1-3. Judamit pruf­fiiti sun­ngila, qanorlu kinguneqar­tumik? (Al­laaserisap aal­laq­qaataani as­siliaq takuuk).

ISRAELIMI kun­ngi Jeroboami tunus­sisoq eq­qar­tuus­sum­mik tusarlius­samik tusarler­niarlugu Jehova Judamit pruf­fiitimik aal­lar­titsivoq. Pruf­fiitip maniguut­tup Jehova naalal­lugu eq­qar­tuus­sut tusarlium­magu kun­ngi kamangaaler­poq, Jehoval­li pruf­fiiti il­lersor­paa. – 1 Kng 13:1-10.

² Jehovap pruf­fiiti Israelimi imeq­qunagulu nereq­qunagulu aq­qutik­kut ingerlavigisamigut uteq­qun­ngilaa. Angutip utoq­qaap pruf­fiiti angerlar­toq naapik­kamiuk sal­loqit­tarlugu Jehovamit tusarlius­sas­saqar­nerarluni angerlarsimaf­fim­minut neriar­toq­qul­lugulu imeriar­toq­quaa. Pruf­fiitip Jehova naalan­nagu angut utoq­qaq ingerlaqatigaa. Jehovap taman­na iluarin­ngilaa. Pruf­fiiti angerlar­nermini løvimit saas­sutsik­kami toquvoq. – 1 Kng 13:11-24.

³ Naluar­put sooq pruf­fiitip angut utoq­qaq Jehovamit tusar­naarusun­neruneraa. Nalun­ngilar­pul­li makitajuil­luni Jehova peqatigalugu inuun­ngitsoq. (Mika 6:8 atuaruk). Testamentitoqaq  1990-imi naqitik­kami ‘Jehova peqatigalugu inuuneq’-mik al­las­simasoq Jehovamik tatigin­nin­ner­tut, siulersuineranik tutsuigin­nin­ner­tut naalan­ner­tul­lu paasisariaqar­poq. Inuup an­neruniajuitsup qinujuar­tariaqar­nini nalun­ngilaa. Pruf­fiitip an­neruniajuitsuusimasuuguni ilitsersuutit al­lan­ngorsimanersut pil­lugu Jehova aperisimas­sagaluar­paa. Saper­nar­tumik aalajangigas­saqar­nermi Jehovap uagutsin­nut piumasaa takujuminaatsis­sin­naasar­par­put. An­neruniajuitsuugut­tali kuk­korujus­suarumanata Jehovamut siulersoq­qul­luta qinusas­saagut.

4. Al­laaserisami suut sam­mis­savavut?

⁴ Al­laaserisap siuliani an­neruniajuitsuuneq qanoq paasisariaqar­toq aam­ma sooq uagutsin­nut pingaaruteqar­toq sam­mivar­put. Qanorli an­neruniajuin­nerulersin­naavugut? Pis­sutsil­lu suut an­neruniajuin­nitsin­nut misilin­neqaataasin­naap­pat? Pis­sutsit misilin­neqataasin­naasut pingasut maan­na sam­meriar­tigit. – Uss 11:2.

5, 6. Barzil­lajip an­neruniajuin­nini qanoq ersersip­paa?

⁵ Pis­sutsit atuk­kavut sulias­sar­pul­luun­niit al­lan­ngoraangata ilumoorluta an­neruniajuin­nersugut erser­tar­poq. Barzil­laji, kun­ngip Daavip ikin­ngutaa ilumoorfigin­nit­toq, pil­lugu oqalut­tuamit taman­na erser­poq. Barzil­laji 80-inik ukioqar­toq Daavip il­lus­saarsuarminut nooq­qul­lugu qaaq­quaa. Taman­na ataq­qinaataagaluar­toq Barzil­laji oqar­poq Kimhami Jerusalemimut nuup­pat ajun­ngin­nerus­sasoq. – 2 Sam 19:32-38.

⁶ Sooq Barzil­lajip qaaq­qusis­sut itigar­tip­paa? Akisus­saaf­filer­neqarusun­ngin­nami eq­qis­sil­luniluun­niit inoorusuk­kami? Naamik, an­neruniajuik­kami itigar­titsivoq. Pis­sutsit atuk­kami al­lan­ngorsimanerat nalun­ngin­namiuk pisin­naasami kil­leqar­nerat nas­suerutigaa. (Galatiamiut 6:4, 5 atuakkit). Barzil­lajitut an­neruniajuit­tariaqar­pugut. Nam­mineq piumasavut sal­liutin­nagit al­lanul­luun­niit im­minut sanil­lersuun­nata Jehovap pitsaaner­paamik tuninis­saa eq­qarsaatiginerusar­par­put. Taman­na im­mik­kut it­tumik suliaqar­nermit ilisimaneqarlualer­nermil­luun­niit pitsaaneruvoq. (Gal 5:26) An­neruniajuik­kut­ta Jehova ataq­qinarsisin­niarlugu al­lal­lu ikior­niarlugit qatan­ngutivut suleqatigis­savavut. – 1 Kor 10:31.

7, 8. An­neruniajuis­suseq im­minut tatigival­laalin­ngin­nis­samut qanoq iluaqutigisin­naavar­put?

⁷ An­nerusumik akisus­saaf­feqaler­nermi oqar­tus­saas­suseqaler­nermiluun­niit an­neruniajuin­nis­saq saper­narsin­naavoq. Nehemia ilin­niarfigisin­naavar­put. Nehemiap inuit Jerusalemimi ajor­nar­torsiuter­pas­suaqar­tut tusaramiuk ikioq­qul­lugit Jehova qinunik­kut kimigiiserfigaa. (Neh 1:4, 11) Nehemiap qin­nutaa Jehovap akivaa. Kun­ngip Ar­taxerxesip Nehemia nunap im­mik­koor­tuanut naalagaatitan­ngor­tip­paa. Nehemia pis­saaneqaraluarluni pisuujugaluarlunilu im­minut tatigival­laalin­ngisaan­nar­poq. Siulersoq­qul­luni Jehovamut saaf­figin­nit­tarlunilu taas­suma Inatsisai atuakulasar­pai. (Neh 8:1, 8, 9) Nehemiap inup­pas­suar­nut oqar­tus­saanini im­minut iluaqutis­satut al­lanil­luun­niit peq­qar­niitsumik pin­nin­nis­saminut atun­ngisaan­nar­paa. – Neh 5:14-19.

⁸ Nehemiatut an­nerusumik akisus­saaf­filer­neqarut­ta sulias­sar­pul­luun­niit al­lan­ngor­pat an­neruniajuit­tuar­nis­sar­put  qulak­keerusup­par­put. Pigin­naasavut misilit­tak­kavul­luun­niit tutsuigerusun­ngilavut. Inuk qanoq im­minut tatigival­laalersoorsin­naagami? As­sersuutigalugu utoq­qaaner­tap ilagiin­nut tun­ngasut sulias­sat qinoq­qaar­nani im­maqa isumagisin­naavai. Qatan­ngutil­luun­niit arlaata aalajangiinermi kingor­na im­maqa Jehova qin­nuigisin­naavaa aalajangius­sani pil­luaq­qoq­qul­lugu. Inul­li an­neruniajuitsoq, al­laat sungiusimasamisut iliuuseqaraluarluni, im­minut tatigival­laaler­neq ajor­poq. Pigin­naasami Jehovap pigin­naasaanut sanil­lersuun­neqarsin­naan­ngin­nerat eq­qaamajuaan­nar­paa. (Ussatit 3:5, 6 atuakkit). Nalitsin­ni silarsuarmi inup­pas­suit nam­minis­sarsior­tuul­lutil­lu sal­liujumasar­put. Jehoval­li kif­fai taamaan­ngil­lat. Akisus­saaf­feqar­ner­put pis­sutigalugu ilaqut­tatsin­nit ilagiin­niit­tunil­luun­niit pitsaanerusutut eq­qarsar­nata Guutip peqatigiis­sor­taani inis­sisimaf­fip­put eq­qaamasarlugulu qatan­ngutivut suleqatigisar­pavut. – 1 Tim 3:15.

9, 10. Al­lat pis­sutis­saqaratik isor­nar­torsiuip­pata an­neruniajuin­neq qanoq iluaqutigisin­naavar­put?

⁹ Al­lat pis­sutis­saqaratik isor­nar­torsiuinerat narrujuum­mis­sutigisin­naavar­put. Han­na taama pineqar­poq. Uimi asangaaraluaraani Han­na pil­luan­ngilaq. Penin­namit,  aviliaminit, il­laruaatigineqar­tuar­poq. Han­na meerar­taarusuk­kaluarluni er­nisuitsuuvoq. Taamaal­luni Han­na aliasungaar­nermini Tupermut Naapeqatigiit­tarfim­mukar­poq qinujar­torluni. Palasiunerup Elip qiasoq takugamiuk aalakoor­nerar­paa! Han­na kamangaalersimasin­naagaluar­poq. Elili ataq­qin­nit­tumik akivaa. Kingusin­nerusuk­kut Han­nap qin­nutimini Jehovamut up­per­nini asan­nin­ninilu ersersip­paa. – 1 Sam 1:5-7, 12-16; 2:1-10.

¹⁰ ‘Ajun­ngitsoq atorlugu ajor­tup ajugaaf­figinis­saanut’ an­neruniajuis­suseq iluaqutigisin­naavar­put. (Rom 12:21) Saatanip pis­sutsinik aaq­qis­suus­sinera ajor­tunik ulik­kaarmat naaper­tuil­luan­ngitsumik pineqar­ner­put tupaal­laatigisas­san­ngilar­put. Taman­na kamalis­sutigisin­naagaluarlugu kaman­naveersaar­tariaqar­pugut. (Tuss 37:1) Ilagiin­ni qatan­ngutit­ta isumaqatigiin­ngis­suteqarfiginerat suli an­ner­nar­nerusin­naavoq. Taama pisoqar­pat Jiisusi ilaar­nias­savar­put. Biibilimi al­las­simavoq: “Oqaasipiluun­neqarami oqaasipiluum­mik akis­suteqan­ngilaq, ... pineqar­ninili naaper­tuil­luar­tumik eq­qar­tuus­sisumut isumagisas­san­ngor­tip­paa.” (1 Petr 2:23) Jiisusi maniguup­poq nalunagulu Jehovap naaper­tuil­luan­ngitsulior­nerit aaq­qik­kumaarai. (Rom 12:19) Uagut­taaq maniguuk­kusul­lutalu ‘ajor­toq ajor­toqataanik akilerusun­ngilar­put’. – 1 Petr 3:8, 9.

11, 12. (a) Nersor­neqar­nermi al­lal­luun­niit uagutsin­nut iluareq­qusaaraangata qanoq an­neruniajuit­tuarsin­naavugut? (b) Atisalersoriaatsitsigut pis­susilersoriaatsitsigul­lu an­neruniajuitsuuner­put qanoq ersersis­sin­naavar­put?

 ¹¹ Nersor­neqar­neq al­lal­luun­niit uagutsin­nut iluareq­qusaar­nerat an­neruniajuin­nitsin­nut misilin­neqaataasin­naavoq. Esteri nersor­neqangaarlunilu qujanar­niarfigineqar­tar­poq. Persiami ar­nat pin­ner­ner­paat ilagaat. Ukiumi ataatsimi ar­nat inuusut­tut amerlasuut kun­ngimut iluareq­qusaarlutik im­min­nut unam­misut ilagalugit im­mik­kut it­tumik pin­nersar­neqar­poq. Taava kun­ngip Esteri dron­ningis­samisut toq­qar­paa. Inup­pas­suar­nil­li maluginiar­neqaler­nini al­lan­ngus­sutigin­ngilaa. Esteri im­minuin­naq eq­qarsaatigilin­ngilaq. An­neruniajuit­tuarlunilu inus­siar­ner­tuarlunilu ataq­qin­nit­tuujuar­poq. – Est 2:9, 12, 15, 17.

¹² An­neruniajuik­kut­ta al­lanik ataq­qin­nin­nitsin­nik im­minul­lu ataq­qinitsin­nik ersersitsisumik atisalersor­tas­sal­lutalu pis­susilersor­tas­saagut. Oqarataar­nata al­lanil­lu maluginiar­neqaq­qunata ‘piuaatsumik qanilaar­tumil­lu anersaaqar­niar­tar­pugut’. (1 Petrusi 3:3, 4 atuakkit; Jer 9:22, 23) Uagut pil­luta misigis­sutsivut oqaloriaatsitsigut iliuutsitsigul­lu erser­tar­put. As­sersuutigalugu im­maqa suliarisar­tak­kavut, ilisimasavut inuil­luun­niit ilisarisimasavut pis­sutigalugit im­mik­kut it­tuuner­put ersersin­nialersin­naavar­put. Imaluun­niit al­lanit ikior­neqaraluarluta oqarsin­naavugut ikior­neqarata arlaan­nik pingaarutilim­mik iliuuseqarsimal­luta. Jiisusili eq­qarsaatigiuk. Jiisusip ilisimas­susersuarminik inuit tupigusutsilersin­naagaluarlugit Guutip oqaasia is­suakulasar­paa. Naalan­narsisin­neqar­nis­sani pin­nagu Jehovap naalan­narsisin­neqar­nis­saa kis­saatigiuaan­nar­paa. – Joh 8:28.

13, 14. An­neruniajuitsuuneq silatusaar­tumik aalajangiisar­nis­samut qanoq iluaqutigis­savar­put?

¹³ Aalajangiigaangat­ta al­lal­luun­niit uagutsin­nut sun­niuteqar­tumik aalajangiigaangata an­neruniajuitsuusariaqar­pugut. Apustili Paulusi Cæsareamiil­luni Jehovap sulias­siis­sutaa naam­mas­siniarlugu Jerusalemiliarusup­poq. Pruf­fiitil­li Agabosip oqarfigaa aal­laruni tigusaas­sasoq im­maqalu al­laat toqutaas­sasoq. Qatan­ngutit Paulusi aal­laq­qunagu kimigiiserfigaat. Paulusili Jerusalemimut aal­lar­niarluni aalajanger­poq. Im­minut tatigival­laarami taamatut aalajanger­pa? Naamik, Paulusi an­neruniajuil­lunilu Jehovamik tatigin­nil­luin­nar­poq. Qatan­ngutit an­neruniajuik­kamik Paulusip aalajangius­saa taperserlugu aal­lar­tip­paat. – ApS 21:10-14.

¹⁴ An­neruniajuitsuuneq pis­sutsit kingunis­saat ilisiman­ngik­kaluarlugit aqus­sin­naan­ngik­kaluarlugil­luun­niit silatusaar­tumik aalajangiisar­nis­samut iluaqutigisin­naavar­put. As­sersuutigalugu pif­fis­saq tamaat kif­far­tor­nermi aal­lar­tin­nis­sar­put im­maqa eq­qarsaatigaar­put. Nap­parsimalerut­tami? Angajoq­qaagum­mi nap­parsimaler­pata ikior­neqar­tariaqalerlutil­lu? Utoq­qaligut­ta qanoq ilius­saagut? Apeq­qutit taak­ku tamaasa qin­nutigisaraluarlugit eq­qarsaatigisaraluarlugil­lu akisin­naan­ngilavut. (Oqal 8:16, 17) Jehovali tatigigutsigu pisin­naasat­ta kil­leqar­nerat nas­suerutigis­sal­lugulu akueris­savar­put. Paasis­sutis­sat misis­sus­savavut, siun­nersoq­qus­saagut pingaar­ner­tul­lu siulersoq­qul­luta qinus­saagut. Taava Jehovap anersaavata siulersuinera malil­lugu iliuuseqar­tariaqar­pugut. (Oqaluussisartup oqaasii 11:4-6 atuakkit). Jehovap aalajangius­savut pil­luaq­qusin­naal­lugil­luun­niit pilersaarutitsin­nik  al­lan­nguinis­samut ikiorsin­naavaatigut. – Uss 16:3, 9.

15. Jehovamik eq­qarsaatigin­neq­qis­saar­tar­neq qanoq maniguut­tuar­nis­samut iluaqutigisin­naavar­put?

¹⁵ Qanoq an­neruniajuin­nerulersin­naavugut? Iliuuserisin­naasavut sisamat eq­qar­tus­savavut. Siul­ler­tut, Jehovap pis­susii eq­qarsaatigeq­qis­saar­tariaqar­pavut. Jehovamut sanil­lersuuk­kut­ta qanoq mikitigalutalu ilisimasakitsigaluta paasilis­savar­put. (Es 8:13) Eq­qaamajuk inuk in­ngililuun­niit kif­far­tuun­nagu Guuti Ajugaqan­ngitsoq kif­far­tuuk­katsigu. Tamatuma eq­qarsaatigeq­qis­saar­tar­nera “Guutip as­saata pis­sarsuup ataani” maniguun­nis­samut iluaqutigis­savar­put. – 1 Petr 5:6.

16. Guutip asan­nin­neranik eq­qarsaatigin­neq­qis­saar­neq an­neruniajuin­nis­samut qanoq iluaqutigisin­naavar­put?

¹⁶ An­neruniajuin­nerulerumal­luta iliuuserisin­naasat­ta aap­paat tas­saavoq Jehovap uagutsin­nik asan­ningaar­neranik eq­qarsaatigin­neq­qis­saar­neq. Paulusip ilagiit inuup timaanut as­sersuup­pai. Inuup pisatai tamaasa Jehovap pingaarutilit­tut pin­ngor­tip­pai. (1 Kor 12:23, 24) Jehovap tamat­ta pingaar­tip­paatigut. Al­lanut sanil­lersuun­neq ajorlutalu kuk­kusaraluar­tugut asajuar­paatigut. Asagaatigut ilisimagatsigu toq­qis­sisimasin­naavugut.

17. Al­lat ajun­ngitsor­taasa isiginiar­nerunerat qanoq iluaqutigisin­naavar­put?

¹⁷ Pingajuat­tut, Jehovap pisar­neratut al­lat ajun­ngitsor­taat isiginiar­nerusarutsigit an­neruniajuin­nerulersin­naavugut. Al­lanit malugeq­qusaar­nata imaluun­niit al­lat qanoq ilius­saneran­nik oqarfigisar­nagit siun­nersoq­qul­luta aperisas­sal­lugil­lu isumaat akuerisas­savavut. (Uss 13:10) Qatan­ngutivut im­mik­kut it­tumik sulias­sin­neqaraangata nuan­naar­tar­pugut. Aam­ma Jehovap tamat­ta im­minut kif­far­torsin­naatim­matigut qutsavigisar­par­put. – 1 Petr 5:9.

18. Nalun­ngeqatigin­nis­sutitsin­nik sungiusaaneq an­neruniajuin­neruler­nis­samut qanoq iluaqutigis­savar­put?

¹⁸ Sisamaat­tut, najoq­qutas­siat Biibilimeersut atorlugit nalun­ngeqatigin­nis­suter­put sungiusar­tarutsigu an­neruniajuin­nerulersin­naavugut. Jehovap misigis­susii eq­qarsaataalu najoq­qutas­sianit taak­kunan­nga paasisar­pavut. Jehovatut isigin­nit­taaseqar­neq ilik­karutsigu Guutip iluarisaatut aalajangiisalersin­naavugut. Atuaq­qis­saar­tar­nitsigut, qinusar­nitsigut ilik­kak­kavul­lu malil­lugit ilior­nitsigut nalun­ngeqatigin­nis­suter­put nukit­tunerulis­saaq. (1 Tim 1:5) Al­lat sal­liun­nis­saat ilik­kar­tar­par­put. Taamaalior­tarut­ta Jehovap ilaatigut an­neruniajuin­neruler­nis­samut ‘pigin­naan­ngor­tis­savaatigut’. – 1 Petr 5:10.

19. An­neruniajuit­tuar­nis­samut suna iluaqutigis­savar­put?

¹⁹ Pruf­fiiti Judameersoq al­laaserisap aal­laq­qaataani eq­qar­tugar­put eq­qaamaviuk? An­neruniajuik­kun­naarami toqul­lunilu Jehovamut ikin­ngutaajun­naar­poq. An­neruniajuin­nis­sar­pul­li saper­nar­tik­kaluarlugu an­neruniajuit­tuarsin­naavugut. Jehovap kif­faasa amerlasuut maligas­siuinerisa tamatuma anguneqarsin­naanera ersersip­paat. Jehovamut kif­far­tor­ner­put sivisunerujar­tor­til­lugu tatigineruler­tariaqar­par­put. (Uss 8:13) Pis­sutsit atuk­kavut qanorluun­niit ik­kaluar­pata Jehova peqatigalugu inuujuarsin­naavugut. Taman­na sunit tamanit ataq­qinaataaner­paavoq. Taamaat­tumik an­neruniajuit­tuarumal­luta Jehovalu naas­saan­ngitsumik peqatigalugu inuujumal­luta sapin­ngisatsin­nik iliuuseqarisa.