ATUAQQISSAAGASSAQ 4
‘Anersaaq nammineq nalunaajaavoq’
“Anersaaq nammineq uagut anersaarput peqatigalugu nalunaajaavoq Guutip qitornarigaatigut.” – ROM 8:16.
ERINARSUUT 25 Qinikkat erlinnartut
QILANAARTUUT *
1-2. Ukiumi 33-mi piinsip ulluani tupinnartunik qanoq pisoqarpa?
JERUSALEMIMI sapaatikkut ullaajuvoq. Ulloq taanna tassaavoq piinsip ullua ukiumi 33-mi. Ajoqersukkat 120-t missaat illumi inimi qullermi katersuussimapput. (ApS 1:13-15; 2:1) Ullualuit tamatuma siorna immikkut ittumik tunissummik piniassammata Jiisusip taakku Jerusalemimiiginnaqqusimavai. (ApS 1:4, 5) Taava susoqarpa?
2 ‘Tassanngaannaq perpaluk anoraasuarsuartut qilammit tutsiuppoq.’ Perpalullu illumi tamarmi tusaaneqarsinnaavoq. “Oqqallu innertut ittut” ajoqersukkat niaqquisa qulaanni takussaalerput, ‘tamarmillu anersaamik illernartumik ilumioqangaalerput’. (ApS 2:2-4) Jehovap taamatut maluginiarnartumik anersaaminik illernartumik tunivai. (ApS 1:8) Anersaamik illernartumik taninneqarlutik * Jiisusimik qilammi naalakkersueqateqalernissaminnik neriuuteqalersitaasut siullersaraat.
TANITANNGORTOQARAANGAT SUSOQARTARPA?
3. Sooq piinsip ulluani katersuuttut qularinngilaat anersaamik illernartumik taninneqarlutik?
3 Illit ajoqersukkat ulloq taanna inimi qullermiittut ilagisuuppatsit tamanna puiunngisaannassavat. Innertut ittumik ApS 2:5-12) Anersaamik illernartumik taninneqarnerit qularutiginngilluinnarpat. Tanitalli tamarmik tupinnartumik assigeeqqissaamillu taninneqartarpat? Naamik. Sooq taama isummersinnaavugut?
niaqqukkut tuffigineqarputit allamiullu oqaasiinik oqalulerlutit! (4. Kristumiut siulliit nalaanni tanitanngortut assigeeqqissaamik taninneqartarpat? Nassuiaruk.
4 Qaqugukkut tanitanngortoqartarnersoq sammeriartigu. Kristumiut 120-t missaat taakku ukiumi 33-mi anersaamik illernartumik taninneqartut ilaannaraat. Ullormi tamatumani kingusinnerusukkut inuit allat 3.000-t missaat aamma anersaamik illernartumik tunineqarput. Taakku kuisikkamik taninneqarput. (ApS 2:37, 38, 41) Ukiulli ingerlaneranni imaanngilaq kristumiut tanitat tamarmik kuisinnerminni tanitanngortartut. Samariamiut tanitanngorput kuisereernermik kingorna. (ApS 8:14-17) Asseqanngitsumillu Corneliusi inoqutaalu tanitanngorput suli kuisimasunngortinnatik. – ApS 10:44-48.
5. Korinthimiunut allakkat aappaat 1:21, 22-lu naapertorlugit anersaamik illernartumik tanitanngortoqaraangat susoqartarpa?
5 Tanitanngortoqaraangat susoqartarnersoq maanna sammeriartigu. Tanitaasup immaqa Jehovamit toqqagaalluni aallaqqaammut akueriuminaatsissinnaavaa. Imaassinnaavoq ima eqqarsartoq: ‘Sooq Guutip uanga toqqarpaanga?’ Allat allatut qisuariartarput. Qanorluunniit misigisoqartaraluartoq Paulusip tanitaasunut qanoq pisoqartarnera ima nassuiarpaa: “Anersaamik Illernartumik neriorsuutigisamik naqissuserneqarpusi * oqaaseq sallusuissut annassimassutsissinnik iivangkiiliu tusarassiuk uppilerassilu. Tamanna uppernarsaasiussaavoq kingornussarsiassatsinnut.” (Ef 1:13, 14) Tassa Jehovap anersaani illernartoq atorlugu toqqagaanerannik qularunnaarsilluinnartarpai. Taamaalillutik anersaamik illernartumik tunineqaramik “sallunaveerutaasumik” [qularnaveeqqutaasumik] tunineqarput, tassa siunissami naassaanngitsumik qilammiinnissaminnik, nunarsuarmiinnissamiunngitsoq, uppernarsaavigineqarput. – 2 Korinthimiut 1:21, 22 atuakkit.
6. Kristumiu tanitaq akissarsiumalluni susariaqarpa?
6 Taavami imaappa kristumiu tanitanngoruni pinngitsuuinnani akissarsissasoq? Naagga. Qularinngilaa qilaliarnissaminut toqqagaasimalluni. Eqqaasitsissulli una eqqaamasariaqarpaa: “Qatanngutit, suli ilungersornerullusi qaaqquneqarnersi qinerneqarnersilu aalajangersarniarsigit; taamaaliorussi naakkiutinngisaannassaasi.” (2 Petr 1:10) Kristumiu qilaliarnissamut qaaqqusaagaluaruniluunniit aatsaat aalajaattuaruni akissarsissaaq. – Fil 3:12-14; Hebr 3:1; Saqq 2:10.
INUUP TANITAANERLUNI QANOQ NALUNNGISSINNAAVAA?
7. Tanitat qilaliarnissamut qaaqqusaallutik qanoq nalunngissinnaavaat?
7 Inuulli qilaliarnissamut qaaqqusaalluni qanoq nalunngissinnaavaa? Paulusip Romamiittunut “illernartooqqullugit qaaqqusaasunut” allataanit akissutaa ersarippoq. Ima allaffigai: “Tunineqarsimanngilasimi anersaamik inussiaatitsisumik kingumut siooralersitsisumik, tunineqarsimavusili anersaamik qitornaassuseqartitsisumik taassumuunalu ima torlulavugut: Abba, Ataataq! Anersaaq nammineq uagut anersaarput peqatigalugu nalunaajaavoq Guutip qitornarigaatigut.” (Rom 1:7; 8:15, 16) Tassa Guutip anersaani illernartoq atorlugu tanitat paasitittarpai qilaliartinneqartussaasut. – 1 Th 2:12.
8. Johannesip allagai siulliit 2:20, 27-milu qanoq ersersinneqarpa tanitat tanitaanertik pillugu inunnit allanit uppernarsaavigineqartariaqanngitsut?
8 Jehovap qilaliarnissamut qaaqqusaasut qaaqqusaanerannik qularunnaarsilluinnartarpai. (1 Johannesi 2:20, 27 atuakkit). * Soorunami Kristumiut tanitat allatulli Jehovamit ajoqersorneqartariaqarput. Tanitaanertilli pillugu inummit kimilluunniit uppernarsaavigineqartariaqanngillat. Jehovammi nukik sakkortunerpaaq, anersaani illernartoq, atorlugu tanitaanerannik erseqqilluinnartumik paasitittarpai!
‘ERNIOQQISSITAASIMASUT’
9. Efesosimiut 1:18-imi eqqaaneqartutut inuup tanitanngornermini allannguineq suna misigisarpaa?
9 Guutimit tanitanngortinneqarneq ullumikkut Guutip kiffaasa amerlanersaasa paasiuminaatsippaat. Tamanna tupinnanngilaq, namminnermi tanitaanngillat. Guutip inuit nunami, qilammiunngitsoq, naassaanngitsumik inuusussatut pinngortippai. (1 Mos 1:28; Tuss 37:29) Jehovalli ilaat qilaliartussatut toqqarsimavai. Taamaattumik tanikkaangamigit neriuutaat eqqarsartaasiallu allanngortittarpai qilaliarnissaminnik qilanaalersillugit. – Efesosimiut 1:18 atuaruk.
10. ‘Ernioqqinneq’ qanoq isumaqarpa? (Aamma takuuk quppernerup ataani ilanngussaq).
10 Kristumiut anersaamik illernartumik tanitanngoraangamik ‘ernioqqittarput’. * Jiisusi aamma oqarpoq ‘ernioqqissimasut’, imaluunniit ‘anersaamit erniusimasut’, qanorpiaq misiginertik tanitaanngitsumut nassuiarsinnaanngikkaat. – Joh 3:3-8.
11. Inuk taninneqaraangami eqqarsartaasia qanoq allanngortarnersoq nassuiaruk.
11 Kristumiut taninneqaraangamik eqqarsartaasiat qanoq allanngortarpa? Taakku Jehovamit taninneqanngikkallaramik nunami
naassaanngitsumik inuunissamik neriugisaqarnertik nuannaarutigisimavaat. Jehovap nunarsuarmik ajussuseerutsitsiffissaa paratiisinngortitsiffissaalu qilanaaringaarpaat. Immaqa ilaquttamik ikinngutimillu toqusunit makititaappata tikilluaqqunissaat takorloortarpaat. Tanitanngoreerlutilli eqqarsartaasiat allanngorpoq. Sooq taamaappa? Imaanngilaq eqqarsalersut nunami naassaanngitsumik inuunissaq naammaginagu. Aamma imaanngilaq misigissutsikkut artorsaateqaramik allamik kissaateqalersut. Misigilinngillat nunami naassaanngitsumik inuunissaq pikkunaassasoq. Jehovalli anersaani illernartoq atorlugu eqqarsartaasiat neriuutaallu pingaartissimasaat allanngortippai.12. Petrusip allagai siulliit 1:3, 4-lu naapertorlugit kristumiut tanitat neriuutertik pillugu qanoq misigippat?
12 Tanitanngorsimasoq pisinnaatitaaffimmut pingaarutilimmut tamatumunnga ajukkussinnaavoq. Jehovamilli toqqagaalluni qularinngilluinnarpaa. Qilammiinnissamik neriugisaqarnini nuannaarutigalugulu qujamasuutigingaarpaa. – 1 Petrusi 1:3, 4 atuakkit.
13. Tanitat nunarsuarmi inuunertik pillugu qanoq misigippat?
13 Tamannali isumaqarpa tanitat toqorusuttut? Apustilip Paulusip apeqqut tamanna akivaa. Inuttut timertik tupermut assersuuppaa, timiminnillu iperaajumanngikkaluarnertik pillugu ima allappoq: “Tupermiitillutami nanertugaalluta anersaaruluppugut atisaajarneqarumannginnatta atisalersugaajumallutali toqujasoq inuunermut eeqqullugu.” (2 Kor 5:4) Imaanngilaq kristumiut taakku nunami inuunertik pikkunaassorileramikku toqupallarusuttut. Paarlattuanik inuunertik nuannaarutigaat, aamma ullut tamaasa ilaquttatik ikinngutitillu peqatigalugit Jehovamut kiffartornermut atorusuppaat. Sulerigaluarunilluunniillu Jehovap siunissamut neriorsuutigisaa nuannerluinnartoq eqqaamajuarpaat. – 1 Kor 15:53; 2 Petr 1:4; 1 Joh 3:2, 3; Saqq 20:6.
ILLIT JEHOVAMIT TANINNEQARPIT?
14. Anersaamik illernartumik taninneqarsimanermut suut uppernarsaataanngillat?
14 Immaqa eqqarsaatigaat illit anersaamik illernartumik taninneqarsimanerlutit. Taamatut eqqarsaruit apeqqutit pingaarutillit uku eqqarsaatigikkit: Jehovap piumasaatut iliornissat kissaatigingaarpiuk? Misigivit oqaluussinermi immikkut aallussilluartuullutit? Biibilimik atuaqqissaarusussuseqarpit ‘Guutillu itissusii’ pillugit ilinniarnissat nuannaarutigingaartarlugu? (1 Kor 2:10) Misigivit oqaluussininni Jehovap nuanningaartunik angusaqartikkaatit? Inuit allat anersaakkut ikiornissaat akisussaaffittut pimoorussassatut isigaajuk? Inuuninni arlalippassuartigut Jehovap immikkut ittumik ilinnik ikiuisarnera uppernarsinikuuiuk? Apeqqutit taakku angerukkit imaappa qilammut qaaqqusaasimasutit? Naamik, taamaanngilaq. Sooq? Guutip kiffai tanitaagaluarunik tanitaanngikkaluarunilluunniit tamarmik taamatut misigisinnaammata. Jehovallu anersaani illernartoq atorlugu kiffani qanorluunniit neriugisaqaraluarpata pissaanermik assigiimmik tunisinnaavai. Tassa anersaamik illernartumik taninneqarsimanerlutit nalornissutigigukku qaaqqusaasimanavianngilatit. Jehovamit qinikkat taninneqarsimanertik nalornissutiginagu qularinngilluinnarpaat!
15. Qanoq nalunngilarput Guutip anersaavanik tunineqartut ilaannaat qilaliartussatut toqqagaasut?
15 Inuit upperluartut anersaamik illernartumik tunineqartut, qilaliarnissaminnilli neriuuteqanngitsut, amerlasuut Biibilimi allaatigineqarput. Daavi anersaamit illernartumit 1 Sam 16:13) Anersaaq illernartoq iluaqutigalugu Jehova pillugu itisuunik paasisaqarpoq Biibilillu ilaanik Jehovamit isumassarsisinneqarluni allalluni. (Mark 12:36) Taamaakkaluartoq apustili Petrusi oqarpoq Daavi ‘qilammut qangattanngitsoq’. (ApS 2:34) Johannesi Kuisisoq ‘anersaamik illernartumik ilumiulerneqarpoq’. (Luk 1:13-16) Jiisusi oqarpoq inummik Johannesimit ‘annerusoqanngitsoq’, nangillunili oqarpoq taanna Qilaap Naalagaaffianiissanngitsoq. (Matt 11:10, 11) Jehovap anersaani illernartoq atorlugu angutit taakku immikkuullarissumik iliuuseqartippai, anersaanili atunngilaa taakku qilammiinnissamik neriuuteqalersinniarlugit. Imaappa qilammi naalakkersuisussatut toqqarneqartunut naleqqiullugit aalajaannginnerusut? Naamik. Imaaginnarpoq Jehovap taakku nunami paratiisiusumi inuulerseqqissagai. – Joh 5:28, 29; ApS 24:15.
siulersorneqarpoq. (16. Nalitsinni Guutip kiffaasa amerlanersaasa akissarsiassaq suna qilanaaraat?
16 Nalitsinni Guutip kiffaasa amerlanersaat nunarsuarmiittut qilaliarnissaminnik neriuuteqanngillat. Taakkua Aaperaat, Sara, Daavi, Johannesi Kuisisoq aamma angutit arnallu Biibilip nalaaneersut allat assigalugit Guutip naalagaaffianit qilammiit naalakkersorneqarlutik nunarsuarmi inuunissartik qilanaaraat. – Hebr 11:10.
17. Allaaserisap tulliani apeqqutit suut sammissavavut?
17 Nunarsuarmi Guutip kiffaani suli tanitaqarmat apeqqutit ilaat eqqarsaatigineqarsinnaapput. (Saqq 12:17) Assersuutigalugu tanitaq imminut qanoq isumaqarfigissava? Ilagiissinni eqqaaniaalluni nalliuttorsiornermi timiusamik viinnimillu ilangiisoqartalerpat taanna qanoq pissusilersorfigissaviuk? Tanitaanerartullu amerliartorpata isumakuluutigineqassava? Apeqqutit taakku allaaserisap tulliani akissutissarsissavavut.
^ imm. 5 Ukiumi 33-mi piinsip ullua aallarnerfigalugu Jehovap kristumiut ilaat ernerminik qilammi naalakkersueqatiginnittussanngortillugit tupinnartumik neriuuteqalersissimavai. Kristumiulli taakkua qanoq nalunngilaat taamatut nuannersumik pisinnaatitaaffeqalersimallutik? Qilaliarnissamut Jehovamit qaaqquneqartoqaraangat susoqartarpa? Napasuliaq Alapernaarsuiffik januaari 2016-imoortumi allaaserisaq najoqqutaralugu una allataavoq. Apeqqutillu soqutiginartut taakku akissutissarsissavavut.
^ imm. 2 NASSUIAAT: Anersaamik illernartumik taninneqarneq: Jehovap anersaani illernartoq atorlugu inuk Jiisusimik naalakkersueqateqaqqullugu qaaqqusarpaa. Anersaani atorlugu inuk taanna siunissami akissarsissasoq neriorsuiffigisarpaa, tassa ‘uppernarsaavigisarpaa’. (Ef 1:13, 14) Kristumiut tanitat oqarsinnaapput anersaaq illernartoq qilaliarnissaminnik ‘nalunaajaalluni’ qularunnaarsitsisoq. – Rom 8:16.
^ imm. 5 NASSUIAAT: Naqissuserneqarneq. Naqissuserneqarneq tamanna aatsaat kingusinnerusukkut, inuup aalajaalluni toqunnginnerani imaluunniit annikilliornartussarsuup nalliutinnginnerani, atajuartinneqassaaq. – Ef 4:30; Saqq 7:2-4.
^ imm. 8 ‘Tarnut’ uani pineqartoq tassaavoq “taninneqarneq”. Aamma takuuk tastamantitâĸ 1961-imi naqitigaq.
^ imm. 10 ‘Ernioqqinneq’ pillugu paasisaqarnerorusukkuit Napasuliaq Alapernaarsuiffik juunip aallaqqaataat 2009-moortoq, qupp. 3-12 takukkit.
ERINARSUUT 27 Guutip ernini saqqummersissavai
^ imm. 58 ASSIMI MALUGISASSAT: Uppernerput pissutigalugu parnaarussaagaluarutta imaluunniit sallusuissut pillugu oqaluussinissamut kiffaanngissuseqaraluarutta nunarsuarmi Guutip naalagaaffianit naalakkersorneqarluta inuunissarput qilanaarisinnaavarput.