1. Daavi imaan­naan­ngitsumik qanoq nalaataqarsimava?

 DAAVI inuunini an­naak­kumal­lugu qimaavoq. Saulip Israelimi kun­ngiusup pis­saanil­lip toqun­niar­paa. Daavip nerisas­saaleqilerami il­loqarfim­mut Nobimukarluni if­fiat tal­limaan­naat qin­nutigai. (1 Sam 21:2, 4) Kingusin­nerusuk­kut angutitanilu qaarusum­mut qimaap­put. (1 Sam 22:1) Sooq Daavi taamatut atugaqalersimava?

2. Sauli im­minut qanoq navianar­torsior­tip­pa? (1 Samueli 23:16, 17)

² Daavi inun­nit nuan­narineqarmat sorsun­nermilu ajugaasarmat Saulip sin­ngagingaar­paa. Saulip aam­ma nalun­ngilaa Guutimut naalan­ngin­nami kun­ngiunini Jehovap tapersersorun­naarlugu Daavi kun­ngis­satut toq­qarsimagaa. (1 Samueli 23:16, 17 atuakkit). Saulili Israelimi kun­ngiugami sak­kutoor­pas­suaqarlunilu tapersersor­ter­pas­suaqar­poq, taamaat­tumik Daavi inuunini an­naak­kumal­lugu qimaasariaqar­poq. Daavi pil­lugu Guutip piumasaa Saulip unitsis­sin­naasorivaa? (Es 55:11) Taman­na Biibilimi al­las­siman­ngilaq, nalun­ngilar­pul­li Sauli im­minut navianar­torsior­tit­toq. Guutimut akerlilersuisut ajorsar­tuaan­nar­put!

3. Daavi ajor­nar­torsioraluarluni qanoq isigin­nit­taaseqar­pa?

³ Daavi maniguut­tuuvoq. Nam­mineq kun­ngin­ngor­niarsarin­ngilaq, Jehovamit toq­qar­neqar­poq. (1 Sam 16:1, 12, 13) Saulip Daavi uumigingaaler­paa. Daavil­li navianar­torsior­nini pil­lugu Jehova pisuutin­ngilaa, aam­ma nerisas­saaleqinini  qaarusum­milu un­nuisariaqar­nini pil­lugit naam­magit­taal­lior­neq ajor­poq. Akerlianil­li im­maqa qaarusum­mi tamatumaniitil­luni tus­siaat nuan­nersoq al­las­simaf­fim­mik najoq­qutarisatsin­nik ilalik taal­liaraa. Ilaatigut ima taal­lior­poq: ‘Jehovamik ujarlersut ajun­ngitsumik sumil­luun­niit ajorsaateqas­san­ngil­lat.’ – Tuss 34:11.

4. Apeq­qutit suut sam­mis­savagut, aam­ma sooq taak­ku pingaaruteqar­pat?

⁴ Nalitsin­ni Jehovamut kif­far­tor­tor­pas­suit ilaan­nik­kut nerisas­saaleqisar­put inuunermin­nilu pisariaqar­titamin­nik al­lanik amigaateqar­tarlutik. * Ingam­mik COVID-19-ip atuun­nerani taamaap­poq. ‘Naal­liun­nar­toqangaar­nis­sal­lu’ qanil­liar­tor­nerani suli ilungersunar­nerulis­saaq. (Matt 24:21) Taamaat­tumik apeq­qutit sisamat ukua akis­sutaat sam­migutsigit pitsaas­saaq: Sooq Daavi ‘ajun­ngitsumik sumil­luun­niit ajorsaateqan­ngila’? Sooq pigisat­ta naam­maginis­saat ilik­kar­tariaqar­par­put? Qanoq nalun­ngilar­put Jehovap isumas­sorumaaraatigut? Aam­ma siunis­samut qanoq piareersarsin­naavugut?

5-6. Daavi oqarami Jehovamut kif­faasut ‘ajun­ngitsumik sumil­luun­niit ajorsaateqas­san­ngitsut’ suna pivaa? (Tus­siaat 23:1-6)

⁵ Daavi oqarami Jehovamut kif­faasut ‘ajun­ngitsumik sumil­luun­niit ajorsaateqas­san­ngitsut’ suna pivaa? Daavip Tus­siaat 23 al­lak­kamiuk oqaatsit as­singusut ator­pai. Taamaat­tumik tus­siaat taman­na iluaqutigalugu oqaasiisa isumaat paasinerusin­naavar­put. (Tussiaat 23:1-6 atuakkit). Tus­siaat 23 ima aal­lar­tip­poq: “Naalagaq paarsisigaara, sumik ajorsaateqan­ngilanga.” Tus­siaatip tamatuma sin­nerani pingaaruteqar­ner­paasut, tas­sa Jehovamit paarsiseqar­nerup pil­luaq­qus­sutisias­sar­tar­pas­sui, eq­qaavai. Al­lap­poq Jehovap ‘ingerlatit­taraani aq­qutaal­luar­tut atuar­til­lugit’ aam­ma pif­fis­sani atugaris­saarfiusuni  atugarliorfiusunilu ikior­tuaraani. Daavip nalun­ngilaa Jehovap ‘narsaataani qorsuusuni’ inuugaluarluni ajor­nar­torsior­tas­sal­luni. Akeraqarsin­naal­lunilu ilaan­nik­kut nikal­lungasarsin­naavoq, soorlu tas­sa “qooq­quk­kut toqup taar­titaatigut” ingerlal­luni. Jehovali paarsisigigamiuk ‘siooragisaqan­ngilaq’.

⁶ Tas­sa apeq­qut una akis­sutis­sarsivar­put: Sooq Daavi ‘ajun­ngitsumik sumil­luun­niit ajorsaateqan­ngila’? Anersaak­kut it­tunik sumil­luun­niit amigaateqan­ngin­nami. Jehovamit pilersor­neqar­nini naam­magaa. Pigisani pil­lualis­sutiginagit Guutimit pil­luaq­quneqar­nini il­lersor­neqar­ninilu pingaar­ner­paatip­pai.

7. Lukasi 21:20-24 naaper­torlugit kristumiut siul­liit Judæami najugaqar­tut suna ajor­nar­torsiutigaat?

⁷ Daavip oqaasiinit paasisin­naavar­put pigisanut oqimaaqatigiis­sumik isigin­nit­taaseqar­nis­saq qanoq pingaaruteqar­tigisoq. Pigisagut soorunami nuan­naarutigigaluarlugit inuunitsin­ni pingaar­ner­paatis­san­ngilagut. Kristumiut siul­liit Judæami najugaqar­tut aam­ma taman­na paasisariaqarsimavaat. (Lukasi 21:20-24 atuakkit). Jiisusip mianersoq­qusimavai ‘Jerusalemi sak­kutuunit unguneqas­sasoq’. Unguneqar­pat ‘qaq­qanut qimaasariaqar­put’. Qimaagamik inuuner­tik an­naap­paat, pigisatigul­li ajunaarutigaat. Ukiualuit matuma sior­na Napasuliaq Alapernaarsuiffik-mi ima al­las­simasoqar­poq: “Nunaatitik angerlarsimaf­fitil­lu qimap­paat pigisamin­nik nas­saratik. Jehovap il­lersuinera tapersersuineralu tatigil­luin­narlugu taas­sumin­nga pal­lorfigin­nin­neq pingaaruteqar­pasik­kaluar­tunit al­lanit tamanit sal­liutip­paat.”

8. Kristumiut siul­liit Judæami najugal­lit pingaarutilim­mik qanoq ilin­niarfigisin­naavagut?

⁸ Kristumiut siul­liit Judæami najugal­lit pingaarutilim­mik qanoq ilin­niarfigisin­naavagut? Napasuliaq Alapernaarsuiffik-mi is­suar­neqareersumi aam­ma ima al­las­simavoq: “Imaas­sin­naavoq nunap piinik isigin­nit­taasitsin­nik misilin­neqar­tugut; tamak­ku Guutip tamanik an­naas­sinis­saanik pingaar­nerutip­pagut? Aap, qimaanis­sar­put ar­tor­nar­tunik ujariatsiner­nil­lu nas­sataqarsin­naavoq. Qanorluun­niit pisoqarsin­naaneranut piareersimasariaqar­pugut, soorlu ukiuni hundredelin­ni siul­ler­ni up­peqativut Judæamit Jordanip il­lua-tungaanut Peræamut qimaasut taamaaliorsimasut.” *

9. Apustilip Paulusip hebræerinut siun­nersuutaa qanoq qiim­mas­saatigaajuk?

⁹ Takorloorsin­naaviuk kristumiut taak­kua pigisatik tamaasa qimal­lugit al­lamut nuul­lutik inuuniar­nerat qanoq imaan­naan­ngitsigisimas­sasoq? Inuugin­nar­nis­samut pisariaqar­titatik Jehovamit isumagineqas­sasut up­peril­luin­nar­tariaqar­paat. Jerusalemip Romamiunit unguneqar­nera ukiut tal­limat sioq­qul­lugu apustili Paulusi kristumiut taak­kua iluaqutigisin­naasaan­nik hebræerinut ima siun­nersuivoq: “Aningaaserituus­sutsis­si qanoq inuunis­sarsi aalajangis­san­ngilaa, pigisasili naammagisigit. Guutimi nam­mineq oqar­poq: ‘Iperas­san­ngilak­kit im­miniigin­nas­sanal­lu.’ Taamaat­tumik nakimanata oqarsin­naavugut: Naalagaq ikior­tigaara, siooras­san­ngilanga, inuup qanoq iliorfigisin­naagaminga?” (Hebr 13:5, 6) Romamiut saas­sus­sinerat sioq­qul­lugu Paulusip siun­nersuutaanik maleruaasut angerlarsimaf­figilik­kamin­ni pilimanian­ngitsumik inooriaaseqar­neq sungiutipal­lan­nerus­sagunar­paat. Pisariaqar­titamik Jehovamit isumagineqarumaar­nerat  up­peril­luin­nar­paat. Paulusip oqaasiinit paasisin­naavar­put uagut­taaq taman­na up­perisin­naagip­put.

10. Paulusip qanoq siun­nersor­paatigut?

¹⁰ Paulusi Timotheusimut as­singusumik siun­nersuivoq, taman­nalu aam­ma uagutsin­nut atuup­poq. Ima al­lap­poq: “Nerisas­saqarlutalu atisas­saqarut­ta tamak­ku naam­magis­savavut.” (1 Tim 6:8) Taman­na isumaqar­pa nerisas­sat mamar­tut neris­san­ngik­kigut, pitsaasumik angerlarsimaf­feqas­san­ngitsugut ilaan­nik­kul­luun­niit atisar­taar­tas­san­ngitsugut? Paulusip tamak­ku pin­ngilai. Al­lap­poq pigisagut naammagissagigut. (Fil 4:12) Tas­sa Paulusip inuit ikit­tuin­naat ilisimasaat una ilik­karsimavaa: Pigisat pin­nagit Guutimut at­taveqar­ner­put inuunitsin­ni pingaar­ner­paatis­savar­put. – Hab 3:17, 18.

11. Naam­magin­nit­tuuneq pil­lugu Israelik­kun­nut Mosesip oqaasiinit suna ilik­kar­par­put?

¹¹ Imaas­sin­naavoq pisariaqar­tis­sorisagut Jehoval­lu isumaa naaper­torlugu pisariaqar­titagut as­sigiin­ngitsuusut. Israelik­kut ukiuni 40-ni inoqajuitsumi angalaareersut Mosesip qanoq oqarfigigai eq­qarsaatigiuk: “Naalak­kap Guutivit qanoq ilior­nin­ni tamani pilluaq­qusimavaatit. Inoqajuitsumi isorar­toqisumi ingerlanin­ni isumagisimavaatit. Ukiuni 40-ni najorsimagakkit sumilluunniit amigaateqarsiman­ngilatit.” (5 Mos 2:7) Ukiuni 40-ni taak­kunani Jehovap Israelik­kut man­nanik nerisas­saqar­tit­tarsimavai. Atisaat,  Egyptenimit anigamik atugaat, nungul­larsiman­ngil­lat. (5 Mos 8:3, 4) Ilaasa taman­na pil­luaq­qus­sutitut isigin­ngik­kaluaraat Mosesip eq­qaasitsis­sutigaa Israelik­kut pisariaqar­titamin­nik sumil­luun­niit amigaateqan­ngitsut. Jehovap iluaraa naam­magin­nit­tuuner­put, tas­sa tunis­sutiminik sumil­luun­niit qujamasuutigin­nin­ner­put pil­luaq­qus­sutitul­lu isigin­nin­ner­put.

12. Daavip qanoq ersersip­paa im­minut pin­nani Jehova tatigalugu?

¹² Daavip nalun­ngilaa Jehovap ilumoorfigin­nit­tuul­lunilu im­minik asan­nit­tut asangaarai. Daavip navianar­torsior­nermini Tus­siaat 34 tus­siaasiaritil­lugu ‘Jehovap in­ngilia eq­qamini inis­sisimasoq’ up­per­nik­kut takuaa. (Tuss 34:8) Imaas­sin­naavoq Jehovap in­ngilia sak­kutuumut akeq­qanik alaatsinaat­tuar­tumut Daavip as­sersuuk­kaa. Sak­kutuujul­luaraluarluni kun­ngin­ngor­nis­samil­lu neriorsor­neqarsimagaluarluni Daavi isumaqan­ngilaq nam­mineersin­naal­luni. (1 Sam 16:13; 24:13) Guuti tatigalugu up­peril­luin­nar­paa Jehovap in­ngiliata ‘taas­sumin­nga mianerin­nit­tut aniguisis­sagai’. Nalitsin­ni tupin­nar­tulior­nik­kut il­lersor­neqar­nis­sar­put soorunami naatsorsuutigin­ngilar­put. Up­peril­luin­nar­par­pul­li Jehovamik tatigin­nit­tut ataavar­tumik ajoquser­neqar­navian­ngitsut.

13. Gogi Magogimeersoq saas­sus­sileruni sooq isumaqas­sava il­lersor­tis­saqan­ngitsugut, kisian­ni sooq siooragin­ngilar­put? (Saq­qaani as­siliaq takuuk).

¹³ Jehovap uagutsin­nik il­lersuisin­naaneranik up­perin­nin­ner­put qanit­tuk­kut misilin­neqas­saaq. Gogip Magogimeersup, tas­sa naalagaaf­fiit iligiit, Guutip in­nut­tai saas­sutiler­pagit inuuner­put navianar­torsior­pasis­saaq. Jehovap aniguisik­kusuk­kaatigut aniguisis­sagaatigul­lu up­peril­luin­nar­tariaqas­savar­put. Inuit isumaqas­sap­put savatut il­lersor­tis­saqan­ngitsutut it­tugut. (Ez 38:10-12) Sorsun­nis­samut sungiusarsimas­san­ngilagut sak­koqas­sanatalu. Naalagaaf­fiit isumaqas­sap­put ajugaaf­figeriaan­naal­luta. Uagul­li nalun­ngilar­put in­ngiler­pas­suit Guutip in­nut­tai il­lersorumal­lugit eq­qatsin­niis­sasut. Inuit al­lat Guuti up­perin­ngin­namik­ku up­per­nik­kut takusagut takusin­naan­ngilaat. Sak­kutuunit qilam­miit­tunit il­lersor­neqalerut­ta tupaal­langaas­sap­put. – Saqq 19:11, 14, 15.

14. Siunis­samut piareersar­niarluta maan­na susin­naavugut?

¹⁴ Siunis­samut piareersar­niarluta maan­na susin­naavugut? Siul­ler­tut, pigisagut siunis­sami qimat­tariaqas­sal­lugit nalun­ngin­natsigu oqimaaqatigiis­sumik isigin­nit­taaseqarfigisariaqar­pagut. Aam­ma naam­magin­nit­tuusariaqar­pugut Jehovamil­lu at­taveqarsin­naaner­put nuan­naarutigingaarlugu. Guuter­put ilisarisimanerujar­tor­til­lugu up­perinerulis­savar­put Gogimit Magogimeersumit saas­sun­neqalerut­ta taas­suma il­lersorsin­naagaatigut.

15. Sooq Daavip Jehovamit ikior­neqar­nis­sani up­perisin­naavaa?

¹⁵ Misilin­neqar­nermut tun­ngatil­lugu Daavip iluaqutigisimasaa uagut­taaq iluaqutigisin­naasar­put sam­meriar­tigu. Daavi ima al­lap­poq: “Us­sersiuk takusiul­lu Naalagaq ajun­ngitsuusoq. Pil­luar­poq taas­sumani qimar­nguf­fis­sarsior­toq.” (Tuss 34:9) Oqaatsinit taak­kunan­nga paasivar­put sooq Daavip Jehovamit ikior­neqar­nis­sani up­perisin­naagaa. Daavip Jehova tatigisar­paa, taas­suman­ngalu pakatsisin­neqan­ngisaan­nar­poq. Inuusut­tuul­luni Goliati inorujus­suaq sorsut­tar­torsuaq filisteriusoq akiuleramiuk ima oqarfigaa:  “Ul­lumi Naalak­kap uanga as­san­nut tun­niup­paatit.” (1 Sam 17:46) Kingusin­nerusuk­kut kun­ngimit Saulimit kif­far­torfigisaminit arlaleriarluni toqun­niar­neqar­taraluar­poq. Jehoval­li Daavi ‘najor­tuar­paa’. (1 Sam 18:12) Daavip sior­natigut Jehovamit ikior­neqarsimagami ajor­nar­torsior­nermini ikior­neqar­nis­sani qularin­ngilaa.

16. Jehovap ajun­ngitsuunera ‘us­serumal­lugu’ susin­naavugut?

¹⁶ Maan­na Jehovamit siulersor­tit­tarut­ta siunis­sami taas­suman­nga il­lersor­neqarsin­naaner­put up­perinerulis­savar­put. Ataatsimeersuar­nis­saq najuuf­figiumal­lugu freersin­naanerluta imaluun­niit ataatsimiin­nerit tamaasa najuuf­figiumal­lugit oqaluus­sinerusin­naajumal­lutalu pif­fis­sani al­lani sulisarsin­naanerluta sulisitsisor­put aperis­sagutsigu Jehova up­perfigalugulu tatigisariaqar­par­put. Imaas­sin­naavorli sulisitsisut­ta naameeraatigut soraarsil­lutalu. Taamaat­toqas­sap­pal­li Jehovap qiman­ngisaan­nas­sagaatigut pisariaqar­titatsin­nil­lu isumas­sorumaaraatigut up­peris­savar­put? (Hebr 13:5) Pif­fis­saq tamaat kif­far­tor­tor­pas­suit pisariaqar­titsil­luin­nar­nermin­ni Jehovamit ikior­neqarsimaner­tik oqalut­tuarisin­naavaat. Jehova ilumoorfigin­nit­tuuvoq.

17. 2022-mi ukiumut al­las­simaf­fik suua, aam­ma sooq naleq­qup­pa?

¹⁷ Jehovamit ikior­neqar­tarat­ta siunis­saq siooragisariaqan­ngilar­put. Guutit­ta piumasaa sal­liutit­tuarutsigu qiman­ngisaan­nas­savaatigut. Siunis­samut imaan­naan­ngitsumut piareersarsin­naaq­qul­luta Jehovamil­lu qiman­neqan­ngisaan­nas­sasugut up­perisin­naanias­sagatsigu Siulersuisoqatigiit aalajangersimap­put ukiumut al­las­simaf­fik tas­saas­sasoq Tus­siaat 34:11: ‘Jehovamik ujarlersut ajunngitsumik sumilluunniit ajorsaateqas­sanngillat.’