1, 2. (a) Inuit nam­mineq aalajangiisin­naatitaaneq qanoq as­sigiin­ngitsumik isumaqarfigisar­paat? (b) Nam­mineq aalajangiisin­naatitaaneq pil­lugu Biibilimi suna ajoqersuutigineqar­pa, apeq­qutil­lu suut sam­mis­savavut?

AALAJANGIISUS­SAN­NGORAMI ar­nap ikin­ngutini ima oqarfigaa: “Eq­qarsalerseqinanga, qanoq ilius­sanersunga oqarfigiin­nan­nga. Taman­na ajor­nan­ngin­neruvoq.” Ar­naq nam­mineq aalajangiisin­naatitaanini, Pin­ngor­titsisiminit tunis­sutini erlin­nangaar­toq, ator­nagu qanoq ilior­nis­saminik oqarfigineqarusup­poq. Il­lim­mi? Nam­mineq aalajangiisar­neq nuan­naraajuk, imaluun­niit al­lat aalajangiis­sutis­sagaatsit kis­saatigisar­piuk? Nam­mineq aalajangiisin­naatitaanerit qanoq isumaqarfigaajuk?

² Inuit nam­mineq aalajangiisin­naatitaaneq as­sigiin­ngitsumik isumaqarfigaat. Ilaat oqar­tar­put Guutip iliuutsivut tamaasa siumut aalajangereermagit nam­mineq aalajangiisin­naatitaan­ngitsugut. Al­lat oqar­tar­put aatsaat tamak­kiisumik kif­faan­ngis­suseqarut­ta nam­mineq aalajangiisin­naatitaas­sasugut. Biibilimili ajoqersuutigineqar­poq isumatusaar­tumik nam­mineq aalajangiinis­samut pigin­naaneqarlutalu  kif­faan­ngis­suseqar­tugut. (Josva 24:15 atuaruk). Aam­ma apeq­qutit uku Biibilimit akis­sutis­sarsis­savavut: Nam­mineq aalajangiisin­naatitaaner­put kil­leqar­pa? Aalajangiisar­nermi kif­faan­ngis­suser­put qanoq ator­tariaqar­par­put? Jehovamik asan­nil­luin­nar­ner­put aalajangik­katsin­nit erser­tar­pa? Al­lat aalajangigaat ataq­qil­lugit qanoq ersersis­sin­naavar­put?

3. Jehovap kif­faan­ngis­sutsini tamak­kiisoq qanoq ator­tar­paa?

³ Jehova tamak­kiisumik kif­faan­ngis­suseqar­poq, kif­faan­ngis­sutsiminil­lu atueriaasia ilin­niarfigisin­naavar­put. As­sersuutigalugu Jehovap inuiaqatigiit Israelik­kut in­nut­tamisut ‘pigisas­satut’ toq­qar­pai. (5 Mos 7:6-8) Ikin­ngutiminut Aaperaamut neriorsuutini eq­quutitik­kusuk­kamiuk Jehova taamatut aalajanger­poq. (1 Mos 22:15-18) Tamatuma saniatigut Jehova kif­faan­ngis­sutsiminik atuinermini asan­nit­tuujuarlunilu naaper­tuil­luar­tuaan­nar­poq. Taman­na Israelik­kut naalan­ngik­kaangata perorsaatis­seeriaasianit erser­poq. Iliuutsitik ilumoorlutik peq­qis­simis­sutigigaangatigit Jehovap asan­nin­nermik nal­lit­tuinermil­lu ersersitsivigisar­pai. Ima oqar­poq: “In­nut­tak­ka tunus­sisimasut katsorsas­savak­ka nuan­naarlungalu asas­sal­lugit uum­matin­nit pisumik.” (Hos 14:5) Kif­faan­ngis­sutsini al­lanik ikiuinermut ator­taramiuk Jehova maligas­saal­luar­poq!

4, 5. (a) Kina siul­ler­paal­luni Guutip nam­mineq aalajangiisin­naatitaanermik tunis­sutaanik tunineqar­pa, qanorlu ator­paa? (b) Tamat­ta im­minut qanoq aperisariaqar­pugut?

⁴ Jehovap in­ngilit inuil­lu nam­min­neq aalajangiisin­naatil­lugit pin­ngor­tip­pai. Jiisusi siul­ler­paatut pin­ngor­tip­paa. Taan­na Guuti as­silil­lugu nam­minerlu aalajangiisin­naasutut pin­ngor­titaavoq. (Kol 1:15) Jiisusip kif­faan­ngis­sutsini qanoq ator­paa? Jiisusi nunarsuarmukan­ngik­kal­larami Saatani pikitsitseqataalu pikitsitseqatiginagit Guuti ilumoorfiginiarlugu aalajanger­poq. Nunarsuarmukarami Saatanip us­siiniutai itigar­tip­pai. (Matt 4:10) Un­nuk­kul­lu toqunis­sani aqagut­toq Ataatami piumasaatut ilior­nis­sani suli aalajangiusimal­lugu ima oqaatigaa: “Ataataq, piumaguit ermuseq man­na uan­nit peeruk. Taamaat­torli uanga piumasara pin­nani il­lit piumasat pili.” (Luk 22:42) Uagut Jiisusi ilaarlugu nam­mineq aalajangiisin­naatitaaner­put Jehovap ataq­qinaatis­saatut piumasaatul­lu ilior­nis­samut atorsin­naavar­put?

⁵ Aap, uagut­taaq Guuti as­silil­lugu pin­ngor­titaagat­ta Jiisusi ilaarsin­naavar­put. (1 Mos 1:26) Jehovatul­li tamak­kiisumik kif­faan­ngis­suseqan­ngilagut. Jehovap kif­faan­ngis­suser­put kil­lileraa taman­nalu akueris­sagip­put naatsorsuutigigaa Guutip oqaasiani nas­suiar­neqar­poq. As­sersuutigalugu ilaqutariin­ni nuliaasoq uiminut naalatsigitit­tus­saavoq meeq­qal­lu angajoq­qaamin­nut naalatsigitit­tus­saal­lutik. (Ef 5:22; 6:1) Kil­liliis­sutit tamak­ku nam­mineq aalajangiisin­naas­sutsitsin­nik atuinitsin­nut qanoq sun­niuteqar­pat? Apeq­qum­mut tas­sunga akis­sut naas­saan­ngitsumik siunis­saqar­nitsin­nut aalajangiisuuvoq.

6. Kil­lilim­mik kif­faan­ngis­suseqar­nis­sat­ta pingaaruteqar­neranik ersersitsisumik as­sersuuteqarit.

⁶ Kil­lilim­mik kif­faan­ngis­suseqar­neq piviusumik kif­faan­ngis­suseqar­nerua? Aap!  Sooq? Kil­liliis­sutit il­lersuutigisaratsigit. As­sersuutigalugu nunami al­lami ungasis­sumut biiler­niarluta aalajangersin­naavugut. Takorloorul­li angal­lan­nermut inatsiseqan­ngim­mat kik­kut tamarmik qanoq suk­katigisumik suk­kul­lu ingerlaar­niarlutik nam­min­neq aalajangersin­naagaat. Biiler­nin­ni toq­qis­sisimas­savit? Soorunami naamik. Kif­faan­ngis­sutsip piviusup iluaqutis­sar­tai tamaasa nuan­naarutigineqas­sap­pata kil­liliinerit pisariaqar­put. Jehovap kil­liliinerinik iluaqutigin­nit­tut pil­lugit Biibilimi oqalut­tuat ilaat sam­meriar­tigit.

7. (a) Adami uumasul­lu qanoq as­sigiin­ngis­suteqar­pat? (b) Adamip nam­mineq aalajangiisin­naatitaanini ilaatigut qanoq ator­paa?

⁷ Jehovap angut siul­leq, Adami, pin­ngor­tik­kamiuk in­ngilinut tun­nius­sami as­singanik, nam­mineq aalajangiisin­naatitaanermik tunis­sum­mik, tunivaa. Guutil­li uumasut nam­mineq aalajangiisin­naasutut pin­ngor­tin­ngilai. Adamip nam­mineq aalajangiisin­naatitaanini atorluarlugu uumasunik atsersuineq nuan­naarutigaa. Guutip uumasut “inum­mukaap­pai takujumal­lugu qanoq taajumaar­nerai”. Adamil­lu uumasut tamaasa nak­kutigereerlugit tul­luar­tumik atser­pai. Adamip aalajangius­sai Jehovap al­lan­ngor­tin­ngilai. Inuul­li “uumas­suseqar­tunut taaguutai taak­kua ateriler­paat”. – 1 Mos 2:19.

8. Adamip nam­mineq aalajangiisin­naatitaanini qanoq ator­nerlup­paa, qanorlu kinguneqar­tumik?

⁸ Jehovap nunarsuarmik paratiisin­ngor­titsinis­samik akisus­saaf­fik Adamimut tun­niup­paa ima oqarluni: “Kinguaas­siorlusi amerliar­toritsi nunarsuaq tamak­kerlugu ilis­sin­nul­lu naalatsigitil­lugu; naalagaagitsilu aalisak­kanut im­mamiit­tunut qilaal­lu tim­miaanut nersutinul­lu nunami aalasunut tamanut.” (1 Mos 1:28) Adamil­li paar­naq nereq­qusaan­ngitsoq nerigamiuk Jehovap kil­lilius­sai sumigin­nar­pai. Nam­mineq aalajangiisin­naatitaanini ator­nerlum­magu inuit ukiuni tuusintilin­ni naal­liup­put. (Rom 5:12) Adamip aalajangius­saata kingunipilui ajor­tut eq­qaamajuarutsigit kif­faan­ngis­sutsit­ta pitsaasumik ator­nis­saanut Jehoval­lu kil­lilius­saasa akuerinis­saan­nut kajumis­suseqas­saagut.

9. Jehovap in­nut­tani Israelik­kut sumik periarfis­sip­pai, Israelik­kul­lu qanoq neriorsuip­pat?

⁹ Inuit tamarmik naam­mal­luin­nan­ngis­suseq toqulu Adamimit Evamil­lu kingor­nup­paat. Nam­minerli suli aalajangiisin­naatitaavugut. Guutip inuiaqatigiin­nik Israelik­kun­nik pin­neriaasianit taman­na paasivar­put. Jehovap im­minit im­mik­kut it­tumik pigineqaler­nis­samut nam­mineq aalajangiisin­naatip­pai. (2 Mos 19:3-6) Inuiaqatigiit Guutimut in­nut­tan­ngor­niarlutik taas­sumalu kil­lilius­sai malin­niarlugit aalajanger­put ima oqarlutik: “Naalak­kap oqaasii tamaasa malil­lugit iliorumavugut.” (2 Mos 19:8) Ajoraluar­tumik inuiaqatigiit Jehovamut neriorsuuter­tik unioq­qutin­niarlugu kingusin­nerusuk­kut aalajanger­put. Jehovamut qanit­tuar­nik­kut inatsisaanil­lu maleruaajuar­nik­kut nam­mineq aalajangiisin­naatitaanermik tunis­sut pingaar­tit­tuarisigu Israelik­kul­lu pil­lugit oqalut­tuaq mianersoq­qus­sutaasoq eq­qaamajuarlutigu. – 1 Kor 10:11.

10. Inuit naam­mal­luin­nan­ngitsut nam­mineq aalajangiisin­naatitaaner­tik Guutip ataq­qinaatis­saanut atorsin­naagaat Hebræerinut al­lak­kat kapitali 11-mit qanoq ersersin­neqar­pa? (Al­laaserisap aal­laq­qaataani as­siliaq takuuk).

 ¹⁰ Hebræerinut al­lak­kat kapitali 11-mi angutit ar­nal­lu 16-it aq­qisigut taagor­neqar­tut Jehovap kil­lilius­saanik ataq­qin­nik­kamik pil­luaq­qus­sutinik amerlasuunik tunineqarlutil­lu siunis­samut nuan­nersumik neriuuteqaler­put. As­sersuutigalugu Noa up­perluarlunilu ilaqut­tani kinguaas­sanilu aniguisin­niarlugit Guutip umiarsualior­nis­samik ilitsersuutai maleruar­niarlugit aalajanger­poq. (Hebr 11:7) Aaperaat Saralu kajumil­lutik Guutimut naalal­lutik nunamut pigiligas­samin­nut aal­lar­put. Il­loqarfim­mut Urimut ‘uter­nis­samut periarfis­saqaraluarlutik’ Guutip siunis­samut neriorsuutigisai sal­liun­niarlugit aalajanger­put. Biibilimi al­las­simavoq ‘nunavis­saq pitsaanerusoq kipitsavigigaat’. (Hebr 11:8, 13, 15, 16) Mosesip Egyptenip pisuus­sutai itigar­til­lugit “Guutip in­nut­tai naal­lioqatigiumanerungaar­pai sivikitsuin­narmik ajor­timi inuul­luataar­nis­samin­ngar­nit”. (Hebr 11:24-26) Angutit ar­nal­lu up­perluar­tut ilaarlugit Guutip piumasaatut ilior­nik­kut nam­mineq aalajangiisin­naatitaanermik tunis­sut qujamasuutigisigu.

11. (a) Nam­mineq aalajangiisin­naatitaanerup pil­luaq­qus­sutis­sar­taasa an­ner­paar­taasa ilaat suua? (b) Sooq nam­mineq aalajangiisin­naatitaanerit pitsaasumik atorusup­piuk?

¹¹ Qanoq ilior­nis­satsin­nik al­lat aalajangiitit­tar­nis­saat ajor­nan­ngin­neror­pasik­kaluar­poq, taamaaliorut­tali nam­mineq aalajangiisin­naatitaanerup pil­luaq­qus­sutis­sar­taasa an­ner­paar­taasa ilaat misigin­ngitsuus­savar­put. Suna? Taman­na Mosesimik allakkat tallimaat 30:19, 20-milu al­laatigineqar­poq. (Atuakkit). Versi 19-imi al­las­simavoq Guutip Israelik­kut qinigas­sik­kai. Versi 20-mi paasivar­put Jehovap qanoq asan­nitsiginermin­nik ersersitsinis­samut periarfis­sik­kai. Uagut­taaq Jehova pal­lorfiginiarlugu aalajangersinnaavugut. Aam­ma nam­mineq aalajangiisin­naatitaanermik tunis­sutip Jehovamik ataq­qinarsisitsinis­samut asan­ningaar­nitsin­nil­lu ersersitsinis­samut ator­nis­saanut as­seqan­ngitsumik periarfis­saqar­pugut!

12. Nam­mineq aalajangiisin­naatitaanermik tunis­sut qanoq atun­ngisaan­nas­savar­put?

¹² Takorlooruk ikin­ngutit nalilerujus­suarmik tunil­lugu. Tunis­sut igip­pagu imaluun­niit suli ajor­nerusumik al­lamik ajoqusiinermut ator­pagu qanoq misigis­savit? Aliasulis­saatit. Jehovap nam­mineq aalajangiisin­naatitaanermik tunis­sum­mik tunivaatigut. Taamaat­tumik inuit kif­faan­ngis­suser­tik ator­nerlul­lugu ajor­tumik aalajangiigaangata al­lanil­luun­niit ajoqusiigaangata aliasut­tar­poq. Biibili naaper­torlugu ‘ul­luni kingul­ler­ni inuit qujasuitsuus­sap­put’. (2 Tim 3:1, 2) Taamaat­tumik tunis­sut erlin­nar­toq Jehovamit pisar­put qujamasuutigalugu qanoq ersersis­sin­naavar­put? Qanorlu ator­nerlun­naveersaarsin­naavar­put?

13. Kristumiutut kif­faan­ngis­suser­put ilaatigut qanoq ator­nerlun­naveersaarsin­naavar­put?

¹³ Kik­kut ikin­ngutiginiarlugit, qanoq it­tunik atisaqar­niarluta, qanoq isik­koris­sariaaseqar­niarluta qanorlu it­tunik aliik­kutaqar­niarluta tamat­ta nam­mineq aalajangiisin­naatitaavugut. Taman­nali Guutip iluarin­ngisaatut silarsuarmiluun­niit inun­nit nuan­narineqar­tunik iliuuseqar­nis­samut  utoq­qatsis­sutitut atulersoorsin­naavar­put. (1 Petrusi 2:16 atuaruk). Kif­faan­ngis­suser­put ajor­tulior­nis­samut periarfis­satut ator­nagu ‘Guutip ataq­qinaatis­saatut ilior­nis­samut’ ator­tariaqar­par­put. – 1 Kor 10:31; Gal 5:13.

14. Sooq nam­mineq aalajangiisin­naatitaaner­put atoraangatsigu Jehova tatigisariaqar­par­put?

¹⁴ Jehova ima oqar­poq: “Uanga tas­sa Naalagaq, Guutit, iluaqutaasunik ilin­nik ajoqersuisoq, il­lit ingerlavigisas­sak­kut ingerlatitsisoq.” (Es 48:17) Jehova tatigisariaqarlugulu silatusaar­tumik aalajangiisin­naanias­sagat­ta kil­lilius­sai akuerisariaqar­pavut. Maniguul­luta nas­suerutigaar­put “inuup ingerlavis­si oqar­tus­saaf­figin­ngik­kaa. Inuk ingerlasoq al­loriar­tar­nerminik aqutsisin­naatitaan­ngilaq.” (Jer 10:23, NW) Adami Israelik­kul­lu aalajaan­ngitsut im­minut tatigalutik Jehovap kil­lilius­sai unioq­qutin­niarlugit aalajanger­put. Taak­ku ilin­niutigisin­naavavut. Im­minut tatiginata ‘uum­matik­kut iluun­ngarluta Jehova tatigisariaqar­par­put’. – Us­s 3:5.

15. Galatiamiut 6:5-imi najoq­qutas­siaq qanoq ilin­niarfigisin­naavar­put?

¹⁵ Aam­ma inuit al­lat inuunermin­ni nam­min­neq aalajangiisin­naatitaanerat ataq­qisariaqar­par­put. Sooq? Tamat­ta nam­mineq aalajangiisin­naatitaanermik tunineqarat­ta kristumiut marluk tamatigut as­sigeeq­qis­saamik aalajangiisarsin­naan­ngin­namik. Pis­suser­put pal­lorfigin­nin­ner­pul­lu tamatumun­nga aam­ma ilaap­put. Galatiamiut 6:5-imi najoq­qutas­siaq eq­qaamajuk. (Atuaruk). Kristumiut tamarmik  im­mik­kut aalajangius­satik akisus­saaf­figim­matigit inuit al­lat kif­faan­ngis­sutsimik atueriaasiat ataq­qis­savar­put.

16, 17. (a) Nam­mineq aalajangiisin­naatitaaneq Korinthimi qanoq ajor­nar­torsiutaaler­pa? (b) Paulusip kristumiut taak­ku qanoq ikior­pai, taman­nalu qanoq ilin­niarfigisin­naavar­put?

¹⁶ Biibilimi pisimasoq qatan­ngutit­ta nam­min­neq aalajangiisin­naatitaaneran­nik ataq­qin­nit­tariaqar­nitsin­nik ersersitsisoq sam­meriar­tigu. Korinthimi kristumiut ilagiiviniit­tut neqit guutipilun­nut pil­liutigineqarsimasin­naasut kingusin­nerusuk­kul­li neqaar­niarfim­mi tuniniar­neqar­tar­tut as­sor­tuus­sutigaat. Guutipiluk suun­ngitsoq nalun­ngin­namik­ku kristumiut ilaat ilerasuuteqaratik neqitorsin­naap­put. Guutipilun­nil­li taak­kunin­nga sior­natigut pal­lorfigin­nis­simasut neqinik taamaat­tunik nerineq pal­lorfigin­nin­ner­tut isigaat. (1 Kor 8:4, 7) Ajor­nar­torsiut taman­na ilagiin­nik avis­saar­tuutsitsilersin­naavoq. Paulusip kristumiut ajor­nar­torsium­mik aaq­qiinis­saan­nut qanoq ikior­pai?

¹⁷ Siul­ler­tut, Paulusip as­sor­tuut­tut neqit Guutimut ikin­ngutaanermin­nik nakus­satsitsisin­naan­ngin­neran­nik eq­qaasip­pai. (1 Kor 8:8) Aap­paat­tut, Paulusip oqaaq­qis­saar­pai ‘pil­liutinik nerisin­naatitaaner­tik san­ngiitsunut naak­kius­sutaateq­qunagu’. (1 Kor 8:9) Kingusin­nerusuk­kut misik­karin­nerusumik nalun­ngeqatigin­nis­sutil­lit neqinik taamaat­tunik nerisunik eq­qar­tuus­seq­qunagit al­laf­figai. (1 Kor 10:25, 29, 30) Tas­sa pal­lorfigin­nin­nermut tun­ngasut pingaarutil­lit pil­lugit kristumiut nam­min­neq aalajangiisin­naatitaap­put. Uagut­taaq qatan­ngutit­ta an­nikin­nerusunut tun­ngatil­lugu aalajangius­saat ataq­qisariaqar­pavut, ilaa? – 1 Kor 10:32, 33.

18. Nam­mineq aalajangiisin­naatitaanermik tunis­sutisiat pingaar­til­lugu qanoq ersersis­saviuk?

¹⁸ Jehovap nam­mineq aalajangiisin­naatitaanermik tunis­sum­mik, piviusumik kif­faan­ngis­suseqalersitsisumik, tunivaatigut. (2 Kor 3:17) Tunis­sut taman­na iluaqutigalugu Jehovamik qanoq asan­nitsiginitsin­nik ersersitsisin­naagat­ta pingaar­tip­par­put. Taamaat­tumik taas­sumun­nga ataq­qinaataasumik aalajangiiuarlutalu al­lat tunis­sum­mik tamatumin­nga atueriaasian­nik ataq­qin­nit­tuarisa.