1, 2. Guutip in­nut­tai sunik unam­miniagaqar­tar­pat? (Al­laaserisap aal­laq­qaataani as­sit takuk­kit).

NAKORSAR­PAS­SUIT peq­qis­saasor­pas­suil­lu tuniluut­tunik nap­paatilin­nik sul­litaqar­tar­put. Ikiuerusuk­kamik nap­parsimasunik isumas­suisar­put. Nap­paatinil­li akiuk­kamin­nit tunil­latsis­san­ngik­kunik im­min­nut il­lersor­tariaqar­put. Jehovamut kif­faagat­ta tamatumun­nga as­singusumik atugaqar­pugut. Amerlanersavut inuit Guutip pis­susiinit al­laanerul­luin­nar­tunik isigin­nit­taaseqarlutil­lu pis­suseqar­tut akor­nan­ni inuul­lutil­lu sulisar­put. Taman­na uatsin­nut unam­miniar­narsin­naavoq.

² Pis­sutsit aaq­qis­suus­saanerat matuma ul­luini kingul­ler­ni inuit Guutimik asan­nin­ngitsut taas­suma eq­qor­tut eq­qun­ngitsul­lu pil­lugit najoq­qutas­siai soqutigin­ngilaat. Apustilip Paulusip taak­kua pis­susii ajor­tut Timotheusimut al­lak­kamini al­laatigai. Paulusi al­lap­poq pis­susipalaat taak­kua pis­sutsit aaq­qis­suus­saanerata naggatis­saa qanil­liar­tor­til­lugu nalingin­naanerulis­sasut. (2 Timotheusi 3:1-5, 13 atuakkit). Pis­susipalaat amiilaar­nar­tutut isigigaluarlugit inoqatit­ta  eq­qarsar­taasian­nit, oqaloriaasian­nit iliuuserisar­tagaan­nil­lu sun­ner­neqarsin­naavugut. (Uss 13:20) Al­laaserisami matumani pis­suserineqar­tut taak­kua Guutip in­nut­taasa pis­susiinit qanoq al­laanerutigisut sam­mis­savar­put. Aam­ma Jehovamik ilisarisiman­niler­niar­tut ikior­niar­neran­ni pis­susipalaanit qanoq sun­ner­tin­naveersaarsin­naasugut sam­mis­savar­put.

3. Pis­susipalaat Timotheusimut al­lak­kat aap­paat 3:2-5 eq­qaaneqar­tut kik­kun­nut atuup­pat?

³ Paulusi al­lap­poq ‘ul­lus­sani kingul­ler­ni ul­lut atugarliungaarfis­sat nal­liuk­kumaar­tut’. Taama al­lareerluni pis­susipalaat 19-it nalitsin­ni nalingin­naasorujus­suan­ngor­tus­sat eq­qaavai. Pis­susipalaat taak­kua Paulusip Romamiut 1:29-31 eq­qaasaanut as­singup­put, Timotheusimul­li al­lak­kami oqaatsit Kristumiut Al­lagaataan­ni Grækerisuuni al­lani ator­neqan­ngitsut ator­pai. Paulusip oqaaseq “inuit” atoraluaraa pis­susipalaat taak­kua inun­nut tamanut atuutin­ngil­lat. Kristumiut al­laanerul­luin­nar­tunik pis­suseqar­put. – Malaki 3:18 atuaruk.

4. Makitaniar­neq qanoq paasisariaqarsoraajuk?

⁴ Inup­pas­suit nam­minis­sarsior­tun­ngorumaar­nerat aningaaserituun­ngorumaar­neral­lu eq­qaareerlugu Paulusi nangil­luni al­lap­poq inuit tas­saalerumaar­tut usorsitsaartut, anneruniartut aam­ma makitaniartut. Inuit taamatut pis­suseqar­tut isumaqar­tar­put isik­kor­tik, iliuuserisin­naasatik, pigisatik inuiaqatigiin­niluun­niit inis­sisimaf­fitsik pis­sutigalugu al­lanit pitsaanerul­lutik. Inuit taamaat­tut nersor­neqar­nis­sar­tik taamaal­laat kis­saatigaat. Ilisimatuup inuk taamaat­toq ima al­laatigaa: “Im­minut pal­lorfigiumal­luni uum­matimini pil­liiveeraqar­poq.” Inuit ilaat oqar­tar­put taamatut makitaneq maajun­nangaarmat al­laat inuit makitasuut al­lat makitanerat takul­lugu nuan­narineq ajoraat.

5. Al­laat Jehovap kif­fai aalajaatsut qanoq makitalersimap­pat?

⁵ Jehovap makitaneq, Biibilimi ‘isinik makitar­palut­tunik’ al­laatigineqar­toq, uumigaa. (Uss 6:16, 17) Al­laat inuup makitasuup Guuti qanil­lisin­naan­ngilaa. (Tuss 10:4) Makitaneq Diaavulup pis­suseraa. (1 Tim 3:6) Al­laat Jehovap kif­fai ilumoorfigin­nit­tut makitanermit sun­ner­neqarsimap­put. As­sersuutigalugu Judami kun­ngi Uzzija ukior­pas­suar­ni aalajaap­poq. Biibilimili al­las­simavoq: “[Pis­sarsuan­ngor­nini] makitasuun­nguutigaa aseruutigisaminik. Naalak­kamut Guutiminut ilumoorun­naar­poq Naalak­kal­lu il­ler­nar­tuutaanut iser­poq pil­liivim­mi tipigis­saatil­liif­fim­mi tipigis­saatil­liiar­torluni.” Kingusin­nerusuk­kut kun­ngi Hizkija aalajaatsoq makitaleraluar­poq. – 2 Nal 26:16; 32:25, 26.

6. Suut pis­sutigalugit Daavi makitalersimasin­naagaluar­pa, kisian­ni sooq maniguup­pa?

⁶ Inuit ilaat isik­korin­ner­tik, nuan­narineqar­ner­tik, nipilersul­laq­qin­ner­tik, nukit­tuner­tik nuan­naar­torineqar­ner­til­luun­niit pis­sutigalugu makitaler­tar­put. Daavi taak­kua tamaasa atugarigaluarlugit inuunini tamaat maniguup­poq. As­sersuutigalugu Goliati toqoreerlugu kun­ngip Saulip oqarfigim­mani panini katis­sin­naagaa Daavi ima akivoq: “Uanga kinaagama naggueqatik­kalu ataatamalu eq­qarlerisai Israelimi suum­mata kun­ngip ningaarilis­savaanga?” (1 Sam 18:18) Daavip maniguut­tuar­nis­saminut suna iluaqutigaa? Nalun­ngilaa Guutip maniguul­luni maluginiar­tarmani  pis­suseril­lunilu pigin­naaneqarlunilu im­mik­kul­lu pisin­naatitaaf­feqarluni. (Tuss 113:5-8) Daavip paasivaa pigisani pigin­naasanilu ajun­ngitsut suul­luun­niit Jehovameersuusut. – 1 Korinthimiut 4:7 naleq­qiuguk.

7. Maniguun­nermik ersersitsinis­samut suut iluaqutigisin­naavavut?

⁷ Nalitsin­ni Jehovap in­nut­tai Daavip pisimaneratut maniguun­niar­tar­put. Jehovap, Qutsin­nerus­saar­tup, ‘maniguun­nera’ (NW) qamuuna kil­lin­neqaatigaar­put. (Tuss 18:36) Al­las­simaf­fik una maleruarusup­par­put: “Atiniarsigit nal­lit­tuingaar­neq, ajun­ngis­suseq, nikanar­tin­neq, qanilaar­neq naam­magit­tas­suserlu.” (Kol 3:12) Aam­ma nalun­ngilar­put asan­nin­neq ‘pingaakujut­tar­nanilu perroor­tarin­ngitsoq’. (1 Kor 13:4) Al­lat maniguun­ner­put takugunik­ku im­maqa Jehova ilisarisimarusulis­savaat. Uiusup nuliami kristumiup pis­suserin­nera pis­sutigalugu Jehovamut qanil­lerusulersin­naaneratut inuit Guutip kif­faasa maniguun­nerat pis­sutigalugu Guutimut qanil­lerusulersin­naap­put. – 1 Petr 3:1.

8. (a) Nalitsin­ni angajoq­qaanut naalan­ngin­neq qanoq isigineqar­tar­pa? (b) Meeq­qat Biibilimi qanoq peq­quneqar­pat?

⁸ Paulusip ul­lus­sani kingul­ler­ni inuit im­min­nut qanoq pisarumaar­nerat al­laatigaa. Al­lap­poq meeq­qat angajoqqaaminnut naalanngitsuussasut. Nalitsin­ni meeq­qat angajoq­qaamin­nut naalan­ngit­tar­nerat atuak­kani, isigin­naagas­siani aal­lakaatitas­sianilu amerlasuuni pis­susis­samisoor­tutut ajun­ngitsutul­lu ersersin­niar­neqar­tar­poq. Naalan­ngin­nerli ilaqutariin­nik, inuiaqatigiit tun­ngavian­nik, san­ngiin­nerulersitsisar­poq. Inuit taman­na qangaaniit ilisimavaat. As­sersuutigalugu itsaq Grækenlandimi angutip angajoq­qaaminut nakuuser­tup inuiaqatigiin­ni pisin­naatitaaf­fini an­naasar­pai. Romamiut inatsisaat naaper­torlugu ataataminut nakuuser­toq toqutsisup pil­laatisias­saatut pil­lar­neqarsin­naasar­poq. Al­lak­kani Hebræerisuuni aam­ma Grækerisuuni meeq­qat peq­quneqar­put angajoq­qaamin­nik ataq­qin­nis­sasut. – 2 Mos 20:12; Ef 6:1-3.

9. Meeq­qat angajoq­qaamin­nut naalan­nis­samin­nut suut iluaqutigisin­naavaat?

⁹ Meeq­qat meeraqatitik al­lat naalan­ngik­kaluar­tut angajoq­qaamin­nut naalan­nis­samin­nut suut iluaqutigisin­naavaat? Meeq­qat angajoq­qaamik ajun­ngitsuliar­pas­sui eq­qarsaatiginerat qujamasun­nis­samut naalak­kusun­nis­samul­lu iluaqutigisin­naavaat. Inuusut­tut Guutip, tamatsin­nut Ataataasup, angajoq­qaatsin­nut naalan­nis­satsin­nik piumasaa aam­ma paasisariaqar­paat. Inuusut­tut angajoq­qaatik ajun­ngitsumik eq­qar­tor­tar­nerisigut ikin­ngutitik angajoq­qaamin­nik ataq­qin­nin­nerunis­saan­nut ikior­tar­paat. Soorunami angajoq­qaat asanniuitsuuppata meeq­qat naalan­nis­sar­tik saper­nar­nerutis­savaat. Inuusut­torli misigiguni angajoq­qaaminit asaneqangaarluni saper­nar­tik­kaluarlugu  taman­na naalan­nis­samut iluaqutigisin­naavaa. Qatan­ngut angut inuusut­toq Austinimik atilik oqar­poq: “Naveer­neqar­nanga naalan­ngin­niar­taraluar­tunga angajoq­qaak­ka naleq­qut­tunik maleruagas­sior­tar­put, malit­tarisas­sanut pis­sutaasunik nas­suiaasar­put at­taveqaqatigil­luar­tarlungalu. Taman­na naalan­nis­san­nut iluaqutigaara. Isumas­soraan­nga takusin­naagak­ku nuan­naar­tik­kusuler­pak­ka.”

10, 11. (a) Pis­susipalaat suut inuit asan­nin­ngin­neran­nik ersersitsisar­pat? (b) Kristumiut ilumoor­tut inun­nik al­lanik qanoq asan­nitsigip­pat?

¹⁰ Paulusip aam­ma pis­suserineqar­tus­sat inuit inoqatimin­nik asan­nis­suseqan­ngin­neran­nik ersersitsisut al­laatigai. “Angajoq­qaamin­nut naalan­ngitsut” eq­qaareerlugit qujasuitsut eq­qaavai. Inuit qujasuitsut al­lat nam­mineq pil­lutik ajun­ngitsuliaat pingaar­tin­neq ajormatigit taman­na tupin­nan­ngilaq. Paulusi aam­ma al­lap­poq inuit mitalliisuussasut. Saammartitassaanngitsuussapput, tas­sa al­lanik eq­qis­seqateqar­nis­saq kis­saatigis­san­ngilaat. Guutimik mitalliisuussallutillu killuussisuussapput, tas­sa inoqatitik al­laal­lu Guuti pil­lugu ajor­tunik oqaaseqar­tas­sap­put. Aam­ma mamarliisuussapput, tas­sa al­lat tusaamanerlugaalersin­niarlugit sal­luliorlutik oqaluuserin­nit­tas­sap­put. *

¹¹ Jehovap kif­fai ilumoorlutik asan­nin­nermik ersersitsisaramik silarsuarmi inun­nit amerlaner­nit al­laanerujus­suup­put. Taman­na ilumoor­tuarsimavoq. Jiisusi Guutimik asan­nin­neq eq­qaareerlugu oqar­poq inoqatinik asan­nin­neq Mosesip inatsisaani pingaar­ner­paap tul­lerigaa. (Matt 22:38, 39) Jiisusi aam­ma oqar­poq kristumiut asaqatigiin­ner­tik ilisar­naatigis­sagaat. (Johannesi 13:34, 35 atuakkit). Al­laat kristumiut ilumoor­tut akeq­qamin­nik asan­nit­tus­saap­put. – Matt 5:43, 44.

12. Jiisusip al­lat qanoq asan­nit­tuliorfigisar­pai?

¹² Jiisusip inuit ilumoorluni asan­nit­tuliorfigisar­pai. Taamaalior­tar­poq Guutip naalagaaf­fia pil­lugu nutaarsias­sat nuan­nersut oqaluus­sis­sutiginiarlugit il­loqarfim­miit il­loqarfim­mut angalanermigut. Tap­piitsut, nukil­laarsimasut, pupis­sut tusilar­tul­lu ajorun­naarsit­tar­pai. Aam­ma toqusimasut makitit­tar­pai. (Luk 7:22) Al­laat Jiisusip inuit an­naan­niarlugit, naak amerlasuunit uumis­sor­neqaraluarluni, inuunini pil­liutigaa. Jiisusip Ataatami asan­nin­nera ilaaq­qis­saar­paa. Nunarsuaq tamak­kerlugu Jehovap Nalunaajaasui Jiisusi ilaarlugu al­lanut asan­nit­tulior­tar­put.

13. Asan­nit­tulior­tar­ner­put al­lat Jehovamut qanil­linis­samut qanoq iluaqutigisin­naavaat?

¹³ Inoqativut asan­nit­tuliorfigigutsigit im­maqa Ataatar­put qilam­miusoq qanil­lerusulis­savaat. As­sersuutigalugu angutip Thailandimi ul­luni pingasuni ataatsimeersuar­nermi najuuk­kami qatan­ngutit asan­nin­nermik im­min­nut ersersitsivigisar­nerat ajasoorutigaa. Angerlarami aperivoq Jehovap Nalunaajaasuinit sapaatip-akun­neranut marloriarluni Biibilimik atuaq­qis­saaqatigineqar­tarsin­naanerluni. Taava ilaqut­tani tamaasa oqaluus­sif­figisaler­pai. Qaam­matit arfinil­lit qaangiutiin­nar­tut naalagaaf­filersaarfim­mi siul­lermeerluni Biibilimit atuf­fas­sivoq. Al­lanut asan­nit­tulior­tar­pugut? Im­minut aperigit: ‘Ilaqut­tak­ka, ilagiin­niit­tut  oqaluus­sif­figisar­tak­kak­kalu sapin­ngisan­nik ikior­niar­tar­pak­ka? Al­lat Jehovatut isigin­nit­taaseqarfiginiar­tar­pak­ka?’

14, 15. Inup­pas­suit qanoq it­tunik pis­susipalaaqar­pat, ilaal­li qanoq al­lan­nguisimap­pat?

¹⁴ Ul­luni kingul­ler­ni inuit aam­ma al­lanik pis­susipalaaqas­sap­put ingalas­simasas­satsin­nik. As­sersuutigalugu amerlasuut ajunngitsunut akeraapput. Ajun­ngitsoq uumigalugu al­laat akerlilersus­savaat. Inuit taamaat­tut imminnut naalakkersinnaanatillu kamajasuupput. Ilaat puffajasuupput. Eq­qarsaq­qaar­natik iliuuseqar­tarlutil­lu iliuutsitik al­lanut qanoq sun­niuteqas­sanersut soqutigin­ngilaat.

¹⁵ Inup­pas­suit uumasutut qaasut­tutut pis­suseqarsimasut al­lan­nguil­luin­narsimap­put. Al­lan­nguineq taman­na Biibilimi siulit­tuutigineqar­poq. (Esaja 11:6, 7 atuakkit). Atuar­par­put uumasut nujuar­tat, soorlu amaq­qut løvil­lu, uumasut nujuitsut, soorlu savat nersuteeq­qal­lu, eq­qis­seqatigis­sagaat. Sooq eq­qis­seqatigiis­sap­pat? Siulit­tuut nangil­luni ima al­laq­qavoq: “Naalak­kamik ilisimasaqar­nerup nuna tamak­kerumaarmagu.” (Es 11:9) Uumasut Jehova pil­lugu ilin­niarsin­naan­ngim­mata siulit­tuum­mi inuit al­lan­nguil­luin­nar­nis­saat pineqar­poq.

16. Inuit Biibili iluaqutigalugu qanoq inuunermin­nik al­lan­nguisimap­pat?

¹⁶ Qatan­ngutivut amerlasuut amaq­qutut qaasutsigigaluarlutik eq­qis­sinermik nuan­narisaqalersimap­put. Misigisalik­kersaarutaasa ilaat jw.org-imi al­laaserisani ataqatigiin­ni “Biibili inuit inuuneran­nik  al­lan­nguisitsisar­poq”-mi atuarsin­naavatit. Jehovamik ilisarisiman­nilersut kif­far­tuus­sisul­lu Guutimik mianerinninneq ileqqorisuusaaginnarlugu pissaaneranik asiginnaasut as­sigin­ngilaat. Inuit taamaat­tut Guuti pal­lorfigisuusaar­tar­paat, taamaan­ngin­neral­li pis­susiisigut takuneqarsin­naavoq. Jehoval­li in­nut­taasa ilaat kamajasuusimagaluar­tut maan­na ‘atisimavaat inuk nutaaq Guuti as­silil­lugu pin­ngor­titaq iluarsuseqarluni up­perluar­toq’. (Ef 4:23, 24) Inuit Guuti pil­lugu ilin­niaraangamik najoq­qutas­siaanik maleruaasariaqar­ner­tik paasisar­paat. Taman­na up­perisamin­nik, eq­qarsar­taatsimin­nik iliuutsimin­nil­lu al­lan­nguinis­samut iluaqutigisar­paat. Al­lan­nguinis­saq saper­narsin­naasar­poq, Guutimil­li iluarisaarusut­tut anersaamit il­ler­nar­tumit ikior­neqas­sap­put.

17. Inun­nit pis­susipalaalin­nit qanoq sun­ner­tin­naveersaarsin­naavugut?

¹⁷ Guutimut kif­far­tor­tut kif­far­tun­ngitsul­lu as­sigiin­ngis­sutaat ersaris­siar­tuin­nar­put. Guutimut kif­far­tun­ngitsut pis­susipalaavinit sun­ner­tin­naveersaar­tariaqar­pugut. Jehovap inun­nik Timotheusimut al­lak­kat aap­paan­ni 3:2-5 al­laatigineqar­tunik nigorsimaqqusinera naalak­kusup­par­put. Soorunami pis­susipalaal­lit ilaan­nik­kut ilagisariaqar­tar­pavut. Im­maqa suleqatigisariaqar­pavut, atuaqatigisariaqar­pavut imaluun­niit ineqatigisariaqarlugit. Taak­kunatul­li eq­qarsar­tariaqar­natalu ilior­tariaqan­ngilavut. Suut iluaqutigisin­naavavut? Biibilimik atuaq­qis­saar­tar­nik­kut Jehovamil­lu asan­nit­tunik qanimut ikin­nguteqar­nik­kut Jehova ikin­ngutigil­lualersin­naavar­put.

18. Oqaloriaaser­put pis­susilersoriaaser­pul­lu al­lat anersaak­kut qanoq iluaqutigisin­naavaat?

¹⁸ Al­lat Jehovamik ilisarisiman­nileq­qul­lugit aam­ma ikiorusup­pavut. Nalunaajaanis­samut periarfis­sarsior­tarit, aam­ma pif­fis­saq­qis­sumi eq­qor­tumik oqaaseqar­nis­samut Jehovamut ikioq­qugit. Al­lat paasitit­tas­savavut Jehovamik Nalunaajaasuul­luta. Taava pis­suserin­ner­put Guutimut, uagutsin­nuun­ngitsoq, ataq­qinaataas­saaq. Jehovap ilin­niar­tip­paatigut naaggaaq­qul­luta “iluaatsuus­susermut silarsuarmiul­lu kajungerisaan­nut, silatusaarluta peq­qusersuil­lutalu Guutimil­lu mianerin­nit­tuul­luta silarsuarmi matumani inuusin­naaq­qul­luta”. (Tit 2:11-14) Jehovamik ilaarsiner­put piumasaatul­lu ilior­ner­put al­lat takusin­naas­savaat. Al­laat im­maqa ilaat oqas­sap­put: “Ingerlaqatigis­savas­si tusaratsigu Guutip najoraasi.” – Zak 8:23.