1, 2. Sooq Guutip Sauli ajat­tuler­paa? (Al­laaserisap aal­laq­qaataani as­siliaq takuuk).

SAULI Jehovamit kun­ngitut toq­qar­neqarami an­neruniajuitsuuvoq. (1 Sam 9:1, 2, 21; 10:20-24) Kun­ngin­ngor­nermili kingor­na makitasuun­ngor­poq. Taamaal­lutik filisterit tuusintil­lit Israelik­kun­nut sorsugiarmata pruf­fiitip Samuelip Jehovamut pil­liuteqariar­torluni agger­nis­saminik Sauli oqarfigaa. Sulili Samueli tikiutin­ngitsoq Israelik­kut amerlasuut ersilerlutik Sauli qimap­paat. Sauli utaq­qisin­naajun­naarami pil­liisin­naatitaan­ngik­kaluarluni Samueli suli tikiutin­ngitsoq pil­liuteqar­poq. Jehovap taman­na iluarin­ngilaa. – 1 Sam 13:5-9.

² Samuelip tikiuk­kami Sauli Jehovamut naalan­ngin­nera pil­lugu avoq­qaaraa. Saulili ajor­tuliun­ngin­nerarluni utoq­qatsis­sutis­sarsior­poq al­laal­lu al­lat ajor­tuliaminut pisuutil­lugit. (1 Sam 13:10-14) Taamanimiil­li Sauli as­sigiin­ngitsor­pas­suar­tigut makital­luni iliuuseqar­talermat Jehovap kun­ngitut ajat­tuler­paa. (1 Sam 15:22, 23) Saulip inuunera aal­lar­til­luaraluar­toq ajorluin­nar­tumik naggateqar­poq. – 1 Sam 31:1-6.

3. (a) An­neruniajuin­neq inup­pas­suit qanoq isumaqarfigisar­paat? (b) Apeq­qutit suut akis­sutis­sarsis­savavut?

 ³ Nalitsin­ni inup­pas­suit misigisar­put inuuneris­saas­sagunik sulif­figis­saas­sagunil­lu an­neruniajuitsuusin­naanatik. Al­lanit pik­korin­neruner­tik oqarataarutigisar­paat. As­sersuutigalugu filmiliaritit­tar­toq politikererlu tusaamasaq ima oqar­poq: “Oqaaseq an­neruniajuitsoq uan­nut sutigut tamatigut naleq­qutin­ngilaq – aam­ma neriup­punga taamaat­tuas­sasoq.” Taamaat­torli sooq kristumiut an­neruniajuin­nis­saat pingaaruteqar­pa? An­neruniajuin­neq qanoq paasisariaqar­pa, aam­ma qanoq paasisariaqan­ngila? Al­laaserisami matumani apeq­qutit taak­ku akis­sutis­sarsis­savavut. Al­laaserisal­lu tul­liani an­neruniajuin­nis­saq saper­nar­tik­kaluarlugu qanoq an­neruniajuit­tuarsin­naasugut sam­mis­savar­put.

4. Makitasuut qanoq pis­suseqar­pat?

⁴ An­neruniajuin­neq makitanerup akerlerigaa Biibilimi ersersin­neqar­poq. (Ussatit 11:2 atuaruk). Daavi Jehovamut ima kimigiiser­poq: ‘Kif­fat pitsaaligiuk makitasuunut.’ (Tuss 19:14) Makitasuut qanoq pis­suseqar­pat? Im­maqa utaq­qisin­naas­suseqan­ngin­namik an­neruniar­tuugamil­luun­niit pisus­saatitaaf­figin­ngisamit­tut iliuuseqar­tar­put. Tamat­ta naam­mal­luin­nan­ngitsuugat­ta ilaan­nik­kut taamaalior­tar­pugut. Kun­ngili Sauli pil­lugu oqalut­tuamit ersersin­neqar­tutut taman­na ileq­qorilerutsigu Jehovamit iluarisaajun­naas­saagut. Tus­siaat 119:21 naaper­torlugu Jehovap “an­neruniar­tut” avoq­qaarisar­pai. Sooq?

5. Sooq makital­luni iliuuseqar­neq kuk­korujus­suar­nerua?

⁵ Siul­ler­tut, makital­luta iliuuseqarut­ta Jehova, Guuter­put Naalak­kersuisor­pul­lu, ataq­qinagu ersersis­savar­put. Aap­paat­tut, pisus­saaf­figin­ngisatsitut iliuuseqaraangat­ta al­lanik as­sor­tuuteqateqaler­nis­sar­put isumaqatigiin­ngis­suteqaler­nis­sar­pul­lu ilimanar­nerulis­saaq. (Uss 13:10) Pingajuat­tut, makital­luta iliuuseqar­ner­put al­lanit paasineqar­pat im­maqa kan­ngusulis­saagut. (Luk 14:8, 9) Jehovap an­neruniajuitsuunis­sar­put piumasarim­magu paasinar­poq.

6, 7. An­neruniajuin­neq maniguun­nermut qanoq at­tuumas­suteqar­pa?

⁶ An­neruniajuin­neq maniguun­nermut at­tuumas­suteqar­poq. Kristumiu maniguut­toq makital­luni eq­qarsar­neq ajor­poq al­lat nikanar­nerusut. (Fil 2:3) Inuk maniguut­toq amerlaner­tigut an­neruniajuitsuusar­poq. Maniguul­luni pisin­naasami kil­leqar­nerat kuk­kus­sutinilu nas­suerutigisar­pai. Al­lat isumaat tusar­naarusut­tarlugil­lu ilin­niarfigerusut­tar­pai. Inuk maniguut­toq Jehovamit iluarineqangaar­tar­poq.

⁷ Inuup an­neruniajuitsup im­minut ilisimal­luar­nera aalajangersimasunil­lu iliuuseqarsin­naan­ngin­nerminik iliuuseqarsin­naatitaan­ngin­nerminil­lu nas­suerutigin­nit­tar­nera Biibilimit ersersin­neqar­poq.  Taman­na al­lanut ataq­qin­nin­nis­samut inus­siar­ner­nis­saminul­lu iluaqutigisar­paa.

8. An­neruniajuitsuujumal­luta qanoq eq­qarsar­naveersaar­tariaqar­pugut?

⁸ Sianigin­ngisatsin­nil­li makitasuutut eq­qarsalersin­naavugut. Qanoq? Im­maqa ilagiin­ni aalajangersimasunik akisus­saaf­feqarat­ta imaluun­niit ilisarisimal­luak­kavut akisus­saaf­feqarmata al­lanit pingaar­nerusutut misigilersin­naavugut. (Rom 12:16) Imaluun­niit al­lanit maluginiaq­qulersin­naavugut. (1 Tim 2:9, 10) Al­laat al­lat qanoq ilior­tariaqar­nersut ilius­san­ngin­nersul­luun­niit oqarfigisalersin­naavavut. – 1 Kor 4:6.

9. Sooq inuit ilaat makitalersimap­pat? Biibilimit as­sersuuteqarit.

⁹ Pileris­susipiluvut aqus­sin­naan­ngik­kutsigit makitasuutut pis­susilersulersin­naavugut. Inup­pas­suit ataq­qineqarumagamik, al­lat sin­ngagigamik­kit kaman­nermin­nil­luun­niit aqutsisin­naan­ngin­namik makitalersimap­put. Inuit Biibilimi eq­qaaneqar­tut ilaat – soorlu Absalomi, Uzzija aam­ma Nebukadnesari – taama pis­suseqaler­put. Maniguut­tariaqar­neran­nik erseq­qis­sumik Jehovap paasitip­pai. – 2 Sam 15:1-6; 18:9-17; 2 Nal 26:16-21; Dan 5:18-21.

10. Sooq inuit al­lat pis­sutiginiagaat eq­qar­tuut­tas­san­ngilavut? Biibilimit as­sersuuteqarit.

¹⁰ Inuit an­neruniar­pasit­tumik iliuuseqar­neran­nut ilaan­nik­kut al­lanik pis­suteqar­tar­poq. As­sersuutigalugu Abimeleki Petrusilu eq­qarsaatigik­kit. (1 Mos 20:2-7; Matt 26:31-35) Angutit taak­ku makitasuujup­pat? Imaluun­niit pis­sutsit tamaasa ilisimasaqarfiginagil­luun­niit eq­qarsaq­qaaratik iliuuseqar­pat? Inuit uum­mam­miui takusin­naan­ngin­natsigit pis­sutiginiagaat eq­qar­tuut­tas­san­ngilavut. – Jaaku 4:12 atuaruk.

11. Suna paasisariaqar­par­put?

¹¹ Inuup an­neruniajuitsup Guutip peqatigiis­sor­taani inis­sisimaf­fini akuerisar­paa. Jehovap aaq­qis­suus­saanermut Guutiugami ilagiin­niit­tut tamarmik inis­sisimaf­fim­mik tunivai. Tamat­ta pisariaqar­tin­neqar­pugut. Jehovap tamat­ta as­sigiin­ngitsunik tunis­sutinik, pik­korif­fin­nik, pigin­naaner­nik pisin­naasanil­lu tunivaatigut taak­kunin­ngalu qanoq atuiniar­nerluta nam­mineq aalajangiisin­naatil­luta. An­neruniajuik­kut­ta tunis­sutisiavut Jehovap piumasaatut atus­savavut. (Rom 12:4-8) Tunis­sutisiavut Jehovap im­minik ataq­qinarsisitsisumik al­lanil­lu ikiuinermut atus­sagivut piumasarigaa paasivar­put. – 1 Petrusi 4:10 atuaruk.

12, 13. Jehovamut kif­far­tor­nitsin­nut tun­ngatil­lugu al­lan­nguuteqar­toqar­pat suna eq­qaamasariaqar­par­put?

¹² Jehovamut kif­far­tor­nitsin­ni suliavut al­lan­ngorsin­naasar­put. As­sersuutigalugu al­lan­nguuter­pas­suit Jiisusip misigisai eq­qarsaatigik­kit. Aal­laq­qaam­mut Ataatani kisimeeqatigaa. (Uss 8:22) Taava in­ngilinik, avataarsuanik inun­nil­lu pin­ngor­titsinermi Jehova ikior­paa. (Kol 1:16) Kingusin­nerusuk­kut nunarsuarmut aal­lar­tin­neqarami naalungiarsut­tut inun­ngor­poq peroriar­torlunilu. (Fil 2:7) Jiisusi toqunermi kingor­na qilam­mut uter­poq 1914-imilu Guutip naalagaaf­fiani kun­ngin­ngorluni. (Hebr 2:9) Siunis­samilu ukiuni tuusintini kun­ngitut naalak­kersuereeruni Naalagaaf­fik Jehovamut uter­tis­savaa “Guuti tamani tamarsooq­qul­lugu”. – 1 Kor 15:28.

¹³ Uagut­taaq inuunitsin­ni al­lan­nguuter­pas­suit misigisarsin­naavavut. Ilaan­nik­kut aalajangius­savut pis­sutigalugit akisus­saaf­fivut al­lan­ngor­tar­put. As­sersuutigalugu  kisimiit­tuugaluarlutit aap­par­taar­pit? Meerar­taar­pisi? Kingusin­nerusuk­kut pif­fis­saq tamaat Jehovamut kif­far­tulerumal­lusi al­lan­nguiniarlusi aalajanger­pisi? Ilaan­nik­kut atuk­kavut pis­sutigalugit akisus­saaf­fivut al­lan­ngor­tar­put. Im­maqa iliuuseqar­nerusin­naaler­tar­pugut imaluun­niit iliuuseqar­piarsin­naajun­naar­tarluta. Taamaat­toq inuusut­tuuner­put utoq­qaaner­pul­luun­niit, peq­qis­suuner­put peq­qiil­lior­ner­pul­luun­niit apeq­qutaatin­nagit Jehovap qanoq pitsaaner­paamik kif­far­torfigisin­naagitsin­ni nalun­ngilaa. Ar­tuk­katsin­nik piumaf­figineq ajor­paatigut. Kif­far­tor­nermilu iliuutsivut suul­luun­niit nuan­naarutigingaar­tar­pai. – Hebr 6:10.

14. Pis­sutsini qanoq it­tuniluun­niit nalerisimaar­nis­samut nuan­naar­nis­samul­lu an­neruniajuitsuuner­put qanoq iluaqutigisin­naavar­put?

¹⁴ Jehovap sulias­siis­sutai suul­luun­niit Jiisusip nuan­naarutigisar­pai, aam­ma uagut taamaas­sin­naavugut. (Uss 8:30, 31) Inuup an­neruniajuitsup ilagiin­ni sulias­sani akisus­saaf­finilu nalerisimaarutigisar­pai. Inuit al­lat sulerinersut eq­qarsaatigival­laar­nagu Guutip peqatigiis­sor­taani inis­sisimaf­fini Jehovameersutut isigalugu naam­magisimaar­tar­paa. Inuk an­neruniajuitsoq aam­ma al­lanik ataq­qin­nit­tuul­lunilu ikiuisin­naagaangami nuan­naar­tar­poq. Taak­ku aam­ma Jehovamit akisus­saaf­filer­neqar­nerat akuerisar­paa. – Rom 12:10.

15. Gideoni qanoq ilin­niarfigisin­naavar­put?

¹⁵ Gideoni an­neruniajuin­nermut tun­ngatil­lugu maligas­saal­luar­poq. Israelik­kut Midjanik­kun­nit aniguisin­nis­saan­nik Jehovamit sulias­sin­neqarami ima oqar­poq: “Eq­qarlerisak­ka Manas­sek­kun­ni nikanar­nersaap­put, uangalu ataatama inoqutaani  nukarlersaavunga.” (Eqq 6:15) Gideonil­li Jehova tatigalugu sulias­siis­sut akueraa. Taava piumasaqaatit paasil­luar­nis­saat qulak­keerlugulu siulersoq­qul­luni Jehova qin­nuigaa. (Eqq 6:36-40) Gideoni nukit­tul­lunilu sapiitsuuvoq, taamaat­torli isumatusaar­tuul­lunilu mianersor­tuuvoq. (Eqq 6:11, 27) Kingusin­nerusuk­kut Israelik­kut naalak­kersuisun­ngor­tin­niarman­ni itigar­tip­pai. Jehovap piumasaatut ilioreerluni angerlar­poq. – Eqq 8:22, 23, 29.

16, 17. Inuk an­neruniajuitsoq qanoq anersaak­kut ineriar­torsin­naava?

¹⁶ An­neruniajuitsuuneq kif­far­tor­nermi im­mik­kut pisin­naatitaaf­feqaler­nis­samik anguniagaqan­ngisaan­nar­ner­tut akuersisin­naan­ngin­ner­tul­lu paasisariaqan­ngilaq. Biibilimi al­las­simavoq Jehovamut kif­faasup qatan­ngutiminik kif­far­tuus­siniarluni anersaak­kul­lu ineriar­torumal­luni iliuuseqar­nini iluaqutigis­sagaa. (1 Tim 4:13-15) Anersaak­kul­li ineriar­torumal­luta nutaamik sulias­sin­neqar­nis­sar­put pisariaqar­tip­par­put? Naamik. Tamat­ta Jehovamut kif­far­tor­nermi al­lanil­lu ikiuinermi iliuuseqar­nerujumal­luta kristumiutut pis­suserisavut pigin­naanivul­lu Jehovameersut pitsan­ngorsar­tuarsin­naavavut.

¹⁷ Inuup an­neruniajuitsup sulias­siis­sum­mik akuersin­ngin­nermini piumasaqaatigineqar­tut paasiniaq­qaar­tar­pai. Sulias­saq pil­lugu qinusarlunilu naam­mas­sisin­naanerlugu eq­qarsaatigeq­qis­saar­tar­paa. Pingaarutil­lit al­lat isumaginis­saan­nut pif­fis­saqarlunilu nukis­saqas­sava? Taamaan­ngip­pat maan­nak­kut suliarisar­tagai al­lanit isumagineqarsin­naap­pat? Tamak­ku eq­qarsaatigeq­qis­saariarlugit akisus­saaf­fik nutaaq naam­maginar­tumik isumagisin­naanagu isum­mersin­naavoq. An­neruniajuitsuugut­ta ilaan­nik­kut naaggaar­tariaqarsin­naavugut.

18. (a) Inuk an­neruniajuitsoq nutaamik sulias­sin­neqaruni sus­sava? (b) Romamiut 12:3 an­neruniajuitsuunis­samut qanoq iluaqutigaar­put?

¹⁸ Jehovap kis­saatigaa ‘makitajuil­luta peqatigaluni inuus­sasugut’. (Mika 6:8, Testamentitoqaq 1990-imi naqitigaq) Taamaat­tumik Gideonip pisimaneratut nutaamik sulias­sin­neqaraangat­ta Jehovamut siulersoq­qusarlutalu ikioq­qusar­pugut. Biibili peqatigiis­sor­tanilu aq­qutigalugit Jehovap ilitsersuutai eq­qarsaatigeq­qis­saar­tariaqar­pavut. Pigin­naanivut pis­sutiginagit kisian­ni Jehovap maniguul­luni ikiuinera pis­sutigalugu kif­far­tor­nermi iliuuseqarsin­naaner­put eq­qaamajuar­tigu. (Tuss 18:36) Inuk an­neruniajuitsoq ‘im­minik pingaar­tin­neq ajor­poq pisariaqar­tumit an­nerusumik’. – Romamiut 12:3 atuaruk.

19. Sooq an­neruniajuitsuusariaqar­pugut?

¹⁹ Inuup an­neruniajuitsup Jehova Pin­ngor­titsisuum­mat aam­ma qilam­mi nunamilu Qutsin­nerus­saar­tuum­mat taas­suma kisimi naalan­narsisin­neqar­tariaqar­nera nalun­ngilaa. (Saqq 4:11) An­neruniajuitsuugut­ta Jehovamut kif­far­tor­nermi iliuuserisin­naasavut suul­luun­niit naam­magis­savavut. Qatan­ngutit­ta misigis­susaat isumaal­lu ataq­qis­savavut, tamatumalu kingunerisaanik tamat­ta ataasioqatigiis­sin­naavugut. Inuk an­neruniajuitsoq iliuuseqar­tin­nani eq­qarsaq­qaar­tar­poq, taman­nalu kuk­korujus­suan­ngin­nis­saminut iluaqutigisar­paa. Jehovap an­neruniajuitsut pingaar­tingaar­pai. Tamak­ku pis­sutigalugit an­neruniajuis­suseq Guutip in­nut­taasa pingaar­tip­paat. Al­laaserisap tul­liani an­neruniajuin­nis­saq saper­nar­tik­kaluarlugu qanoq an­neruniajuit­tuarsin­naasugut sam­mis­savar­put.