ATUAQQISSAAGASSAQ 8
Misilinneqarnermi nuannaartuarsinnaavutit
“Qatanngutikka, tamalaanik misilinneqartarnisi nuannaarutigiinnartassavasi.” – JAAK 1:2.
ERINARSUUT 111 Nuannaarnermut pissutaasut
QILANAARTUUT *
1-2. Matthæusi 5:11 naapertorlugu misilinneqarnitsinni susassaagut?
JIISUSIP ajoqersukkani pilluarumaartut neriorsorlugit oqarfigai. Aammali oqarfigai ajornartorsiortarumaartut. (Matt 10:22, 23; Luk 6:20-23) Kristusimut ajoqersugaanerput nuannaarutigaarput. Misilinneqaraangattali qanoq misigisarpugut? Immaqa ilaquttatsinniit akerlilersorneqarpugut, oqartussaasuniit malersorneqarpugut, imaluunniit suleqatitsinniit atuaqatitsinniilluunniit ajortumik iliortinniarsarineqarpugut. Tamakku isumakuluutigilersinnaavagut.
2 Misilinneqarnerit nuannaalissutaanerarneqarneq ajorput. Biibilimili nuannaalissutaasinnaasutut allaatigineqarput. Assersuutigalugu Jaaku allappoq misilinneqarnigut isumakuluutigivallaarnagit nuannaalissutigisinnaagigut. (Jaak 1:2, 12) Jiisusilu oqarpoq nuannaassasugut allaat malersorneqarnermi. (Matthæusi 5:11 atuaruk). Qanoq? Jaakup allagaani siunnersuutit ilinniarfigingaarsinnaavagut. Aallarniutigalugu misissoriartigu Jaakup kristumiut siulliit allaffigisai qanoq misilinneqarsimasut.
KRISTUMIUT SIULLIIT QANOQ MISILINNEQARPAT?
3. Jaakup Jiisusimut ajoqersuganngoqqammernerata nalaani qanoq pisoqarpa?
3 Jiisusip affarmik qatanngutaata, Jaakup, ajoqersuganngoqqammernerata nalaani kristumiut Jerusalemimiittut malersugaalerput. (ApS 1:14; 5:17, 18) Stefanusi toqutaammat kristumiorpassuit illoqarfimmiit qimaapput, “tamarmillu Judæamut Samariamullu siammartitaapput” kingornalu allaat ‘Cyperni Antiokialu tikillugit’. (ApS 7:58–8:1; 11:19) Kristumiut taakku ajornartorsiungaarsimassapput. Sumiikkaluaraangamilli oqaluussiuarput, kingunerisaanillu tikitaanni ilagiit pilersinneqarput. – 1 Petr 1:1.
4. Kristumiut siulliit qanoq atugaqarsimappat?
4 Kristumiut siulliit assigiinngitsorpassuartigut ajornartorsiortarsimapput. Assersuutigalugu ukiup 50-ip missaani kaasarip Claudiusip juutit peqquai Roma qimassagaat. Tassa juutit kristumiunngorsimasut angerlarsimaffitsik qimallugu allamut nuuttariaqalerput. (ApS 18:1-3) Ukiup 61-ip missaani apustili Paulusi allappoq uppeqatini illaruaatigineqartarsimasut, parnaarussaasarsimasut pigisaminnillu arsaarneqartarsimasut. (Hebr 10:32-34) Aamma kristumiut ilaat piitsuupput allallu napparsimallutik. – Rom 15:26; Fil 2:25-27.
5. Apeqqutit suut akissutissarsissavagut?
5 Ukiup 62-ip siornagut Jaakup allakkani allakkamigit uppeqatimi misilinneqartarnerat ilisimalluinnarpaa. Jehovamit isumassarsisitaalluni kristumioqatiminut siunnersuivoq taakku misilinneqarnerminni nuannaartuarsinnaaqqullugit. Maanna Jaakup allagai misissoriartigit apeqqutillu uku akissutissarsillugit: Nuannaarneq Jaakup allaatigisaa sumik tunngaveqarpa? Suut nuannaarunnaassutaasinnaappat? Aamma misilinneqarnitsinni nuannaartuarnissamut ilisimassuseq, upperneq sapiissuserlu qanoq iluaqutigisinnaavagut?
SUNA PISSUTIGALUGU KRISTUMIU NUANNAARSINNAAVA?
Jehovamit iluarisaagatta nuannaartuarsinnaavugut (Immikkoortoq 6 takuuk)
6. Lukasi 6:22, 23 naapertorlugit kristumiu misilinneqaraluarluni sooq nuannaartuarsinnaava?
6 Inuit ilaat isumaqarput aatsaat peqqikkunik, aningaasaaterpassuaqarunik ilaqutariittullu pilluarunik nuannaarsinnaallutik. Nuannaarnerli Jaakup allaatigisaa Guutip anersaavata inerititaanut ilaavoq, taamaattumillu inuttut atukkanit sunnerneqarneq ajorpoq. (Gal 5:22) Kristumiu Jiisusimik malinnittoq Jehovamillu iluarisaasoq qamannga pisumik nuannaarsinnaavoq. (Lukasi 6:22, 23 atuakkit; Kol 1:10, 11) Nuannaarnerput naneruummut naneruuserfiup iluaniittumut assersuunneqarsinnaavoq. Anorimut sialummullu assequteqarami ikumajuarsinnaavoq. Uaguttaaq qanorluunniit nalaataqaraluarutta, allaat napparsimagaluarutta pissakillioraluaruttaluunniit, nuannaartuarsinnaavugut. Aamma ilaqutatsinniit inunniillu allanit illaruaatigineqarlutalu akerlilersorneqassagaluarutta nuannaarsinnaavugut. Allaat nuannaarunnaartinniarneqaraangatta nuannaarneruliinnartarpugut. Uppernerpummi pillugu misilinneqaraangatta ersertarpoq kristumiuusugut ilumoortut. (Matt 10:22; 24:9; Joh 15:20) Tamannarpiaq pissutigalugu Jaaku ima allappoq: “Qatanngutikka, tamalaanik misilinneqartarnisi nuannaarutigiinnartassavasi.” – Jaak 1:2.
Sooq misilinneqarnerit panaliornermut assersuunneqarsinnaappat? (Immikkoortoq 7 takuuk) *
7-8. Misilinneqartarnigut uppernitsinnut qanoq iluaqutaasarpat?
7 Aamma kristumiut misilinneqarnerminni pinertusaarnerat qanoq kinguneqarluartarnersoq Jaakup allaatigaa. Ima allappoq: “[Nalunngilarsi] uppernersi misilinneqaraangami nikallujuitsunngortitsisartoq.” (Jaak 1:3) Misilinneqarnerit panaliornermut assersuunneqarsinnaapput. Panap saviminertaa innermut kissataq nilloraangami manngernerulertarpoq. Tamatumunnga assingusumik misilinneqarnitsinni pinertusaaraangatta uppernikkut nakussatsittarpugut taamaattumillu nuannaarluta pinertusaarsinnaasarluta. Jaaku ima allappoq: “[Nikallujuinneq] suliamik naammassisitsilluassaaq tassaaqqullusi naammalluinnartut pissuserilluartullu sumik inorsarfeqanngitsut.” – Jaak 1:4.
8 Jaakup allakkamini aamma nuannaarunnaassutigisinnaasatta ilaat allaatigai. Tamakku suuppat qanorlu akiorsinnaavagut?
NUANNAARUNNAASSUTAASINNAASUT QANOQ AKIORSINNAAGIGUT
9. Sooq ilisimassuseqartariaqarpugut?
9 Nuannaarunnaassutaasinnaasoq: Qanoq iliornissamik nalornineq. Ajornartorsioraangatta Jehovap iluarisaanik, uppeqatitta iluaqutigisaannik Uss 3:5, 6) Qanoq iliussanerluta nalugutsigu nikallorsinnaavugut nuannaarunnaarlutalu.
aalajaattuarnissamullu iluaqutigisinnaasatsinnik iliuuseqarusuttarpugut. Taamaaliorsinnaajumalluta ilisimassuseq Jehovameersoq pisariaqartipparput. (10. Jaaku 1:5 naapertorlugu ilisimassuseqalerumalluta qanoq iliortariaqarpugut?
10 Qanoq akiorsinnaagit: Jehova qinnuigiuk ilisimassuseqaleqqullutit. Misilinneqarnitsinni nuannaartuassagutta ajunngitsumik aalajangiisinnaaqqulluta ilisimassuseq Jehovamut qinnutigisariaqarparput. (Jaaku 1:5 atuaruk). Qinnutigulli Jehovap ingerlaannaq akinngippagit sussaagut? Nikallujuilluta qinujuassaagut – Jehovammi uumitsaannavianngilaatigut. Misilinneqarnitsinni pinertusaarsinnaaqqulluta ikiorusungaarpaatigut. (Tuss 25:12, 13) Nalunngilaa qanorpiaq aqqusaagaqarnersugut, misiginneqatigisarpaatigullu. Tamanna nuannaarnermut pissutaavoq! Jehovalli qanoq ilisimassusermik tunisarpaatigut?
11. Ilisimassuseqalerumalluta aamma qanoq iliortariaqarpugut?
11 Jehovap Biibili aqqutigalugu ilisimassuseqalersittarpaatigut. (Uss 2:6) Ilisimassuseqalissagutta Biibili Biibililersaarutillu atuaqqissaartariaqarpagut. Tamannali naammanngilaq. Ilikkakkagut aamma inuunitsinnut sunniuteqartittariaqarpagut. Jaaku ima allappoq: “Oqaaseq tusaaginnarnagu maleruarsiuk.” (Jaak 1:22) Biibilimi siunnersuutit maleruaraangatsigit eqqissisitsiniartunngortarpugut, ingasaassinianngitsunngortarpugut nallittuisunngortarlutalu. (Jaak 3:17) Taamatut pissuseqarutta misilinneqarnitsinni nuannaarluta pinertusaarsinnaassaagut.
12. Biibilimi allassimasut ilisimalluarnissaat sooq pingaaruteqarpa?
Jaak 1:23-25) Assersuutigalugu atuaqqissaarnitsinni immaqa kamajasuunerput eqqumaffigilerparput. Jehova ikiortigalugu saamasuunissarput kamalertannginnissarpullu ilinniarsinnaavagut. Tamanna ilikkarutsigu ajornartorsioraangatta eqqissisimaannarluta aalajangiisinnaalissaagut. (Jaak 3:13) Biibilimik ilisimasaqarluarnerup pingaaruteqassusia!
12 Biibili tarrarsuutitut ippoq. Atuaraangatsigu paasisarparput suut allanngortittariaqarnerlutigit qanorlu taamaaliorsinnaalluta. (13. Sooq inuit Biibilimi allaatigineqartut inuunerisa misissornissaat pingaaruteqarpa?
13 Suut iliuuserisassaannginnersut paasiumallugu kukkoqqaartariaqanngilagut. Allat iluatsilluarsimanerat ilinniarfigalugillu kukkussutaat ilinniutigigutsigit pitsaanerussaaq. Taamaattumik Jaakup kajumissaarpaatigut Biibilimi allaatigineqartut – soorlu Aaperaat, Rahabi, Jobi Elialu – ilinniarfigeqqullugit. (Jaak 2:21-26; 5:10, 11, 17, 18) Jehovap kiffai aalajaatsut taakku misilinneqarnerminni nuannaartuarsinnaasimapput. Maligassiaannit erserpoq uaguttaaq Jehova ikiortigalugu pinertusaarsinnaasugut.
14-15. Sooq qulalernerput iliuuseqarfigisariaqarparput?
14 Nuannaarunnaassutaasinnaasoq: Qulalerneq. Ilaannikkut Biibilimi ilinniartitsissutigineqartut paasiuminaatsittarpagut. Ilaatigulluunniit qinnutigut neriugisatsitut akineqarneq ajorput. Tamakku pissutigalugit qulalertoorsinnaavugut. Iliuuseqapallanngikkutta uppernikkut sanngiillissaagut, Jehovamullu attaveqarnerput ajoqusissaaq. (Jaak 1:7, 8) Allaallumi neriuutaarussinnaavugut.
15 Apustilip Paulusip neriuuterput kitsamut assersuuppaa. (Hebr 6:19) Umiarsuaq anorersuarmi tissukaleqqunagu kisarneqartarpoq. Kisarli umiarsuarmut pitunneqanngitsoq iluaqutaanngilaq. Kitsap kalunneri manngertornilersinnaapput kittorariaannanngorlutik. Taamatuttaaq qularneq uppernitsinnut sanngiillissutaasarpoq. Inuup uppernikkut sanngiitsup ajornartorsiornermini Jehovap neriorsuutaasa eqquunnissaat qularilertarpaa. Tassa neriuutaaruttarpoq, “qulartummi assigaa immap malinga anorip aalatitaa qaraartitaalu”. (Jaak 1:6) Ilimanarpoq inuup taamaattup nuannaarneq misiginavianngikkaa.
16. Qulalerutta susariaqarpugut?
16 Qanoq akiorsinnaagit: Qularunnaarumallutit uppernerit nakussassaruk. Pruffiitip Eliap nalaani Jehovap innuttai qulalerput. Taamaattumik Eliap ima oqarfigai: “Qanoq sivisutigisumik kina malissanerlugu aalajangerniarusaartuassavisi? [Jehova] Guutiuppat taava taanna malissiuk; Ba’ali Guutiuppat taanna malissiuk!” (1 Kng 18:21) Uaguttaaq qulalersimagutta misissuisariaqarpugut. Uppernarsisariaqarparput Jehova ilumut Guutiusoq, taassuma Biibili oqaaserigaa aamma Jehovap Nalunaajaasui innuttarigai. (1 Th 5:21) Taamaaliorutta qularunnaarlutalu uppernikkut nakussatsissaagut. Aamma utoqqaanertanut ikioqqusinnaavugut. Kiffartornitsinnili nuannaartuassagutta iliuuseqapallattariaqarpugut!
17. Sapiissuseerukkutta qanoq misigissaagut?
17 Nuannaarunnaassutaasinnaasoq: Sapiissuseerunneq. Biibilimi ima allassimavoq: “Ullormi annikilliorfiusumi sapiissuseerukkuit taava nukitit annikillissapput.” (Uss 24:10) Sapiissuseerukkutta nuannaarunnaariartupallassaagut.
18. Pinertusaarneq qanoq paasisariaqarpa?
Jaak 5:11) Jaakup allakkamini oqaaseq ‘pinertusaarneq’ atoramiuk inuk inissisimaffimmini aalajaatsoq eqqarsaatigisimasinnaavaa. Assersuutigisinnaavarput sakkutooq akeqqaminit saassunneqaraluarluni sapiilluni inissisimaffimminiiginnartoq.
18 Qanoq akiorsinnaagit: Pinertusaarsinnaaqqullutit Jehova tatigiuk. Misilinneqarnermi pinertusaassagutta sapiissuseqartariaqarpugut. (19. Apustili Paulusi qanoq ilinniarfigisinnaavarput?
19 Sapiissuseqarnermut pinertusaarnermullu tunngatillugu apustili Paulusi maligassaalluarpoq. Naak ilaannikkut sapileqqajaasaraluarluni Jehova tatigigamiuk pinertusaarsinnaavoq. (2 Kor 12:8-10; Fil 4:13) Uaguttaaq Jehovamit ikiorneqartariaqarnerput nassuerutigigutsigu sapiillutalu pinertusaarsinnaavugut. – Jaak 4:10.
NUANNAARTUARUMALLUTIT JEHOVAMUT QANILLIGIT
20-21. Suna nalunngilarput?
20 Misilinneqaatigut Jehovamit pillaataanngillat. Jaaku ima allappoq: “Usserneqarsimasumik oqartoqarniaqinani: ‘Guutimit usserneqarpunga;’ Guutimi ajortumit usserneqarsinnaanngilaq, namminerlu kimilluunniit ussiisanngilaq.” (Jaak 1:13) Tamanna upperilluinnarutsigu Ataatatsinnut asannittumut qanilliartussaagut. – Jaak 4:8.
21 Jehova ‘allanngorneq ajorpoq’. (Jaak 1:17) Kristumiut siulliit misilinneqarnerminni pinertusaarsinnaaqqullugit ikiorpai, aamma illit ikiorumaarpaatit. Taamaattumik qamannga pisumik qinnuigiuk ilisimassusermik, uppernermik sapiissusermillu tuneqqullutit. Qinnutitimmi akiumaarpai. Taava misilinneqarninni nuannaartuarsinnaaqqullutit ikiorumaarpaatit.
ERINARSUUT 129 Pinertusaartuarta
^ imm. 5 Misilinneqarnitsinni iluaqutigisinnaasatsinnik Jaakup allagaani siunnersuutissarpassuaqarpoq. Taakkua ilaat allaaserisami matumani sammineqassapput. Siunnersuutit taakku iluaqutigalugit Jehovamut kiffartornitsinni nuannaartuarsinnaavugut, aamma misilinneqaraangatta.
^ imm. 59 ASSIMI MALUGISASSAT: Qatanngut angut nuliani paninilu isigisut politiinit tigusaasoq. Parnaarussivimmiinnerani nulia panialu qatanngutit allat ilagalugit Biibilimik atuaqqissaaqatigiipput. Anaanaasoq panialu misilinneqarnerminni pinertusaarsinnaajumallutik Jehovamut qinukulasarput. Eqqissinermik sapiissusermillu Jehovamit tunineqaramik uppernikkut nakussatsinneqarput nuannaarlutillu pinertusaarsinnaalerlutik.