1. Jehova pil­lugu Daavi qanoq misigiva, taman­nalu sunis­samut kajumis­sis­sutigaa?

KUN­NGI DAAVI al­lap­poq: “Angingaar­poq Naalagaq un­nersiutigineqangaarlunilu.” (Tus­s 145:3) Daavip Jehova asavaa, asan­nin­ninilu ‘katersorsimasuni’ Guutimik ‘un­nersiutigin­nin­nis­saminut’ kajumis­sis­sutigalugu. (Tus­s 22:23; 40:6) Qular­nan­ngitsumik Jehova il­lit asal­lugulu Daavi ima oqarmat isumaqatigaat: “Un­nersiutigineqar­na il­lit Naalagaq ataatat­ta Israelip Guutia naas­saan­ngil­luin­nar­tumik.” – 1 Nal 29:10-13.

2. (a) Qanoq Jehova un­nersiutigisin­naavar­put? (b) Ilaat sumik unam­miniagaqar­pat, suul­lu sam­mis­savavut?

² Nalitsin­ni Jehovamik un­nersiutigin­neriaatsit­ta ilaat tas­saavoq kristumiut ataatsimiin­nerini akisar­neq. Qatan­nguter­pas­suat­tali ilaat unam­miniagaqar­put. Ataatsimiin­ner­ni akerusuk­kaluarlutik sapiler­tar­put. Saper­tutut misigisar­ner­tik qanoq iliuuseqarfigisin­naavaat? Tamat­talu qiim­mas­saataasumik akinis­samut siun­nersuutit suut iluaqutigisin­naavavut? Taak­ku pitin­nagit ataatsimiin­ner­ni akinis­satsin­nut pis­sutaasut sisamat pingaar­nerit sam­meriar­tigit.

3-5. (a) Hebræerit 13:15-imi nas­suiar­neqar­tutut sooq ataatsimiin­ner­ni akisar­pugut? (b) Tamat­ta akeriaatsivut as­sigiit­tus­saap­pat? Nas­suiaruk.

³ Imminik un­ner­siutigin­nin­nis­samik Jehovap tamat­ta im­mik­kut pisin­naatitaaf­filer­paatigut. (Tus­s 119:108) Ataatsimiin­ner­ni akisar­ner­put ‘qujaniutinik pil­liisar­nitsin­nut’ ilaavoq, al­lal­lu uagut sin­nerluta pil­liisin­naan­ngil­lat.  (Hebræerit 13:15 atuaruk). Tamat­ta as­sigiim­mik pil­liuteqar­nis­sar­put, imaluun­niit akinis­sar­put, Jehovap piumasaraa? Naamik!

⁴ Pis­sutsit atuk­kavut pigin­naasat­talu as­sigiin­ngin­nerat Jehovap nalun­ngilaa, pil­liutigisin­naasavul­lu pingaar­tingaar­pai. Israelik­kun­nit pil­liutit akuerisai eq­qarsaatigik­kit. Israelik­kut ilaasa sava savaasarluun­niit pil­liutigisin­naavaat. Piitsul­li “tuit quluar­tar­tut marluk imaluun­niit tuit piaq­qat marluk” pil­liutigisin­naavai. Tuil­li marluk akis­saqar­tin­ngip­pagit “qajuusat aseq­qoris­sut” an­ner­tual­laan­ngitsut pil­liutitut Jehovap akuerai. (3 Mos 5:7, 11) Qajuusat akikin­nerup­put, ‘aseq­qoris­suup­patali’ Jehovap pil­liut taman­na qujamasuutigis­savaa.

⁵ Guuter­put asan­nit­toq aam­ma nalitsin­ni taamatut isigin­nit­taaseqar­poq. Akis­suteqaraangat­ta imaan­ngilaq piumasarigaa tamat­ta Apol­lositul­li oqal­loritsiginis­sar­put Paulusitul­luun­niit qularun­naarsitsil­laq­qis­sasugut. (ApS 18:24; 26:28) Pisin­naasavut najoq­qutaralugit tamat­ta pitsaaner­paamik akinis­sar­put Jehovap kis­saatigiin­nar­paa. Uil­lar­neq aningaasan­nguanik marlun­nik pil­liuteqar­toq eq­qaamajuk. Sapin­ngisaminik pitsaaner­paat pil­liutigim­magit Jehovamut erlin­nar­tuuvoq. – Luk 21:1-4.

6. (a) Hebræerit 10:24, 25 naaper­torlugit akis­sutit tusaasavut qanoq sun­niuteqarsin­naap­pat? (b) Al­lat akis­sutaat qiim­mas­saatigisatit pil­lugit qujamasun­nerit qanoq ersersis­sin­naaviuk?

⁶ Akinit­sigut qiim­mas­saqatigiit­tar­pugut. (Hebræerit 10:24, 25 atuakkit). Ataatsimiin­nitsin­ni akis­sutit as­sigiin­ngisitaar­tut tamat­ta nuan­naraavut. Meeq­qat un­neq­qaril­lutik naatsun­nguamik akigaangata nuan­naar­tar­pugut. Arlaat eq­qor­toq paaseq­qam­misani pil­lugu nuan­naarluni akisoq qiim­maal­laatigisar­par­put. Aam­ma ilaat it­tooraluarlutik oqaatsitsin­nil­luun­niit ilin­nialeq­qam­miin­narlutik sapiil­lutik akisut alutorisar­pavut. (1 Th 2:2) Akineran­nut qanoq qujamasun­nitsin­nik ersersitsisin­naavugut? Ataatsimeereer­nermi qiim­maal­laataasumik akinerat pil­lugu qujaf­figisin­naavavut. Aam­ma nam­mineq akinitsigut taamaaliorsin­naavugut. Taava ataatsimiin­ner­ni uagut qiim­mas­sar­neqaan­narata aam­ma al­lat qiim­mas­sarsin­naavavut. – Rom 1:11, 12.

7. Akigaangat­ta qanoq iluaqutigisar­par­put?

 ⁷ Akigaangat­ta nam­mineq iluaqutigisar­par­put. (Es 48:17) Qanoq? Siul­ler­tut, akis­samaaraangat­ta ataatsimiin­nermut piareersarluar­nis­samut kajumis­suseqar­nerusar­pugut. Piareersarluaraangat­ta Guutip oqaasia paasil­luar­nerusar­par­put. Paasin­nil­luaraangat­talu ilik­kak­kavut atoriaan­naanerusarlutigit. Aap­paat­tut, eq­qar­tuinermi peqataagut­ta ilimanar­poq ataatsimiin­neq nuan­narinerus­sagip­put. Pingajuat­tut, akineq iliuuseqar­nerum­mat ataatsimiin­neq naareeraluar­toq eq­qar­tuk­kavut eq­qaamanerusar­pavut.

8-9. (a) Malaki 3:16 naaper­torlugu akisar­nivut pil­lugit Jehova qanoq isumaqarsoraajuk? (b) Ilaasa suli suna unam­miniagarisar­paat?

⁸ Upper­ner­put er­ser­sik­kaangat­sigu Jehova nuan­naar­tit­tar­par­put. Ilimagisin­naavar­put Jehovap tusar­naarlutalu ataatsimiin­ner­ni akisar­nivut pingaar­tingaarai. (Malaki 3:16 atuaruk). Nuan­naar­tik­kumal­lugu ilungersoraangat­ta pil­luaq­qusinermigut pingaar­titsinini ersersit­tar­paa. – Mal 3:10.

⁹ Erseq­qip­poq ataatsimiin­ner­ni akinis­satsin­nut pis­sutis­saqarluar­tugut. Ilaasali nap­paanis­sar­tik saper­nar­tit­tar­paat. Taamatut misigiguit nikal­loqinak. Biibilimi najoq­qutas­siat, maligas­siuisut ilaat aam­ma siun­nersuutit tamat­ta ataatsimiin­ner­ni akinis­satsin­nut iluaqutigisin­naasavut sam­meriar­tigit.

10. (a) Ilar­pas­suat­ta suut er­numas­sutigaat? (b) Akinis­samut er­numaneq sooq ajun­ngitsumik ersiutaasin­naava?

¹⁰ Nap­paanis­sat eq­qarsaatigiin­narlugu pis­sangaler­tar­pit? Taamaap­pat kisimiin­ngilatit. Amerlanersavut akinialeraangamik pis­sangasar­put. Taamatut misigisar­ner­pit sulis­sutigin­ngin­nerani suna er­numas­sutiginerlugu paasiniar­tariaqar­pat. Oqaatiginiak­kavit puior­nis­saa kuk­kusumil­luun­niit oqaaseqar­nis­sat er­numas­sutigisar­piuk? Akis­sutit al­lat akis­sutaat­tut ajun­ngitsigin­ngin­nis­saat isumakuluutigaajuk? Taamatut er­numaneq ajun­ngitsumik ersiutaasin­naavoq, maniguun­nin­nik  al­lanil­lu ilin­nit an­nerutitsinin­nik ersiutaal­luni. Jehovap taamatut pis­suseqar­neq nuan­naraa. (Tus­s 138:6; Fil 2:3) Im­minil­li un­nersiutigin­nin­nis­sat ataatsimiin­ner­nilu qatan­ngutin­nik qiim­mas­saanis­sat Jehovap aam­ma piumasaraa. (1 Th 5:11) Asavaatit pisariaqar­titan­nil­lu sapiis­suseqalersis­sal­lutit.

11. Biibilimi eq­qaasitsis­sutit suut iluaqutigisin­naavavut?

¹¹ Biibilimi eq­qaasitsis­sutit ilaat eq­qarsaatigik­kit. Al­laq­qavoq tamat­ta oqaatsitsigut oqaloriaatsitsigul­lu kuk­kus­suteqar­tar­tugut. (Jaak 3:2) Jehovap naam­mal­luin­nar­tuunis­sar­put naatsorsuutigin­ngilaa, aam­ma qatan­ngutivut taamatut naatsorsuuteqan­ngil­lat. (Tuss 103:12-14) Anersaak­kut ilaqutaraavut aam­ma asavaatigut. (Mark 10:29, 30; Joh 13:35) Ilaan­nik­kut akinitsin­ni kuk­kulaar­tar­ner­put paasisin­naavaat.

12-13. Nehemiap Jonal­lu maligas­siaan­nit suut ilik­kar­pavut?

¹² Sapiil­linis­san­nut Biibilimi maligas­sat iluaqutigisin­naasatit sam­milaariar­tigit. Nehemia eq­qaamajuk. Kun­ngi pis­saanilik kif­far­tuup­paa. Jerusalemimi pal­lit­taalisat isaaf­fiil­lu aseror­ter­neqarsimanerat tusarlugu nikal­lungavoq. (Neh 1:1-4) Takorlooruk sooq taama nikal­lungatiginerluni kun­ngimit aperineqarami qanoq an­nilaar­tigisimas­sanersoq! Nehemia qinupal­lap­poq akis­suteqarlunilu. Kun­ngip akil­lugu Guutip in­nut­tai ikior­niarlugit iliuuseqangaar­poq. (Neh 2:1-8) Aam­ma Jona eq­qarsaatigiuk. Jehovap Ninevemiunut oqaluus­seq­qum­mani Jona an­nilaangangaarami il­luatungeq­qin­naanut qimaavoq. (Jon 1:1-3) Jehoval­li ikiuineratigut Jonap suliani naam­mas­sivaa. Oqaasiilu Ninevemiut iluaqutigeqaat. (Jon 3:5-10) Nehemiamit ilik­kar­par­put akin­ngin­nitsin­ni qinunis­saq. Jonamil­lu ilik­kar­par­put qanorluun­niit an­nilaangatigigaluarut­ta Jehovap kif­far­tor­nis­samut ikiorsin­naagaatigut. Aam­ma ilaa ilagiit sorliil­luun­niit Ninevemiutut ersinar­tigin­ngil­lat?

¹³ Ataatsimiin­ner­ni qiim­maal­lan­nar­tunik akinis­samut siun­nersuutit suut iluaqutigisin­naavigit? Siun­nersuutit ilaat sam­meriar­tigit.

14. Sooq ataatsimiin­ner­nut piareersarluar­tariaqar­pugut, qaquguk­kul­lu taamaaliorsin­naavugut?

¹⁴ Ataatsimiin­ner­nut tamanut piareer­sar­tarit. Pilersaarusiorsimal­lutil­lu piareersarsimaguit akinis­san­nut im­minut tatiginerus­saatit. (Uss 21:5) Soorunami tamat­ta as­sigiim­mik iliuuserisar­tagaqan­ngilagut. Eloise, uil­lar­neq 80-it sin­nerlugit ukiulik, Napasuliaq Alapernaarsuiffik atuaq­qis­saaqatigiis­sutis­saq sapaatip-akun­nerata aal­lar­tilaar­nerani piareersar­tar­paa. Oqar­poq: “Pif­fis­saq sioq­qul­lugu atuaq­qis­saareeraangama ataatsimiin­nerit nuan­naarutiginerusar­pak­ka.” Joy, ul­loq naal­lugu sulisar­toq, Napasuliaq Alapernaarsuiffik arfinin­ngor­nik­kut piareersar­tar­paa. Oqar­poq: “Al­laaserisaq  atuaq­qam­meraangak­ku eq­qaamajuminar­tin­nerusar­para.” Ike, utoq­qaaner­taal­lunilu pioneriusoq ulap­putilik oqar­poq: “Sapaatip-akun­nerata ingerlanerani sivikitsumik atuaq­qis­saar­nis­saq ataatsik­kut sivisuumik atuaq­qis­saar­nermit ajor­nan­ngin­nerutit­tar­para.”

15. Ataatsimiin­nermut qanoq piareersarluarsin­naavit?

¹⁵ Qanoq piareersarluarsin­naavugut? Atuaq­qis­saan­ngin­nin­ni tamatigut anersaaq il­ler­nar­toq Jehovamut qin­nutigisaruk. (Luk 11:13; 1 Joh 5:14) Al­laaserisaq sunik imaqar­nersoq minutsialun­ni misis­sulaar­taruk. Qulequtaq, qulequtaaq­qat, as­siliat ungalusal­lu eq­qarsaatigik­kit. Im­mik­koor­tut tamaasa atuaq­qis­saar­nerani al­las­simaf­fiit is­suar­neqar­tut sapin­ngisamik amerlaner­paat atuar­tak­kit. Paasis­sutis­sat eq­qarsaatigeq­qis­saak­kit, akis­sutigerusutatit im­mik­kut maluginiar­tarlugit. Piareersarluar­neruguit pis­sarsiaqar­nerul­lutil­lu ilimanar­poq akinis­sat saper­nar­tin­ngin­nerus­sagit. – 2 Kor 9:6.

16. Ator­tut ilaat suut atorsin­naavigit, qanorlu ator­tar­pigit?

¹⁶ Pisin­naaguit elektronik­kik­kut ator­toris­saarutit oqaat­sin­ni pis­sar­sias­saasut ator­tak­kit. Jehovap, peqatigiis­sor­tani aq­qutigalugit, ataatsimiin­ner­nut piareersar­nermi iluaqutis­satsin­nik elektronik­kik­kut atugas­saqar­tip­paatigut. JW Library^® ap­p-eq atorlugu elektronik­kik­kut ator­toris­saarum­mi Biibililersaarutit aasin­naavavut. Taava atuaq­qis­saarsin­naavugut – atuagas­saq atuarluguluun­niit tusar­naarluta – qaquguk­kul­luun­niit sumiluun­niit. Ator­toris­saarut taman­na ilaasa sulif­fim­mi atuarfim­miluun­niit ul­loqeq­qar­nermi angalanermiluun­niit ator­tar­paat. Watchtower Library aam­ma Watchtower ONLINE LIBRARY^™ atorlugit atuaq­qis­saar­nermi im­mik­kut misis­suineq ajor­nan­ngin­neruler­tar­poq.

17. (a) Akis­sutinik arlalin­nik piareersar­neq sooq pitsaava? (b) Filmiaq­qami Bliv Jehovas ven – Forbered dit svar-imi suna ilik­kar­piuk?

¹⁷ Pisin­naaguit akis­sutit ar­lal­lit piareer­sar­tak­kit. Sooq? Imaas­sin­naavoq ataasiaan­naq nap­paaguit taaneqan­ngitsutit. Al­lat aam­ma tamatumani nap­paasin­naap­put aqutsisumil­lu toq­qar­neqarlutik. Ataatsimiin­nerup pif­fis­saq eq­qorlugu naanis­saa anguniarlugu aqutsisup akis­sutit kil­lilersimaar­tarsin­naavai. Taamaam­mat atuaq­qis­saar­nerup aal­laq­qaataani taaneqan­ngik­kuit nikal­loqinak ajual­lan­nal­luun­niit. Akis­sutit arlal­lit piareersaruk­kit eq­qar­tuinermi peqataanis­samut periarfis­saqar­nerus­saatit. Akis­sutit piareersak­kavit ilagisin­naavaat al­las­simaf­fim­mik atuaaneq. Pisin­naaguil­li aam­ma nam­mineq oqaatsitit atorlugit akineq piareersarsin­naavat. *

18. Sooq naatsumik akisas­savit?

 ¹⁸ Naat­sumik akisarit. Akis­sutit qiim­mal­lan­nar­ner­paat amerlaner­tigut paasiuminarlutil­lu naatsuusar­put. Taamaam­mat akis­sutitit naatsun­nguutin­niarsarisak­kit. Sekundit 30-t mis­saan­nut kil­liler­niar­tak­kit. (Uss 10:19; 15:23) Ukior­pas­suar­ni ataatsimiin­ner­ni akisarsimaguit pingaaruteqar­poq naatsun­nguamik akis­suteqar­nik­kut maligas­siuinis­sat. Sor­pas­suit pil­lugit minutsialun­nik sivisus­susilin­nik akis­suteqar­taruit al­lat eq­qarsarunik ilit­tut akil­laq­qitsiginaviar­natik sapilersutut misigisin­naap­put. Aam­ma naatsumik akisoqaraangat inuit amerlanerit akinermik­kut ataatsimiin­nermi peqataasin­naalis­sap­put. Pingaar­tumik siul­liul­lutit akiguit apeq­qutip akis­sutaa naatsumik toq­qaan­nar­tumil­lu akiuk. Im­mik­koor­tumi paasis­sutis­sat tamak­ker­niarsareqinagit. Pingaar­neq oqaatiginiar­neqar­toq eq­qar­tor­neqareer­pat ilan­ngus­sat al­lat akinin­ni eq­qaasin­naavatit. – Takuuk ungalusaq “ Qanoq akisin­naavunga?”

19. Aqutsisup qanoq ikiorsin­naavaatit, qanorli ilior­tariaqar­pit?

¹⁹ Immik­koor­tumi aalajanger­simasumi akiumal­lutit atuaq­qis­saar­ner­mik aqut­sisoq ilisimatereeruk. Taamaaliorusuk­kuit ataatsimiin­nerup aal­lar­tin­ngin­nerani pif­fis­saal­luar­til­lugu aqutsisoq saaf­figis­savat. Im­mik­koor­tup akinis­saanut pif­fis­san­ngor­pat nap­paapal­lagit aqutsisup takusin­naal­luagaanik talit qul­larlugu.

20. Ilagiit ataatsimiin­nerat qanoq ikin­ngutinik nereqateqar­nermut as­singua?

²⁰ Ilagiin­ni ataatsimiin­nerit ikin­ngutinik nereqateqar­nermut as­singuvoq. Takorlooruk ilagiin­niit­tut ilaasa siaasaaqatiginiarlutit qaaq­qugaatsit nerisas­sanil­lu tapeeqataalaaq­qul­lutit. Qanoq akis­savit? Im­maqa pis­sangalaas­saatit, sapin­ngisan­nil­li tamarmik mamarisin­naasaan­nik nas­sataqas­sagunar­putit. Jehova, qaaq­qusiser­put, ataatsimiin­nitsin­ni sor­pas­suar­nik piareersaasimavoq. (Tus­s 23:5; Matt 24:45) Tunis­sutis­saaq­qamil­lu pitsaaner­paamik nas­sataqaraangat­ta nuan­naar­tar­poq. Taamaam­mat piareersarluarlutil­lu sapin­ngisan­nik peqataasarit. Taava Jehovap nerriviani neriin­nar­nak aam­ma ilagiin­nut tunis­suteqarsin­naas­saatit.