ATUAQQISSAAGASSAQ 5
‘Angutip kialuunniit Kristusi niaqoraa’
‘Angutip kialuunniit Kristusi niaqoraa.’ – 1 KOR 11:3.
ERINARSUUT 9 Jehova kunngigaarput!
QILANAARTUUT *
1. Sooq angutit ilaasa nuliaminnut meeqqaminnullu oqartussaassuseqarnertik atornerluttarpaat?
OQAASEQ “oqartussaassuseq” tusaraangakku qanoq eqqarsartarpit? Angutit ilaasa kulturertik peroriartorsimanertillu sunniuteqartillugit nuliaminnut meeqqaminnullu oqartussaassuseqarnertik atornerluttarpaat. Janita, qatanngut Europami najugalik, ima oqarpoq: “Maani inuppassuit isumaqarput arnat angutiniit nikanarnerugamik kiffaannaasussaasut.” Qatanngut Lukemik atilik USA-mi najugalik ima oqarpoq: “Angutit ilaasa ernitik oqarfigisarpaat arnat kusassaataannaasut isumaallu pingaaruteqanngitsut.” Angutit nuliaminnik taama pinnittarnissaat Jehovap kissaatigaa? Naamik. (Markusi 7:13 naleqqiuguk). Taavami angutip ilaquttaminut oqartussaassuseqarnini qanoq ajunngitsumik atorsinnaavaa?
2. Ilaqutariinni niaquusup suut ilisimasariaqarpai, aamma sooq?
2 Ilaqutariinni niaquusup oqartussaassuseqarnini ajunngitsumik atussaguniuk Jehovap qanoq piumasaqarfigineraani paasisariaqarpaa. Aamma sooq oqartussaassusiliisarnersoq qanorlu Jehova Jiisusilu ilaarsinnaanerlugit ilisimasariaqarpaa. Sooruna? Jehovap ilaqutariinni niaquusut oqartussaassuseqartimmagit, naatsorsuutigimmagulu tamanna ajunngitsumik atussagaat. (Luk 12:48b) Tamatumunnga tunngatillugu Jehova maligassiuilluarnerpaavoq. Tamanna misissulaariartigu.
JEHOVAP ILAQUTARIISSORTANI QANOQ AAQQISSUUSSIMAGAI
3. Oqartussaassuseqarnermut tunngatillugu Korinthimiunut allakkat siulliit 11:3 qanoq ilinniarfigaarput?
3 1 Korinthimiut 11:3 atuaruk. Jehovap nunami qilammilu ilaquttaminik aaqqissuussinera versimi tamatumani allaatigineqarpoq. Jehova kikkunnut tamanut ‘niaquugami’ oqartussaassuseqarnerpaavoq, taamaattumillu kinaluunniit Jehovamit akisussaatitaassaaq. Aamma Jehovamit oqartussaassusilerneqarsimasunut taamaappoq. (Rom 14:10; Ef 3:14, 15) Assersuutigalugu Jehovap Jiisusi ilagiinnut oqartussaassusilerpaa, Jiisusili ilagiinnik qanoq pinnittarnini tunngavigalugu Jehovamit akisussaatitaassaaq. (1 Kor 15:27) Aamma uiusoq nuliaminut meeqqaminullu Jehovap oqartussaassusilerpaa, uiusorli ilaquttaminik qanoq pinnittarnini tunngavigalugu Jehovamit Jiisusimillu akisussaatitaassaaq. – 1 Petr 3:7.
4. Jehova Jiisusilu qanoq iliorsinnaatitaappat?
4 Jehova oqartussaassuseqarnerpaajugami malittarisassiorsinnaatitaavoq, qitornaminillu malittarisassanik maleruaanngitsunik oqaaqqissaarisinnaatitaavoq. (Es 33:22) Aamma Jiisusi ilagiinnut niaquugami taamaaliorsinnaatitaavoq. – Gal 6:2; Kol 1:18-20.
5. Ilaqutariinni kristumiuusuni niaquusoq qanoq iliorsinnaatitaava, oqartussaassusiali qanoq killeqarpa?
5 Jehova Jiisusilu ilaarlugit ilaqutariinni kristumiuusuni niaquusoq ilaquttaminut malittarisassiorsinnaatitaavoq. (Rom 7:2; Ef 6:4) Killilimmilli oqartussaassuseqarpoq. Assersuutigalugu malittarisassioraangami Biibilimi najoqqutassiat tunngavigisartussaavai. (Uss 3:5, 6) Tamatuma saniatigut ilaqutarinngisaminut malittarisassiorsinnaatitaanngilaq. (Rom 14:4) Aamma qitornani inersimasut imminni najugaqarunnaartut oqartussaassuseqarfigiunnaartarpai. – Matt 19:5.
SOOQ JEHOVA OQARTUSSAASSUSILIIVA?
6. Sooq Jehova oqartussaassusiliiva?
6 Jehovap ilaquttani asavai. Tamanna tunngavigalugu oqartussaassusiliivoq ilaquttani eqqisseqatigiillutillu aaqqissuussaalluartumik kiffartorsinnaaqqullugit. (1 Kor 14:33, 40) Erseqqissumik oqartussaassusiliisimanngitsuuppat Jehovap ilaqutariissortai aaqqissuussaanerlunnertik nuanniilliuutigissagaluarpaat. Assersuutigalugu ilisimaneqassanngikkaluarpoq kina aalajangiisuusassanersoq kinalu aalajangikkanik piviusunngortitsisassanersoq.
7. Efesosimiut 5:25, 28-lu naapertorlugit Jehovap angutit arnanut qanoq pinnittaqquai?
7 Guutip oqartussaassusiliinera taama iluaqutaatigippat sooq arnarpassuit uiminnit naqisimaneqartutut naalagaaniarfigineqartutullu misigisarpat? Anguterpassuit Jehovap ilaqutariinnut najoqqutassiaanik maleruaannginnerat tamatumunnga pissutaavoq. Immaqa najukkaminni ileqqorineqartunut maleruutiinnartarput, imaluunniit namminissarsiorlutik nuliatik ajortumik pisarpaat. Assersuutigalugu uiusut ilaat pingaaruteqarnerusutut misigiumallutik “angutivittulluunniit” isigineqarusullutik nuliaminnut naalagaaniartarput. Eqqarsarsinnaapput nuliatik pinngitsaalillugit asannitsissinnaannginnamikkit aqukkumallugit qunusiarisariaqarlugit. * Angutit taamaattut Jehovap iluarinngilai, Jehovammi piumasaraa arnat ataqqineqarlutillu pingaartinneqassasut. – Efesosimiut 5:25, 28 atuakkit.
ANGUTIP ILAQUTARIINNI NIAQUULLUARNISSANI QANOQ ILIKKARSINNAAVAA?
8. Angutip ilaquttaminut niaquulluarnissani qanoq ilikkarsinnaavaa?
8 Angutip Jehovamik Jiisusimillu ilaarsinermigut ilaquttaminut niaquulluarnissani ilikkarsinnaavaa. Jehovap Jiisusillu pissusaat marluk sammeriartigit. Ilaqutariinni niaquusup pissusilersornermigut pissutsit taakku marluk nuliaminut meeqqaminullu qanoq ersersissinnaavai?
9. Jehovap maniguunnini qanoq ersersittarpaa?
9 Maniguunneq. Jehova kikkunnit tamanit silatunerpaajuvoq. Taamaattorli kiffani isummaminnik annissuisut tusarnaartarpai. (1 Mos 18:23, 24, 32) Aamma oqartussaassuseqarfigisani siunnersuuteqartittarpai. (1 Kng 22:19-22) Jehova ajugaqanngitsuuvoq, pisinnaasagulli sinnerlugit piumaffigineq ajorpaatigut. Paarlattuanik iluatsilluartumik kiffartorsinnaaqqulluta ikiortarpaatigut. (Tuss 27:9; 113:6, 7; Hebr 13:6) Kunngip Daavip nassuerutigaa Jehovap maniguulluni ikiorsimanngitsuuppani imminut suliassiissutigineqartoq naammassisinnaasimanaviarnagu. – 2 Sam 22:36.
10. Jiisusi maniguunnermik qanoq ersersitsiva?
10 Jiisusip maligassiaa eqqarsaatigiuk. Ilinniartitaminut naalagaagaluarluni taakku isigaat asappai. Sooq Jehovap oqaluttuaq taanna Biibilimut ilaatippaa? Kikkulluunniit, aamma ilaqutariinni niaquusut, maligassikkumagamigit. Jiisusi ima oqarpoq: “Maligassippassi uanga ilissinnut iliornittut ilioqqullusi.” (Joh 13:12-17) Jiisusip oqartussaassuseqangaaraluarluni kiffartuunneqarnissani naatsorsuutiginngilaa, namminerli allat kiffartuuttarpai. – Matt 20:28.
11. Ilaqutariinni niaquusup maniguunnermut tunngatillugu Jehova Jiisusilu qanoq ilinniarfigisinnaavai?
11 Qanoq ilinniarfigisinnaagigut. Ilaqutariinni niaquusoq maniguunnermik arlalitsigut ersersitsisinnaavoq. Assersuutigalugu nuliami meeqqamilu naammalluinnartuunissaat naatsorsuutigisanngilaa. Aamma allatut isumaqaraluaraangataluunniit tusarnaartarpai. Marley USA-mi najugalik ima oqarpoq: “Uigalu isummagut ilaannikkut assigiinneq ajorput. Aalajangiinnginnerminili qanoq
isumaqarnersunga paasiniaqqaarlugulu eqqarsaatigeqqissaartarmagu pingaartinneqartutut ataqqineqartutullu misigivunga.” Uiusoq maniguuttoq illulereqataanissaminut tunuarsimaartanngilaq, aamma illulerineq nunagisamini “arnat suliassaattut” isigineqaraluarpalluunniit. Soorli tamanna sapernartissinnaavaa? Rachel ima nassuiaavoq: “Uiusoq illulereqataasoq nunagisatsinni ‘angutivittut’ isigineqarneq ajorpoq. Nuliaminik aqutsisinnaanngitsutut isigineqartarpoq.” Illit nunagisanni inuit taama isiginnittaaseqarpat? Taamaappat eqqaamajuk Jiisusip ajoqersukkami isigaat asakkai, naak tamanna kiffap suliassaatut isigineqartaraluartoq. Ilaqutariinni niaquulluartup nammineq qanoq isigineqarnissani pinnagu ilaquttami nuannaarnissaat pingaartinnerusarpaa. Maniguuttuunissap saniatigut Jehova Jiisusilu ilaqutariinni niaquusunut allatut maligassiuipput. Qanoq?12. Jehova Jiisusilu asanninnertik kajumississutigalugu qanoq iliorpat?
12 Asanninneq. Jehovap iliuusii tamarmik asanninnermik aallaaveqarput. (1 Joh 4:7, 8) Asannilluni Oqaatsini peqatigiissortanilu aqqutigalugit anersaakkut pisariaqartitatsinnik pilersortarpaatigut. Misigissutsitigut pisariaqartitatsinnik isumaginninnermigut asanninnini ersersittarpaa. Aamma timikkut ‘pisariaqartitatsinnik naammattunik tunisisarpoq’. (1 Tim 6:17) Kukkugaangatta asannilluni naqqittarpaatigut. Kiisalu asanninnini kajumississutigalugu utertitsissut pilersippaa. Aamma Jiisusip asangaaramisigut inuunini uagut pilluta tunniuppaa. (Joh 3:16; 15:13) Jehovap Jiisusillu ilumoorfiginnitsiminnut asanninnerat kialuunniit kipitissinnaanngilaa. – Joh 13:1; Rom 8:35, 38, 39.
13. Ilaqutariinni niaquusup asannittuunissaa sooq pingaaruteqarpa? (Aamma ungalusaq “ Angut katerlaaq nuliaminit qanoq ataqqineqalersinnaava?” takuuk).
13 Qanoq ilinniarfigisinnaagigut. Ilaqutariinni niaquusup iliuusii tamarmik asanninnermik aallaaveqartariaqarput. Sooq? Apustili Johannesi ima allappoq: ‘Kialuunniit qatanngunni [ilaquttanilu] takusimasani 1 Joh 4:11, 20) Angut ilaquttaminik asannittoq Jehova Jiisusilu ilaarlugit ilaquttami anersaakkut, misigissutsikkut timikkullu pisariaqartitaannik matussusiisassaaq. (1 Tim 5:8) Meeqqani ilinniartillugillu naqqittassavai. Aamma Jehovamut ataqqinaataasumik ilaquttaminullu iluaqutaasumik aalajangiisarnissani sungiusartuassavaa. Taamaaliornermini Jehova Jiisusilu qanoq ilaarsinnaavai?
asanngikkuniuk Guuti takusimanngisani asasinnaanngilaa.’ (ILAQUTARIINNI NIAQUUSUP AKISUSSAAFFII
14. Ilaqutariinni niaquusoq ilaquttami anersaakkut pisariaqartitaannik qanoq matussusiisinnaava?
14 Anersaakkut pisariaqartitanik matussusiineq. Jiisusip Ataatani ilaarlugu malinnitsimi anersaakkut inuussutissaqarluarnissaat isumagisarpaa. (Matt 5:3, 6; Mark 6:34) Taamatuttaaq ilaqutariinni niaquusup ilaquttami anersaakkut pisariaqartitaasa matussusertarnissaat pingaarnerpaatittariaqarpaa. (5 Mos 6:6-9) Nammineq ilaquttamilu Biibilimik atuarlutillu eqqarsaatiginneqqissaartarnissartik, ataatsimiigiartarnissartik, oqaluussisarnissartik Jehovamullu attaveqarluartuarnissartik qulakkeertariaqarpaa.
15. Ilaqutariinni niaquusoq ilaquttami misigissutsikkut pisariaqartitaannik qanoq matussusiisinnaava?
15 Misigissutsikkut pisariaqartitanik matussusiineq. Jehovap Jiisusi asallugu oqarfigisarpaa. (Matt 3:17) Jiisusip malinnitsiminut asanninnini oqaatsimigut iliuutsimigullu ersersittarpaa. Taakkuttaaq Jiisusimut taamaaliortarput. (Joh 15:9, 12, 13; 21:16) Ilaqutariinni niaquusup ilaquttaminut asanninnini iliuutsimigut ersersittariaqarpaa, soorlu Biibilimik atuaqqissaaqatiginerisigut. Aamma asallugit pingaartillugillu oqarfigikulasariaqarpai naleqqukkaangallu allat tusaatillugit nersualaartarlugit. – Uss 31:28, 29.
16. Ilaqutariinni niaquusoq susariaqarpa, qanorlu oqimaaqatigiissaarisinnaava?
16 Timikkut pisariaqartitanik matussusiineq. Jehovap Israelikkut naalannginnerat pissutigalugu pillaraluaraangamigilluunniit timikkut pisariaqartitaannik tunisarpai. (5 Mos 2:7; 29:4) Uaguttaaq taamatut isumagisarpaatigut. (Matt 6:31-33; 7:11) Aamma Jiisusip malinnitsini nerisittarpai napparsimasullu ajorunnaarsittarlugit. (Matt 4:24; 14:17-20) Ilaqutariinni niaquusoq Jehovamit iluarisaajumalluni ilaquttami timikkut pisariaqartitaannik matussusiisariaqarpoq. Oqimaaqatigiissaarisariaqarporli. Ima sulitigissanngilaq allaat ilaquttami anersaakkut misigissutsikkullu pisariaqartitaannik matussusiilluarsinnaajunnaarluni.
17. Jehovap Jiisusillu qanoq ilinniartillutalu naqqittarpaatigut?
17 Ilitsersuussineq. Jehovap ikiorumalluta ilinniartillutalu perorsartarpaatigut. (Hebr 12:7-9) Jiisusip Ataatani ilaarlugu oqartussaaffigisani asannilluni ilinniartittarpai. (Joh 15:14, 15) Inussiarnersumik naqqiisarpoq. (Matt 20:24-28) Nalunngilaa naammalluinnanngitsuugatta kukkoqqajaasartugut. – Matt 26:41.
18. Ilaqutariinni niaquulluartup suut eqqaamasarpai?
18 Ilaqutariinni niaquulluartup Jehovamik Jiisusimillu ilaarsisup ilaquttami naammalluinnanngitsuunerat eqqaamasarpaa ‘peqqarniisaarfiginerlu’ ajorlugit. (Kol 3:19) Nammineq naammalluinnanngitsuunini eqqaamagamiuk kukkugaangata ‘saamasumik’ ikiortarpai. (Gal 6:1, NW) Jiisusitulli nalunngilaa pitsaanerpaamik ilinniartitsissaguni maligassiuisariaqarluni. – 1 Petr 2:21.
19-20. Ilaqutariinni niaquusup aalajangiiniarnermini Jehova Jiisusilu qanoq ilaarsinnaavai?
19 Namminissarsiorani aalajangiisarneq. Jehova allanut iluaqutaasunik aalajangiisarpoq. Assersuutigalugu pinngortitsigami namminissarsiunngilaq, inuunermi nuannaarutiginiassagatsigu taamaaliorpoq. Aamma Ernerminik pilliuteqarnissaminut arlaannaannilluunniit pinngitsaalineqanngilaq, ikiorusullutali kajumilluni taamaaliorpoq. Jiisusittaaq allanut iluaqutaasunik aalajangiisarpoq. (Rom 15:3) Assersuutigalugu aalajangerpoq qasugaluarluni inuppassuit ilinniartinniarlugit. – Mark 6:31-34.
20 Ilaqutariinni niaquulluartup nalunngilaa ilaquttaminut tunngatillugu silatusaartumik aalajangiisarnissaq imaannaanngitsuusoq, taamaattumillu taamatut akisussaaffeqarnini pimooruttarpaa. Misigissutsini tunngavigalugit imaluunniit aalajangiiniaannarluni aalajangiineq ajorpoq. Jehovamilli siulersortittarpoq. * (Uss 2:6, 7) Taamaaliornermigut namminissarsiorani allat iluaqutissaannik aalajangiisarpoq. – Fil 2:4.
21. Allaaserisami tulliuttumi suut sammineqassappat?
21 Jehovap ilaqutariinni niaquusut imaannaanngitsumik akisussaaffilersimavai, naatsorsuutigaalu tamanna sapinngisaminnik isumagilluassagaat. Uiusoq Jehovamik Jiisusimillu ilaarsinissaminik ilungersuutiginnittoq ilaquttaminut niaquulluassaaq. Nuliaasup akisussaaffini isumagilluarpagu ilaqutariittut pilluassapput. Uimili akisussaaffilerneqarsimanera qanoq isiginnittaaseqarfigisariaqarpaa? Suullu unamminiarnartissinnaavai? Apeqqutit taakku allaaserisami tulliuttumi akineqassapput.
ERINARSUUT 16 Ernera tanitaq pillugu Jehova unnersiutigisiuk
^ imm. 5 Angut katikkaangami ilaqutartaaminut niaqunngortarpoq. Allaaserisami matumani siulersuinermut najoqqutassiaq sammineqassaaq. Aamma paasissavarput Jehovap sooq tamanna pilersissimaneraa, angutillu Jehova Jiisusilu qanoq ilinniarfigisinnaaneraat. Allaaserisap tulliani sammineqassaaq aappariit Jiisusi allallu Biibilimi allaatigineqartut qanoq ilinniarfigisinnaaneraat. Kiisalu allaaserisap pingajuanni sammissavarput qatanngutit angutit ilagiinni oqartussaassusillit qanoq siulersuilluarsinnaanersut.
^ imm. 7 Uiusup nuliaminut sakkortuuliortarnera filmini, isiginnaagassiani aliikkutassianilu allani ilaannikkut ajunngitsumik saqqummiunneqartarpoq. Tamanna pissutigalugu inuit ilaat isumaqalersinnaapput uiusut nuliaminnut naalagaaniartarnerat akuerineqarsinnaasoq.
^ imm. 20 Aalajangiilluartarnissamut tunngatillugu paasisaqarnerorusukkuit takuuk Napasuliaq Alapernaarsuiffik maajip aallaqqaataat 2011-moortumi qupp. 15-19 allaaserisaq “Guutimut ataqqinaataasumik aalajangiisarit”.