut kajumississutigisariaqarparput? (Takuuk ungalusaq “ Qinngaqqunnanngitsunik ujaasiuarisa”). (b) Allaaserisap tulliani suna sammissavarput?
19 Utertitsissummik qujamasuutiginninnerput tunissutip erlinnartup tamatuma allanut oqaluttuarinissaanut kajumississutigisariaqarparput. Utertitsissut tunngavigalugu Jehovap asannilluni inunnik tamanik naassaanngitsumik inuunissamut periarfissiinera inuit paasisariaqarpaat. Tamatumali saniatigut utertitsissut iluaqutigalugu Saatanip naatsiivimmi Edenimi ajornartorsiut pilersitaa aaqqinneqarpoq. Tamanna allaaserisap tulliani samminerussavarput.