1, 2. 2018-imi pisumi sorlermi im­mik­kut it­tumik ataasius­suseqas­saagut, aam­ma sooq? (Al­laaserisap aal­laq­qaataani as­seq takuuk).

2018-IMI marsip 31-an­ni nunarsuaq tamak­kerlugu inuit mil­lionil­lit ukiumoor­tumik pisar­tumut katersuutis­sap­put. Seqer­ngup tarrin­nerata kingor­na Jehovap Nalunaajaasui soqutigin­nit­tor­pas­suil­lu Jiisusip uagut pil­luta pil­liutaanik eq­qaaniaaniarlutik katersuutis­sap­put. Pisunit al­lanit tamanit al­laanerul­luni eq­qaaniaaneq nunarsuaq tamak­kerlugu inup­pas­suar­nik ukiut tamaasa im­mik­kut it­tumik ataasius­suseqalersitsisar­poq.

² Nunarsuaq tamak­kerlugu ul­loq tamaat, nalunaaqut­tap-akun­neri tul­leriiaarlugit, inup­pas­suit eq­qaaniaaniarlutik peqataasut isigin­naaraangamik­kit Jehova Jiisusilu nuan­naangaar­tarsimas­sap­put. Biibilimi al­las­simavoq “inup­pas­suit amerlangaaramik kisin­neqarsin­naan­ngitsut, inuiaqatigiin­nit naggueqatigiin­nil­lu inuian­nil­lu im­mik­kul­lu oqaasilin­nit tamanit pisut,” ima torlulasut: “An­nas­sut Guutitsin­nit is­siavis­saarsuarmi is­siasumit Savaaq­qamil­lu pivoq.” (Saqq 7:9, 10) Ukiut tamaasa eq­qaaniaanermi Jehovap Jiisusil­lu taamatut ataq­qineqar­tar­nerat nalunagu nuan­neqaaq!

3. Al­laaserisami matumani apeq­qutit suut akineqas­sap­pat?

 ³ Al­laaserisami matumani uku akis­sutis­sarsis­savatit: (1) Eq­qaaniaanermi najuun­neq iluaqutigil­luarumal­lugu qanoq piareersarsin­naavunga? (2) Eq­qaaniaaneq Guutip in­nut­taanik qanoq ataasius­suseqalersitsisar­pa? (3) Qanoq uanga im­mik­kut ataasius­suseqar­nerulersitseqataasin­naavunga? (4) Naggam­mik eq­qaaniaasoqas­sava? Taamaap­pat, qaqugu?

4. Sooq eq­qaaniaaqataanis­sar­put pingaaruteqar­pa?

⁴ Eq­qaaniaanermi najuun­nis­sap qanoq pingaaruteqar­tiginera eq­qarsaatigiuk. Eq­qaamajuk ilagiin­ni ataatsimiit­tar­nitsin­nut peqataasar­neq pal­lorfigin­nin­nitsin­nut ilaam­mat. Kial­luun­niit ukiumut ataatsimiin­neq pingaar­ner­paaq peqataaf­figisin­naajumal­lugu sapin­ngisaminik ilior­tar­nera Jehovap Jiisusil­lu im­mik­kut maluginiar­taraat qular­nan­ngilaq. Jehovamut Jiisusimul­lu takutik­kusup­par­put ajor­narluin­nar­titsisumik pis­suteqan­ngik­kut­ta eq­qaaniaanermut najuuk­kusul­luta. Ataatsimiit­tar­nivut pingaar­til­lugit iliuutsitsigut takutik­kutsigu atit­ta ‘map­persak­kami eq­qaamaneqaan­naar­nis­saanut’ Jehova pis­sutis­saqar­nerulersit­tar­par­put. Map­persagaq taan­na aam­ma ‘inuunerup map­persagaanik’ taaneqar­poq. Tas­sani atit al­laq­qasut tas­saap­put inuit Jehovap inuunermik naas­saan­ngitsumik tunerusutai. – Mal 3:16; Saqq 20:15.

5. Ul­loq eq­qaaniaaf­fis­saq qanil­liar­tor­til­lugu ‘up­per­nermiin­nerluta’ qanoq misis­suif­figisin­naavugut?

⁵ Ul­loq eq­qaaniaaf­fis­saq qanil­liar­tor­til­lugu qanoq Jehovamut at­taveqarluar­tiginerluta eq­qarsaatigeq­qis­saarsin­naal­lugulu pisar­nitsin­niit qinunerusin­naavugut. (2 Korinthimiut 13:5 atuaruk). Apustilip Paulusip kristumiut al­laf­figai ‘up­per­nermiin­nerlutik paasiniaaf­figeq­qul­lugit’. Qanoq taamaaliorsin­naavugut? Im­minut ima aperisin­naavugut: ‘Jehovap piumasani naam­mas­siniarlugu peqatigiif­fip­put kisiat toq­qaraa ilumut up­peraara? Nutaarsias­samik nuan­nersumik oqaluus­siniarlunga sapin­ngisara tamaat iliuuseqar­punga? Ul­lus­sani kingul­ler­ni inuuner­put Saatanil­lu aqutsinerata naggatis­saa qanil­lisoq up­peralugu iliuutsik­kut takutip­para? Guutimut tun­niul­luin­naramali Jehovamut Jiisusimul­lu suli taama tatigin­nitsigaanga?’ (Matt 24:14; 2 Tim 3:1; Hebr 3:14) Akis­sutit­ta eq­qarsaatiginerisigut ‘up­per­nermiin­nerluta’ im­minut misis­suif­figiuarsin­naavugut.

6. (a) Naas­saan­ngitsumik inuunis­saq taamaal­laat qanoq anguneqarsin­naava? (b) Utoq­qaaner­taq eq­qaaniaanis­samut ukiut tamaasa qanoq piareersar­tar­pa, aam­ma il­lit as­singusumik qanoq iliorsin­naavit?

⁶ Eq­qaaniaasar­nerup pingaaruteqas­susianik al­laaserisat atuarlugil­lu eq­qarsaatigeq­qis­saar­nerisigut piareersarsin­naavutit. (Johannesi 3:16; 17:3 atuakkit). Naas­saan­ngitsumik inuunis­samut periarfis­satuar­put tas­saavoq Jehovamik ilisarisiman­niler­neq Er­neranil­lu Jiisusimik up­persuseqaler­neq. Eq­qaaniaanis­samut piareersarumal­luta taak­kunun­nga qanin­nerusutut misigilis­sutigisatsin­nik atuaq­qis­saarsin­naavugut. Ukior­pas­suar­ni utoq­qaaner­taasimasup iliuuserisar­tagaa eq­qarsaatigiuk. Napasuliaq Alapernaarsuiffik-mi eq­qaaniaanermut tun­ngasut aam­ma Jehovap Jiisusil­lu asan­nin­neq uagutsin­nut takutis­simasaat pil­lugit al­laaserisat katersor­tar­pai. Eq­qaaniaanis­samut  sapaatit-akun­nialui sioq­qul­lugit al­laaserisat taak­ku atuaq­qit­tar­pai pisul­lu tamatuma pingaaruteqas­susia eq­qarsaatigeq­qis­saar­tarlugu. Ilaan­nik­kut al­laaserisat taak­ku ilaq­qilaar­tar­pai. Aam­ma eq­qaaniaanermut atatil­lugu Biibilimi atuagas­sat atuarlugil­lu eq­qarsaatigeq­qis­saar­tar­pai, taamaalior­tar­nermigut ukiut tamaasa nutaanik ilik­kagaqar­tar­poq. Pingaar­ner­paamil­lu misigisar­poq ukiut tamaasa Jehovamut Jiisusimul­lu asan­nin­nini an­neruleriar­tor­toq. Aam­ma il­lit taamatut atuaq­qis­saar­taruit Jehova Jiisusilu asaneruleriar­torlugil­lu iliuusaat pil­lugit qujamasun­nerulis­saatit. Taamaalil­lutil­lu eq­qaaniaaneq iluaqutiginerulis­savat.

7. (a) Naalak­kap un­nuk­korsior­titsinera pilersik­kamiuk Jiisusip suna qin­nutigaa? (b) Sumit erser­pa Jiisusip qin­nutaa Jehovap akisimagaa?

⁷ Naalak­kap un­nuk­korsior­titsinera pilersik­kamiuk un­nuk taan­na Jiisusi im­mik­kut it­tumik qinunermini oqaaseqar­poq. Ataatanilu im­mik­kut it­tumik at­taveqar­ner­tik eq­qaavaa. Jiisusip aam­ma qin­nutigaa ajoqersugai tamarmik taamatut ataasius­suseqas­sasut. (Johannesi 17:20, 21 atuakkit). Er­nermi asasami qin­nutaa Jehovap akisimagaa qular­nan­ngilaq. Ataatsimiin­ner­nit al­lanit tamanit eq­qaaniaaneq Jehovap Nalunaajaasuisa ataasius­suseqar­neran­nik ersaris­sumik takutitsineruvoq. Eq­qaaniaanermi nunarsuaq tamak­kerlugu inuit mil­lionil­lit nunanit as­sigiin­ngitsuneersut am­mimik­kut as­sigiin­ngitsunik qalipaatil­lit Jehovap er­nerminik aal­lar­titsineranut up­per­ner­tik ersersin­niarlugu katersuut­tar­put. Nunat ilaan­ni inuit naggueqatigiit as­sigiin­ngitsut up­perisarsiorlutik ataatsimiit­tar­nerat nalingin­naan­ngilaq, inuil­lu ilaat misigisar­put taamatut katersuun­neq naleq­qutin­ngitsuusoq. Jehovali Jiisusilu taamatut misigin­ngil­lat, taak­kunun­ngami eq­qaaniaanermi ataasius­suseqar­ner­put kusanar­tuuvoq.

8. Jehova Ezekielimut qanoq oqariar­tuuteqar­pa?

⁸ Jehovap in­nut­taatut taamatut ataasius­suseqar­ner­put tupaal­laatigin­ngilar­put. Jehovap Ezekielimut oqariar­tuutimini ataasius­suseqar­nis­saq siulit­tuutigaa. Oqarfigaa qisuit marluk, ‘Judap’ qisuminer­taa aam­ma ‘Josefip’ qisuminer­taa, ataasioqatigiin­nias­sam­mata ataatsimuulersis­sagai. (Ezekieli 37:15-17 atuakkit). Napasuliaq Alapernaarsuiffik juuli 2016-imoor­tumi al­laaserisaq “Atuar­tar­tut apeq­qutaat” ima nas­suiaateqar­poq: “Jehova pruf­fiitini Ezekieli aq­qutigalugu siulit­tuivoq in­nut­tani nunamut neriorsuutigisamut uterumaar­tut tas­saaleq­qik­kumaar­tul­lu inuiaat ataatsit. Siulit­tuut taan­na Guutimik pal­lorfigin­nit­tut ul­lus­sani kingul­ler­ni ataasius­suseqaler­nis­saan­nik aam­ma siulit­tuutaavoq.”

9. Ukiut tamaasa eq­qaaniaagaangat­ta Ezekielip siulit­tuutaata eq­quun­nera qanoq erser­tar­pa?

⁹ 1919 aal­lar­nerfigalugu Jehovap tanitat ataasius­suseqaq­qilersil­lugil­lu aaq­qis­sugaasumik suleq­qilersip­pai. Taak­ku ‘Judap qisuminer­taatut’ ip­put. Taava nunarsuarmi naas­saan­ngitsumik inuunis­samik neriugisaqar­tut amerliar­tuin­nar­tut tanitat kif­far­toqatigiler­paat. Nunarsuarmi naas­saan­ngitsumik inuunis­samik neriugisaqar­tut taak­ku ‘Josefip qisuminer­taatut’ ip­put. Jehova neriorsuivoq qisuminer­tat taak­ku marluk ‘as­sam­mini qisuminin­ngor­tin­niarlugit ataaseq’. (Ez 37:19) Tanitat ‘saval­lu al­lat’ tas­saalersip­pai “savaatit katersat ataatsit”. (Joh 10:16; Zak 8:23)  Ul­lumik­kut eqimat­tat taak­ku marluk Jehovamut kif­far­toqatigiip­put. Kun­ngial­lu ataasiuvoq, Jiisusi Kristusi, Ezekielip siulit­tuutaani Guutip ‘kif­faa Daavitut’ taaneqar­toq. (Ez 37:24, 25) Ukiut tamaasa Jiisusip toquneranik eq­qaaniaanermi eqimat­tat taak­kua marluk Ezekielip eq­qaasaatut ataasius­suseqar­nerat erser­tar­poq. Kisian­ni tamat­ta qanoq Guutip in­nut­taasa ataasius­suseqar­neran­nik siuarsaaqataal­lutalu ataavar­titseqataasin­naavugut?

10. Guutip in­nut­taani qanoq ataasius­suseqar­nerulersitseqataasin­naavugut?

¹⁰ Qanoq Guutip in­nut­taanik ataasius­susermik siuarsaaqataasin­naavugut? Siul­ler­tut, maniguun­nis­sat­ta sulis­sutigineratigut. Jiisusip nunamiitil­luni ajoqersuk­kami maniguut­tuunis­saan­nik oqarfigai. (Matt 23:12) Silarsuarmi inuit im­minut al­lanit pingaar­nerutit­tar­put. Maniguut­tuugut­tali qatan­ngutivut ilagiin­ni siut­tuusut ataq­qil­lugil­lu siulersuinerat naalas­savar­put. Aatsaat maniguut­tuunik­kut ilagiit ataasius­suseqarsin­naap­put. Pingaar­ner­tut, maniguut­tuarut­ta Guuti nuan­naar­tis­sin­naavar­put, taas­sumami “makitasuut akerar­tor­pai, qanilaar­tul­li [maniguut­tul­li, NW] saam­maat­tar­pai”. – 1 Petr 5:5.

11. Timiusaq viin­nilu eq­qaaniaanermi ator­neqar­tar­tut eq­qarsaatigigaangatsigit qanoq ataasius­suseqar­nerulis­sutigisar­par­put?

¹¹ Ataasius­suseqar­nerulersitseqataajumal­luta iliuuserisin­naasat­ta aap­paat tas­saavoq  timiusap viin­nil­lu sumut as­sersuutaaneran­nik eq­qarsaatigin­neq­qis­saar­neq. Eq­qaaniaan­ngin­nermi aam­ma ingam­mik un­num­mi eq­qaaniaaf­fiusumi tamak­kunin­nga eq­qarsaatigin­neq­qis­saas­saagut. (1 Kor 11:23-25) Timiusaq seer­narsaateqan­ngitsoq Jiisusip timaanut naam­mal­luin­nar­tumut pil­liutigisaanut as­sersuutaavoq. Viin­ni aap­palaar­toq aavanut as­sersuutaavoq. Tun­ngaviusul­li taak­kua paasiin­nar­nis­saat naam­man­ngilaq. Eq­qaamasariaqar­par­put Jiisusip uter­titsis­sutitut pil­liutaa asan­nit­tulior­ner­nut marlun­nut ersiutaam­mat. Jehovap er­nini uagut pil­luta tun­niup­paa, Jiisusil­lu kajumil­luni uagut pil­luta inuunini pil­liutigaa. Asan­nin­nerat eq­qarsaatigigaangatsigu taak­kua asanis­saan­nik kajumis­sis­sutigisar­par­put. Jehovamul­lu tamat­ta asan­nin­ner­put ataasius­suseqar­nerulis­sutigis­savar­put.

12. Jiisusip as­sersuusiamini qanoq erseq­qis­sar­paa Jehovap al­lanik isumak­keerfigin­nit­tar­nis­sar­put piumasarigaa?

¹² Ataasius­suseqar­nerulersitseqataajumal­luta iliuuserisin­naasat­ta pingajuat tas­saavoq al­lanik isumak­keerfigin­nin­neq. Isumak­keerfigin­nik­kaangat­ta ersersit­tar­par­put Jiisusip pil­liutaagut Jehovap ajor­titsin­nik isumak­keerfigin­nis­sin­naanera qujamasuutigalugu. Isumak­keerfigin­nit­tar­nerup pingaaruteqas­susia erseq­qis­sar­niarlugu Jiisusi kun­ngimik kif­faanil­lu as­sersuusiorluni oqalut­tuar­poq. Mat­thæusi 18:23-34 atuak­kit im­minul­lu ima aperalutit: ‘Jiisusip ilin­niar­titsis­sutaatut ilior­nis­san­nut piumas­suseqar­punga? Qatan­ngutin­nut paasin­nit­tuul­lungalu erinitsajuip­punga? Uan­nik ajual­latsitsisut isumak­keerfigeriaan­naasar­pak­ka?’ Ajor­tuliat ilaat al­lanit ajor­nerusar­tut ilumoor­poq. Aam­ma naam­mal­luin­nan­ngitsuugat­ta ajor­tuliat ilaat isumak­keerfigiuminaatsis­sin­naavavut. Jiisusil­li as­sersuusiaanit Jehovap uagutsin­nit suna piumasarineraa ilin­niarfigaar­put. (Matthæusi 18:35 atuaruk). Jiisusip erseq­qis­sumik oqaatigaa qatan­ngutivut ilumoorlutik peq­qis­simigaluar­tut isumak­keerfigin­ngik­kutsigit Jehovap isumak­keerfiginavian­ngik­kaatigut. Taman­na ilumut eq­qarsaatigeq­qis­saar­tariaqar­par­put. Ataasius­suseqar­ner­put erlin­nar­toq at­tatiin­nar­niarlugu Jiisusimit ilin­niar­tin­neqar­nitsitut al­lat isumak­keerfigisariaqar­pavut.

13. Al­lanik eq­qis­seqateqar­nik­kut qanoq ataasius­suseqar­nerulersitseqataasar­pugut?

¹³ Al­lanik isumak­keerfigin­nik­kaangat­ta qatan­ngutitsin­nik eq­qis­seqateqarusun­ner­put ersersit­tar­par­put. Apustili Paulusi al­lap­poq ‘eq­qis­sineq ataqatigiis­sutigalugu ilungersorluta anersaak­kut ataasius­suseq aalajangiusimas­sagip­put’. (Ef 4:3) Taamaat­tumik eq­qaaniaanis­sap nalaani, pingaar­tumik ul­lormi eq­qaaniaaf­fis­sami, al­lat qanoq pisar­neritit eq­qarsaatigeq­qis­saar­taruk. Im­minut aperigit: ‘Uan­nik ajual­latsitsisimasunik put­tarsisaqar­neq ajor­tunga nalun­ngisama takusin­naavaat? Eq­qis­seqateqar­niar­tutut ataasius­suseqar­nermil­lu siuarsaaniarluni ilungersor­tutut ilisimaneqar­punga?’ Apeq­qutit taak­ku eq­qarsaatigisas­saap­put pimoorus­sas­sat.

14. ‘Asaqatigiin­nik­kut im­mitsin­nut kamageqatigiin­ner­put’ qanoq ersersis­sin­naavar­put?

¹⁴ Ataasius­suseqar­nerulersitseqataajumal­luta iliuuserisin­naasat­ta sisamaat tas­saavoq Jehovap asan­nin­neranik ilaarsineq. (1 Joh 4:8) Ima oqan­ngisaan­nas­saagut: “Qatan­ngutik­ka asasariaqaraluarlugit nuan­narisariaqan­ngilak­ka.” Taamatut eq­qarsarut­ta Paulusip ‘asaqatigiin­nik­kut im­mitsin­nut kamageqatigeeq­qusis­sutaa’  malin­navian­ngilar­put. (Ef 4:2) Malugiuk Paulusi al­laan­narani ‘kamageqatigiis­sasugut’, al­lat­torli “asaqatigiinnikkut” taamaalius­sasugut. Ilagiitsin­ni inun­nik as­sigiin­ngitsor­pas­suaqar­poq, Jehoval­lu taak­ku tamaasa im­minut kajungilersip­pai. (Joh 6:44) Taamaam­mat Jehova taak­kunun­nga asan­nin­nis­saminut pis­sutis­sar­pas­suaqarsimas­saaq. Qatan­ngutivut Guutimit asaneqarsin­naap­pata qanoq oqarsin­naavugut uagut taak­ku asasin­naanatigit? Jehovap uagutsin­nut piumasaatut asangaar­tariaqar­pavut. – 1 Joh 4:20, 21.

15. Qanoq nalun­ngilar­put naggam­mik eq­qaaniaasoqas­sasoq?

¹⁵ Arlaan­ni naggam­mik eq­qaaniaajumaar­pugut. Taman­na qanoq nalun­ngin­natsigu? Paulusip kristumiut tanitat al­laf­figai Jiisusip toqunera ukiut tamaasa eq­qaaniaraangamik­ku ‘Naalak­kap toqua nalunaajaatigisaraat, tikiutserlugu’. (1 Kor 11:26) Jiisusip naggatis­sap nalaa pil­lugu siulit­tuitil­luni aam­ma ‘tikiun­nis­sani’, imaluun­niit ‘agger­nis­sani’, eq­qaavaa. An­nikil­lior­nar­tus­sarsuaq er­niin­naq nal­liutilersoq pil­lugu ima oqar­poq: “Inuup Er­nerata nalunaaqutaa qilam­mi erserumaar­poq, taavalu nunami naggueqatigiit tamarmik nimaarumaar­put, isigiumaar­paal­lu Inuup Ernera qilaap nuiaasigut aggersoq pis­saaneqarluni naalan­nas­suseqangaarlunilu. In­ngilini aal­lar­tis­savai nipituumik qarlor­tar­toqar­til­lugu, taak­kualu katersus­savaat taas­suma qinigai nunarsuup sam­miviinit sisamanit qilaap isuaniit isuanut.” (Matt 24:29-31) Kristumiut tanitat suli nunarsuarmi inuusut qilam­mi akis­sarsias­sar­tik pigunik­ku Jiisusip ‘qinik­kani katersus­savai’. Taman­na an­nikil­lior­nar­tus­sarsuaq aal­lar­tereersoq sorsun­neq Harmagedoni sioq­qul­lugu piumaar­poq. Sorsun­nis­sami tamatumani Jiisusi 144.000-l­lu nunarsuarmi kun­nginut sorsus­sap­put ajugaal­lutil­lu. (Saqq 17:12-14) Jiisusi tanitat katersor­niarlugit ‘tikiutereer­pat’ eq­qaaniaaq­qis­san­ngilagut, naggam­mik eq­qaaniaareersimas­sagat­ta.

16. Sooq ukioq man­na eq­qaaniaaqataanis­sat aalajangiusimaviuk?

¹⁶ 2018-imi marsip 31-an­ni eq­qaaniaaqataanis­sat aalajangiusimajuk. Jehova ikioq­qul­lutit in­nut­taanik ataasius­suseqar­nerulersitseqataajumal­lutit qin­nuigiuk. (Tussiaat 133:1 atuaruk). Taamaal­luta naggam­mik eq­qaaniaqataajar­torumaar­pugut. Taman­na nal­liutsin­nagu eq­qaaniaanermi ataasioqatigiin­ner­put pingaar­til­lutigu ersersitsigu.