ATUAQQISSAAGASSAQ 7
Jehova, Ataatarput, asangaarparput
“Uagut asannippugut taassuma asaqqaarmatigut.” – 1 JOH 4:19.
ERINARSUUT 3 Jehova, neriuffigivatsigit nakuussutigalutillu
QILANAARTUUT *
1-2. Sooq Jehovap ilaqutariissortaminut ilaasinnaalersippaatigut, aamma qanoq?
JEHOVAP ilaqutariissortaminut imminik pallorfiginnittunut qaaqqusimavaatigut. Taamatut periarfissinneqarnitta asseqanngissusia! Jehovap ilaqutariissortai tassaapput Guutimut tunniulluinnarsimasut Ernermilu utertitsissutitut pilliutaanik upperinninnerminnik ersersitsisut. Ilaqutariiuvugut pilluartut. Maannakkut inuunerput siunertaqarluarpoq, naassaanngitsumillu inuulernissamik – nunami paratiisimi imaluunniit qilammi – neriuuteqarnerput nuannaarutigaarput.
2 Jehovap asangaaramisigut ilaqutariissortaminut ilaasinnaalersippaatigut. Tamannali ajornarunnaarsinniarlugu annertuumik pilliuteqarpoq. (Joh 3:16) ‘Akisuumik pisiarineqarpugut.’ (1 Kor 6:20) Utertitsissut iluaqutigalugu Jehovap imminut qanimut attaveqarsinnaatippaatigut. Silarsuarmi kinaassusilinni qutsinnerpaaq Ataatatsitut taasinnaavarput. Aamma soorlu allaaserisap siuliani sammigipput, Jehova Ataataavoq assissaqanngitsoq.
3. Tussiaasiortutut qanoq aperisinnaavugut? (Aamma ungalusaq “ Jehovap maluginiartarpaanga?” takuuk).
3 Imaassinnaavoq tussiaasiortutut ima aperisugut: “Qanoq ilillunga akilissavara Naalagaq uannut ajunngitsuliornerpassui pillugit?” (Tuss 116:12) Ataatattali qilammiusup ajunngitsuliarpassui tamakkiisumik utertillugit akilersinnaanngikkaluarlugit asanissaanut killinneqarpugut. Apustili Johannesi ima allappoq: “Uagut asannippugut taassuma asaqqaarmatigut.” (1 Joh 4:19) Ataatarput qilammiusoq asallugu qanoq ersersissinnaavarput?
JEHOVA QANIMUT ATTAVEQARFIGIUARUK
4. Jaaku 4:8 naapertorlugu sooq Jehovamut ikinngutaanissarput ilungersuutigissavarput?
4 Jehovap kissaatigaa ikinngutigissagitsinni attaveqaqatigissagitsinnilu. (Jaaku 4:8 atuaruk). ‘Qinunitsinni qasusueqqulluta’ kajumissaarpaatigut, tamatigullu tusarnaarusuttarpoq. (Rom 12:12) Jehova tusarnaarnissamut ulapippallaarneq ajorpoq qasulinngisaannarlunilu. Uagut tusarnaartarparput Biibilip atuarneratigut atuakkattalu paasinissaannut Biibililersaarutitta atuarnerisigut. Aamma ataatsimiinnerni malinnaalluarnikkut tusarnaaqqissaartarparput. Soorlu meeqqat angajoqqaatillu oqaloqatigiilluartarnermikkut imminnut qanillisartut uaguttaaq Jehova ikinngutigilluarumallugu attaveqaqatigiuartariaqarparput.
5. Qinnutivut qanoq pitsaanerulersissinnaavavut?
5 Jehovamut qinnutitit eqqarsaatigikkit. Jehovap kissaatigaa uummammiutit tamaasa qinunikkut aniatittassagitit. (Tuss 62:9) Imminut ima aperisariaqarpugut: ‘Qinugaangama oqaasissakka eqqarsaatigilluaqqaarnagit assigiiginnarnik qinusarpunga, imaluunniit uummammiukka tamaasa saqqummiuttarpakka?’ Qularnanngilaq Jehova asangaarit attaveqarfigilluartuarusullugulu. Taamaaliorumallutit akulikitsumik qinunikkut saaffigisariaqarpat. Misigissutsitit, nuannaarutigisatit aliasuutigisatillu pillugit oqaluttuuttaruk. Ikioqqullutit saaffigisinnaallugu upperilluinnaruk.
6. Ataatarput qilammiusoq attaveqarfigilluartuarumallugu susariaqarpugut?
6 Ataatarput qilammiusoq attaveqarfigilluartuarumallugu qujamasuttuartariaqarpugut. Tussiaasiortup allatai uku isumaqatigaavut: “Angingaarput naammassisatit; Naalagaq Guutiga, iluaqutigaavut suliatit pilersaarutitillu tupinnangaartut, ilinnut naleqqiunneqartoqarsinnaanngilaq! Oqaluttuaralugillu tusartikkusukkaluarpakka, amerlavallaaramilli taagorneqarsinnaanngillat.” (Tuss 40:6) Qujamasuttutut misigiinnanngilagut – oqaatsikkulli aamma iliuutsikkut Jehovamut qujamasunnerput ersersittarparput. Taamaaliorneq nalitsinni inuppassuarnit allaanerussutigaarput. Nalitsinni inuit Guutimit tunissutisiatik qujamasuutigerpianngilaat. Biibilimi allassimavoq ‘ullut kingulliit’ inuuffigisatta takussutissaasa ilaat tassaasoq inuit qujasuitsuunerat. (2 Tim 3:1, 2) Uagut taamaakkusunngilluinnarpugut!
7. Jehovap sunissarput kissaatigaa, aamma sooq?
7 Angajoqqaat kissaatigaat meeqqatik kamaannatik ikinngutigiissasut. Tamatumunnga assingusumik Jehovap pallorfiginnitsimi ikinngutigiinnissaat kissaatigaa. Aap, asaqatigiinnerput kristumiutut ilumoortutut ilisarnaatigaarput. (Joh 13:35) Tussiaasiortup allatai uku isumaqatigaavut: “Iluarlunilu nuannillaaraaq qatanngutigiit isumaqatigiillutik najortigiileraangata.” (Tuss 133:1, Testamentitoqaq) Qatanngutitta asanerisigut ersersittarparput Jehova asallugu. (1 Joh 4:20) Ilaqutariissortanut ‘ajunngitsuliorfigeqatigiittunut nallittuisunullu’ ilaanerput nuanningaarami, ilaa? – Ef 4:32.
NAALANNIKKUT ASANNINNERIT ERSERSIGUK
8. Johannesip allagai siulliit 5:3 naapertorlugu Jehovamut naalannissamut pingaarnertut suna pissutaava?
8 Meeqqat angajoqqaaminnut naalattuunissaat Jehovap piumasaraa, aamma uagut naalassagitsinni piumasaraa. (Ef 6:1) Jehova Pinngortitsisuummat, uagutsinnik inuuinnartitsisuummat aamma ataatanit allanit tamanit silatunerpaajummat naalattariaqarparput. Jehovamulli naalannitsinnut pissutaasoq pingaarnerpaaq tassaavoq taassumunnga asanninnerput. (1 Johannesi 5:3 atuaruk). Jehovamut naalannissatsinnut pissutissarpassuaqaraluarluta taamaaliornissamut pinngitsaalineq ajorpaatigut. Jehovap nammineq aalajangiisinnaatippaatigut, taamaattumik asanninnerput tunngavigalugu naalanniarlugu aalajangeraangatta nuannaartarpoq.
9-10. Sooq Guutip najoqqutassiaanik ilisimasaqarneq maleruaanerlu pingaaruteqarpat?
9 Angajoqqaat meeqqamik toqqissisimanissaat kissaatigaat. Taamaattumik meeqqaminnut illersuutaasussanik najoqqutassiortarput. Meeqqat najoqqutassiat taakku maleruaraangamikkit ersersittarpaat angajoqqaatik tatigalugillu ataqqillugit. Taamaattumik suli pingaaruteqarnerungaarpoq Ataatatta qilammiusup najoqqutassiaanik ilisimanninnissarput maleruaanissarpullu. Taamaaliorutta ersersissavarput Jehova asallugulu ataqqigipput, aamma tamanna nammineq iluaqutigissavarput. (Es 48:17, 18) Jehovalli najoqqutassiaanik sumiginnaasut imminut ajoqusiinnartarput. – Gal 6:7, 8.
10 Jehovap iluarisaanik inooriaaseqarneq timikkut, misigissutsikkut anersaakkullu ajoqutigisinnaasatsinnut illersuutigisarparput. Jehovap uagutsinnut suna pitsaanerpaajunersoq nalunngilaa. Aurora, USA-mi najugalik, ima oqarpoq: “Jehovamut naalanneq inuuninnut ajunnginnerpaamik kinguneqartitsisartoq
nalunngilara.” Uagutsinnut aamma taamaappoq. Illit Jehovap asannilluni siulersuineranik naalannerit qanoq iluaqutiginikuuiuk?11. Qinuneq sunissamut iluaqutigisarparput?
11 Qinuneq naalannissamut iluaqutigaarput, aamma naalannissaq sapernaraluaraangat. Ajortiliugatta ilaannikkut Jehovap naalannissaa sapernartissinnaasarparput, ajortulioqqajaanerpulli akiortuartariaqarparput. Tussiaasiortup Guuti ima kimigiiserfigaa: “Anersaaqartinnga [ilinnut] naalasseriartumik!” (Tuss 51:14) Denise, pioneritut kiffartortoq, ima oqarpoq: “Jehovap peqqussutaanik maleruaanissara sapernartikkaangakku eqqortuliorsinnaajumallunga nukissannik qinnuigisarpara.” Qularutiginngissinnaavarput Jehovap qinnutit taama ittut akiuaannassagai. – Luk 11:9-13.
ATAATATTA ASANISSAANUT ALLAT IKIUKKIT
12. Efesosimiut 5:1 naapertorlugu susariaqarpugut?
12 Efesosimiut 5:1 atuaruk. Jehovamut “qitornaasutut asasaasutut” sapinngisatsinnik taanna ilaarusupparput. Asannittuunitsigut, inussiarnersuunitsigut isumakkeerfiginnittarnitsigullu ilaartarparput. Guutimik ilisarisimanninngitsut pissuserinnerput takugunikku Jehova pillugu ilinniarusulersinnaapput. (1 Petr 2:12) Angajoqqaat kristumiut meeqqaminnik pinnittarnerminni Jehovamik ilaarsinissaminnut pissutissaqarluarput. Jehova ilaarunikku meeqqamik namminneq Jehovamut ikinngutaarusulernissaat ilimanarnerussaaq.
13. Sapiinnerulerumalluta susariaqarpugut?
Tuss 34:3) Jehovali pillugu oqaloqatiginnittarnissamut ittoorpallaarutta sussaagut? Qanoq sapiillisinnaavugut? Oqaluussigaangatta Jehovap qanoq nuannaartigisarnera allallu qanoq iluaqutigisinnaaneraat eqqarsaatigigutsigit sapiinnerulersinnaavugut. Jehovap pisariaqartumik sapiissuseqalersissavaatigut. Kristumiut siulliit sapiillisippai, aamma uagut ikiussavaatigut. – 1 Th 2:2.
13 Meeqqap ataatani tulluusimaarutigalugu eqqartortarpaa. Tamatumunnga assingusumik uagut Ataatarput qilammiusoq, Jehova, tulluusimaarutigigatsigu allat ilisarisimalissagaat kissaatigaarput. Kunngip Daavip misigissusii uku nammineq misigaavut: “Naalagaq qiimmattaatigaara.” (14. Sooq oqaluusseqataaneq pingaaruteqarpa?
14 Jehova kinaassusersiortuunngilaq, taamaattumik inunnut qanorluunniit atugaqartunut asannittulioraangatta nuannaartarpoq. (ApS 10:34, 35) Asanninnermik ersersitseriaatsit pitsaanerpaartaasa ilaat tassaavoq nutaarsiassamik nuannersumik oqaluussissutiginninneq. (Matt 28:19, 20) Suliaq tamanna qanoq iluaqutaava? Tusarnaarumasut maanna inuunertik pitsanngortissinnaavaat siunissamilu naassaanngitsumik inuunissamik neriuuteqalerlutik. – 1 Tim 4:16.
ATAATARPUT ASAJUK NUANNAARLUTILLU
15-16. Nuannaarnissamut suut pissutigaavut?
15 Jehova Ataataagami asannittoq ilaquttami nuannaarnissaat kissaatigaa. (Es 65:14) Ajornartorsioraluaruttaluunniit maanna suli nuannaarnissamut pissutissarpassuaqarpugut. Assersuutigalugu nalunngilarput Ataatatta qilammiusup asangaaraatigut. Guutip oqaasianik eqqorluartumik ilisimasaqarpugut. (Jer 15:16) Aamma ilaqutariissortanut immikkuullarissunut Jehovamik asannittunut, taassuma najoqqutassiaanik qutsissunik nuannarinnittunut asaqatigiittunullu ilaavugut. – Tuss 106:4, 5.
16 Siunissami inuunerup suli pitsaanerulernissaa nalunnginnatsigu nuannaartuarsinnaavugut. Nalunngilarput Jehova naalagaaffini aqqutigalugu qanittukkut ajussuseerutsitsiumaartoq nunarsuarmillu paratiisinngortitsiumaartoq. Aamma toqusimasut makititaanissaat najoqqilissagaatigullu nuannerluinnartumik neriuutigaarput. (Joh 5:28, 29) Ila pilluarnarunassusia! Pingaarnerpaatullu, qularinngilluinnarparput ungasinngitsukkut Ataatarput asannittoq pineqartussaanermisut qilammi nunamilu kikkunnit tamanit ataqqineqarlunilu unnersiutigineqarlunilu pallorfigineqassasoq.
ERINARSUUT 9 Jehova kunngigaarput!
^ imm. 5 Nalunngilarput Ataatatta, Jehovap, asangaaraatigut ilaqutariissortaminullu imminik pallorfiginnittunut ilaalersilluta. Tamanna pillugu asavarput. Ataatatsinnik qilammiusumik asanninnerput qanoq ersersissinnaavarput? Iliuuserisinnaasavut aalajangersimasut allaaserisami sammineqassapput.