1. Jaakup ilaqutai oqalut­tuarik­kit.

 JAAKU Jiisusip nukaa ilaqutariin­ni anersaak­kut it­tunik pingaar­titsisuni peroriar­tor­poq. * Angajoq­qaavi, Josefi Marialu, Jehova asangaarlugulu sapin­ngisamin­nik taas­sumun­nga kif­far­tor­tar­put. Jaakup aam­ma angajuni Mis­siarsiusus­saasoq neriorsuutigisaq pil­luaq­quneqaatigaa. Ilaqutariin­nut taak­kunun­nga ilaanini ataq­qinaatigingaar­paa!

2. Jaaku angajumi ataq­qinis­saanut sunik pis­sutis­saqar­pa?

² Jaakup angajumi ataq­qinis­saanut pis­sutis­saqarluar­poq. (Matt 13:55) As­sersuutigalugu Jiisusip Biibili nalun­ngil­luaramiuk aq­qaneq-marlun­nik ukioqarluni utoq­qaaner­tat qaf­fasis­sumik ilin­niagaqar­tut Jerusalemimiit­tut tupigusutsis­simavai. (Luk 2:46, 47) Jaakup im­maqa Jiisusi sanasutut suleqatigaa. Taamaap­pat angajuni ilisarisimal­lualersimas­savaa. Nathan H. Knorr ima oqar­tarsimavoq: “Suleqatigisat ilisarisimal­lualer­tar­pat.” * Jaakup aam­ma maluginiarsimas­savaa ‘Jiisusi al­liar­tor­toq ilisimas­suseqar­nerujar­torlunilu nuan­naarutaasorlu Guutimut inun­nul­lu’. (Luk 2:52) Taamaat­tumik isumaqar­toqarsin­naas­sagaluar­poq Jiisusip ajoqersugaasa siul­liit Jaaku ilagisimas­sagaat. Taamaan­ngilarli.

3. Jiisusi nunarsuarmi kif­far­tulermat Jaaku qanoq piva?

 ³ Jiisusip nunarsuarmi kif­far­tor­nerani Jaaku taas­sumun­nga ajoqersugan­ngun­ngilaq. (Joh 7:3-5) Imaas­sin­naavoq Jiisusip ilaqutaasa taan­na ‘paatsiveerutivis­simasorim­mas­suk’ Jaaku isumaqataasimasoq. (Mark 3:21) Aam­ma Jiisusi nap­pak­kami an­niar­titaaf­fim­mi toqun­neqarmat Jaakup anaanaminik Mariamik najuin­nis­simaneranik al­las­simasoqan­ngilaq. – Joh 19:25-27.

4. Suut sam­mis­savagut?

⁴ Kingusin­nerusuk­kut Jaakup Jiisusi up­perfigiler­paa ilagiin­nilu kristumiuni utoq­qaaner­tan­ngorluni ataq­qineqar­toq. Al­laaserisami matumani Jaaku marlutsigut qanoq ilin­niarfigisin­naagip­put sam­mis­savar­put: (1) Sooq maniguut­tuujuar­tariaqar­tugut aam­ma (2) qanoq ilin­niar­titsil­luarsin­naasugut.

5. Jaaku Jiisusi makititaasimasoq takugamiuk sua?

⁵ Jaaku qanga Jiisusimut ajoqersugan­ngor­pa? Jiisusi makititaanermi kingor­na “Jaakumit takuneqar­poq, kingor­nalu apustilinit tamanit”. (1 Kor 15:7) Jaakup Jiisusimik takun­nin­nini inuunerminik al­lan­nguis­sutigaa. Jerusalemimi inimi qul­lermi apustilit anersaamik il­ler­nar­tumik tanin­neqar­nis­samin­nik utaq­qineran­ni Jaaku najuup­poq. (ApS 1:13, 14) Kingusin­nerusuk­kut Jaaku kristumiut siul­liit siulersuisoqatigiivinut ilaasor­tan­ngor­poq. (ApS 15:6, 13-22; Gal 2:9) Aam­ma ukioq 62 sioq­qul­lugu isumas­sarsisitaal­luni kristumiut tanitat al­laf­figai. Tanitaagut­ta tanitaan­ngik­kaluarut­taluun­niit al­lak­kat taak­ku iluaqutigisin­naavagut. (Jaak 1:1) Oqalut­tuarisaanermik ilisimatooq juutiusoq Josefus naaper­torlugu juutit palasiunerata Ananiap Nukarliup peq­qusineratigut Jaaku toqutaavoq. Jaaku nunarsuarmi inuunerminik naam­mas­sin­nin­nis­sami tungaanut Jehovamut aalajaat­tuar­poq.

6. Jaaku up­perisarsior­nik­kut siut­tunit qanoq al­laanerua?

⁶ Jaaku maniguut­tuuvoq. Taman­na qanoq nalun­ngilar­put? Jaakup naggataatigut Jiisusimut qisuariar­nerata aam­ma up­perisarsior­nik­kut siut­tut qisuariar­nerisa as­sigiin­ngis­sutaat eq­qarsaatigiuk. Jiisusip Guutimit er­nerineqar­neranik erseq­qis­sumik up­per­narsaat Jaakup takugamiuk maniguul­luni taman­na akueraa. Palasil­li nuimasut Jerusalemimiit­tut taamaan­ngil­lat. As­sersuutigalugu  Jiisusip Lazarusimik toqusunit makititsisimanera miserratigisin­naan­ngin­namik­ku Jiisusi Lazarusilu toqun­niar­paat. Taamaalior­nermik­kut Jiisusip Jehovamit aal­lar­titaasimanera akuerinagu ersersip­paat. (Joh 11:53; 12:9-11) Kingusin­nerusuk­kut Jiisusi toqusunit makititaareermat taman­na inun­nit paasineqan­ngin­nias­sam­mat iser­tor­niaraluar­paat. (Matt 28:11-15) Up­perisarsior­nik­kut siut­tut makitasuujugamik Mis­siarsi itigar­tip­paat.

7. Sooq makitanaveersaar­tuusariaqar­pugut?

⁷ Ilinniutis­sartaa: Makitanaveersaartuugit Jehovamillu ilinniartin­neqarumasarlutit. Soorlu uum­matip nap­paat ajoqutigisin­naagaa taamatut­taaq makitaneq Jehovap siun­nersuutaanik maleruaaniar­nitsin­nut ajoqutigisin­naavar­put. Farisiiarit makitangaaramik Jiisusip Guutimit er­nerineqar­neranik up­per­narsaatit erseq­qis­sut takugaluarlugit akueriuman­ngilaat. (Joh 12:37-40) Taamaalior­nermik­kut siunis­sami naas­saan­ngitsumik inuusin­naagaluar­ner­tik an­naavaat. (Matt 23:13, 33) Pingaaruteqarluin­nar­poq inut­tut pis­susit­ta, eq­qarsar­taatsit­ta aalajangiisar­nit­talu Guutip oqaasianit anersaavanil­lu sun­ner­neqar­tit­tar­nis­saat. (Jaak 3:17) Jaaku maniguut­tuugami Jehovamit ilin­niar­tin­neqarumavoq. Aam­ma sam­misas­satsitut maniguut­tuunini pis­sutigalugu ilin­niar­titsil­laq­qis­sun­ngor­poq.

8. Suut iluaqutigalugit ilin­niar­titsil­laq­qis­sun­ngorsin­naavugut?

⁸ Jaaku qaf­fasis­sumik ilin­niagaqarsiman­ngilaq. Up­perisarsior­nik­kut siut­tut qular­nan­ngitsumik Jaaku ‘inuin­naasutut im­mik­kut ilin­niagaqarsiman­ngitsutut’ isigaat, soorlu apustilit Petrusi Johan­nesilu taamatut isigigaat. (ApS 4:13) Jaakul­li ilin­niar­titsil­laq­qis­sun­ngorsimanera Biibilimi al­lan­nikuusaanit erser­poq. Jaakutut im­maqa qaf­fasis­sumik ilin­niagaqarsiman­ngilagut. Taamaat­toq Jehovap anersaavata ikiuineratigut peqatigiis­sor­taanil­lu ilin­niar­tin­neqar­nik­kut uagut­taaq ilin­niar­titsil­laq­qis­sun­ngorsin­naavugut. Jaakup ilin­niar­titseriaasia qanorlu ilin­niarfigisin­naanerip­put sam­meriar­tigu.

9. Jaakup ilin­niar­titseriaasia oqalut­tuariuk.

 ⁹ Jaakup oqaatsit nassuiaatillu paasiuminaatsut atorneq ajorpai. Taamaat­tumik atuar­tar­tut susariaqar­nerlutik qanorlu taamaalius­sanerlutik paasil­luar­tar­paat. As­sersuutigalugu Jaakup kristumiut naaper­tuil­luan­ngitsuliorfigineqaraangamik narrutsas­simaaler­tan­ngin­nis­saat pil­lugu ilin­niar­titsigami oqaatsit paasiuminar­tut ator­pai. Ima al­lap­poq: “Piner­tusaar­tum­mi pil­luar­nerar­tar­pavut. Jobip piner­tusaar­nera tusareer­parsi paasereerlugulu Naalak­kap naggataatigut qanoq iliorfigigaa; Naalagarmi nal­lit­tuingaar­poq saam­maas­singaarlunilu.” (Jaak 5:11) Maluginiaruk Jaaku Biibili tun­ngavigalugu ilin­niar­titsisoq. Biibili atorlugu atuar­tut paasitip­pai Jehovap ilumoorfigin­nitsini, soorlu Jobi, akis­sarsisit­tuar­tarai. Jaaku oqaatsit nas­suiaatil­lu paasiuminar­tut atorlugit taamatut ilin­niar­titsivoq. Taamaalior­tarami im­minut pin­nani Jehova ataq­qinarsisip­paa.

10. Ilin­niar­titsigaangat­ta ilaatigut Jaaku qanoq ilaar­tarsin­naavar­put?

¹⁰ Ilinniutissartaa: Oqaatsit paasiuminartut atortakkit, Guutillu oqaasia tunngavigisaruk. Qanoq ilisimasaqar­tiginer­put malugeq­qusaarutiginagu Jehovap qanoq ilisimasaqar­tiginera inun­nil­lu asan­ningaar­nera malugitin­niar­tus­saavagut. (Rom 11:33) Taamaaliorsin­naavugut ilin­niar­titsis­sutigisat­ta Biibilimik tun­ngaveqar­tit­tuar­nerisigut. As­sersuutigalugu uagut qanoq iliorusus­sanerluta oqalut­tuarinagu inuit Biibilimi oqalut­tuarineqar­tut maligas­siaan­nik Jehoval­lu eq­qarsar­taasianik misigis­susiinil­lu Biibilimik ilin­niar­titagut namminneq eq­qarsaatigin­neq­qis­saar­nis­saan­nut ikius­savagut. Taava Jehovamit iluarisaarusun­ner­tik pis­sutigalugu, uagut pis­sutiginata, iliuuseqas­sap­put.

11. Jaakup nalaani kristumiut ilaat qanoq ajor­nar­torsiuteqar­pat, qanorlu siun­nersor­neqar­pat? (Jaaku 5:13-15)

¹¹ Jaaku piviusorsiortuuvoq. Jaakup al­lagaanit erser­poq up­peqatini ajor­nar­torsior­tut nalun­ngil­luaraa, ajor­nar­torsiutitil­lu qanoq aaq­qin­niarsin­naagaat siun­nersor­pai. As­sersuutigalugu kristumiut ilaat siun­nersuutinik maleruaanialuusaar­tar­put. (Jaak 1:22) Al­lat kinaas­susersiorlutik pisuut inun­nit al­lanit ajun­ngin­nerusumik pisar­paat. (Jaak 2:1-3) Al­lal­lu oq­qamin­nik aqutsisin­naan­ngil­lat. (Jaak 3:8-10) Kristumiut taak­ku ingasat­tumik ajor­nar­torsioraluar­tut Jaakup isumal­luarfigai. Inus­siar­nerluni toq­qaan­nar­tumil­lu siun­nersuivoq, anersaak­kul­lu ikior­neqar­tariaqar­tut utoq­qaaner­tanut saaf­figin­neq­qul­lugit kajumis­saar­pai. – Jaaku 5:13-15 atuakkit.

12. Biibilimik ilin­niar­titat­ta ikior­tar­neran­ni sooq isumal­luar­tuujuar­tariaqar­pugut?

¹² Ilinniutissartaa: Piviusorsior­tuullutit allat isumal­luar­figisakkit. Biibilimik ilin­niar­titat­ta ilaasa ilik­kak­kamik maleruar­nis­saat saper­nar­tis­sin­naavaat. (Jaak 4:1-4) Ileq­qupalaamin­nik unitsitsiniar­ner­tik Kristusitul­lu pis­suseqaler­niar­ner­tik sivisunaarsin­naavaat. Jaaku ilaarlugu sapiil­luta ilin­niar­titagut qanoq al­lan­nguisariaqar­tut oqarfigisariaqar­tar­pagut. Aam­ma isumal­luar­tuul­luta up­perisariaqar­par­put Jehovap maniguut­tut kajungilersis­sagai inuunermin­nil­lu al­lan­nguisin­naanis­saan­nut ikius­sagai. – Jaak 4:10.

13. Jaaku 3:2-mi ersersin­neqar­tutut Jaakup suna nalun­ngilaa?

¹³ Jaaku imminut pingaartip­pallaan­ngilaq. Isumaqan­ngilaq ilaqut­tani im­mik­kul­luun­niit pisin­naatitaaf­fini pis­sutigalugit up­peqatiminit pingaar­nerul­luni. Up­peqatini ‘qatan­ngutimisut asanar­tutut’ taavai. (Jaak 1:16, 19;  2:5) Isumaqar­tin­nian­ngilai nam­mineq naam­mal­luin­nar­tuul­luni. Imami al­lak­kami im­minut ilan­ngup­poq: “Tamat­ta amerlasuunik kuk­kus­suteqar­tar­pugut.” – Jaaku 3:2 atuaruk.

14. Sooq kuk­kusar­ner­put oqalut­tuarisariaqar­par­put?

¹⁴ Ilinniutissartaa: Eqqaamajuk tamatta ajortiliusugut. Isumaqas­san­ngilagut ilin­niar­titatsin­nit pik­korin­nerul­luta. Sooq? Ilin­niar­titar­put isumaqalersik­kutsigu naam­mal­luin­nar­tuusugut isumaqalersin­naavoq Guutip piumasaqaataanik maleruaasin­naan­ngisaan­nas­sal­luni. Un­neq­qaril­lutali najoq­qutas­sianik Biibilimeersunik maleruaanis­sar­put saper­nar­tit­tarsimal­lugu Jehovamil­lu ikior­neqar­tarluta oqalut­tuarigutsigit ilin­niar­titat­ta paasisin­naas­savaa Jehovamut kif­far­tor­tun­ngorsin­naas­sal­luni.

15. Jaaku qanoq it­tunik as­sersuusior­tar­pa? (Jaaku 3:2-6, 10-12)

¹⁵ Jaaku killitsin­nartunik assersuusior­tarpoq. Jaaku anersaamit il­ler­nar­tumit ikior­neqar­tarami aam­ma angajumi, Jiisusip, as­sersuusiarisar­tagai misis­soq­qis­saarsimagunaramigit ilin­niar­titsil­laq­qis­suuvoq. As­sersuutit Jaakup al­lagaani al­las­simasut paasiuminar­tuup­put. – Jaaku 3:2-6, 10-12 atuakkit.

16. Sooq sun­niuteqarluar­tunik as­sersuusior­tas­saagut?

¹⁶ Ilinniutissartaa: Sunniuteqarluartunik assersuusiortarit. Taamaat­tunik as­sersuusioraangavit ilin­niar­titsis­sutitit tusar­neqaan­naratik aam­ma takorloor­neqarsin­naaler­tar­put. Inuit takorluuigaangamik ilumoor­tut Biibilimeersut eq­qaamal­luar­nerusar­paat. Jiisusi sun­niuteqarluar­tunik as­sersuusiul­laq­qin­ner­paavoq, Jaakumil­lu ilaar­neqar­poq. Maan­na Jaakup as­sersuusiaasa ilaat aam­ma sooq sun­niuteqarluar­toq sam­meriar­tigu.

17. Sooq as­sersuut Jaaku 1:22-25 al­las­simasoq sun­niuteqarluar­pa?

¹⁷ Jaaku 1:22-25 atuakkit. Jaakup tarrarsor­tumik as­sersuusiaa sun­niuteqarluar­poq. Aalajangersimasoq ilin­niar­titsis­sutigaa, tas­sa Guutip oqaasia iluaqutigis­sagutsigu atuaan­nar­nagu atuak­kagut maleruar­tariaqar­pagut. Jaaku atuar­tar­tut nalun­ngil­luagaan­nik as­sersuusior­poq, tas­sa inum­mik tarrarsor­tumik. Sunaana pigaa? Inuk tarrarsor­toq aaq­qitas­saqarluni takugaluarlugu aaq­qin­ngik­kuniuk sianiitsuuvoq. Taamatut­taaq Guutip  oqaasiani atuar­til­luta pis­susilersor­nitsin­nut tun­ngatil­lugu al­lan­nguisariaqar­ner­put paasil­lugulu al­lan­nguin­ngik­kut­ta sianiitsuus­saagut.

18. As­sersuusioraangat­ta suut pingasut eq­qumaf­figisas­savagut?

¹⁸ As­sersuusioraangavit uku pingasut eq­qumaf­figiguk­kit Jaaku ilaarsin­naavat: (1) As­sersuut eq­qar­tuk­kan­nut naaper­tuun­nersoq qulak­keer­taruk. (2) Tusar­naar­tivit paasil­luarsin­naasaan­nik as­sersuusior­tarit. (3) As­sersuut qanoq paasineqas­sanersoq erseq­qis­sar­taruk. * Eq­qaamajul­li mikrofonip nipimik nipitunerulersitsisar­neratul­li as­sersuutit ilin­niar­titsis­sutigisan­nik erseq­qis­saasar­tut. Taamaat­tumik pingaarutil­lit kisiisa as­sersuusiorfigisak­kit. Soorunamilu im­minut malugeq­qusaar­niar­nata inuil­li amerlaner­paat Jehovap ilaqutariis­sor­taanut pil­luar­tunut ilaaler­nis­saan­nut ikiorusuk­katsigit ilin­niar­titsil­laq­qin­nerulerusup­pugut.

19. Anersaak­kut ilaqut­tagut asal­lugit qanoq ersersit­tar­par­put?

¹⁹ Jaakutut naam­mal­luin­nar­tumik angajoqarsiman­ngilagut, anersaak­kul­li qatan­ngutigut Jehovamut kif­far­toqatigisin­naagatsigit ataq­qinaatigaar­put. Taak­kunun­nga asan­nin­ner­put ersersit­tar­par­put peqatigigaangatsigit, ilin­niarfigigaangatsigit aalajaal­lutalu oqaluus­seqatigalugil­lu ilin­niar­titseqatigigaangatsigit. Isigin­nit­taatsik­kut, iliuutsik­kut ilin­niar­titseriaatsik­kul­lu Jaaku ilaar­niar­tarutsigu Jehovamut ataq­qinaataas­saagut, inuil­lu eq­qor­tuliorusut­tut taas­sumun­nga qanil­linis­saan­nut ikius­savagut.