1. Jehovap inuit sunik as­seqan­ngitsunik pigin­naas­susilerlugit pin­ngor­tip­pai?

JEHOVAP inuit as­seqan­ngitsunik pigin­naas­susilerlugit pin­ngor­tip­pai. Eq­qarsarsin­naatil­luta pin­ngor­tip­paatigut, taman­nalu ajor­nar­torsiutinik aaq­qiinis­samut pilersaarusior­nis­samul­lu iluaqutigisar­par­put. (Uss 2:11) Pilersaarutitsitut ilior­nis­samut anguniak­kanil­lu angusinis­samut piumas­suseqar­tit­tar­paatigut. (Fil 2:13) Aam­ma nalun­ngeqatigin­nis­susermik, eq­qor­tumik eq­qun­ngitsumil­lu qamuuna naliliisin­naas­susermik, tunivaatigut. Nalun­ngeqatigin­nis­suter­put ajor­tuliun­ngin­nis­samut kuk­kus­sutitsin­nil­lu aaq­qiinis­samut iluaqutigisar­par­put. – Rom 2:15.

2. Jehovap pigin­naanivut qanoq atus­sagivut piumasaraa?

² Jehovap pigin­naanivut pitsaasumik atus­sagivut piumasaraa. Sooq? Asagamisigut aam­ma nalun­ngin­namiuk im­minit tunis­sutit atorutsigit pil­luas­sasugut. As­sersuutigalugu Al­lak­kani Hebræerisuuni ima al­las­simavoq: “Eqiasuitsup  pilersaarusiai iluanaarutis­sarsisitsisar­put,” aam­ma “as­savit sulias­sarsiaat suliaris­savatit pigin­naanerit tamaat atorlugu”. (Uss 21:5; Oqal 9:10) Al­lak­kani Grækerisuuni ima al­las­simavoq: “Pif­fis­saqaral­lar­til­luta tamanut ajun­ngitsulior­niar­ta,” aam­ma “kif­far­tuuteqatigiigitsi, tamas­si im­mik­kut saam­maan­nermit tunis­sutisiarsi naaper­torlugu”. (Gal 6:10; 1 Petr 4:10) Jehovap iluaqutis­satsin­nik al­lal­lu iluaqutis­saan­nik iliuuseqar­nis­sar­put kis­saatigigaa ersarip­poq.

3. Inuit pigin­naasaat qanoq kil­leqar­tigaat?

³ Jehovap pigin­naanivut atus­sagivut kis­saatigigaluarlugu pisin­naasat­ta kil­leqar­nerat nalun­ngilaa. As­sersuutigalugu naam­mal­luin­nan­ngis­suseq, ajor­ti toqulu atuuk­kun­naarsis­sin­naan­ngilavut. (1 Kng 8:46) Aam­ma inuit al­lat nam­min­neq aalajangiisin­naatitaam­mata aqus­sin­naan­ngilavut. Qanorluun­niil­lu ilisimasaqar­tigigaluarut­ta misilit­tagaqar­tigigaluarut­talu Jehovamut sanil­liul­luta meeq­qatut it­tuaan­nas­saagut. – Es 55:9.

4. Al­laaserisami matumani kik­kut eq­qar­tus­savavut?

⁴ Jehovamit siulersor­tit­tuar­tariaqarlutalu taas­suma isumas­sorumaaraatigut nam­minerlu iliuuserisin­naan­ngisatsin­nik iliuuseqarumaar­nera tatigiuar­tariaqar­par­put. Taamaat­torli qanoq ilil­luta ajor­nar­torsiutinik aaq­qiisin­naaner­put al­lanil­lu ikiuisin­naaner­put eq­qarsaatigis­sagip­put Jehovap kis­saatigaa. (Tussiaat 37:3 atuaruk). Jehova ‘tatigisariaqarlugulu ajunngitsuliortariaqarpugut’. Tamatumun­nga tun­ngatil­lugu Noap, Daavip Guutimul­lu kif­faasut aalajaatsut  al­lat Jehovamik tatigin­nit­tut maligas­siaat sam­meriar­tigit. Aalajangersimasunut tun­ngatil­lugu iliuuseqarsinnaanngikkaluarlutik iliuuserisinnaasaminnik eq­qarsaatigin­nit­tar­nerat eq­qar­tus­savar­put.

5. Noap pis­sutsit atugai oqalut­tuarik­kit.

⁵ Noa ‘nunarsuarmi nakuuser­nermik’ kinguaas­siuutitigul­lu inuunerlun­nermik ‘ulik­kaar­tumi’ inuuvoq. (1 Mos 6:4, 9-13) Silarsuaq ajor­toq Jehovap suujun­naarsik­kumaaraa nalun­ngik­kaluarlugu Noap inuit iliuusaat an­nikil­liuutigisarsimas­savai. Taman­nali iliuuseqarfigisinnaanagu nalun­ngin­namiuk Noa al­lanut tun­ngatil­lugu iliuuseqarpoq.

6, 7. (a) Noa qanoq iliorsin­naan­ngila? (b) Noamut as­singusumik qanoq atugaqar­pugut?

⁶ Noap iliuuserisinnaanngisai: Jehovap mianersoq­qus­sum­mik tusarlius­saa Noap aalajaal­luni oqaluus­sis­sutigigaluarlugu inuit pin­ngitsaalil­lugit naalatsis­sin­naan­ngilai. Aam­ma ulersuaq nal­liutiaar­tis­sin­naan­ngilaa. Jehovap ajus­susermik nungutitsinis­samik neriorsuutiminik pif­fis­saq eq­qorlugu eq­quutititsinis­saa tatigisariaqar­paa. – 1 Mos 6:17.

⁷ Uagut­taaq silarsuarmi ajus­suseqangaarfiusumi Jehovamit suujun­naarsin­neqar­tus­sami inuuvugut. (1 Joh 2:17) Taman­na nal­liutserlugu inuit ‘Naalagaaf­fim­mik’ nutaarsias­samut nuan­nersumut tusar­naaq­qul­lugit pin­ngitsaalisin­naan­ngilavut. Aam­ma ‘naal­liun­nar­toqangaar­nis­saq’ nal­liutiaar­tis­sin­naan­ngilar­put.  (Matt 24:14, 21) Noa as­sigalugu up­perluar­tariaqarlutalu Guutip ajus­sutsimik sumil­luun­niit atuuk­kun­naarsitsinis­saa tatigil­luin­nar­tariaqar­par­put. (Tuss 37:10, 11) Silarsuup ajor­tup ul­lormik ataasiin­narmik sivisunerusumik piunis­saa Jehovap akuersaas­san­ngik­kaa qularin­ngil­luin­nar­par­put. – Hab 2:3.

8. Noap suut eq­qarsaatigineruai? (Al­laaserisap aal­laq­qaataani as­siliaq takuuk).

⁸ Noap iliuuserisinnaasai: Noap iliuuserisin­naan­ngisani unis­sutiginagit iliuuserisinnaasani eq­qarsaatigineruai. Aalajaal­luni Jehovap mianersoq­qus­sum­mik tusarlius­saa oqaluus­sis­sutigaa. (2 Petr 2:5) Taman­na up­perluar­tuar­nis­saminut iluaqutigisimas­savaa. Oqaluus­sinermi saniatigut umiarsualior­nis­samik Jehovap ilitsersuutai malip­pai. – Hebræerit 11:7 atuaruk.

9. Noa qanoq ilaarsin­naavar­put?

⁹ Noa as­sigalugu ‘Naalak­kamut kif­far­tor­nermi’ ulap­puteqar­tar­pugut. (1 Kor 15:58) As­sersuutigalugu im­maqa naalagaaf­filersaarfin­nik ataatsimeersuar­tarfin­nil­lu sanaar­tor­nermi aserfal­latsaaliuinermilu suleqataasar­pugut, ataatsimeersuar­ner­ni kajumis­sutsimik ikiuut­tar­pugut imaluun­niit im­mik­koor­tor­taqarfim­mi nutserivim­miluun­niit suleqataasarluta. Pingaar­ner­tut, oqaluus­sinermik ulap­puteqar­nik­kut siunis­samut neriuuter­put nakus­satsit­tar­par­put. Qatan­ngut ar­naq aalajaatsoq ima oqar­poq: “Guutip naalagaaf­fiata pil­luaq­qus­sutit tun­nius­sas­sai al­lanut oqalut­tuarigaangak­kit paasisar­para inuit neriuuteqan­ngil­luin­narlutil­lu ajor­nar­torsiutitik aaq­qin­neqarsin­naan­ngitsutut isigisaraat.” Qatan­ngutip eq­qaasaatut uagut neriuuteqar­pugut, neriuuter­pul­lu al­lanut oqalut­tuarigaangatsigu nakus­satsit­tar­par­put. Taman­na naas­saan­ngitsumik inuunis­samut ar­pat­tuar­nis­samut iluaqutigisar­par­put. – 1 Kor 9:24.

10. Daavip pis­sutsit atugai oqalut­tuarik­kit.

¹⁰ Kun­ngi Daavi aalajaatsuuvoq Jehovamit asaneqangaar­toq. (ApS 13:22) Taamaak­kaluar­toq Daavip ingasat­tumik ajor­tuliorluni Batseba atoqatigaa. Sulilu ajor­nerusumik ajor­tuliani iser­tor­niarlugu Batsebap uiata, Uriap, sorsun­nermi toqutaanis­saa pilersaarusior­paa. Daavip al­laat Uria al­lak­kanik toqutaanis­saminut ilitsersuutinik nas­sar­til­lugu aal­lar­tip­paa. (2 Sam 11:1-21) Daavip ajor­tuliaa naggataatigut paasineqar­poq. (Mark 4:22) Taama pisoqarmat Daavi sua?

11, 12. (a) Daavi ajor­tulior­nermi kingor­na susin­naan­ngila? (b) Peq­qis­simigut­ta Jehova sus­sava?

¹¹ Daavip iliuuserisinnaanngisai: Daavip iliuutsini al­lan­ngor­tis­sin­naan­ngilai. Ajor­tuliamilu kingunipilui inuunermi sin­nera ator­tariaqar­pai. (2 Sam 12:10-12, 14) Taamaat­tumik up­per­neq pisariaqar­tip­paa. Ilumoorluni peq­qis­simiguni Jehovap isumak­keerfigis­sagaani iliuutsimilu kingunipiluinik naam­magin­nil­luni atuinis­saminut ikius­sagaani tatigisariaqar­paa.

 ¹² Tamat­ta naam­mal­luin­nan­ngitsuugat­ta ajor­tulior­tar­pugut. Kuk­kus­sutil­li ilaat al­lanit ajor­nerusar­put, ilaan­nik­kul­lu kuk­kus­sutivut al­lan­ngor­tis­sin­naaneq ajor­pavut. Iliuutsit­ta kingunipilui naal­liuutigisariaqarsin­naavavut. (Gal 6:7) Guutil­li peq­qis­simigut­ta erloqinar­torsior­nitsin­ni, al­laat erloqinitsin­nut nam­mineq pisuugaluar­tugut, isumas­sor­niarluta neriorsuutaa tatigaar­put. – Esaja 1:18, 19; Apustilit Suliaat 3:19, 20 atuakkit.

13. Daavi qanoq Jehovamut at­taveqarluaq­qiler­pa?

¹³ Daavip iliuuserisinnaasai: Daavi Jehovamut at­taveqarluaq­qilerusup­poq. Qanoq taamaalior­pa? Jehovamit ikior­neqar­nis­sani akueraa. As­sersuutigalugu Jehovap pruf­fiiti Natani aq­qutigalugu naq­qiis­sutaa akueraa. (2 Sam 12:13) Daavip aam­ma Jehovamut qinunik­kut ajor­tuliani nas­suerutigigamiuk taas­suman­nga iluarisaaq­qilerusun­nini ersersip­paa. (Tuss 51:3-19) Im­minut pisuutin­nini pis­sutigalugu sapilersutut misigiler­nani Daavip kuk­kus­sutini ilin­niutigai. Ingasat­tumik ajor­tuliani iliuusereq­qin­ngisaan­nar­pai. Ukiut arlal­lit qaangiut­tut Jehovamit aalajaatsutut eq­qaamaneqarluni toquvoq. – Hebr 11:32-34.

14. Daavi qanoq ilin­niarfigisin­naavar­put?

¹⁴ Daavi qanoq ilin­niarfigisin­naavar­put? Ingasat­tumik ajor­tuliorut­ta ilumoorluta peq­qis­simisariaqar­pugut Jehovamul­lu ajor­tuliavut nas­suerutigeriarlugit isumak­keerfigeq­qul­luta. (1 Joh 1:9) Aam­ma utoq­qaaner­tat Jehovamut at­taveqarluaq­qileq­qul­luta ikiorsin­naam­matigut oqaloqatigisariaqar­pavut. (Jaaku 5:14-16 atuakkit). Jehovap ikiuinera akuerigutsigu isumak­keerfiginiarluta neriorsuutaa up­peralugu ersersis­savar­put. Tamatuma saniatigut kuk­kus­sutivut ilin­niutigisariaqarlugil­lu siunis­samut isumal­luarluta Jehovamut kif­far­tor­tuar­tariaqar­pugut. – Hebr 12:12, 13.

15. Han­na qanoq ilin­niarfigisin­naavar­put?

¹⁵ Biibilimi kif­fat aalajaatsut erloqinar­torsior­nermin­ni Jehovamik tatigin­nit­tut al­lat eq­qaasin­naagunar­patit. As­sersuutigalugu pif­fis­sap ilaani Hanna meerar­taarsin­naan­ngilaq. Pis­sutsit atuk­kani al­lan­ngor­tis­sin­naan­ngilai. Jehoval­li tup­pal­lersarumaaraani tatigigamiuk Tupermut Naapeqatigiit­tarfim­mut pal­lorfigin­nik­kiar­tor­tarlunilu misigis­sutsini qinunik­kut Jehovamut oqalut­tuarisar­pai. (1 Sam 1:9-11) Maligas­saal­luangaarami! Peq­qiil­liuuteqaraangat­ta arlaan­nil­luun­niit al­lan­ngor­tis­sin­naan­ngisatsin­nik atugaqaraangat­ta isumakuluutivut Jehovamut pisit­tar­pavut isumas­sorumaaraatigul­lu tatigisarlutigu. (1 Petr 5:6, 7) Aam­ma kristumiut ataatsimiit­tar­neri aaq­qis­suus­sal­lu al­lat Jehovap peqatigiis­sor­taaneersut iluaqutiginiarlugit sapin­ngisatsin­nik iliuuseqar­tar­pugut. – Hebr 10:24, 25.

16. Angajoq­qaat Samueli qanoq ilin­niarfigisin­naavaat?

 ¹⁶ Angajoq­qaam­mi aalajaatsut Jehovamut kif­far­torun­naarsimasunik qitor­nal­lit? Pruf­fiitip Samuelip er­nini inersimasut Guutimik ilumoorfigin­neq­qul­lugit pin­ngitsaalisin­naan­ngilai. (1 Sam 8:1-3) Pisut Jehovap as­saanut tun­niut­tariaqar­pai. Samuelili Guuti ilumoorfigiuar­niarlugu Ataatanilu qilam­miusoq nuan­naar­tin­niarlugu sapin­ngisaminik iliuuseqar­poq. (Uss 27:11) Nalitsin­ni kristumiut angajoq­qaat tamatumun­nga as­singusumik atugaqar­put. Er­nermik tam­maraluar­tumik Jiisusip as­sersuusiaani ataataasoq as­sigalugu Jehovap ajor­tulior­tut peq­qis­simisut tikil­luaq­qoq­qin­nis­saan­nut piareersimajuaan­nar­nera tatigaat. (Luk 15:20) Taamatut pisoqarserlugu angajoq­qaat Jehovap ilumoorfiginis­saa eq­qarsaatiginerusar­paat maligas­siuiner­til­lu qitor­naasup Jehovamut uter­nis­samut kajumis­sis­sutigis­sagaa neriuutigalugu.

17. Sooq uil­lar­nerup piitsup maligas­siaa tup­pal­ler­nar­pa?

¹⁷ Jiisusip nalaani uillarneq piitsoq aam­ma maligas­saal­luar­poq. (Lukasi 21:1-4 atuakkit). Naalaf­fim­mi peq­quserlut­tar­neq aam­ma piitsuunini iliuuseqarfigisin­naan­ngilai. (Mat­t 21:12, 13) Jehovamil­li tatigin­nin­nini pal­lorfigin­nin­nermik ilumoor­tumik tapersersuinis­samut kajumis­sis­sutigaa. Tuk­korluni “aningaasan­nguanik marlun­nik”, pigisatuaminik, tunis­suteqar­poq. Ar­nap aalajaatsup Jehovamik tatigin­nil­luin­nar­nini ersersip­paa. Nalun­ngilaa Jehovamut kif­far­tor­nini sal­liuk­kuniuk pisariaqar­titaminik isumagineqarumaarluni. Taamatut­taaq Guutip naalagaaf­fia sal­liuk­kutsigu Jehovap pisariaqar­titatsin­nik isumas­sorumaaraatigut qularin­ngilar­put. – Mat­t 6:33.

18. Qatan­ngum­mik eq­qor­tumik isigin­nit­taasilim­mik as­sersuuteqarit.

¹⁸ Nalitsin­ni qatan­ngutit­ta amerlasuut iliuuserisin­naan­ngisatik eq­qarsaatiginagit iliuuserisin­naasamik eq­qarsaatiginerisigut Jehovamik tatigin­nin­ner­tik ersersit­tar­paat. Qatan­ngut Malcolm-imik atilik 2015-imi toqus­si tikil­lugu aalajaat­tuar­toq eq­qarsaatigiuk. Nulianilu ukior­pas­suar­ni Jehovamut kif­far­tor­nermin­ni nuan­nersunik nuan­nin­ngitsunil­lu nalaataqar­tar­put. Ima oqar­poq: “Inuuneq qanoq ingerlas­sanersoq siumut oqaatigineqarsin­naan­ngilaq, aam­ma inuuneq nalor­ninar­toqar­tar­poq ilaan­nik­kul­lu ar­tor­narsin­naasarluni. Jehoval­li ... im­minermin­nik tunaar­tarin­nit­tut pil­luaq­qusar­pai.” Qanoq siun­nersuiva? “Jehovamut kif­far­tor­nin­ni sapin­ngisamik sulil­luar­tuunis­sat eqeersimaar­tuunis­sal­lu qin­nutigisaruk. Iliuuserisin­naasatit pingaar­nerutik­kit, iliuuserisin­naan­ngisatit pin­nagit.” *

19. (a) Sooq 2017-imi ukiumut al­las­simaf­fik tul­luar­tuua? (b) 2017-imi ukiumut al­las­simaf­fik inuunin­ni qanoq maleruarusup­piuk?

¹⁹ Silarsuarmi ajor­tumi inuit ‘ajor­tumut nak­kaak­kiar­tuin­nar­tus­saam­mata’ amerlanerusunik erloqinar­tunik nalaataqar­nis­sar­put ilimagisin­naavar­put. (2 Tim 3:1, 13) Erloqinar­torsior­ner­put pis­sutigalugu sapilersutut misigilin­ngin­nis­sar­put aatsaat taama pingaaruteqar­tigivoq. Jehova tatigil­luin­nar­tariaqarlugulu iliuuserisin­naasavut eq­qarsaatiginerusariaqar­pavut. Taamaat­tumik 2017-imi ukiumut al­las­simaf­fik tul­luar­tuuvoq: Jehova tatigiuk ajun­ngitsuliorlutil­lu! – Tuss 37:3.