1. Isumakuluuteqar­nermut suut pis­sutaasin­naap­pat, taman­nalu qanoq uagutsin­nut sun­niuteqarsin­naava?

ISUMAKULUUTEQANGAAR­NIKUUIT? * Im­maqa al­lat oqaasiinit imaluun­niit iliuusiinit ajual­latsin­neqarsimavutit. Imaluun­niit il­lit oqaaserisimasat iliuuserisimasal­luun­niit peq­qis­simis­sutigaat. As­sersuutigalugu im­maqa ajor­tuliorsimavutit er­numas­sutigalugulu Jehovamit isumak­keerfigineqarsin­naanerlutit. Ajor­nerusumil­lu, isumakuluuteqar­nerit pis­sutigalugu isum­mersin­naavutit up­per­nikil­lisimal­lutit inut­tul­lu ajor­tuul­lutit. Taman­nali eq­qor­pa?

2. Biibilimi qanoq ersersin­neqar­pa isumakuluuteqar­neq up­per­nikil­lisimanermut takus­sutaasariaqan­ngitsoq?

² Biibilimi eq­qaaneqar­tut ilaat eq­qarsaatigik­kit. Han­na, pruf­fiitimut Samuelimut anaanan­ngor­toq, up­perluar­tuuvoq. Inoqutimili ilaan­nit ajor­tumik pineqarami aliasuuteqar­poq. (1 Sam 1:7) Apustilip Paulusip up­perluar­tuugaluarluni ‘ilagiit tamaasa er­numas­sutigingaar­pai’. (2 Kor 11:28) Kun­ngi Daavi up­perluar­tuum­mat Jehovap asangaar­paa. (ApS 13:22) Taamaak­kaluar­toq Daavi ajor­tulior­nini pis­sutigalugu isumakuluuteqangaar­poq. (Tuss 38:5) Jehovap kif­fani taak­ku im­mik­kut tup­pal­lersarlugil­lu eq­qis­sisar­pai. Taak­kua qanoq ilin­niarfigisin­naanerlugit sam­meriar­tigu.

3. Sooq al­lat oqaaserisaat pis­sutigalugit isumakulus­sin­naavugut?

³ Inuit al­lat, ingam­mik ikin­ngutit­ta qanigisat­ta ilaqutat­taluun­niit, oqaasii sak­kor­tuut imaluun­niit iliuusii nuan­niitsut pis­sutigalugit eq­qis­siun­naarsin­naavugut. Im­maqa er­numas­sutigaar­put at­taveqaqatigiin­ner­put iluarseq­qin­neqarsin­naanersoq. Ilaan­nik­kut uagutsin­nik ajual­latsitsisup eq­qarsariaq­qaar­nani oqaaserisai an­niutigisin­naavavut misigaluta soorlulusooq panamik kapineqarluta. (Uss 12:18) Imaluun­niit arlaata ajual­latsik­kumal­luta piaaralutik oqaatsit sak­kutut ator­paat. Qatan­ngut ar­naq inuusut­toq taamatut misigisaqar­poq. Ima oqar­poq: “Ukiualuit matuma sior­na ikin­ngutigil­luak­katut isigisama inter­netik­kut oqaatis­suaatigaanga. An­niutigeqaara isumakuluutigalugulu. Paasisin­naan­ngilara sooq ikin­ngutima tatigisama taamatut ajor­tumik pisin­naagaanga.” Il­lit ikin­ngutin­nik ilaqut­tan­nil­luun­niit qanigisan­nik ajual­latsin­neqarsimaguit Han­na ilin­niarfigingaarsin­naavat.

4. Han­nap suut ajor­nar­torsiutigai?

⁴ Han­na ajor­nar­torsiuteqar­poq qaangeruminaatsitaminik. Ukior­pas­suar­ni er­nisuitsuusimavoq. (1 Sam 1:2) Israelimi amerlasuut eq­qarsar­tar­put ar­naq meerar­taarsin­naan­ngitsoq Guutimit perloq­quneqarsimasoq. Taamaat­tumik Han­na kan­ngusup­poq. (1 Mos 30:1, 2) Pis­sutsil­li ajor­neruliin­nar­put. Han­nap uia al­lamik nuliaqar­poq, Penin­na, taan­nalu meeraqarluni. Penin­nap Han­na sin­ngagigamiuk “asis­sor­tar­paa narrunarsar­tarlugulu”. (1 Sam 1:6) Aal­laq­qaam­mut Han­na atuk­kani aliasuutigingaarlugit ‘qiasar­poq neriumananilu’. ‘Isumatsas­simangaar­poq’. (1 Sam 1:7, 10) Han­na qanoq tup­pal­lersar­neqar­pa?

5. Han­nap qinunini qanoq iluaqutigaa?

⁵ Han­nap misigis­sutsini qinunik­kut Jehovamut an­nip­pai. Qinoreerami atuk­kani pil­lugit palasiuneq Eli oqalut­tuup­paa. Taava Elip ima kis­saap­paa: “Eq­qis­sil­lutit aal­larit! Israelip Guutiata qin­nutigisan­nik tunis­savaatit.” Qanoq kinguneqar­pa? Han­na ‘kingumut nerisaler­poq isik­kualu aliasup­pasik­kun­naarluni’. (1 Sam 1:17, 18) Han­na qinugami qamuuna eq­qis­sivoq.

6. Qinunermut tun­ngatil­lugu Han­nap maligas­siaa aam­ma Filip­pimiut 4:6, 7-imilu al­las­simasut qanoq ilin­niarfigisin­naavavut?

⁶ Jehova qin­nuigiuarutsigu qamuuna  eqqis­sisin­naavugut. Han­na Ataataminut qilam­miusumut sivisuumik qinuvoq. (1 Sam 1:12) Aam­ma uagut isumakuluutivut, an­nilaangas­sutivut san­ngiis­sutivul­lu pil­lugit Jehova sivisuumik an­nis­suif­figisin­naavar­put. Qin­nutivut taal­liar­palaar­tariaqaratil­lu oqaatsik­kut torral­lataasariaqan­ngil­lat. Im­maqa ilaan­nik­kut al­laat qial­luta an­nikil­liuutivut pil­lugit Jehova an­nis­suif­figisar­par­put. Jehoval­li tusar­naar­nis­saminut qatsutin­ngisaan­nas­savaatigut. Ajor­nar­torsiutivut pil­lugit qinugaangat­ta siun­nersuut Filippimiut 4:6, 7-imilu al­lan­neqarsimasoq eq­qaamasariaqar­par­put. (Atuakkit). Paulusip im­mik­kut eq­qaavaa Jehova qinunik­kut qujaf­figisariaqarip­put. Jehovamul­lu qujasar­nis­samut pis­sutis­sar­pas­suaqar­pugut. As­sersuutigalugu inuunermik tunivaatigut, pin­ngor­titai alutor­nar­put, ilumoorfigin­nil­luni asan­nip­poq aam­ma nuan­nerluin­nar­tumik neriuuteqalersip­paatigut. Han­na qanoq al­latut ilin­niarfigisin­naavar­put?

7. Han­nap uiatalu suna ileq­qoraat?

⁷ Han­nap ajor­nar­torsiuteqaraluarluni uimi Jehovamik pal­lorfigin­nit­tarfim­mut Shilomiit­tumut ilagisar­nera ileq­qoraa. (1 Sam 1:1-5) Il­ler­nar­tuum­miitil­luni Han­na palasiunermit Elimit kis­saan­neqar­poq qin­nutaa Jehovamit akineqarumaar­toq, taman­nalu Han­nap tup­pal­lersaatigaa. – 1 Sam 1:9, 17.

8. Ataatsimiin­nerit qanoq iluaqutigisar­pavut? Nas­suiaruk.

⁸ Ilagiit ataatsimiit­tar­nerinut najuut­tuar­tarut­ta qamuuna eqqis­sisin­naavugut. Ataatsimiin­neq aal­lar­nerlugu Guutip anersaavata najuun­nis­saa amerlaner­tigut qin­nutigineqar­tar­poq. Eq­qis­sineq anersaap inerititaanut ilaavoq. (Gal 5:22) Isumakuluuteqaraluarluta ataatsimiigiaraangat­ta Jehova qatan­ngutivul­lu uagutsin­nik qiim­mas­saanis­saan­nik periarfis­sit­tar­pavut. Aam­ma isumak­kut uum­matik­kul­lu eq­qis­sinis­samut ikiorsin­naavaatigut. Qinuneq ataatsimiin­neril­lu Jehovap tup­pal­lersaariaasiisa ilagaat pingaaruteqarluin­nar­tut. (Hebr 10:24, 25) Han­nap misigisaa al­la ilin­niarfigisin­naasar­put sam­meriar­tigu.

9. Han­nap atugai qanoq al­lan­ngun­ngil­lat, sunali iluaqutigaa?

⁹ Han­nap ajor­nar­torsiutaa ingerlaan­naq aaq­qin­ngilaq. Han­na il­ler­nar­tuum­mit angerlarami suli Penin­na najugaqatigisus­saavaa. Biibilimilu al­las­siman­ngilaq Penin­nap pis­susilersor­nera al­lan­ngor­toq. Taamaat­tumik taas­suma oqaasii an­ner­nar­tut Han­nap suli naam­magalugit ator­tariaqarsimagunar­pai. Han­nali aliasuk­kun­naar­poq. Ajor­nar­torsiutini Jehovamut isumagisas­san­ngor­tereeramigit Han­na isumakuluk­kun­naar­poq. Jehova tup­pal­lersaanis­saanut eq­qis­sisaanis­saanul­lu periarfis­sip­paa. Pif­fis­sap ingerlanerani Han­nap qin­nutaa Jehovap akivaa, qitor­naqaler­porlu. – 1 Sam 1:19, 20; 2:21.

10. Han­nap maligas­siaa qanoq ilin­niarfigaar­put?

¹⁰ Ajor­nar­tor­siutivut suli atoraluar­lutigit qamuuna eq­qis­sisin­naavugut. Qaman­nga pisumik qinusaraluarluta aam­ma ataatsimiigiar­taraluarluta ajor­nar­torsiutit ilaat suli ator­tariaqarsin­naavavut. Han­nal­li atugaanit erser­poq Jehovap eq­qis­sisarsin­naagaatigut. Jehovap puiun­ngisaan­nas­savaatigut, piner­tusaar­tuarut­talu pil­luaq­qus­savaatigut. – Hebr 11:6.

11. Paulusip suut isumakuluutigisimas­savai?

¹¹ Paulusi isumakulun­nis­saminut pis­sutis­sar­pas­suaqarsimavoq. As­sersuutigalugu qatan­ngutini asasani ajor­nar­torsior­tut er­numas­sutigingaar­pai.  (2 Kor 2:4; 11:28) Paulusi oqaluus­sitil­luni akerlilersor­timinit persut­tar­neqar­poq par­naarus­saal­lunilu. Aam­ma ajor­nar­torsiutit, soorlu pis­saaleqineq, isumakuluutigisar­pai. (Fil 4:12) Inuunerminilu min­ner­paamik pingasoriarluni umiusimagami umiarsuarmik angalanis­sani er­numas­sutigisimas­sagaa takorloorsin­naavar­put. (2 Kor 11:23-27) Paulusip isumakulun­nermini suna iluaqutigisar­paa?

12. Paulusip suna isumakuluk­kun­naamis­sutigaa?

¹² Paulusip qatan­ngutini ajor­nar­torsior­neran­ni isumakuluutigisaramigit ikiorusut­tar­pai. Nalun­ngilaali nam­mineerluni ajor­nar­torsiutaan­nik tamanik aaq­qiisin­naanani. Taamaat­tumik maniguul­luni al­lat ilagiin­nik ikiueqataanias­sam­mata iliuuseqar­poq. As­sersuutigalugu angutit tatiginar­tut soorlu Timotheusi aam­ma Titusi akisus­saaf­filer­pai. Qatan­ngutit suliaat pil­lugit Paulusi isumakuluk­kun­naamisimas­saaq. – Fil 2:19, 20; Tit 1:1, 4, 5.

13. Utoq­qaaner­tat Paulusi qanoq ilaarsin­naavaat?

¹³ Allanut ikioqqugit. Paulusi as­sigalugu nalitsin­ni utoq­qaaner­tat asan­nit­tut ilagiin­ni unam­miniagaqar­tut isumakuluutigisar­paat. Utoq­qaaner­tal­li nam­mineerluni kik­kut tamaasa ikiorsin­naan­ngilai. Maniguuk­kuni angutinut al­lanut piuk­kun­naatilin­nut ikioq­qus­saaq aam­ma angutit inuusut­tut Guutip savaataanik paarsinis­samut ilin­niar­tit­tas­savai. – 2 Tim 2:2.

14. Paulusip suna isumakuluutigin­ngilaa, maligas­siaalu qanoq ilaarsin­naavar­put?

¹⁴ Tuppal­ler­sar­neqar­tariaqar­nerit akueriuk. Paulusi maniguut­tuuvoq taamaat­tumik nalun­ngilaa ikin­ngutiminit qiim­mas­sar­neqar­nis­sani pisariaqar­til­lugu. Qiim­mas­sar­neqarsimanini pis­sutigalugu inun­nit al­lanit san­ngiitsutut isigineqar­nis­sani isumakuluutigin­ngilaa. Fiilimuumut ima al­lap­poq: “Asan­nin­nerit an­ner­tuumik uan­nut nuan­naarutaal­lunilu tup­pal­lersaataavoq.” (Fiil 7) Paulusip an­nikil­liuuteqar­nermini suleqatini tup­pal­liutaasimasut arlal­lit eq­qar­tor­pai. (Kol 4:7-11) Maniguul­luta qiim­mas­sar­neqar­tariaqar­ner­put akuerigutsigu qatan­ngutit­ta pisariaqar­titatsin­nik tapersersorusus­savaatigut.

15. Paulusip erloqinar­torsior­nermini suut iluaqutigai?

¹⁵ Guutip oqaasianit siulersortigit. Paulusip nalun­ngilaa Al­lak­kat tup­pal­lersaatigisin­naal­lugit. (Rom 15:4) Aam­ma  misilin­neqar­nermi ilisimas­suseqar­nis­saminut iluaqutigai. (2 Tim 3:15, 16) Romami aap­pas­saanik par­naarus­saaq­qagami Paulusip ilimagaa toqus­si qanil­lisoq. Pisumi erloqinar­tumi tamatumani Paulusi qanoq ilior­pa? Timotheusi “map­persak­kat” nas­sarlugit aggipal­las­sin­naanersoq aperaa. (2 Tim 4:6, 7, 9, 13) Sooq? “Map­persak­kat” taak­ku tas­saasimasin­naam­mata Al­lak­kat Hebræerisuut ilaat Paulusip nam­mineq atuaq­qis­saar­nermini atorsin­naasai. Paulusi ilaarlugu Guutip oqaasianik atuaq­qis­saar­tar­nitsigut Jehovap qanorluun­niit misilin­neqar­nitsin­ni eq­qis­sisarsin­naavaatigut.

16. Daavi ingasat­tumik ajor­tuliorami qanoq misigiva?

¹⁶ Daavi ingasat­tumik ajor­tulior­poq. Batseba al­lasiorfigaa, uia toqutaatip­paa ajor­tulianilu al­lanut iser­tuun­niarsaralugit. (2 Sam 12:9) Aal­laq­qaam­mut Daavi ilerasun­ngilaq. Tamatuma kingunerisaanik Jehovamut at­taveqar­nini in­narliin­nar­nagu misigis­sutsik­kut timik­kul­lu im­minut naal­liutsip­poq. (Tuss 32:3, 4) Ingasat­tumik ajor­tulior­nermi kinguneranik isumakulun­nermini Daavip suna iluaqutigaa, aam­ma uagut ingasat­tumik ajor­tuliorsimagut­ta suna iluaqutigisin­naavar­put?

17. Tus­siaat 51:3-6 Daavip ilumoorluni peq­qis­siminera qanoq al­laatigineqar­pa?

¹⁷ Qinunik­kut isumak­keer­figeq­qugit. Naggataatigut Daavi Jehovamut qinuvoq. Ilumoorluni peq­qis­simigami ajor­tuliorsimanini nas­suerutigaa. (Tussiaat 51:3-6 atuakkit). Taman­na oqilial­laatigaa nuan­naaq­qiler­nis­saminul­lu iluaqutigalugu! (Tuss 32:1, 2, 4, 5) Il­lit ingasat­tumik ajor­tuliorsimaguit kuk­kus­sutigisat iser­tuun­nias­san­ngilat. Ajor­tulial­li Jehovamut qinunik­kut nas­suerutigiuk. Taava kingunerisaanik qamuuna eq­qis­sinerus­saatit ilerasuk­kun­naamil­lutil­lu. Jehovamul­li ikin­ngutaaleq­qik­kumaguit qinuner­pit saniatigut aam­ma al­lamik iliuuseqar­tariaqar­putit.

18. Daavi perorsaatis­sin­neqarami qanoq qisuariar­pa?

¹⁸ Peror­saatis­sin­neqar­nerit akueriuk. Daavip ajor­tuliai pil­lugit Jehovap pruf­fiiti Natani Daavimut oqaloqateqariar­tor­tik­kamiuk Daavi utoq­qatsis­sutis­sarsiun­ngilaq ajor­tulianiluun­niit suun­ngitsutut isigilersin­niarsarinagit.  Batsebap uianuin­naan­ngitsoq aam­mali pingaar­ner­tut Jehovamut ajor­tuliorsimanini ingerlaan­naq nas­suerutigaa. Daavip Jehovamit perorsaatis­sin­neqar­nini akueraa, Jehoval­lu Daavi isumak­keerfigaa. (2 Sam 12:10-14) Ingasat­tumik ajor­tuliorsimagut­ta Jehovap savaatitut uagutsin­nik paarsisus­satut toq­qagaanik oqaloqateqar­tariaqar­pugut. (Jaak 5:14, 15) Im­minul­lu il­lersor­nias­san­ngilagut. Perorsaatis­sin­neqar­neq akueralugu maleruarutsigu qamuuna eq­qis­sil­lutalu nuan­naaleq­qis­sin­naavugut.

19. Qanoq iliun­ngin­nis­sar­put aalajangiusimas­savar­put?

¹⁹ Ajor­tuliarisimasavit ajor­tuliareq­qin­ngin­nis­saat aalajangiusimajuk. Kun­ngip Daavip nalun­ngilaa ajor­tuliarisimasani ajor­tuliareq­qik­kumanagit Jehovamit ikior­neqar­nis­sani pisariaqar­til­lugu. (Tuss 51:9, 12, 14) Jehovamit isumak­keerfigineqareerami Daavip aalajangiusimavaa eq­qarsaatipalaat ingalas­simal­luin­nar­niarlugit. Tamatuma kingunerisaanik qamuuna eq­qis­seq­qip­poq.

20. Qanoq Jehovap isumak­keerfigin­nit­tar­nera qujamasuutigalugu ersersis­sin­naavar­put?

²⁰ Jehovap isumak­keerfigin­nin­nerata qujamasuutiginera qanoq ersersis­sin­naavar­put? Qinunik­kut isumak­keerfigeq­qusariaqar­pugut, perorsaatis­sin­neqar­ner­put akueralugu ajor­tuliarisimasat­talu ajor­tuliareq­qin­ngin­nis­saat ilungersuutigalugu. Taamaaliorut­ta qamuuna eq­qis­sis­saagut. Jamesip ingasat­tumik ajor­tuliorsimasup tamatuma ilumoor­nera misigaa. Ima oqalut­tuar­poq: “Ajor­tuliorsimanera utoq­qaaner­tanut nas­suerutigigak­ku misigivunga soorlulusooq oqimaatsorsuaq iperarlugu. Qamuuna eq­qis­seq­qip­punga.” Jehovap ‘sequmis­simasumik uum­matil­lit qanik­kai, aseror­tersimasumil­lu anersaal­lit an­naat­tarai’ ilisimal­lugu qiim­maal­lan­nangaarami, ilaa? – Tuss 34:19.

21. Jehovamit qanoq tup­pal­lersar­neqarsin­naavugut?

²¹ Naggatis­saq qanil­liar­tor­til­lugu er­numas­sutivut amerliar­tuin­nas­sap­put. Isumakuluuteqaruit Jehovamut ingerlaan­naq ikioq­qugit. Biibili peq­qis­saar­tumik atuar­taruk. Han­nap, Paulusip Daavil­lu maligas­siaat ilin­niarfigik­kit. Isumakuluutitit sor­piaanersut paasiumal­lugit Ataatan­nut qilam­miusumut qinunik­kut ikioq­qugit. (Tuss 139:23) Ajor­nar­torsiutitit taas­sumun­nga isumagisas­san­ngor­tik­kit, ingam­mik il­lit nam­mineq iliuuseqarfigisin­naan­ngik­kuk­kit. Taamaalioruit tus­siaasior­toq isumaqatigis­savat, taan­nami Jehovamut ima erinarsor­poq: “Eq­qarsaatima eq­qis­siviil­lior­tileraangan­nga tup­pal­lersaaner­pit nuan­naalersit­tar­paanga.” – Tuss 94:19.