ATUAQQISSAAGASSAQ 3
Jehovamut naleqangaarputit!
“Taassuma nikanarsagaanitsinni isumakkiinngilaatigut.” – TUSS 136:23.
ERINARSUUT 38 Nakussatsissavaatit
QILANAARTUUT *
1-2. Jehovap kiffai amerlasuut qanoq atugaqarpat, qanorlu sunnerneqaatigisinnaavaat?
PISUT pingasut uku takorluukkit: Qatanngut inuusuttoq perulunnartumik nappaateqalerpoq. Ilaqutariinni ittuusoq utoqqasaaq suliffimminit soraarsitaavoq, ilungersoraluarlunilu suliffittaarneq ajulerpoq. Qatanngut arnaq utoqqaq aalajaatsoq Jehovamut kiffartornermi iliuuserisinnaasai annikilliartuinnarput.
2 Illit taamatut assingusumilluunniit atugaqaruit naleqanngitsutut misigilersinnaavutit. Taama atugaqarnerup kingunerisinnaavai nuannaarunnaarneq, imminut nikagineq aamma allanut attaveqarninnik ajoqusiineq.
3. Saatani taassumanngalu sunnertissimasut qanoq isiginnittaaseqarpat?
3 Saatanip inuit inuunerannut isiginnittaasia silarsuarmi ersarippoq. Taassuma inuit pingaaruteqanngitsutut piuaannarsimavai. Naakkittaalluni Eva kiffaanngissusermik neqeroorfigaa, nalunngikkaluarlugu Guutimut naalannginneq toqumik kinguneqartussaasoq. Silarsuarmi niuernikkut, politikkikkut upperisarsiornikkullu aaqqissuussinerit Saatanip aquttuaannarnikuuai. Taamaattumik tupinnanngilaq niuertut, politikerit upperisarsiornikkullu siuttut amerlasuut inuit inuunerat naleqartinngikkaat misigissusiilu soqutiginagit.
4. Allaaserisami suut sammissavavut?
4 Paarlattuanik Jehovap paasitikkusuppaatigut tamatta naleqangaartugut, naleqanngitsutullu misigilissutigisinnaasatsinnik inuunermi aqqusaagaqaraangatta ikiortarpaatigut. (Tuss 136:23; Luk 12:6, 7) Jehovap pisuni ukunani qanoq ikiuisarnera allaaserisami sammissavarput: (1) Napparsimagaangatta, (2) aningaasaqarniarnikkut ajornartorsioraangatta, aamma (3) utoqqalinerput pissutigalugu Jehovamut kiffartornitsinni tunniussaqarsinnaanngitsutut misigigaangatta. Siullertulli paasiniariartigu sooq qularinngissinnaagipput tamatta Jehovamut naleqangaartugut.
JEHOVAMUT NALEQANGAARPUGUT
5. Sooq qularinngissinnaaviuk inuit Jehovamut naleqangaartut?
5 Issuminngaanniit pinngortitaagaluarluta issuinnarmit naleqarnerungaarpugut. (1 Mos 2:7) Jehovamut naleqangaarnitsinnik pissutaasut ilaat eqqarsaatigikkit. Jehovap immisut pissuseqarsinnaatilluta pinngortippaatigut nunarsuarmi pinngortitaminit allanit tamanit pitsaanerulersilluta. (1 Mos 1:27) Aamma nunarsuarmik uumasunillu isumaginnittussanngortippaatigut. – Tuss 8:5-9.
6. Sumit erserpa inuit naammalluinnanngitsut Jehovap naleqangaartutut isigigai?
6 Aamma Adami ajortulioreeraluartoq Jehovap inuit suli naleqangaartutut isigai. Ima naleqartigaagut allaat ernituani asasani, Jiisusi, ajortitsinnik utertitsissutitut akigalugu. (1 Joh 4:9, 10) Utertitsissut iluaqutigalugu Adamip ajortuliornerata kinguneranik inuit toqusimasut Jehovap makitikkumaarpai, “iluartut iluaatsullu”. (ApS 24:15) Biibilimi ersersinneqarpoq napparsimagaluarutta, piitsuugaluarutta utoqqaagaluaruttaluunniit Jehovamut naleqangaartugut. – ApS 10:34, 35.
7. Guutip kiffaasa Jehovamit naleqangaartutut isigineqarnerannut uppernarsaatit allat suuppat?
7 Jehovamit naleqangaartutut isigineqarnitta upperinissaanut suli allanik pissutissaqarpugut. Imminut kajungilersippaatigut sallusuissummullu qanoq qisuariarnerput maluginiarlugu. (Joh 6:44) Jehova qanilliartoratsigu uagutsinnut qanilliartorpoq. (Jaak 4:8) Aamma piffissaq atorlugu Jehovap iliuuseqarluni ilinniartittarpaatigut ersersillugu pingaartilluta. Nalunngilaa inuttut qanoq pissuseqarnersugut qanorlu inuttut pitsaanerulersinnaasugut. Aamma asagamisigut perorsartarpaatigut. (Uss 3:11, 12) Jehovamit naleqangaartutut isigineqarnitsinnut uppernarsaataalluangaaramik!
8. Tussiaat 18:28-30 iluaqutigalugit ajornartorsiutitsinnut tunngatillugu isiginnittaaserput qanoq allanngortissinnaavarput?
8 Inuit ilaasa kunngi Daavi naleqanngitsutut isigaat. Daavili Jehovamit asaneqarlunilu tapersersorneqarnini nalunnginnamiuk isumalluarluni pinertusaarsinnaavoq. (2 Sam 16:5-7) Nikallunganitsinnut ajornartorsiornitsinnullu allatut isiginnittaaseqalernissamut unamminiarnartullu suulluunniit qaangernissaannut Jehovap ikiorsinnaavaatigut. (Tussiaat 18:28-30 atuakkit). Jehova tapersersortigigutsigu taassumunnga sunaluunniit nuannaarluta kiffartorunnaassutiginavianngilarput. (Rom 8:31) Ingammik inuunitsinni aqqusaakkatsinni pingasuni Jehovap uagutsinnik asanninneranik pingaartitsineranillu eqqaasinneqartariaqartarpugut. Taakku sammeriartigit.
NAPPARSIMANITSINNI
Jehovap oqaasiisa atuarneri napparsimanermi misigissutsit nuanniitsut akiornissaannut iluaqutigisinnaavavut (Immikkoortut 9-12 takukkit)
9. Napparsimaneq qanoq misigilissutigisinnaavarput?
9 Napparsimaneq misigissutsikkut sunnerneqaatigisinnaagatsigu atorneqarsinnaanngitsutut misigilersinnaavugut. Imaassinnaavoq pisinnaasatta killeqarnerisa inunnit maluginiarneqarnera allanilluunniit ikiorneqartariaqarnerput kanngugigipput. Aamma nappaaterput allanit naluneqaraluarpat pisinnaasatta killeqalersimaneri kanngugisinnaavavut. Taamatut nikallunganitsinni Jehovap qiimmassartarpaatigut. Qanoq?
10. Ussatit 12:25 naapertorlugu napparsimatilluta suut nuannaalissutigisinnaavavut?
Ussatit 12:25 atuaruk). Jehovap Biibilimi oqaatsit qiimmaallannartut aqqutigalugit eqqaasittarpaatigut napparsimagaluaruttaluunniit naleqartingaarluta. (Tuss 31:20; 41:4) Oqaatsit taakku atuarutsigit atuaqqikkutsigillu napparsimatilluta misigissutsit nuanniitsut akiornissaannut Jehovap ikiussavaatigut.
10 Napparsimatilluta ‘qiimmassaalluni oqaaserisat’ nuannaalissutigisinnaavavut. (11. Qatanngut angut Jehovamit qanoq ikiorneqarpa?
11 Jorge inuusuttuulluni perulunnartumik ajorsiartupallaatigisaminillu nappaateqalerpoq. Tamanna naleqanngitsutut misigilissutigaa. Ima oqarpoq: “Napparsimalernerma qanoq misigilersitsinera inunnillu malugineqarnerma kanngusuutiginera piareersimaffiginngilakka. Ajorsiartuinnartillunga inuuninnut qanoq sunniuteqassanersoq eqqarsaatigaara. Isumatsaqqaqaanga, Jehovalu ikioqqullunga kimigiiserfigaara.” Jehovap qanoq ikiorpaa? Jorge ima nangippoq: “Sivisuumik atuarnissaq sapernartikkakku Tussiaatini allassimaffiit nuannersut Jehovap kiffaminut asanninneranik ersersitsisut naatsunnguit atuassallugit kajumissaarneqarpunga. Allassimaffiit amerlanngitsut taakku tuppallersaatigalugit ullut tamaasa utertarpakka. Piffissap ingerlanerani inuit takusinnaalerpaat qungujulanerusunga. Allaat oqartarput nuannaarnera qiimmassaatigisarlugu. Paasivara Jehovap qinnutikka akisimagai! Imminut isiginnittaasera allanngortinnissaanut Jehovap ikiorpaanga. Napparsimagaluartunga uannik qanoq isumaqarfiginninneranik Biibilimi allassimasut eqqarsaatiginerusalerpakka.”
12. Napparsimaguit Jehovap ikiuinera qanoq misigisinnaaviuk?
12 Napparsimaguit qularissanngilat Jehovap atukkatit ilisimagai. Inuuninni aqqusaakkannut Tuss 84:12.
eqqortumik isiginnittaaseqaqqullutit taassumunnga ikioqqugit. Taava Biibili iluaqutigalugu ilinnik qiimmassaaniarluni oqaatsit Jehovap allatsissimasai atuartakkit. Allassimaffiit Jehovap kiffaminik pingaartitsineranik ersersitsisut maluginiarnerusakkit. Taamaalioruit Jehovap kiffaminut aalajaatsunut tamanut ajunngitsuunera paasissavat. –ANINGAASAQARNIARNIKKUT AJORNARTORSIORNITSINNI
Suliffittaarniarneq ajornakusoortikkutsigu Jehovap isumaginninniarneranik neriorsuutaata eqqarsaatiginera iluaqutigissavarput (Immikkoortut 13-15 takukkit)
13. Ilaqutariinni ittuusoq suliffimminik annaasaqartoq qanoq misigisinnaava?
13 Ilaqutariinni ittuusup kialuunniit ilaquttami pisariaqartitaanik pilersuisinnaanissani kissaatigaa. Takorloorulli nammineq pisuussutiginngisaminik suliffini annaagaa. Ilungersoraluarluni allamik suliffittaarneq ajulerpoq. Tamanna pissutigalugu naleqanngitsutut misigilersinnaavoq. Jehovap neriorsuutaasa eqqarsaatigineri qanoq iluaqutigisinnaavaa?
14. Sooq Jehovap neriorsuutini eqqortittarpai?
14 Jehovap neriorsuutini eqqortittuaannarpai. (Jos 21:45; 23:14) Taamaaliornissaminut arlalinnik pissutissaqarpoq. Pingaarnertut aqqanut, tassa tusaamaneqarneranut, attuumassuteqarmat. Jehovap ilumoorfiginnitsini isumassorniarlugit neriorsuivoq, misigivorlu tamanna eqqortittariaqarlugu. (Tuss 31:2-4) Tamatuma saniatigut Jehovap nalunngilaa ilaquttamisut pilersunngikkunisigut nikallungallutalu pakatseqqassasugut. Timikkut anersaakkullu pilersorumalluta neriorsuivoq, qanorluunniillu neriorsuutiminik eqquutitsissaaq! – Matt 6:30-33; 24:45.
15. (a) Kristumiut siulliit qanoq nalaataqarpat? (b) Tussiaat 37:18, 19-ilu qanoq isumallualissutigaavut?
15 Jehovap neriorsuutiminik eqqortitsisarneranut pissutaasut eqqaamagutsigit ApS 8:1) Tamanna aningaasaqarniarnikkut ajornartorsiornermik nassataqarsimassaaq. Kristumiut taakku angerlarsimaffitsik suliffitsillu annaagunarpaat. Jehovalli qimanngilai, nuannaarnertillu attattuarpaat. (ApS 8:4; Hebr 13:5, 6; Jaak 1:2, 3) Jehovap kristumiut aalajaatsut taakku ikiorpai, uaguttaaq ikiussavaatigut. – Tussiaat 37:18, 19 atuakkit.
aningaasaqarniarnikkut ajornartorsiornitsinni isumalluarsinnaassaagut. Kristumiut siulliit eqqarsaatigikkit. Jerusalemimi ilagiinnik malersugaanersuaqalermat tamarmik, “apustilit kisimik pinnatik”, siammartitaapput. (UTOQQALINERMI PISINNAASATTA KILLEQALERNERANNI
Utoqqaligaluaruttaluunniit iliuuserisinnaasatta eqqarsaatigineruneri Jehovap uagutsinnik aalajaallutalu kiffartornitsinnik pingaartitsineranik qularunnaassutigissavarput (Immikkoortut 16-18 takukkit)
16. Jehovap pallorfiginninnerput ilumut naleqartinneraa sooq qularutigilersinnaavarput?
16 Utoqqaliartornitsinni misigilersinnaavugut Jehovamut tunniussaqarpiarsinnaanata. Kunngi Daavi utoqqaliartornermini taama misigisimagunarpoq. (Tuss 71:9) Jehovap qanoq ikiorsinnaavaatigut?
17. Jherip misigisaanit suna ilikkarparput?
17 Jherip, qatanngutip arnap, misigisaa eqqarsaatigiuk. Aserfallatsaaliuinermik pikkorissarnermut naalagaaffilersaarfimmi ingerlanneqartussamut qaaqqusaavoq, najuukkusunngilarli. Ima isummerpoq: “Utoqqaavunga, uillarneruvunga Jehovallu atorsinnaasaanik piginnaasaqarnanga. Atorneqarsinnaanngilanga.” Pikkorissarnissaq aqaguttoq unnukkut uummammiuni Jehovamut aniatippai. Aqaguani naalagaaffilersaarfimmut takkukkami suli eqqarsaatigaa ilumut najuutissanerluni. Pikkorissarnermili oqalugiartut ilaasa erseqqissarpaa piginnaasatsinni pingaarnerpaaq tassaasoq Jehovamit ilinniartinneqarusunnerput. Jheri ima oqaluttuarpoq:
“Eqqarsarpunga tamanna sapernagu! Jehovap qinnutikka akisimagai paasigakku qialerpunga. Uppernarsaavigaanga naleqartumik tunniussaqarsinnaasunga suliaqarsinnaanissannillu ilinniartikkumallunga!” Kingumut qiviarluni Jheri ima oqarpoq: “Ernumallunga, nikallungallunga naleqanngitsutullu misigalunga pikkorissariartorpunga. Isumalluarlungali, qiimmallunga pingaartinneqartutullu misigalunga anivunga!”18. Biibilimi qanoq erserpa utoqqaligaluaruttaluunniit Jehovap pallorfiginninnerput pingaartittuaraa?
18 Utoqqaliartornitsinni qularinngissinnaavarput Jehovap suli suliassaqartikkaatigut. (Tuss 92:13-16) Piginnaasavut qanorluunniit killeqaraluarpata tunniussinnaasavullu qanorluunniit annikippasitsigigaluarpata Jehovap kiffartornitsinni iliuutsivut tamaasa pingaartikkai Jiisusip ilinniartitsissutigaa. (Luk 21:2-4) Taamaattumik iliuuserisinnaasatit eqqarsaatiginerukkit. Assersuutigalugu Jehova pillugu allanut oqaluttuarsinnaavutit, qatanngutitit qinnussinnaavatit aalajaannissaannillu kajumissaarlugit. Jehovap suleqatimisut isigaatit, imaanngitsoq angusatit pillugit, naalakkusunnerilli pillugu. – 1 Kor 3:5-9.
19. Romamiut 8:38, 39-milu qanoq neriorsoqqissaarneqarpugut?
19 Jehovap Guutip, kiffaminik naleqangaartutut isiginnittup, pallorfiginera qujamasunnangaarami, ilaa? Piumasaminik ilioqqulluta pinngortippaatigut, pallorfiginninnerlu ilumoortoq inuunermi siunertaqalissutigaarput. (Saqq 4:11) Silarsuarmi naleqanngitsutut isigineqaraluaruttaluunniit Jehovap pingaartingaarpaatigut. (Hebr 11:16, 38) Napparsimaneq, aningaasaqarniarnikkut atugarliorneq utoqqalinerluunniit pillugu nikallungagutta eqqaamagisigu suulluunniit Ataatatta qilammiusup asannissusianit avissaartissinnaanngikkaatigut. – Romamiut 8:38, 39 atuakkit.
^ imm. 5 Inuunermi aqqusaakkatit pissutigalugit naleqanngitsutut misiginikuuit? Jehovamut naleqangaarninnik allaaserisami eqqaasinneqassaatit. Inuuninni susoqaraluarpalluunniit sooq imminut nikagisariaqannginnersutit sammineqassaaq.
ERINARSUUT 3 Jehova, neriuffigivatsigit nakuussutigalutillu