UKIOR­PAS­SUAR­NI Biibilimik isor­nar­torsiuisar­tut oqar­tarsimap­put kun­ngi Belshas­sari, Danielip al­lagaani eq­qaaneqar­toq, inuusiman­ngisaan­nar­toq. (Dan 5:1) Taama isumaqar­put inuusimaneranik itsar­nisarsiuut up­per­narsaatis­sarsisiman­ngim­mata. 1854-imili up­per­narsaatit nas­saarineqar­put. Sunik?

Ukiumi tamatumani nunani al­lani tuluit sin­niisuutitaat, J. G. Taylor, itsaq il­loqarfiusimasumi Urimi maan­na Irakip kujataatungaaniit­tumi as­saavoq. Il­loqarfim­mi napasuliarsuarmi marriat arlal­lit al­lan­ner­taqar­tut nas­saarai. Taak­ku ulamer­tuup­put 10 centimeteritut takitigisut kigar­torlugil­lu al­lan­neqarsimasut. Marriat taak­kua ilaan­ni Babylonimi kun­ngi Nabonid, er­neralu angajul­leq Belshas­sari, inuum­mersoq­quneqar­put. Isor­nar­torsiuisut isum­miin­nar­tariaqar­put nas­saat taak­ku Belshas­sarip inuusimaneranut up­per­narsaataasut.

Belshas­saril­li inuusimanera Biibilimi eq­qaaneqaan­narani kun­ngiunera aam­ma eq­qaaneqar­poq. Isor­nar­torsiuisul­li tamatuma ilumoor­nera qularaat. As­sersuutigalugu 1800-kkun­ni Englandimi ilisimatooq, Wil­liam Talbot, al­lap­poq inuit ilaasa up­perigaat Belshas­sarip ataatani Nabonid naalak­kersueqatigisimagaa. Imali nangip­poq: “Tamatumun­nga up­per­narsaateqan­ngivip­poq.”

Taman­nali akerleriis­sutaajun­naar­poq Belshas­sarip ataataa, kun­ngi Nabonid, ukiuni arlalin­ni Babyloni qimal­lugu nunani al­lamiit­tar­neranik marriani al­lani al­las­simasoq paasineqarmat. Aal­laq­qagaangat susoqar­tarsimava? Encyclopaedia Britannica ima paasis­sutis­siivoq: “Nabonidip angalasariaqaraangami oqar­tus­saanini aam­ma sak­kutuuni amerlanersaat Belshas­sarimut isumagisas­san­ngor­tit­tarsimavai.” Taamaat­tumik oqar­toqarsin­naavoq Belshas­sari pif­fis­sami tamatumani Babylonimi naalak­kersueqataasimasoq. Taman­na pil­lugu itsar­nisarsiooq oqaatsinil­lu ilisimatooq, Alan Mil­lard, ima al­lap­poq: “Belshas­sarip ‘kun­ngisut’ Danielip al­lagaani eq­qaaneqar­nera naleq­qup­poq.”

Soorunalimi Guutip kif­faanut Danielimik al­lak­kat tutsuiginar­tuuneran­nut Guutimil­lu isumas­sarsiarititaaneran­nut up­per­narsaat pingaar­ner­paaq tas­saavoq Biibilimut ilan­ngun­neqarsimanera. – 2 Tim 3:16.