BIIBILIP nalaani katin­nis­saq isumaqatigiis­sutigineqaraangat nulias­sap ilaqutai akiliif­figineqar­tar­put. Pigisat naleqar­tut, soorlu uumasut, aningaasal­luun­niit akiliutigineqar­tar­put. Ilaan­nik­kut akiligas­saq sul­lis­sinik­kut akiler­neqar­tar­poq, soorlu Jaaku taamaalior­toq. Raakili nuliar­taariumal­lugu ataataa ukiuni arfineq-marlunni sul­lip­paa. (Mos 1. 29:17, 18, 20) Sooq taamaalior­toqar­tar­pa?

Biibilimik ilisimatooq Carol Meyers ima oqar­poq: “Paniup katit­tus­sap ilaqutariinni sulisar­nera annaaneqar­tarmat tamanna taarsiiviginiarlugulusooq nuliar­taar­nis­samut akiliut akiler­neqar­tar­poq.” Aamma nuliar­taar­nis­samut akiliut ilaqutariilersunut attaveqatigiil­lualersitsisin­naavoq. Taamaalil­lutik ilaqutariit taakku annikil­liorfiusuni tapersersoqatigiis­sin­naap­put. Aamma akiliut arnap katin­nis­saanut kiisalu ataataminit isumas­sor­neqarun­naarluni uitaaminit isumas­sor­neqaler­nis­saanut upper­narsaataavoq.

Nuliar­taar­nis­samut akiliut akiler­neqar­tarmat isumaqan­ngilaq nuliaasoq pisiarineqar­tarlunilu tunineqar­tar­toq. Itsaq Israalimi inuuneq ileq­qullu pil­lugit atuak­kami ima allas­simavoq: “Nuliar­taas­sap ilaqutaanut akiliisoqar­tar­nis­saa piumasaqaataam­mat imaap­pasis­sin­naavoq Israalik­kuusut aap­pariiler­nerat pisiaasoq. Akiliulli nuliar­taap ilaqutaanut taarsiutitut isigineqar­tar­poq arnamik pisiner­tut isigineqar­nani.” – Ancient Israel—Its Life and Institutions.

Nalitsinni nunat ilaanni nuliar­taar­nis­samut akiliisar­neq suli atuup­poq. Nunani taak­kunani angajoq­qaat kristumiut akileerujus­suaq­qusin­ngin­nermik­kut ‘uteriitsuun­ngin­ner­tik tamanit ilisimaneqar­tit­tar­paat’. (Flp 4:5; Kor 1. 10:32, 33) Taamaalior­nermik­kut aamma ersersis­savaat ‘aningaaserituujunatik’, tassa piumatuujunatik. (Tim 2. 3:2) Aamma nuliar­taas­sap angajoq­qaavi akileerujus­suaq­qusin­ngip­pata uitaas­sap akiliutis­sami naam­matsin­nis­saata tungaanut katin­nis­sar­tik kinguar­tit­tariaqas­san­ngilaa. Akiliutis­saniluun­niit akilersin­naanias­sagamiuk pioneriujun­naarluni ulloq tamaat sulisaler­tariaqas­san­ngilaq.

Nunat ilaanni nuliar­taar­nis­samut akiliutis­sap nalinga inatsisitigut aalajanger­neqar­tar­poq. Angajoq­qaat kristumiut nunani taak­kunani najugaqar­tut inatsisit taakku maleruar­tar­paat. Sooq? Guutip oqaasiani kristumiut ‘oqar­tus­saasunut kajumil­lutik naalaq­quneqaramik’ inatsisillu Guutip inatsisaanut akerliun­ngitsut maleruaq­quneqarlutik. – Rom 13:1; ApS 5:29.